Ibraxituse 4:12 - Kille Caaqo

¹² Wonto katoy en'aara hantesaarako. Lam'i bade nuuna keenge satatame gardese nuunaxuko. Satatay xhabhowara abbiyara bursi wol garafa shahenike Wonto katoy axi be axeto giddaa keengesa uddi base shati eresako. Muxhuro giddaa aachutti yese maxowara col'aara modhussi arsi beedi yaa'esako.

Ibraxituse 4:12 Iomraidhean Croise

Luqaase 8:11

Ha mamako birchey yeydi hinesako. Mor'ey Wonto katoko.

Yohanise 12:48

Tamba inxha'esi garaara ta otosa ekkuwasi garaara yaa'esako yesa. Ta oto katoko esa aallicira wonte yaa'esa.

Yohanise 6:51

Afaafa hoddha en'a booray tambako. Ha booraafa muunesi ooneni koolo makkinako e yese. Ha saha gara yese axi yeso u keemoronike ta inge booray ta achoko>> yeydi e hido.

Anxuttaasiti 2:37

Ye esani axiti siidoniya zeerey ususe gelline u muxhuroy dolutto. Usini Phexhrosesaara fede anxuttaasitusaara <> yeydi u oycco.

Anxuttaasiti 4:31

Wonto u shidhosi geede bhikkilutti u yecho godoy sekke hanke e en'o. U uddiyakani Ayaana Geeshi kundo. Wonto katoni jhashe baa naassi u oto.

Anxuttaasiti 5:33

Gate aheesitini ye esa be siidoniya fettona u huullo, usoni wodhese u masso.

Anxuttaasiti 7:38

Saha melaakani bhikkiluttese axiti lagaara yechashi Museko. Sinna bakkaa zeerdecha Wonto woosaxaara yeydiwo nuwadiyaxhitaara wolko yechashi Museko. Wontokofa yeso inge kato nuuse etti garsasi esako.

Roomaxituse 1:16

Modhe odona borsuwasso! Ye modhe odoni burona Ayhudaxiti giddaafa sekkeni Ayhuda maaquwasiti giddaafa Wonto aadexeesita uddi looluse Wonto osako.

1Qorontoosaxituse 1:24

Ayhudaxitaafani maaqqe Grikaxitaafani Wontoy xheydoositusema Kristosay Wonto osaara Wonto eraarako.

2Qorontoosaxituse 2:17

Nuni hade abako zal'ese gadhesa gawwaanna sekke hanke woxhe laga axituke maaddhi Wonto kato oheesita maaquwanxhiko. Wontoy anso axuke maaddhi Kristosase hantisine aadaxe maaddhiko hade Wonto buro ee'e axuke Wonto kato nu ohe.

2Qorontoosaxituse 4:2

Axi aasshi addaa kessuwa borsuse abako hantuwanxhiko hidiko nu hidese. Axeni qaarusuwanxhiko. Wonto katowafa shati etti doomusuwanxhiko. Yeysi mahekofa aade fetto tiddhiyannako nu ohe. Wonto buro yesine axi uddi be muxhurowanna <> hidi hiyorosa numba matiko axaara nu yese.

Efesoonaxituse 5:13

Uddi abakoy fo'iya be kese woggaa e bishay tiddhidiko e bente.

Efesoonaxituse 5:26

Kristosay bemba garsi e indosi Wonto zawa axita be kato badena waaxuna shoti haylonxese wordiko.

Efesoonaxituse 6:17

Yeydiwo Wontoy hinuse matese loolo modhussi aykuwayte. Toorase qinowa gadusso gulley qino kakkenike ye looloy hinumba kafako e kakke. Ayaana Geeshi satata maaqe Wonto kato gixhuwayte.

1Teselonqaxituse 2:13

Nuukofa hi siido Wonto kato hi ettoniya hade axi katoke e maaddho baane Wonto aadexiya yese hi giddaaka hantiya yese hade Wonto katoke hi etto gisha uddi woggaakako burse baaka Wonto nu galate. Ye katoni aade Wonto katoko.

1Teselonqaxituse 5:23

Modhete inge Wontoy beese uddi basuna hinumba haylonsi hi maxo, hi muxhuro, hi garani uddi hi yeso kumena Laaxi Yesuusi Kristosay yooneniyaka haassuttuwasa hi maaqoronike hinumba kakkuwaye.

Ibraxituse 13:7

Buro Wonto kato hinuko ota hinumba durkiya yeseesita bottofita. U yesowara u hantaara gaxxhi u aadexichonike aadexuwayte.

Yayqoobey 1:18

Meddhowafa angusse nu maaqoronikeko beese be maxoke aade ohiya yese be katona numba e yello.

1Phexhrosey 1:23

Sekke hi yeluttosi baane axukofa e maaddho baane bayese danda'uwasukofako. Ye esi en'a maaddhi koolo makki aallo miindi yese Wonto katoko.

Yohanise Haraje 1:16

Be oshichi kuchiyaka laappi xhoolinte e aytecha. Lam'i badena nuuna keenge satata nuunaxi e asshaafa kesiya e yecha. E aafushani hade iitana faqiya yese qoossuke faqiya e yecha.

Yohanise Haraje 19:15

Be wude wude yese axita esuna e cade nuunaxe maaqe satatay e asshaafa kesso. Esini qanga kallonako axe e ahe. Uddi base danda'e Wontoy u gara be huuleesita waake e hisesa beyse weyne daanay essaa cicutte godoko weyne e dorbe.

Yohanise Haraje 19:21

Atta tooraxitini assi faradze gara uttesi asshaafa kese satatana u haydho. Kafitini uddi u acho muudi missho.

Yohanise Haraje 2:16

Ye e gisha ne cubbo dhaddi maaquwa. Maaqe ne dheeba'ayko ukkenawo neeko yoodiko ta asshaafa kese satatana uso ta darge.

Yohanise Haraje 2:23

I naysheni wodhako ta wodhe. Yenniyako be godowa godowa uddi yese Wonto zawaxiti axi muxhurowara axi maxowara naddhi arsi beenesi tamba e maaqenike u ere. Hi bidzi bidzise hade hi hantakeysi ta inge.

Yohanise Haraje 20:4

Ye e geede kaati uttuxita ta beedo. Ye kaati uttuxiti gara uttesesiti yaa'oronike ususe adetoy e ingutto. Assini Yesuusa gisha u otosunaara Wonto kato u otosunaara u baalay burdine haydha axiti leemo ta beedo. Ye usitini bo'oseni maaqqe naqutti gaduttese bo'o bisha buro dissutto baasso. Be deemowani maaqqe be kuche gara ye bo'o yerago gadutto baasso. Usini en'a maaddhi dendi Kristosaara wolko bidzi kuma bera aallo u kaatto.