Ibraxituse 3:6 - Kille Caaqo

⁶ Kristosamay Wonto zawa axi gara muxhuraxe e maaddhosi hade yeleke maaddhiko. E zawa axitini numbako. Ye esa nu maaqesini nu naasse zeeriyara nu cee'utte gobbowara minsi nu aytakoko.

Ibraxituse 3:6 Iomraidhean Croise

Matoose 10:22

Ta gisha axi uddina hinumba iitana u inxha'e. Maaqe baaka danda'ona aallicira aallo miingesa Wontoy esa maarako e maare.

Matoose 16:18

Phexhrose neese yeydiko tayne, neni shuchuko, ha kaacho shuchi garako ta zawa ta keexhe. Hayboy be osana ha ta zawa iichuwassho.

Matoose 24:13

Maaqe baaka danda'ona aallicira aallo miingesa Wontoy esa maarako e maare.

Roomaxituse 11:22

Yebo, Wonto jhergowara e cametiyara beewayte! E candosi undasiti garako. E jhergetemay miindi hi yessako hinusuko. Miindi yese hi dheeba'aykoma hinunini buroko hi bure.

Roomaxituse 12:12

Gobbiya hi yese gobbona magguwayte, maddha hi gele woggaa danda'uwayte, uddi woggaa Wonto shi'e dhaddofita!

Roomaxituse 15:13

Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

Roomaxituse 5:2

Wonto nu aadesoosuna Yesuusi Kristosa badenako Wontoy axuse keenge e maxo modhetese e shahaxe nu maaddho. Hatteni ye essaako nu yese. Wonto kuxa fuula shahaxe maaqese nu gobbusutto gobbenako maggana nu cee'utte.

1Qorontoosaxituse 3:16

Wonto Hayla Zawa hi maaqesaara Wonto Ayaanay hinuka yesesaara eruwaytuwa?

1Qorontoosaxituse 6:19

Hi garay Wontokofa hi ettosaara hinuka yesesaara maaqe Ayaana Geeshi essa yese hayla zawa e maaqesa eruwaytuwa? Yoonase hinuni Wontosuko baaka hinuse maaquwaytako.

2Qorontoosaxituse 6:16

Wonto Hayla Zawaara wonto maaquwasa Wonto mati kuxuttesaaray aba muhoni e keenge? Nunimay en'a maaqe Wonto Hayla Zawako. Yeydini Wontoy beennako e zeerdo. Esini zeerisine <<

Galatiya 6:10

Yoonase nu hantorosa woggay bentoniya axituse uddi fetto aadexona zawa axita maaddhaasituse modhe hanta nu hantoose.

Galatiya 6:9

Modhe hantese gobbo burso badi dandadhi nu miindako ye modhe hanta aafe nu degexe woggay yoone gisha modhe hanta hantese gatofunxhi.

Efesoonaxituse 3:12

Kristosaara bidzo maaddhi esa ni aadesese gisha Wonto buro naassi bidzi muxhurona uqesuko ni danda'e.

Qollasiyasaxituse 1:23

Esini uqusesi kaachuttiyara sekke hanke hiye baaka eedhesesaara maaddhi hi siidese modhe odoy gobbusesesi garafa arto badi hi aadexona oseydi hi yesa'aykoko. Ye modhe odoni ha saha gara yese meddhose uddi ohuttesesako. Tanini Phawlosey ye modhe odose e hantaxuko ta maaddhese.

1Teselonqaxituse 5:16

Uddi wogga magguwayte.

2Teselonqaxituse 2:16

Beese nu Laaxi Yesuusi Kristosaara nimba eeti niise be keenge maxo modhetena koolo makki aallo nimba e minxoronike mati modhe gobboni niise inda nuuse ade maaqe Wontowaray

1Xhimootoosese 3:15

Haliya hame ta deca'aykoni axiti Wonto zawaa waydi yesesa erese ne danda'oronike hay neese diizziko ta yese. <> hidi hiyoy en'a maaqe Wontose e zawa axitako. Usini aadese biddowara kaachowarako.

Ibraxituse 1:2

Hattema aallicira beraaka uddi base e dhaaloronike be matese be yele badenako nuuse e zeerdese. Sahaara afaara uddi Wontoy e meddhosi esunako.

Ibraxituse 10:19

Yoonase nuundo nayshito! Yesuusay numeysine haydhi e gusso suuxuna Haylame e Hayla godowa naassi nu geloronike nuuse maaddhiko e yese.

