Roomaxituse 8:1 - Kille Caaqo

¹ Yoonase ha e geede Yesuusi Kristosaara wolko yeseesiti gara yaa'uttuwasso.

Roomaxituse 8:1 Iomraidhean Croise

Yohanise 14:20

Tani nuwadiyaka hinunini taakaaka tanini hinukaaka yesenike ye wonteko hi ere.

Yohanise 15:4

Ta garafa shahuttofita, tanini hi garafa shahuttuwasso. Hangey weyne gara dheeddako be goshe aafe kaxhese danda'uwasso. Yeydiwo hinuni ta gara dheeba'ayko aafe kaxhese danda'uwaytako.

Yohanise 5:24

Hinuse ta ohesi fetto aadeko. Ta kato siidi tamba ansase aadexesi koolo makkina yesoko e keenge. Ye esi haybowafa yesowa e gardosa baaka e gara yaa'uttuwasso.

Roomaxituse 16:3

Yesuusi Kristosa hanta wolko hantiya nu yecho Pharsiqilasaara Aqilasaara ta sawo ohuwayte.

Roomaxituse 16:7

Taara wolko tufutti yecha ta iginituse Andironiqosesaara Yooniyasesaara ta sawo ohuwayte. Usini anxuttaasiti giddaaka keddaydi erutteseesitaara taame buro Kristosa aadesaasitaarako.

Roomaxituse 5:1

Yoonase aadexona nu gizzo geede nu Laaxi Yesuusi Kristosa badena Wontoseni nuuseni nu giddaa modheteko yesa.

Roomaxituse 5:16

Wontoy axuse mikkewo hanto hantay bidzi axi cubboke yesesa maaquwasso. Bidzi axi Wonto woga garsosuna yaa'utta yaa'ay axi gara <> yeydi hinesako e oodo. Lagaadey Wonto woga gardoosume e geedema Wontoy axe mikkewo gizo e mato.

Roomaxituse 7:17

Hinne hantese ta worguwa abako taa hantusesi taaka yese cubboko baaka tamba maaquwasso.

Roomaxituse 7:20

Hantese ta wordo baa abako hantesa ta maaddho geede ye esa taa hantusesi tamba e maaddho baane taaka yese cubboko.

Roomaxituse 8:11

Yesuusa haybowafa densa Wonto Ayaanay hinukaaka yesa'ayko Kristosa haybowafa densa Wontoy hinuka yese be Ayaana badena hay'e hi achosheni yesoko e inge.

Roomaxituse 8:14

Wonto Ayaanana durkutteesiti uddi Wonto nayshitako.

Roomaxituse 8:2

Ye esini Yesuusi Kristosana yeso inge Ayaana Geeshi wogay cubbowara haybowara ooda woga garafa tamba shawo kessiko e yese.

Roomaxituse 8:34

Hine u gara yaa'esi oonena? Kristosay u gara yaa'aa e yaa'e? Oo'o, yaa'ekofa nu gisha haydhi haybowafa dendi Wonto oshishaa uttiko nu gisha Wonto e shi'e.

Roomaxituse 8:39

meddhuttassaafa kedda e maaddhakoni, ulla e maaddhakoni, meddhuttase ooneni e maaddhakoni nu Laaxi Yesuusi Kristosa badena nuuse ingutta Wonto eeha garafa numba shahese danda'esi abani e baannike tani fetto eezuwasso.

Roomaxituse 8:4

Ha esa yeysi e matosi axi maxona e maaddho baane Wonto Ayaana maxoke yese nuuka wogay oyce gizetey kumena kafuttesesa e maaqoronikeko.

Roomaxituse 8:9

Hinunimay Wonto Ayaanay hinukaaka yese gisha Ayaana maxoke baaka hinuse hi acho maxoke yesuwaytako. Kristosa Ayaana keenguwa axi ooneni Kristosa bade maaquwasso.

1Qorontoosaxituse 1:30

Wontoy hinumba Yesuusi Kristosaara wolla bidzoko e mato. Esani nuuse era e maaqorosako e indo. Numba gizusasini, numba haylonsasini, numba wozzasini Kristosako.

1Qorontoosaxituse 15:22

Axi uddi Addaame badena e hay'enike yeydiwo axi uddi Kristosa badenako yeso e degexe.

2Qorontoosaxituse 12:2

Tamma oyddi bera buro haysso afay yese aallo efutti handa Kristosa aadexicha bidzi axuko ta ere. E handosi achona oo'oyne harajena e maaqesa tani eruwasso, Wontomay erako ere.

2Qorontoosaxituse 5:17

Ha e gisha ooneni Kristosaara bidzo maaddhako kille meddhuttiko e yese. Cima abakoy baadinne killey meddhuttiko e yese.

Galatiya 3:13

<> yeydi e diizuttese gisha Kristosay nuumeydi aacuttesesa maaddhi woga kafe dheebena nu gara ellecha aachukafa numba e wozzo.

Galatiya 3:26

Hi uddina Yesuusi Kristosa hi aadexe gisha hinuni Wonto nayshitako.

Galatiya 3:28

Hi uddina Yesuusi Kristosaara bidzo hi maaqe gisha Ayhudaxituseni Ayhuda maaquwasituseni u gidda maalaseni laaxuseni u gidda asanxuseni maachisheni u giddani abani shahoy baasso.

Galatiya 5:16

Yoonase Ayaana Geeshuna durkutti yesuwayte. Yeydi yessako hi achoy col'esa alsuwaytako.

Galatiya 5:25

Nu yese yesoy Ayaana Geeshuna maaqo'ayko esuna durkutti nu yesseese.

Efesoonaxituse 1:1

Wonto maxoke Yesuusi Kristosase anxuttase maaddha Phawlosekofa. Yesuusi Kristosa ogiya miindesesa maaqe Efesoone yese haylaxituse anxutta woosso.

Filphisoosaxituse 3:9

Yeysi ta mahesini Kristosaara wolla bidzo maaqesuko. Hatte ta keenge gizetey woga kafena bente taakofa maaqe gizete e maaddho baane Kristosa aadexena bente gizeteko. Ye e bisha gizetey Wontokofako. E bentesini aadexonako.