Roomaxituse 1:8 - Kille Caaqo

⁸ Hi aadexo ha saha gara yese axi uddi siidosuna Yesuusi Kristosa badena burussi hi gisha uddi ta Wontoko ta galate.

Roomaxituse 1:8 Iomraidhean Croise

Matoose 24:14

Ato maaqese modhe odo be nuunana nuunana zeere axi uddi siyoronike Wonto kaatete modhe odoy be wude wude yese axituse uddi e ohutte, aallicirani yenniyawo e yoone.

Luqaase 2:1

Yenniyaka Rooma kaate maaqe Awgusxhoosey be kaateto aallo yese axe e uddina taafese u sunxi diizuttoronike woosso e anso.

Anxuttaasiti 11:28

Usaafa bidzi Agaaboose hidi hissoosi dendi ha saha gara uddi orje naayey maaqesa Ayaana Geeshi densine kaayo e zeerdo. Ye naayeni Rooma kaati Qelawdoosey kaatto beraakako e maaddho.

Anxuttaasiti 28:22

Ye beese be gooshuna Wonto kuxeesita uddi axi inxha'enike erako nu ere. Ha e gisha aba ne maxoy maaqesa ne zeerete siyesuko nu worge>> yeydi u hido.

Roomaxituse 10:18

Mee, hinumba ta oycceeshe, Wonto kato siyutto baasso yeydi hiyu? Fissharowa <> yeydi e diizuttonike aadewo siidiko u yese.

Roomaxituse 16:19

Ha modhe odose woosuttesa hi maaddhosa axi uddi erdo gisha hinuunna maggako ta magge. Yeydiwo modhe zeerese gaxaxe iita zeerekofa hinumba kattese geeshita hi maaqoronikeko ta worge.

Roomaxituse 6:17

Buro cubbose e maalako hi maaqicha. Hattema hinuse ohutta erunxe etti muxhurowafa kessi Wontose hi woosutto gisha Wontoy galatuttuwaye.

1Qorontoosaxituse 1:4

Yesuusi Kristosa badena Wontoy axuse be keenge be maxo modhetena hinuse laga modhete e hanto gisha uddi woggaako esa ta galate.

2Qorontoosaxituse 2:14

Numba uddi wogga Kristosa badena iichesha mati be durke gishani maaqqe moddhi sawwe dhehay uddi godowa ellenike uddi godowa axi Kristosa eroronike nuunna be go'utte gisha Wontoy galatuttuwaye.

Efesoonaxituse 1:15

Ye e gisha Laaxi Yesuusa hi aadexenikiyara haylaxita uddi waysi hi eehenikiyara ta siidese gisha

Efesoonaxituse 1:16

Wonto ta shi'e aallo hinumba massi esa galate dhagguwasso.

Efesoonaxituse 3:21

e zawa axitunani maaqqe Yesuusi Kristosa badena berana berana uddi koolo makki aallo kuxay maaquwaye, ameen.

Efesoonaxituse 5:20

Uddi woggaaka uddi basi gisha nu Laaxi Yesuusi Kristosa sunxuna ade maaqe Wonto galatuwayte.

Filphisoosaxituse 1:11

Ye e bisha yesonako Yesuusi Kristosay hinuka kaxe gizete aafe lagussi hi kaxhe. Wontose kuxaara galataaray bentoronike hi mahe.

Filphisoosaxituse 1:3

Uddi wogga hinumba ta maxeniya ta Wontoko ta galate.

Qollasiyasaxituse 1:3

Yesuusi Kristosa hi aadexenikiyara Wonto haylaxita hi eehenikiyara nu siidese gisha hi gisha Wonto nu shi'eniyaka nu Laaxi Yesuusi Kristosaade maaqe Wonto uddi woggaako nu galate.

1Teselonqaxituse 1:2

Wonto nu shi'eniya hinumba maxisine hi uddi gisha uddi woggaako Wonto nu galate.

1Teselonqaxituse 2:13

Nuukofa hi siido Wonto kato hi ettoniya hade axi katoke e maaddho baane Wonto aadexiya yese hi giddaaka hantiya yese hade Wonto katoke hi etto gisha uddi woggaakako burse baaka Wonto nu galate. Ye katoni aade Wonto katoko.

2Teselonqaxituse 1:3

Nuundo nayshito! Wonto shi'isine uddi woggaa hinumba massi Wonto galatey nuuse worgusesako. Ye esini hi aadexoy diciya yese gishaara hi uddina wola eehiya hi yese gishaarako.

2Xhimootoosese 1:3

Wonta qama burse baaka Wonto shi'isine nemba ta maxeniya Wonto galatako ta galate. Hade nuwadiyaxhuke ta muxhurowa <> yeydi hinesa keenguwa bidzi muxhuronako esuse ta hante, esani ta kuxe.

Filmonase 1:4

Laaxi Yesuusa ne aadexenikiyara Wonto aadexeesita ne eehenikiyara ta siido gisha Wonto ta shi'e woggaaka nemba massiko uddi wogga esa ta galate.

Ibraxituse 13:15

Yoonase Yesuusa badena galata kaasha uddi wogga Wontose nu ingoose. Galata kaasha yeydi hiyoy nu nuunana nu zeere Wonto kedda kedda esuna nu hise esa kuxuse nu katoko.

1Phexhrosey 2:5

Hinunini hade en'a shuchituke Wonto Ayaanana durkutti keexhuttese aadena Wonto zawa maaqesuko hi keexhutte. Ha e bishanako Yesuusi Kristosa badena Wonto magguse e Ayaanana durkutti ingutte aadena kaasha esuse uqusese haylondese kahinita hi maaqe.

1Phexhrosey 4:11

Wonto kato ohesi ooneni Wontoy beese esukaana ohesa maaqenike gaxhisine ohuwaye. Wonto zawaa maresi ooneni beese e inge osana maruwaye. Wontoy Yesuusi Kristosa badena yenniya uddi basunako e galatutte. Kuxani adetoni koolo makkina esuse maaquwaye. Ameen.