Filphisoosaxituse 2:12 - Kille Caaqo

¹² Ta eehe ta badito! Hinunaara ta yechoniya uddi wogga hi woosuttichonike hatteni hinunaara wolko ta yesunewo e maaddho baanne fetto hinunaara wolla ta baa woggaakani hi bidzi bidzina hi ettese loolo hanta gara feyssheshe Wonto jhashishiniyara kobursiniyara miindi hantuwayte.

Filphisoosaxituse 2:12 Iomraidhean Croise

Matoose 11:12

Afa kaatetey Xhamaqicha Yohanisiyafa ayti hanzo aallo iitana ur'uttiyako e yese. Osaxitini esa aykesuko u worge.

Matoose 11:29

Tani gawwo aakowara tamba ullaysesaara ta maaqe gisha hi keliya ta qanbara idduwayte, taakofani eruwayte, hi lubbose kaxuko hi ekke.

Anxuttaasiti 16:29

Ye woggaani kakkichashi faqe oowussi sena gidda gelli kobursine Phawlosesaara Sillaasesaara u buro deemona e undo.

Anxuttaasiti 9:6

Hatte dendi katamaaka hanguwa. Hante niya e worgusesa yahako ne siye>> yeydi e hido.

Roomaxituse 2:7

Modhe hanta miindi hanti Wontokofa bente kuxaara, e kuxa fuulaara, koolo makkina yesuwara worgeesituse koolo makkina u yesoronikeko e mahe.

1Qorontoosaxituse 15:58

Yoonase ta eehe nuundo nayshito! Miindi ee'uwayte, bidzi abakonani sekke hanke hidofita, Laaxi hantase hi gakkesi yaho e maaquwasa erdi uddi woggaa Laaxi hanta hantese oseywayte.

1Qorontoosaxituse 2:3

Hinunaara ta yecho wogga gafaxe maaddhi jhashishiniyara orjena kobursiniyarako ta yecha.

1Qorontoosaxituse 4:14

Ha esani hinuse ta diizosi hade ta eehe ta nayshituke mati hinumba murese wordi baaka hinumba borsusese hissine maaquwasso.

2Qorontoosaxituse 7:15

Hi uddina esuse hi woosuttonikiyara jhasshishine kobursine esa hi mottosaara Titoy be maxeniya e keenge eehay miindi bentiko e yese.

Efesoonaxituse 6:5

Maalito! Kristosase hi woosuttenike hinumba ahe hi laaxe kuxisiniyara jhashishiniyara bidzi muxhurona esuse woosuttuwayte.

Filphisoosaxituse 1:27

Hatte Kristosa modhe odose e bishenike yesuwayte. Yeydi hi yessako yoodi hinumba ta beedakoni zara yesine hi odo ta siidakoni modhe odowafa siidi hi aadexe aadexose hade bidzi axukeydi kardutti bidzi muxhurona miindi hi ee'enike erako ta ere.

Filphisoosaxituse 1:29

Kristosa hi aadexorosawo e maaddho baane e gisha maddhay hi gara yooworonike ha esa Wontoy be maxo modhetiyafako hinuse e mato.

Filphisoosaxituse 1:6

Modhe hanta hi yesuwaka hante ayta Wontoy Yesuusi Kristosay yoone wonte aallo ellussi e alsenike ha esa eezuwasso.

Filphisoosaxituse 2:19

Hi gisha siidi oseyesuko Xhimootoose ukke hinuko anxese Laaxi Yesuusana ta massese.

Filphisoosaxituse 4:1

Ta eeheesitaara ta sazzeesitaara maaqe nuundo nayshito! Tamba maggusako hi magguse, hinunnanako ta cee'utte. <> yeydiko hinumba ta hine.

Filphisoosaxituse 4:15

Ha esumeni gardi hinuni Filphisoose axita maaqeesiti haga modhe odoy ohuttoniyaka Maqadoonefa ta kessoniya ta dheebeni maaqqe ta keeme beedi tamba mardasi hinumbawo baaka an Wonto zawa axiti taa mardo baannike erako hi ere.

1Teselonqaxituse 1:3

Ye esini hi aadexowafa densi hi hante hantaseni, hi eehaafa benta hi gafaseni nu Laaxi Yesuusi Kristosase hi keenge gobboy waydese miimo e maaqesani nuuse adiyara Wontowara maaqesi buroko uddhi burse baaka hinumba nu maxe.

2Xhimootoosese 2:10

Yesuusi Kristosana benta loolowara koolo makkina kuxa fuulaara u degexoronike Wontoy xhardese axitume hissineko uddi base ta danda'e.

Ibraxituse 12:1

Yoonase nu googiya hade dhumake laddese be haydho aallo aadexona yessi ato maaddhaasita nu keenge gisha uddi nuuse hade iddake maaqe abakitaara nu buro gara nu woxhuwannike numba aytese cubbowara nu garafa oossi nu buro gara yese woxe danda'ona oseydi nu woxxheese.

Ibraxituse 4:1

Yoonase kaxe ekkuso godowa gelese e gobbusese gobboy be yesenikeko yaha e yese. Hinukaafa ooneni yaha ellekofa be attuwannike bemba kakkuwaye.

Ibraxituse 4:11

Yoonase ye usiti woosutte inxhadhonike woosutte inxhadhi nuukaafa ooneni unguwannike Wontoy inge kaxe ekkuso godowa gelese orjena nu oseyyeese.

Ibraxituse 5:9

Bidzoni facete keenguwasa maaddhi be bento geede esuse woosutteesituse uddi koolo makkina looloy esukofa bentesa e maaddho.

1Phexhrosey 2:11

Ta eehe ta badito! Ha saha gara borsitaaara artaxitaara maaddhi haya hi yesune hi lubbo baysese dargutte acho col'a garafa dhaddi hi zaroronike hinumba odde hidiko ta shi'e.

2Phexhrosey 3:18

Ye esukofa nu Laaxeni numba loolusaseni maaqe Yesuusi Kristosay hinuse be keenge maxo modhetiyafa densi hinukaa e hantesunaara esa erenaara dicuwayte. Hatteni maaqqe koolo makki aallo esuse kuxa fuulay maaquwaye. Ameen.