Ibraxituse 10:21

Wonto Hayla Zawa gara maagetese malla kahine nu keenge. Ye e gisha

Ibraxituse 10:23

Numba gobbusese Wontoy be zeerdosa arxuwasa maaqe gisha <> hidi ohiya nu yesesa sekke hanke hiye baaka minsi nu aykkoose.

Ibraxituse 10:35

Hatte hi yesenike eezo keenguwasa Laaxe gobbisine yesuwayte! Eezo keenguwasa Laaxe gobbey keddaydese woomako e keenge.

Ibraxituse 11:1

Aadexoy abani? Gobbena kafiya nu yese abako nu degexenikiyara nu beewwa abakoy e yeseninkiyara aadewo esuna nu eresako.

Ibraxituse 3:14

Ye esini acha nu aadessoniyaka nu keengicho miimete aallicira makko modhussi nu aytako Kristosaara wolkoko bidzo maaddhi nu yese.

Ibraxituse 4:11

Yoonase ye usiti woosutte inxhadhonike woosutte inxhadhi nuukaafa ooneni unguwannike Wontoy inge kaxe ekkuso godowa gelese orjena nu oseyyeese.

Ibraxituse 4:14

Yoonase Wonto da'aa afaaka kessi angusse maaddhi yese kahinituse afana ade nu keenge gisha nu aadexo minsi nu aykkoose. Esini Wonto yele maaqe Yesuusako.

Ibraxituse 4:16

Ha e gisha axuse modhe maxo keenge kaatiya yese Wonto buro naassi nu uqqeese. Yeysi nu mato geedeko Wontoy numba e maare. Axuse be keenge maxo modhetiyafa densi nuuse maro e worguseniyaka numba marako e mare.

Ibraxituse 6:11

Hi bidzi bidzina gobbisine hi kakke abako hi kuchena aykese hatte hi oseydesenike aallicira aallo hi oseyorosako nu worge.

Ibraxituse 6:18

Wontoy artuwasa maaqe esuna be zaadduwa lam'i abako nuuse e indo. Ye usiti gobbowara caaqowarako. Ye ogena nu lubbo maarese esuko badhese nuni numba e gobbusese gobbo nu aykoronike keddaydese miimete nu degexorosa matiko e yese.

Ibraxituse 7:19

Aadewo Muse wogay ooneni facete keenguwasa mato baasso. Hattema e badena Wontoko nu uqe gardese gobbo e gara nu gadesi nu gisha bentiko e yese.

1Phexhrosey 1:8

Yesuusi Kristosa beedo badiko hi eehe. Hatteni esa beye dheeddakoni aadessiko axi zeerdi kessuwa keddaydese maggana hi magge.

1Phexhrosey 2:5

Hinunini hade en'a shuchituke Wonto Ayaanana durkutti keexhuttese aadena Wonto zawa maaqesuko hi keexhutte. Ha e bishanako Yesuusi Kristosa badena Wonto magguse e Ayaanana durkutti ingutte aadena kaasha esuse uqusese haylondese kahinita hi maaqe.

1Phexhrosey 4:17

Ye esini yaa'ay yaa'utte woggay elliko e yese. Burona Wontoy yaa'esi be zawa axiti garako. Hinne yaa'ay burona nuukaanna yaa'utte aykesa e maaqo'ayko Wonto modhe odose woosuttuwasiti alsoy waani e hine?

Yohanise Haraje 2:18

Tiyaxhirone yese Wonto zawase maaqe Wonto woosaxuko ha ta ohesa diizuwa: Hade tama looxheke faqe aafiyara hade tamaa gelli geeshe maaddhi laci laci hine laaka bishe tokiyara keenge Wonto yeley e ohesi ha esako. Ye esini

Yohanise Haraje 2:25

Yeydi e maaddhakoni ta yoone aallo hi keengesa minsi aykuwayte.

Yohanise Haraje 2:26

Iishashushe ta hantani aallicira makko alsesuse nuwade garafa adeto ta ettonikeko be wude wude yese axiti gara adeto ta inge. Esini qanga kallonako uso e ahe. Hade sahaafa meddhutta miijhekeysiko e wodhe.

Yohanise Haraje 3:11

Yebo, ukkeko ta yoone. Ne iisshine neese ingutte moore ooneni ekkuwannike ne keengesa minsi aykuwa.