Roomaxituse 5:1 - Kille Caaqo

¹ Yoonase aadexona nu gizzo geede nu Laaxi Yesuusi Kristosa badena Wontoseni nuuseni nu giddaa modheteko yesa.

Roomaxituse 5:1 Iomraidhean Croise

Luqaase 19:38

Usini <> yeydi u uwwicha.

Luqaase 19:42

<

Luqaase 2:14

<> yeydi u hicha.

Yohanise 14:27

Modhetey hinukaaka yesoronikeko hinuse ta dhagge. Taakofa kese modheteko hinuse ta inge. Tani hinuse inge modhetey ha sahay hinuse inge modhete bisha maaquwasso. Hi muxhuroy hooddofe, yeydiwoni jhasshofita!

Yohanise 16:33

Ha esa hinuse ta zeerdosi taara yesine modhete hi degexorosako. Ha saha gara yesine maddha giddaako hi yese. Bidzoni hooddofita, ha saha iisshiko ta yese>> yeydi e hido.

Yohanise 20:31

Yeydi e maaddhakoni ha fissharoy esume diizuttosi Yesuusay Mesihe maaqenikiyara Wonto yele e maaqenikiyara hi aadexorosako. Yeydiwo aadessi e sunxuna koolo makkina yeso hi degexoronikeko.

Yohanise 5:24

Hinuse ta ohesi fetto aadeko. Ta kato siidi tamba ansase aadexesi koolo makkina yesoko e keenge. Ye esi haybowafa yesowa e gardosa baaka e gara yaa'uttuwasso.

Anxuttaasiti 10:36

Wontoy Isra'eele gerituse be woosso e anso. Ye esini Wonto modhetey Yesuusi Kristosanako e yoodo. Yesuusay uddiyadese Laaxuko.

Roomaxituse 1:17

<> yeydi e diizuttesenike ha modhe odoy Wontoy axe e gizusesi fede oge keenguwasa aadexonawo e maaqenikeko e adduse.

Roomaxituse 1:7

Rooma katamaa yese hinuse Wontoy eeteseesitusaara hayla axita hi maaqoronike e xheydeseesitusaara uddi ha woossoko ta anxe. Nuuse ade maaqe Wontowara Laaxi Yesuusi Kristosaaray axuse keenge modhe maxowara modhetiyaray hinuse maaquwaye.

Roomaxituse 10:10

Ye esini axi be muxhurona Wonto aadessako gizoko e gize. <> hidi be nuunanani e otoyna Wontoy esa haybowafa maarako e maare.

Roomaxituse 10:15

Be anxutto baasa waysiw modhe odo ohese danda'uso? Ye esini <> yeydi e diizuttonikeko.

Roomaxituse 14:17

Ye esini Wonto kaatetey Ayaana Geeshuna bente gizetese, modhetese, maggesuko baaka miyo gishaara usshi gishaara dende zeere maaquwasso.

Roomaxituse 15:13

Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

Roomaxituse 15:33

Modhete inge Wontoy hi uddiyara wolko yesuwaye. Ameen.

Roomaxituse 3:22

Wontoy Ayhudaxitani Ayhuda maaquwasitani shaho keenguwasa Yesuusi Kristosa aadexeesita e uddinako u aadexona e gizuse.

Roomaxituse 4:5

Axi beese modhe hante dheeddakoni axe e cubbowafa maare Wonto be aadesso geede e aadexoy gizo maaddhiko e taabutte.

Roomaxituse 5:11

Ye esawoni e maaddho baanne Wontowara numba naddha nu Laaxi Yesuusi Kristosa badenako Wontona nu cee'utte, nu magge.

Roomaxituse 5:18

Yebo, bidzi Addaamey Wonto woga gardosuna yaa'ay uddi axi gara yaa'uttonike yeydiwo bidzi Yesuusi Kristosa gizete hantana uddi axi yaa'aafa attiko yeso u degexe.

Roomaxituse 6:23

Cubbowafa degexuso woomay hayboko. Wontoy mikke inge ingomay nu Laaxi Yesuusi Kristosana bente koolo makkina yesoko.

Roomaxituse 9:30

Yoonase abaydina nu hiye? Gizetese kardutto baa Ayhuda maaquwasiti gizo u maaddho. Ye gizeteni aadexowafa bentesako.

Galatiya 2:16

Axi gizesi Yesuusi Kristosa aadessi baaka Muse Woga kafena e maaquwannike erako nu ere. Nunini woga kafena e maaddho baanne Kristosa aadexena gizoronike Yesuusi Kristosa aadessiko nu yese. Ooneni Muse Woga kafena Wonto buro gizuwasso.

Galatiya 3:25

Hattema aadexoy yoodo geede woga oomo nu diccichoshi attiko yese.

Galatiya 5:22

Ayaana Geeshi axukaa kaxhe aafey eeha, magga, modhete, danda'o, jhergete, modhe hanta hante, be godofa arte dheebe,

Efesoonaxituse 2:7

Yeysi e matosini ha esume sekke koolo makki aallo Yesuusi Kristosa badena nuuse be hanto modhe hanta axuse be keenge aallicira keenguwa maxo modhetey e lagorosa addusese wordiko.

Filphisoosaxituse 3:9

Yeysi ta mahesini Kristosaara wolla bidzo maaqesuko. Hatte ta keenge gizetey woga kafena bente taakofa maaqe gizete e maaddho baane Kristosa aadexena bente gizeteko. Ye e bisha gizetey Wontokofako. E bentesini aadexonako.

Qollasiyasaxituse 1:20

Wontoy suxi mixi gara e gusso suuxuna modhete mati afaakani maaqqe sahaaka yeseesita uddi beera wolko e naddho.

Qollasiyasaxituse 3:15

Bidzi gara maaqese hi xheyguttesesi Kristosa modhete gisha e maaqesuna hi muxhurowaka ye modhetewoy yesesa maaquwaye. Uddi wogga Wonto galatuwayte.

1Teselonqaxituse 5:23

Modhete inge Wontoy beese uddi basuna hinumba haylonsi hi maxo, hi muxhuro, hi garani uddi hi yeso kumena Laaxi Yesuusi Kristosay yooneniyaka haassuttuwasa hi maaqoronike hinumba kakkuwaye.

2Teselonqaxituse 3:16

Eehaara modhetiyara inge Laaxi beese uddi abakona uddi woggaa hinuse modhete inguwaye. Laaxi hi uddiyara wolko yesuwaye.

Ibraxituse 13:20

Koolo makkinase maaqe caaqose gutta suuxuna dorituse angussi yeemaxe maaddhese nu Laaxi Yesuusa haybowafa densa modhete inge Wontoy