Filphisoosaxituse 2:1 - Kille Caaqo

¹ Kristosaara bidzo maaddhi hi yesesuna wola minxena oseydiko hi yese. Kristosa eehana hi garafa higilsa oossi miindi Ayaanana wolko bidzo maaddhiko hi yese. Woluse massiko hi yese, woluseni higilliko hi yese.

Filphisoosaxituse 2:1 Iomraidhean Croise

Luqaase 2:25

Bidzi adey Simoone sungesi yenniya Yerusaleeme e yecha. Esini be yeso Wontose aassi indese gizo axe maaqisine Isra'eeley loolesa gobbena kakke Ayaana Geeshi e gara yese axe e maaqicha.

Yohanise 14:18

Hinumba hade baalokeysi mikke dhagguwasso, hinuko yootako ta yoone.

Yohanise 14:27

Modhetey hinukaaka yesoronikeko hinuse ta dhagge. Taakofa kese modheteko hinuse ta inge. Tani hinuse inge modhetey ha sahay hinuse inge modhete bisha maaquwasso. Hi muxhuroy hooddofe, yeydiwoni jhasshofita!

Yohanise 17:13

Hatte tani neeko hamesuko hine.Ta inge maggay usuka kundi yesoronike ha saha gara yesine laga zeereko ususe zeeriya ta yese.

Anxuttaasiti 2:46

Uddi wonteni bidzi muxhurona Wonto Hayla Zawa qeyshi giddaa u bhikkilutticha, wol zawa hanti Laaxi qamete u muucha, maggisine geeshi muxhurona yesine be kaxa u muucha.

Anxuttaasiti 4:32

Aadesi yechashitini bidzi muxhurona bidzi maxona u yecha, u keengicho abakoy uddi kooxewo e maaqichosha baaka yesesaafa bidzi axi <> yeydi hinesi badiko yecha.

Roomaxituse 5:5

Nuuse ingutta Ayaana Geeshi badena Wonto eehay nu muxhurowa e kundese gisha gobbiya nu yese gobboy numba borsusuwasso.

Roomaxituse 8:26

Yeydiwo waysi Wonto shi'e numba e worgusenike nu eruwa gisha gafaxe nu maaqusune Ayaana Geeshi numba marako e mare. Axi nuunana zeeruttese danda'uwa ogenako irfisine nu gisha Wonto e shi'e.

1Qorontoosaxituse 12:13

Yeydiwo Ayhudaxitani maaqqe Ayhuda maaquwasitani, maalani maaqqe maala maaquwasita nu maaddhakoni bidzi gara maaqese Ayaana Geeshuna xhamaquttiko nu yese, nu uddinani ye bidzi Ayaanakofa nu ushoronike maaddhiko e yese.

1Qorontoosaxituse 15:31

Nuundo nayshito! Uddi wonteko tani ta hay'e aallo ta kardutte. Ha esani hinuse ta ohesi Laaxi Yesuusi Kristosa badena hinunnana ta cee'utte gishako.

1Qorontoosaxituse 3:16

Wonto Hayla Zawa hi maaqesaara Wonto Ayaanay hinuka yesesaara eruwaytuwa?

2Qorontoosaxituse 13:14

Laaxi Yesuusi Kristosay axuse keenge maxo modhetey, Wonto eehay, Ayaana Geeshi inge bidzetoy hi uddiyara yesuwaye.

2Qorontoosaxituse 2:14

Numba uddi wogga Kristosa badena iichesha mati be durke gishani maaqqe moddhi sawwe dhehay uddi godowa ellenike uddi godowa axi Kristosa eroronike nuunna be go'utte gisha Wontoy galatuttuwaye.

Galatiya 4:6

Wonto nayshe hi maaqe gisha Wonto <> hidi xheyge be yele Ayaana ansi nu muxhurowa e gaddo.

Galatiya 5:22

Ayaana Geeshi axukaa kaxhe aafey eeha, magga, modhete, danda'o, jhergete, modhe hanta hante, be godofa arte dheebe,

Efesoonaxituse 4:4

Hi xheygutto wogga bidzi gobbose hi xheyguttesenike hinuni bidzi garako, bidzi Ayaanako hi keenge.

Filphisoosaxituse 1:8

Yesuusi Kristosay hinumba eehenike tanini ta muxhurowafa kessi hinumba ta eehe gisha orjena hinumba ta sazzenike Wontoy ta atoko.

Filphisoosaxituse 3:3

Aadena gada uttesesi numbako. Ayaana Geeshuna Wonto kuxesaara wude yese wogana e maaddho baane Yesuusi Kristosana cee'uttesaara maaqe nunini aadena gada utti yesesako.

Qollasiyasaxituse 2:2

Ta karduttesini u muxhuroy oseydiyara eehana hanke bidzo maaddhi shato badi yesine era aakete degessi e aallicira makkoy eruttese danda'uttuwadi yecho Wonto maxo u eroronikeko. Ye esini Kristosako.

Qollasiyasaxituse 3:12

Yoonase hayla maaqesaara eehuttesesaara yeydiwo Wontoy xhardesesa hi maaqe gisha higilsa keengesa, jhergaxe, hinumba ullaysesa, shenaxe, danda'axe maaquwayte.

Ibraxituse 6:18

Wontoy artuwasa maaqe esuna be zaadduwa lam'i abako nuuse e indo. Ye usiti gobbowara caaqowarako. Ye ogena nu lubbo maarese esuko badhese nuni numba e gobbusese gobbo nu aykoronike keddaydese miimete nu degexorosa matiko e yese.

1Phexhrosey 1:2

Ade maaqe Wontoy hinumba e xhardosi burowo <> hidi be hidechonikeko. Ayaana Geeshuna haylaxitako hinumba e mato. Yeysi e matosi Yesuusi Kristosase hi woosuttoronikiyara e suuxuna hi geejhoronikiyarako. Wontoy axuse keenge modhe maxowara modhetiyaray hinuse laguwaye.

1Yohanisey 3:24

Wonto woosso kakkesi be uddina Wontowara bidzo maaddhi u yese. Wontoni essaakako yese. Wontoy nuukaaka yesesa erese nu danda'esi e indo Ayaananako.

1Yohanisey 4:12

Wonto beedese axi bidzini baasso. Sekke hanke wola ni eeto geede Wontoy niikaakako e yese. E indo eehani bidzi muxhurona wola ni eehoronike matiko e yese yeydi hiyoko.

1Yohanisey 4:16

Yeydiwo nunini Wontoy niise keenge eeha erdiko ni aadexe. Wontoy eehako, eehana yese axi Wontonako e yese, Wontoni essaakako yese.