Ibraxituse 2:10 - Kille Caaqo

¹⁰ Uddi abako meddhasaara kiiddhesaara maaqe Wontoy laga nayshi be kuxa fuula shahaxe u maaqoronike hissine uso loolowaka durkesa maaqe Yesuusa maddhaa gelena facete keenguwasa e maaqoronike e mato. Ye esini worgusesako e maaqicha.

Ibraxituse 2:10 Iomraidhean Croise

Luqaase 13:32

Yesuusani <> hidi e hido> hidi esuko ohuwayte.

Luqaase 2:14

<> yeydi u hicha.

Luqaase 24:26

Mesihe gara haanxhi maddhay yoonenikiyara ye maddha geede orje kuxa fuulana kedda kedda e hinesaara maaqe worgusuwaye?>> hidi e hido.

Luqaase 24:46

Usukoni <

Yohanise 11:52

E hay'esi Ayhudasewo e maaddho baane be godowa godowa yese Wonto nayshita bhikkilli bidzi omma mahesuko e maaqicha.

Yohanise 19:30

Yesuusani ye dhooqo laaqiyo be xhunxho geede <> hidi e hido. Be qino ullaysi kaxe e kesso.

Anxuttaasiti 3:15

Yeso ingichashe hi woddho. Wontomay esa haybowafa e denso. Nuni ye esuse atoko.

Anxuttaasiti 5:31

Ye Yesuusanani Isra'eelaxiti be cubbowafa dhaddi u maaqoronikiyara maaroni u degexoronikiyara e mahorosa durkesaara loolusesaara mati modhussi kussi kuxa godo e uttusso.

Roomaxituse 11:36

Ye esini uddi abakoy esukofako e bente, esunako e yese, uddi abakoy esusuko. Koolo makkina kuxay esuse maaquwaye, ameen.

Roomaxituse 9:23

Yeysi e matosi burussi kuxase be naddhoosita maaroy ususe maaqeesituse be kuxa lagetey addeyoronikeko.

1Qorontoosaxituse 2:7

Nuni zeere eramay buro erutto badi aachutti yecha Wonto erako. Ye erani abani meddhutto baane buro Wontoy kuxa fuula nu degexenike burussi mati yechoshako.

1Qorontoosaxituse 8:6

nunimay uddi abako meddhase maaqesaara nunini esuse yese ade maaqe bidzi Wontowarawoko nu keenge. Yeydiwo uddi abakoy esuna meddhuttosaara nunini esuna yese bidzi Laaxi Yesuusi Kristosaarako nu keenge.

2Qorontoosaxituse 3:18

Ha e gisha nu uddina fashutto baa aafushanako Laaxi kuxa fuula hade daw'atake faqiya nu yese. Esa nu bishoronike kuxa gara kuxa kosisine nu hange. Yeydini e maaqesi Laaxunako. Esini ayaanako.

2Qorontoosaxituse 4:17

Ye esini shawukaara woggasaara maaqe nu maddhay esa ellesi baa danda'uttuwa koolo makkina yese kuxako nuuse e inge.

2Qorontoosaxituse 5:18

Ha esini uddi e maaddhosi Wontonako. Esini Kristosa badena numba beera wolko naddhi esaara wolko axe nu naqoronikeko e mato.

2Qorontoosaxituse 6:18

Hinadeko ta maaqe, hinunini taase ta na'axhitaara ta bunaycitaarako hi maaqe> yeydiko ta hine tani uddi base danda'e Wontoy>> hidiko e hido.

Galatiya 3:26

Hi uddina Yesuusi Kristosa hi aadexe gisha hinuni Wonto nayshitako.

Efesoonaxituse 2:7

Yeysi e matosini ha esume sekke koolo makki aallo Yesuusi Kristosa badena nuuse be hanto modhe hanta axuse be keenge aallicira keenguwa maxo modhetey e lagorosa addusese wordiko.

Efesoonaxituse 3:10

Yeysini e matosi ha woggaaka afaaka yese maagitaara adete keengeesitaaray Wonto zawa axita beedi laga bishana yese Wonto eraara e gaxaara u eroronikeko.

Qollasiyasaxituse 3:4

Hi yeso maaqe Kristosay addeyneniyaka hinunini yenniyaka esaara wolkoko kuxa fuulana hi addeyne.

2Xhimootoosese 2:10

Yesuusi Kristosana benta loolowara koolo makkina kuxa fuulaara u degexoronike Wontoy xhardese axitume hissineko uddi base ta danda'e.

Ibraxituse 12:2

Nu aadexose denxowara alsowara maaqe Yesuusawo nu beyyeese. Esini be buro gara maggay yesesa be beedese gisha suxi mixi gara maddhundi haydhi ye be haassutte abakeysini taatto badi kaate maaqe Wonto oshichi badena handi uttiko e yese.

Ibraxituse 6:20

Ye godoni Yesuusay nuume burona nu gisha essaa gellecho godoko. Malka Xhaadiqe kahinunteke Yesuusay koolo makki aallose kahinituse afana ade maaddhiko yaha e gello.

Ibraxituse 7:26

Yoonase nuuse bishe kahinituse afana adey Yesuusako. Esini hayla, haasse keenguwasa, geejheshesha, cubbachiti garafa shahuttesesa, afame keddaydese kuxay esuse inguttesesako.

Ibraxituse 7:28

Muse wogana kahinituse afana ade mati maagexuttasi gafaxe maaqe axitako. Wogay inguttoosume e geede ingutta caaqona maagexuttasimay koolo makki aallo facete keenguwa Wonto yeleko.

1Phexhrosey 1:12

Ye kaayaxiti u zeerdechoshi beese e maaddho baane hinuse e maaqenikeko ususe Wontoy addusecha. U zeerdechoshini afaafa anxutta Ayaana Geeshi osana modhe odo odusaasiti badena hinuse hatte ohuttiko e yese. Ye esa afaase woosaxitini aba e maaqenike erese col'iyako u yese.

1Phexhrosey 5:1

Hatte hinukaa yese Wonto zawa cimituse <> hidiko ta hine. Tanini hinukeydi Wonto zawase cimako, yeydiwo Kristosa gara yooda maddha odusesaara buro gara addeynesuse e kuxa fuula shahaxaarako.

1Phexhrosey 5:10

Axuse fetto maxo modhete keenge Wontoy Kristosa badenako koolo makkina e kuxa fuula shahaxe hi maaqoronike hinumba e xheydo. Oddhe woggase maddhaa hi gello geede hinumba sekke mati e osuse, e gagguse, minsini e esse.

Yohanise Haraje 7:9

Ye e geede hay ooneni taatti alsese danda'uwa iitana laga axita ta beedo. Usini be wude wude yese axitaafa uddi, be ommana ommana yese axitaafa uddi, be biyyana biyyana yese axitaafa uddi, be nuunana nuunana zeere axitaafa uddi kessasitako u maaqicha. Booxi maa'o maadhi be kuchiyakani iille washe ayti uttiya yese kaati burowara dori burowara ee'iya u yecha.