Filphisoosaxituse 3:9 - Kille Caaqo

⁹ Yeysi ta mahesini Kristosaara wolla bidzo maaqesuko. Hatte ta keenge gizetey woga kafena bente taakofa maaqe gizete e maaddho baane Kristosa aadexena bente gizeteko. Ye e bisha gizetey Wontokofako. E bentesini aadexonako.

Filphisoosaxituse 3:9 Iomraidhean Croise

Matoose 9:13

Hayla Fissharowa yeydi diizuttasi birchey aba e maaqesa wordi degessi gaxhuwayte. Tani yoodosi cubbachita maarowa xheygese baaka hidi hine axita xheygese maaquwasso>> yeydi e hido.

Roomaxituse 1:17

<> yeydi e diizuttesenike ha modhe odoy Wontoy axe e gizusesi fede oge keenguwasa aadexonawo e maaqenikeko e adduse.

Roomaxituse 10:10

Ye esini axi be muxhurona Wonto aadessako gizoko e gize. <> hidi be nuunanani e otoyna Wontoy esa haybowafa maarako e maare.

Roomaxituse 16:7

Taara wolko tufutti yecha ta iginituse Andironiqosesaara Yooniyasesaara ta sawo ohuwayte. Usini anxuttaasiti giddaaka keddaydi erutteseesitaara taame buro Kristosa aadesaasitaarako.

Roomaxituse 5:21

Yoonase cubboy haybo oomo axe mahena kaattonikeko nu Laaxi Yesuusi Kristosa badena koolo makkina yesoy e bentoronike Wontoy be keenge maxo modhetena axe uddi gizetese e oomo mahena e kaate.

Roomaxituse 8:1

Yoonase ha e geede Yesuusi Kristosaara wolko yeseesiti gara yaa'uttuwasso.

Roomaxituse 8:3

Axi be meddhuttowafa gafaxe maaddhi bentosafa dendasuna wogay mahese dandadho baasa Wontoy beese matiko e yese. Wontoy cubbo keenguwa be yele cubbaxe maaqe axe bishushi cubbose kaasha e maaqoronike anxenako cubbo gara e yaadho. Yeysi be matosuna be yele achona cubbo e oosso.

1Qorontoosaxituse 1:30

Wontoy hinumba Yesuusi Kristosaara wolla bidzoko e mato. Esani nuuse era e maaqorosako e indo. Numba gizusasini, numba haylonsasini, numba wozzasini Kristosako.

2Qorontoosaxituse 5:17

Ha e gisha ooneni Kristosaara bidzo maaddhako kille meddhuttiko e yese. Cima abakoy baadinne killey meddhuttiko e yese.

2Qorontoosaxituse 5:21

Nuni Kristosaara wolla bidzo maaddhi Wontona gizo nu maaqoronike Wontoy cubbo keenguwa Kristosa nu cubbo e iddoronikeko e mato.

Galatiya 2:16

Axi gizesi Yesuusi Kristosa aadessi baaka Muse Woga kafena e maaquwannike erako nu ere. Nunini woga kafena e maaddho baanne Kristosa aadexena gizoronike Yesuusi Kristosa aadessiko nu yese. Ooneni Muse Woga kafena Wonto buro gizuwasso.

Filphisoosaxituse 3:6

Wontose ee'e gisha e maaqo'ayko Wonto zawa axita waayye beysesako ta maaqicha. Woga kafenako gizuso yeydi hiyutte gizete gisha e maaqo'ayko haasse keenguwasako ta maaqicha.

2Xhimootoosese 1:9

Wontoy nimba loolussi esuse haylaxita nu maaqoronikeko e xheydo. Ye esa e matosi nu hanta modhetena e maaddho baanne buronawo <> hidi beydosunaara axuse be keenge maxo modhetenaarako. Ye eehani abani meddhutto baanne e buro Yesuusi Kristosa badena nuuse ingese massi e yechoshako.

Titose 3:5

nuni hanto gizete hantana maaquwasa beese be maarowafa densiko numba haybowafa e maardo. Numba e maardosini kille yelutti shohuttenaara Ayaana Geeshi badena benta killonxenaarako.

Ibraxituse 6:18

Wontoy artuwasa maaqe esuna be zaadduwa lam'i abako nuuse e indo. Ye usiti gobbowara caaqowarako. Ye ogena nu lubbo maarese esuko badhese nuni numba e gobbusese gobbo nu aykoronike keddaydese miimete nu degexorosa matiko e yese.

Yayqoobey 3:2

Nu uddina laga basunako halese nu danda'e. Zeeriya be yese zeerena haluwasi ooneni yesa'ayko ye esi be toke be kuche uddi be gara iitaafa kafese danda'e uuxha axuko.

2Phexhrosey 1:1

Yesuusi Kristosa maalaara esuna anxuttasaara maaqe Simooneydi hiyutte Phexhrosekofa. Nu Wontowara nuu loolusesaara maaqe Yesuusi Kristosa gizetena nuni aadessonike kuxa aadexo u aadexoronike Wontoy matoosituse ta anxe woosso.

1Yohanisey 3:4

Cubbo hantey Wonto wogga wodduse e maaqe gisha cubbo hantesi be uddina Wonto wogako e wodduse.