Qollasiyasaxituse 4:2 - Kille Caaqo

² Wonto galatisine uddi wogga birti oseydi esa shi'uwayte.

Qollasiyasaxituse 4:2 Iomraidhean Croise

Matoose 26:41

Naa'owa gelli hi unguwannike oseywayte, shi'uwayte. Axi be maxona naquttoko naqutte, achomay gafaxuko>> yeydi e hido.

Marqoose 13:33

Hinuni ye wontay ayde maaqesa eruwaytako, hinumba naddhi kakkuwayte. Oseywayte.

Luqaase 18:1

Be gobbo burse baaka Wonto uddi wogga shi'e uso e worgusenike erusese Yesuusay bidzi mamako e mamatto.

Luqaase 21:36

Yebo, ha yoowese hine haanxhikofa dhaddi tulxhi taa axi yele buro ee'ese osa hi degexoronike Wonto shi'isine uddi wogga oseydi hinumba kakkuwayte>> yeydi e hido.

Anxuttaasiti 1:14

Ye usiti be uddinawo bidzi muxhurona uddi wogga gafe baaka Wonto shi'ese u bhikkilutticha. Bidzi bidzi indowaxhitaara Yesuusayndo Maaramiyaray yeydiwo Yesuusayndo na'axhitaaray usaara u yecha.

Roomaxituse 12:12

Gobbiya hi yese gobbona magguwayte, maddha hi gele woggaa danda'uwayte, uddi woggaa Wonto shi'e dhaddofita!

Efesoonaxituse 6:18

Worguse abakose Wonto shi'isine Ayaana Geeshuna durkutti uddi wogga shi'uwayte. Shi'isine birti oseywayte. Wonto haylaxiti gisha uddi burse baaka shi'uwayte.

Filphisoosaxituse 4:6

Aba e maaqo'ayketeni shi'ena lagussi galatisine hi worge abako Wontoko ohuwayte baaka bidzi maxonani maddhundofita.

Qollasiyasaxituse 1:9

Ye e gisha ye esa nu siido wontiyafa ayti Wontokofa bente eranaara gaxunaara uddi Wonto maxo hi eroronike era hinuse lagussi e ingoronike hi gisha Wonto shi'e dhaddobaanxhiko.

Qollasiyasaxituse 2:7

Esuna xhabho datti eedhi hi oseydesenike dicuwayte. Hi erdesenike hi aadexona miindi ee'uwayte. Lagussi esa galatisine yesuwayte.

Qollasiyasaxituse 3:15

Bidzi gara maaqese hi xheyguttesesi Kristosa modhete gisha e maaqesuna hi muxhurowaka ye modhetewoy yesesa maaquwaye. Uddi wogga Wonto galatuwayte.

Qollasiyasaxituse 3:17

Yesuusa badena ade maaqe Wonto galatisine hi zeere zeere Laaxi sunxuna zeeruwayte, hi hante hanta uddi Laaxi Yesuusa sunxuna hantuwayte.

Qollasiyasaxituse 4:12

Hinukofa maaqe Yesuusi Kristosa maala Ephafrani hinumba <> hidiko e sawuse. Esini hinuni Wonto oge gara uuxhi e maxo addussi e kumena hi eroronike hinuse uddi woggako Wonto shi'ena e kardutte.

1Phexhrosey 4:7

Yoonase hay uddi basi aalliciray elliko e yese. Wonto shi'ese hi danda'oronike hinumba erdesesa maaddhi qaaxhe gare baaka yesuwayte.