Roomaxituse 1:13 - Kille Caaqo

¹³ Nuundo nayshito! Hinuke Ayhuda maaquwa fedituko handi erussi Wonto u aadexoronike mati laga ta degessonike yeydiwo hinuko handi erussi Wonto aadexarasita degexese wordi laga woggaako hinuko hammese ta hidecha. Yeydi tani hidakoni hay hatte aallo tucutti ta yesenike hi erorosako ta worge.

Roomaxituse 1:13 Iomraidhean Croise

Yohanise 12:24

Hinuse ta ohesi fetto aadeko. Gossa aafey sahaa aylutti hay'e dheeddako be goshewoko e atte. Aylutti be haydho geedema laga aafeko e kaxhe.

Yohanise 15:16

Tani hinumba xhardosa baaka hinuni tamba xhardo baytako. Handi aafe hi kaxhoronikiyara ye hi kaxhe aafey yesesa maaqoronikiyarako hinumba ta maagesso. Ye e gisha ta sunxuna nuwadey hi shi'e abako aba e maaqo'aykoni hinuse ingako e inge.

Yohanise 4:36

Kaxa aceshi ye be aceshi wooma efako e ekke. Koolo makkina yesese danda'e aafeko e bhikkille. Ye e gisha aylesini aceshini wolko maggako u magge.

Anxuttaasiti 1:15

Yenniyani bidzi wonte Phexhrosey xhiixe lam'i tamme elle aadexeesiti buro eedhi

Anxuttaasiti 14:27

Yahani handi be ello woggaa Wonto zawa axita bidzi godo bhikkilli Wontoy usaara hantosa uddi Ayhuda maaquwadechashitini esa aadexoronike waydi suma e dodhosa u oto.

Anxuttaasiti 15:12

Yenniyani axitini uddina mikki hido. Barnabasiyara Phawlosiyaray usuna Wontoy Ayhuda maaquwasiti giddaa micusheshaara du'use hantaara e hantosa u zeerusune u hayso.

Anxuttaasiti 19:21

Yeenxhi uddi maaddho geede Phawlosey Maqadooniyanaara Akkayanaara Yerusaleeme beese hamese massi <> yeydi e hido.

Anxuttaasiti 21:19

Phawloseni uso be sawusso geede Wontoy e marona Ayhuda maaquwasiti giddaa hantosa e bidzi bidzina e oto.

Anxuttaasiti 28:14

Yahani aadexeesita nu degessinne usaara nu aqorosa u shidho. Laappi wonte geedeni Rooma katamaa hamese nu dendo.

Roomaxituse 1:12

Yeydi ta hisune tani hi aadexona hinunini ta aadexona sekke hanke wolla ni osusoronikeko.

Roomaxituse 11:25

Nuundo nayshito! <> hidi hi cee'utteesume hatte aallo ijhaa yecha base hi erorosako ta worge. Ye esini Isra'eelaxiti Wontose siye u inxhadhosi aallicira makko e maaddho baanne xheyguttese Ayhuda maaquwasiti uddina hanke Wontoko yoone aalloko.

Roomaxituse 7:1

Nuundo nayshito! Woga ere hinusuko ta zeere. Wogay axi gara adeto e keengesi axi yese aallowo e maaqenike erako hi ere.

1Qorontoosaxituse 1:10

Nuundo nayshito! Hi zeeresi bidzi bisha maaquwaye baaka hi giddaaka shahoy yessoppe. Hi uddina wolla kundi bidzi muxhuronaara bidzi maxonaara miindi yesuwayte hissineko nu Laaxi Yesuusi Kristosa sunxuna hinumba ta shi'e.

1Qorontoosaxituse 10:1

Nuundo nayshito! Nuwadiyaxhita uddi ye dhumay uso durkiya e yechonikiyara bagadiyanna u fottonikiyara hi erorosako ta worge.

1Qorontoosaxituse 12:1

Nuundo nayshito! Hatte assi Ayaana Geeshi inge ingo gisha hi erorosako ta worge.

