Roomaxituse 2:7 - Kille Caaqo

⁷ Modhe hanta miindi hanti Wontokofa bente kuxaara, e kuxa fuulaara, koolo makkina yesuwara worgeesituse koolo makkina u yesoronikeko e mahe.

Roomaxituse 2:7 Iomraidhean Croise

Matoose 25:46

Ye usitini koolo makkina yaa'a u hange. Maaqe baaka gizo axiti koolo makkina yesese u hange>> yeydi e hido.

Luqaase 21:19

Danda'ona ee'enako hi lubbo hi maare>> yeydi e hido.

Luqaase 8:15

Modhe sahaa unda mor'ey beysesi Wonto kato siidi moddhese gizo muxhurowaaka gaddi dandadhi aafe kaxhe axituko>> hidi e hido.

Yohanise 4:36

Kaxa aceshi ye be aceshi wooma efako e ekke. Koolo makkina yesese danda'e aafeko e bhikkille. Ye e gisha aylesini aceshini wolko maggako u magge.

Yohanise 5:44

Wolla sekke hanke hi kuxe. Bidzi Wonto garafa bente kuxa worge hi inxhadho geede waydini tamba aadexese hi danda'e?

Roomaxituse 2:10

Modhe hanteesitusema uddi burona Ayhudaxituse ye e geede Ayhuda maaquwasituse kuxani, kuxa fuulani modheteni Wontoy ususe ingako e inge.

Roomaxituse 6:23

Cubbowafa degexuso woomay hayboko. Wontoy mikke inge ingomay nu Laaxi Yesuusi Kristosana bente koolo makkina yesoko.

Roomaxituse 8:18

Hatte essaa nu yese bera giddaa yese nu waayyey hannina addeydi nuuse maaqe kuxa fuulaara wol da'aa gaddi nu beedako abanani wol makko maaqese e danda'uwannikeko mati ta beene.

Roomaxituse 9:23

Yeysi e matosi burussi kuxase be naddhoosita maaroy ususe maaqeesituse be kuxa lagetey addeyoronikeko.

1Qorontoosaxituse 15:42

Haybowafa dende axiti aba u bisheshako hinuse ta ohe. Axi garay sangesa maaddhi e moogutte, sanguwasa maaddhi e dende.

1Qorontoosaxituse 15:50

Nuundo nayshito! Hinuse ta ohesi achowara suuxaara maaqe garay Wonto kaatetiya geluwasso. Yeydiwo sange garay sanguwasa degexuwasso.

1Qorontoosaxituse 15:58

Yoonase ta eehe nuundo nayshito! Miindi ee'uwayte, bidzi abakonani sekke hanke hidofita, Laaxi hantase hi gakkesi yaho e maaquwasa erdi uddi woggaa Laaxi hanta hantese oseywayte.

Galatiya 6:9

Modhe hantese gobbo burso badi dandadhi nu miindako ye modhe hanta aafe nu degexe woggay yoone gisha modhe hanta hantese gatofunxhi.

Efesoonaxituse 6:24

Buruwa eehana nu Laaxi Yesuusi Kristosa eeheesituse uddi Wontoy axuse keenge maxo modhetey maaquwaye.

Qollasiyasaxituse 1:27

Wonto maxoy ye eruttobadechine hatte eruttasi kuxaara woduntiyara Ayhuda maaquwasiti giddaaka an makko malla e maaqenike haylaxituse adduseko. Ye eruttobadechine hatte eruttasi Kristosako. Hatteni hinukaaka e yesesuna Wonto kuxa fuula shahaxe maaqese gobbe keemako hi keenge.

1Xhimootoosese 1:17

Koolo makkina kaate maaqesuse, hay'e eruwasuse, aafese bentuwasuse, esawoy Wonto maaqesuse kuxaara galataaray koolo makkina maaquwaye. Ameen.

2Xhimootoosese 1:10

Ye modhe maxoni numba loolusa Yesuusi Kristosa yoowenako hatte niise e addeydo. Esini haybo osa baysi be modhe odo badena hayboy essaaka baa koolo makkina yeso nuuse e addusso.

Ibraxituse 2:7

Oddhe woggase afaase woosaxitume ne ullaysso. Malla kuxa fuulaara galataaray esuse maaqoronike ne mato. [Ne kuchena ne hantosi gara esa ne maagesso.]

Ibraxituse 6:12

Ye esini aadexonaara danda'onaara miindi bemba Wontoy gobbusecho gobbo etta axita hi bishoronike baaka belxhaxe hi maaqoronike worguwanxhiko.

Ibraxituse 6:15

Abrahaameni dandadhi katti Wontoy bemba gobbusechosha e degesso.

1Yohanisey 2:25

Ye esini Kristosay <> hidi hidecho koolo makkina yesoy ha esako.