Roomaxituse 2:16 - Kille Caaqo

¹⁶ Ha modhe odo ohisine ta erusenike Wontoy axi muxhuro giddaa aachutti yese abako Yesuusi Kristosa badena e yaa'e wonteko addaa e kesse.

Roomaxituse 2:16 Iomraidhean Croise

Matoose 16:27

Tani axi yeley nuwade kuxa fuulana hayla ta woosaxitaara yootako ta yoone. Ye woggaako u bidzi bidzise u hantake wooma ta inge.

Luqaase 8:17

Ijheyda abakoy uddi addeydo badi attesi bidzini baasso. Aasshi gaddecho abakoy uddi fo'iya bentiko e erutte.

Yohanise 12:48

Tamba inxha'esi garaara ta otosa ekkuwasi garaara yaa'esako yesa. Ta oto katoko esa aallicira wonte yaa'esa.

Anxuttaasiti 10:42

Axituse modhe odo nu ohorosaara haydhasiti garani en'a yeseesiti garani e yaa'orosa e maagesesenike nu ateyorosaara Wontoy numba e woosso.

Anxuttaasiti 17:31

Be gadese axunani ha saha gara uddi aade yaa'a be yaa'e wonta kiitiko e yese. Ye esani uddi axi esuna erese danda'esi ye be gaddese axe haybowafa be densosunako>> yeydi e hido.

Roomaxituse 16:25

Yoonase Wontose kuxay maaquwaye. Esini Yesuusi Kristosa gisha ta odusso modhe odonaara olowafa ayti laga bera aallo addeydo badi yechine hatte addeyda aadenaara hi aadexona miindi hi ee'oronike hinumba mahesuko e danda'e.

Roomaxituse 2:5

Yebo neni ne muxhuro miimetenaara ne hanta iitetiyafa dhaddi maaqe dheebenaara Wonto huulaara gizo e yaa'aaray addeyne wonte e huulay ne gara kedda e hiyoronikeko mahiya ne yese.

Roomaxituse 3:6

<> yeydi hiyese fetto danda'uttuwasso. Yeydi e maaddhakoma Wontoy waysi ha saha gara yaa'ese e danda'aane?

1Qorontoosaxituse 15:1

Hatteni nuundo nayshito! Hinuse ta otecho modhe odo hinumba maxusesuko ta worge. Ye modhe odoni hi ettechoshaara esuna miindi hi eedhechoshaarako.

1Qorontoosaxituse 4:5

Ha e gisha Laaxi Yesuusay yaa'ese yoonesume burona oone garani yaadhofita. Be yooneniyani esi cenchaa aachuttechashe fo'iyako e kesse. Axiti be muxhurowa aashecho maxoko e adduse. Yenniyako Wontoy e bidzi bidzina e muxhuro maxo beedi e suuze.

2Qorontoosaxituse 5:10

Ye esini nuni nu bidzi bidzina achona yesine nu hanto iiteteseni maaqqe modhetese nu hanto hanta wooma nu uddina efese yaa'ese uttese Kristosa buro uqeko nuu e worguse.

Galatiya 1:11

Nuundo nayshito! Hinuse ta oto modhe odoy axukofa bentase e maaquwannikeko hi erorosa ta worge.

1Xhimootoosese 1:11

Ha gizo erunxi kuxa fuula keenge modhe odowara wola efako ekke. Ye esini axiti esa kedda kedda hise Wontokofa axituse ta ohoronike taako odde hissine inguttesesako.

2Xhimootoosese 2:8

Dawite bohiyafa maaqe haybowafa denda Yesuusi Kristosa maxuwa. Tanini ohiya yese modhe odoy ye esako.

2Xhimootoosese 4:1

Wonto burowara, en'a yeseesiti garani maaqqe haydheseesiti gara yaa'ese hine Yesuusi Kristosa burowara e yoone wontiyara e kaatetowaara maxisine odde hissine neese ta ohesi

2Xhimootoosese 4:8

Ha e geede tamba kafiya yesesi gizetena ta yesso gisha ta qinowa gadutte mooreko. Ye moore taase ye wonte ingesi gizo yaa'a yaa'e Laaxuko. E ingesi ta goshushewo e maaddho baanne e addeynesa orjena wordi kakkiya yese uddi axusuko.

Ibraxituse 9:27

Axeydosi be qinose bidzowo hay'orosa matiko e yese, ye e geedeni yaa'esi buro uqako e uqe.

1Phexhrosey 4:5

Maaquwaye baaka en'a yeseesiti garaara haydhasiti garaara yaa'ese naquttese yaa'axi buro uddhiko ye e bisha yesose oycutti e utta mahe uso e worguse.

2Phexhrosey 2:9

Yoonase haanxhi maaddhakoni Wontoy biya jhasheeshiti gara yoone naa'owafa waanisi uso be kessesaara cubbachiti gara be yaa'e wontay elloro aalloni waanisi maddhunxisine uso gaddi be ellusesaara erako e ere.