Ibraxituse 1:3 - Kille Caaqo

³ Esi Wonto kuxa fuula laci lacissi faqesako. Wontoy Wonto maaqenike esini Wonto bisha aytese Wontoko. Osa keenge be katonako uddi base kiiddhi e aytese. E yeleni axiti cubbowafa geejheshe u danda'oronike be mato geede afaaka osaxe maaqe Wonto oshichi bade uttiko e yese.

Ibraxituse 1:3 Iomraidhean Croise

Matoose 22:24

Esani < yeydiko Musey hidecha.

Marqoose 16:19

Laaxi Yesuusay yeenxho uddi usuko be zeerdo geede afaaka kessi Wontose oshichi badena e utto.

Yohanise 1:14

Katoy axe e maaddho, nu giddani e yesso. Wontoy axuse keenge maxo modhetiyara aadiyaray essaaka kundine bidzi yeley biyade da'aa keenge kuxakewo e kuxa fuulani nu beedo.

Yohanise 1:29

Geede wonte Yohanisey Yesuusay beeko yoonesa beedi <

Yohanise 1:4

Esini yesona kundesesa maaqusune ye yesoni axuse fo'e e maaqicha.

Anxuttaasiti 2:33

Ye e geede esini Wonto oshisha kuxana e utto. Adey hidi gobbusecho Ayaana Geeshe Yesuusay esukofa etti ha hi beenesaara ha hi siinesaara e anso.

Anxuttaasiti 7:56

<> yeydi e hido.

Roomaxituse 1:16

Modhe odona borsuwasso! Ye modhe odoni burona Ayhudaxiti giddaafa sekkeni Ayhuda maaquwasiti giddaafa Wonto aadexeesita uddi looluse Wonto osako.

Roomaxituse 8:34

Hine u gara yaa'esi oonena? Kristosay u gara yaa'aa e yaa'e? Oo'o, yaa'ekofa nu gisha haydhi haybowafa dendi Wonto oshishaa uttiko nu gisha Wonto e shi'e.

2Qorontoosaxituse 4:4

Ye aadexuwa geriti Kristosa kuxa fuula adduse modhe odo fo'e u beyoroome ha sahase wonto maaqe Humbayey gaxe u keenguwannike matiko e yese. Kristosay Wonto bisha beysesako.

Qollasiyasaxituse 3:1

Yoonase Kristosaara wolko haybowafa hi dendosi geede afaaka yese abakita worguwayte. Kristosani wonako yaaka Wontose oshichi badena e uttese.

Titose 2:14

Esini iitaafa uddi numba wozese modhe hanta hantese oseydesesaara esusewo maaddhese axitaara nu maaqoronikeko numba geesheme hissine nu gisha bemba garsi e indo.

Ibraxituse 1:13

Wontoy afaase woosaxitukaafa bidzoni <> yeydi e hidesesi baasso.

Ibraxituse 10:12

Kristosamay koolo makkinase ellesesa maaqe bidzi kaasha be uqusso geede Wonto oshishaa uttiko e yese.

Ibraxituse 12:2

Nu aadexose denxowara alsowara maaqe Yesuusawo nu beyyeese. Esini be buro gara maggay yesesa be beedese gisha suxi mixi gara maddhundi haydhi ye be haassutte abakeysini taatto badi kaate maaqe Wonto oshichi badena handi uttiko e yese.

Ibraxituse 4:14

Yoonase Wonto da'aa afaaka kessi angusse maaddhi yese kahinituse afana ade nu keenge gisha nu aadexo minsi nu aykkoose. Esini Wonto yele maaqe Yesuusako.

Ibraxituse 7:27

Esini sekke be lakkuwannike bidziyawo bemba kaasha mati uqussi be alsese gisha hade fede kahinituse afana adituke burona be cubbo gisha sekkeni axiti cubbo gisha uddi wonte kaasha Wontose uquse esa worgusuwasso.

Ibraxituse 8:1

Yoonase afaaka kuxuttese kaate maaqe Wonto oshichi badena uttese kahinituse afana adeko nu keenge. Nu zeere zeeriyafa bidzoydi hiyuttesi ha esako.

Ibraxituse 9:16

Bazutta bazoy hanta gara feysheshi ye bazza axi haydho geede e maaqe gisha bazoy yesso geede ye bazza axi haydhesenike modhussi ereko e worguse. Bazza axi en'a yesunema ye e bazzo bazoy hanta gara feyshuwassho.

Ibraxituse 9:26

Yeydi e maaddhakoma ha sahay meddhuttowafa ayti laga woggaa maddhaa geleko esa e worgusaane. Hattema cubbo ooxese bemba kaasha mati sekke be lakkunwanike beriti itese hissune yoodi bemba addussiko e yese.

1Phexhrosey 1:21

Haybowafa Kristosa densi kuxa esuse inda Wonto Kristosa badenako hi aadexe. Ha e gisha hi aadexesaara hi gobbesaaray Wontoko.

1Phexhrosey 3:22

Esini afaa handiko Wonto oshichi bade kuxa godowa e yese. Afaase woosaxitani maaqqe adeto keengeesitini afana osa keengeesitini uddi e oomo maaddhiko u yese.

2Phexhrosey 1:16

Nu Laaxi Yesuusi Kristosa osa gishaara e yoowe gishaara hinuse nu otoniyaka nuuse e kuxa fuula nu aafena beedi baaka axi erana ohutta mamako ayti maaquwasso.

2Phexhrosey 1:17

<> yeydi hine katoy malla kuxa fuula keengesi garafa sintoniya ye ade maaqe Wontokofa galataara kuxa fuulaara ettiko e yese.

1Yohanisey 1:7

Wontoy fo'iya yesenike ninini fo'iya sekke hanke hantako ni bidzi bidzina wol badeko ni maaqe. Yeydiwoni Wonto yele Yesuusa suuxi cubbowafa uddiko nii e geeshe.

1Yohanisey 3:5

Yesuusay cubbo keenguwasa maaqisine cubbo ooxeme e yoodonike erako hi ere.

Yayqoobeyndo 1:25

Nu Laaxi Yesuusi Kristosa badena numba haybowafa maardi esawoy Wonto maaqesuse beritume uddi e buroni maaqqe hatteni koolo makki aalloni kuxay, fuulay osaara adetowaray maaquwaye. Ameen.

Yohanise Haraje 3:21

Tani iisshi nuwadiyara wolko utti kaattonikeko iishashi taara wolko utti e kaatoronike ta mahe.