Roomaxituse 16:4 - Kille Caaqo

⁴ Usini taameysine hay'ese fetto naquttiko u yecha. Ye esuna uso galatesi tawoni e maaddho baane be godowa godowa yese uddi Wonto zawa axe maaqe Ayhuda maaquwasitini galatako u galate.

Roomaxituse 16:4 Iomraidhean Croise

Yohanise 15:13

Be eehe axitume hissine bemba garsi haybose ingeeme gare eeha keengesi ooneni baasso.

Anxuttaasiti 15:26

Usini be lam'una Laaxi Yesuusi Kristosa gisha be yeso haybo aallo garsi indechashitako.

Anxuttaasiti 15:41

Usini be godowa godowa yese Wonto zawa axitani osusisine Sooriya wudiyannaara Kilqiya wudiyannaara dhaddi u gardo.

Anxuttaasiti 16:5

Yeydiwo aadexichashiti be aadexona u miingicha. U taaboni wontana wontana kossi e hangicha.

Anxuttaasiti 9:31

Yuuda wude, Galila wude Samariya wude yese Wonto zawa axiti modhena u yeso, u osaxho. Wonto jhashishiniyara Ayaana Geeshuna oseysiniyara hangisine u taafoy laddo.

Roomaxituse 16:3

Yesuusi Kristosa hanta wolko hantiya nu yecho Pharsiqilasaara Aqilasaara ta sawo ohuwayte.

Roomaxituse 16:5

Wonto shi'ese uso bhikkilutte Wonto zawa axituseni ta sawo ohuwayte. Isiya wudiyafa acha Kristosa aadessa ta eehe Efetoosese ta sawo ohuwayte.

Roomaxituse 5:7

Gizo axume hissine hay'e axe haliya maddhanawo degexesuko danda'uso, orjena modhe axume hissine hay'ese naassesi haliya bentesuko e danda'e.

1Qorontoosaxituse 16:1

Hatte aadexeesituse miijhe kesse gisha hinuse ta hinesi Galatiya wude yese Wonto zawa axituse ta otonike hinunini yeysiwo hantuwayte.

1Qorontoosaxituse 7:17

Axi be bidzi bidzina Wontoy biya xheydoniya be yechonike yesuwaye. Be godowa godowa yese Wonto zawa axituse ta gaddo wogay ye esako.

Filphisoosaxituse 2:30

Hinuni ukke yesine taa marese hi danda'uwa gisha esi hi gisha taa marese hissine Kristosa hanta hantisine be yeso jhaardo badiko lubbosewo maaddhi e yecha.

1Teselonqaxituse 2:14

Nuundo nayshito! Yuuda wudiyaka be godowa godowa yese Yesuusi Kristosana yese Wonto zawaxitako hi bishe. Ye esini Ayhudaxiti ye uso maddha beysonike hinumbani hi wude axiti maddha beysiko u yese.

1Yohanisey 3:16

Eehay aba maaqesa esuna erese ni danda'esi Yesuusay niime hissine bemba garsi e indosunako. Nini niindo nayshume hissine nimba garsi ni ingorosako e worguse.

Yohanise Haraje 1:4

Yohanisekofa Isiya wudiyaka laappi godowa yese Wonto zawaxituse anxutta woosso. Yesesa, yechashe, yoonesa maaqe Wontokofani kaatiya yese Wonto burowa yese laappi Ayaanitukofani yeydiwo be ettonikewo aade ohesaara haydhasitukaafa burona dendesaara saha gara yese kaataxhe gara kaatesaara maaqe Yesuusi Kristosakofani axuse keenge modhe maxowara modhetiyaray hinuse maaquwaye. Numba eetasusaara nu cubbowafa numba be suuxuna shawo kessa