1Qorontoosaxituse 14:20

Nuundo nayshito! Iita abakose hade iita eruwa xhaheke maaquwayte baaka hi gaxuna xhahe maaddhofita, fetto hi gaxuna uuxheseesita maaquwayte.

1Qorontoosaxituse 14:26

Nuundo nayshito! Yoonase am hante e worguse? Wonto kuxese hi bhikkilutteniya hinukafa bidzi zingale e zingale, feday erunxe e eruse, feday Wontoy esuse beyse abakoko e adduse, fedani kille nuunana e zeere, fedani assi ye kille nuunana zeeruttechashe e birche. Yebo, ha esiti uddi aadexeesita dichesha maaqeko e worguse.

1Qorontoosaxituse 9:2

Fedeesiti tamba anxuttase mahe dheeddakoni anxuttase ta maaqenike fetto hi badena eruttesesako. Ye esini hinuni Laaxaara wolla hi yesesunako anxuttase ta maaqenike e erutte.

2Qorontoosaxituse 1:8

Nuundo nayshito! Isiya wudiyaka nu gara ellecha maddha hi eroronikeko nu worge. <> hidi nu hiyoro aallo iddese nu danda'uwa deexho maddhako nu gara elli yecha.

2Qorontoosaxituse 2:14

Numba uddi wogga Kristosa badena iichesha mati be durke gishani maaqqe moddhi sawwe dhehay uddi godowa ellenike uddi godowa axi Kristosa eroronike nuunna be go'utte gisha Wontoy galatuttuwaye.

Galatiya 3:15

Nuundo nayshito! Axi gidda lossuttese zeere bidzo hinuse ta ohheese. Bidzi axi caaqo caadho geede ooneni ooxese oo'oyne e gara koseseni danda'uwasso.

Galatiya 6:18

Nuundo nayshito! Nu Laaxi Yesuusi Kristosay axuse keenge maxo modhetey hi uddiyara wolla yesuwaye. Ameen.

Filphisoosaxituse 1:22

En'a ta yessakoma gardese modhe hanta hantesuko ta danda'e hidi hiyoko. Haybowafaara yesowafaara a'esa ta xharesa eruwasso.

Filphisoosaxituse 4:17

Yeydini ta hinesi modhe hi hantana gardesesuna Wontoy hinumba suuzorosako baaka taase hi ingorosa jhuujhi maaquwasso.

Qollasiyasaxituse 1:10

Yeydi e maaqo'ayko Laaxuse yese e worgusenike yessiko uddi ogena Laaxe hi magguse, laga bisha modhe hanta hanti aafe beysenaara Wonto erenaara diceshe hi danda'e.

Qollasiyasaxituse 1:6

Modhe odo hi siido wontiyafa aytiyara Wontoy axuse keenge maxo modhetey aba e maaqenike hi erdo wontiyafa aytiyara ha modhe odoy hi giddaaka aafe be kaxhonike uddi ha saha gara aafe kaxhiyakaara diciyakaarako e yese.

1Teselonqaxituse 2:18

Hinuko hamesuko nu wordecha. Fetto tani Phawlosey mati matiko hinuko hamese ta karduttecha. Maaqe baaka Humbayey ta hanguwannikeko tamba e tucco.

1Teselonqaxituse 4:13

Nuundo nayshito! Hade gobbe keenguwa fede axituke hi higiluwannikeko haydhese axiti gisha hi eroronike nu worge.

2Teselonqaxituse 2:7

Ye esini hatte aachiyaanna maaquwaye baaka keddaydese birrey hantuttiyako e yese. Yeysi e hantesini hatte tuciya yesesi e ogiyafa ooxutte aalloko.

2Xhimootoosese 4:17

Modhe odoy be kumena ta badena ohuttoronikiyara Ayhuda maaquwa fede ommiti be uddina siyoronikiyara Laaxi taa kiiddhiko osani taase e indo. Garma asshaafani tamba e maardo.