Roomaxituse 7:6 - Kille Caaqo

⁶ Hattema numba tuttecha woga garafa haydhi hade shahuttonike nu shahuttese gisha nu tufuttecho woga garafa birchuttiko nu yese. Ha e gisha ha e geede maala maaddhi esuse nu hantesi Ayaanay oto kille ogena baaka diizutti yecha olo wogay ohenike maaquwasso.

Roomaxituse 7:6 Iomraidhean Croise

Roomaxituse 1:9

Wonto ta shi'eniyaka uddi wogga burse baaka hinumba ta maxenike e yelese ohe modhe odo gisha erusisine bidzi muxhurona esuse ta hante Wontoy taase atoko.

Roomaxituse 12:2

Modhiyara maggusesaara yeydiwo facete keenguwasa maaqe Wonto maxoy aba e maaqenike erese hi danda'oronike hi sorge killonxena hinumba arxuwayte baaka ha saha bisshi yessofita.

Roomaxituse 6:11

Ye esuke hinuni assi cubbose haydhi Yesuusi Kristosaara bidzo maaddhi yesiya hi yese yesona Wontose hi yesenike hinumba taakuwayte.

Roomaxituse 6:19

Ta maxo hinuse shawuka ogena ta zeeresi ha esuse era hi keenguwasafa densiko. Buro hi gara e bidzi bidzina tunasaara be gara kossi kossi hange iitetesaara maala mati hi uqusichonike uddi yeydiwo hatteni hi hayloomoronike gizetena yesese Wontose hi gara e bidzi bidzina e maala mati uqusuwayte.

Roomaxituse 6:2

Oo'o, ye esi fetto bishuwassho. Nuni cubbose haydhi e garafa shahuttesesa maaqichine sekke cubbo hantisine yesuwanxhiko.

Roomaxituse 6:22

Hattema cubbo maaketowafa shawo kessi Wonto maala maaddhiko hi yese. Ye esi e go'esi hinumba hayla mahesuko. E aallicirani koolo makkina yesoko.

Roomaxituse 6:4

Xhinqatena esaara wolko ni moogutto woggaaka e haydhonike haydhiko nu yese. Ye esuna Kristosay ade maaqe Wonto kuxa fuulana haybowafa e dendonike yeydiwo nunini kille yeso degessiko nu yese.

Roomaxituse 7:1

Nuundo nayshito! Woga ere hinusuko ta zeere. Wogay axi gara adeto e keengesi axi yese aallowo e maaqenike erako hi ere.

Roomaxituse 7:2

Ade gella indoy adey yese aallo wolko wogana tufuttiko i yese yeydi hiyoko. I adey baado geedema esaara wolko tutti gaddecha woga garafa birchuttiko i yese.

Roomaxituse 7:4

Nuundo nayshito! Hinuni ye esuke Kristosay axe maaddhi e haydhoniyaka hinunini esaara wolko haydhi Muse woga garafa shahutti fedase yeydi hiyoni haybowafa dendasuse maaddhiko hi yese. Yoonase Wontose hanti aafe nu kaxhoronikeko e maaddhese.

2Qorontoosaxituse 3:6

Esi kille caaqose nu hantoronike ellesesako numba e mato. Diizuttese wogay wodhe gishaara Ayaana Geeshi yeso inge gishaara ha kille caaqoy Ayaana Geeshi essaa yesesako baaka diizuttese wogay essaa yesesa maaquwasso.

2Qorontoosaxituse 5:17

Ha e gisha ooneni Kristosaara bidzo maaddhako kille meddhuttiko e yese. Cima abakoy baadinne killey meddhuttiko e yese.

Galatiya 3:13

<> yeydi e diizuttese gisha Kristosay nuumeydi aacuttesesa maaddhi woga kafe dheebena nu gara ellecha aachukafa numba e wozzo.

Galatiya 6:15

Gada utteni maaqqe gada utte dheebey aban maruwasso. Maresi kille meddhutta axe maaqeko.

Efesoonaxituse 4:24

Aadenani maaqqe gizetenaara haylontenaara Wonto bisshi meddhuttese kille axe hi maaddhonike yesuwayte.

Filphisoosaxituse 3:3

Aadena gada uttesesi numbako. Ayaana Geeshuna Wonto kuxesaara wude yese wogana e maaddho baane Yesuusi Kristosana cee'uttesaara maaqe nunini aadena gada utti yesesako.

Qollasiyasaxituse 3:10

kille axe maaddhiko hi yese. Ye esa meddha Wonto bisha hi beysoronike era gara era hi kosoronike Wontoy ye kille axe uddi woggaako e killonxe.