Filphisoosaxituse 1:21 - Kille Caaqo

²¹ Taase en'a yese hidi hiyoy Kristosana yese hidi hiyoko. Hay'e hidi hiyoni gardese modhe abakoko ta degexe hidi hiyoko.

Filphisoosaxituse 1:21 Iomraidhean Croise

1Qorontoosaxituse 1:30

Wontoy hinumba Yesuusi Kristosaara wolla bidzoko e mato. Esani nuuse era e maaqorosako e indo. Numba gizusasini, numba haylonsasini, numba wozzasini Kristosako.

1Qorontoosaxituse 3:22

Phawloseni, Aphiloseni, Phexhroseni, sahani, yesoni, hayboni, hatte yesesini, geede yoonesini, uddi basi hinusuwoko.

2Qorontoosaxituse 5:1

Hade asha zawake woggasewo maaddhese nu achoy haydhakoni axi kuchey keexxho baassa Wontokofa maaqe koolo makkina essaa yesuso zawa afaa nu keengenike erako nu ere.

2Qorontoosaxituse 5:6

Ha e gishako uddi woggaa eezo keenguwasa gobbo burse baaka nu yese. Ha nu garay nuuso maaqe aallo Laaxuna nu degexe zawafa zardi nu yesenike erako nu ere.

2Qorontoosaxituse 5:8

Essaa nu yese nu gara dhaddi handi Laaxuso yesese orjena wordiko eezo keenguwasa gobbo burse baaka nu yese.

Galatiya 2:20

Tani Kristosaara wolko suxhuttiko ta yese. Yoonase hatte yesesi taa maaquwasso taaka yese Kristosako. Hatteni axe maaddhi ta yese yesoy tamba eeti taameysine biya garsi inda Wonto yele aadexisine ta yeseesunako.

Galatiya 6:14

Nu Laaxi Yesuusi Kristosay e gara suxhutto suxi mixe baaka feday esuna ta cee'uttesi yesoppe. Ye suxi mixi gara tani haydhi ha saha maxo garafa shahuttiko ta yese, ha saha maxoni haydhi ta garafa shahuttiko e yese.

Filphisoosaxituse 1:20

An ogenani borsi ta bentuwannike orjenako ta worge, yeydiwo gobboni keemako ta keenge. Borsekofa uddi wogga naassi ta zeerenike en'a ta yessakoni ta haydhakoni hatteni Kristosay ta achona kuxuttoronike gobboko ta keenge.

Filphisoosaxituse 1:22

En'a ta yessakoma gardese modhe hanta hantesuko ta danda'e hidi hiyoko. Haybowafaara yesowafaara a'esa ta xharesa eruwasso.

Filphisoosaxituse 1:23

Lam'i maxo giddaako maddhumiya ta yese. Bidzi badena ha yesowafa shahutti Kristosaara yeseko ta worge. Ye esini haydhi Kristosaara yesey uddime garesa maaqe gishako.

Filphisoosaxituse 2:21

Fedeesiti be uddina beese be worgesa kunxesuko u woxhesa baaka Yesuusi Kristosase hantese maaquwasso.

Qollasiyasaxituse 3:4

Hi yeso maaqe Kristosay addeyneniyaka hinunini yenniyaka esaara wolkoko kuxa fuulana hi addeyne.

Yohanise Haraje 14:13

Ye e geedeni << yeydi diizuwa!>> yeydi hine kato afaafa ta siido. Ayaana Geeshini <> yeydi e hido.