Efesoonaxituse 6:10 - Kille Caaqo

¹⁰ Aallicira hinuse ta ohesi Laaxunaara orje e osanaara oseywayte.

Efesoonaxituse 6:10 Iomraidhean Croise

1Qorontoosaxituse 16:13

Birkuwayte, aadexona miinguwayte, bohewayte, oseywayte!

2Qorontoosaxituse 13:11

Yoonase nuundo nayshito, modhena yesuwayte, facete keenguwasa maaqese karduttuwayte, ta otosani siwwayte, bidzi maxona yesuwayte, wolla modhetena yesuwayte. Hikketeko eehaara modhetiyara inge Wontoy hinunaara wolko e yese.

Efesoonaxituse 1:19

Hatteni aadexiya yese nuuka hantiya yese orje e osay an aallo malla e maaqenike hi erorosako Wonto ta shi'e.

Efesoonaxituse 3:16

Hinuka yese bentuwa hi oonunte minxe osa Ayaana badena Wontoy be kuxa fuula lagetiyafa hinuse inguwaye.

Filphisoosaxituse 3:1

Nuundo nayshito! Yoonase aalliciraaka hinuse ta hinesi Laaxuna magguwayte. Hi haluwannike hinumba e mahe gisha ye buro ta diizechosha sekke hinuse diizese belxheywasso.

Filphisoosaxituse 4:13

Kristosay inge osana uddi basuko ta danda'e.

Filphisoosaxituse 4:8

Nuundo nayshito! Aalliciraaka hinuse ta ohesi modhe maaqesaara <> hidi hiyuttesaara maxuwayte. Ye usitini aade maaqeesitani uddi, kuxay esuse bisheeshita uddi, gizo maaqe abakita uddi, geeshe maaqeesita uddi, eehutte basitaara <> hidi hiyutteesitaara uddiko.

Qollasiyasaxituse 1:11

Yeydiwo uddi abakona maggana dandadhi hi miimoronikeko keddaydi kuxuttese e osana miimete degexese hi danda'e.

2Xhimootoosese 2:1

Yebo ta na'e Xhimootoose! Yesuusi Kristosaara bidzo ne maaddhosuna Wontoy neese be keenge maxo modhetiyafa neese indo eehana oseywa.

2Xhimootoosese 4:17

Modhe odoy be kumena ta badena ohuttoronikiyara Ayhuda maaquwa fede ommiti be uddina siyoronikiyara Laaxi taa kiiddhiko osani taase e indo. Garma asshaafani tamba e maardo.

1Phexhrosey 3:8

Ta alseeme buro, hi uddinawo hi bidzi bidzina wolla kundi yesuwayte, woluse maxuwayte, indo nayshiti wola eehenike wola eehuwayte, woluse higilesaara hinumba ullaysesaara maaquwayte.

1Phexhrosey 4:11

Wonto kato ohesi ooneni Wontoy beese esukaana ohesa maaqenike gaxhisine ohuwaye. Wonto zawaa maresi ooneni beese e inge osana maruwaye. Wontoy Yesuusi Kristosa badena yenniya uddi basunako e galatutte. Kuxani adetoni koolo makkina esuse maaquwaye. Ameen.

1Phexhrosey 5:10

Axuse fetto maxo modhete keenge Wontoy Kristosa badenako koolo makkina e kuxa fuula shahaxe hi maaqoronike hinumba e xheydo. Oddhe woggase maddhaa hi gello geede hinumba sekke mati e osuse, e gagguse, minsini e esse.

1Yohanisey 2:14

Nayshito! Ade maaqe Wonto hi erdese gishako ha esa hinuse ta diizzo. Adiyaxhito! Burowafa ayti yese Wonto erdi hi yese gishako ha esa hinuse ta diizzo. Mullito! Osaxe hi maaqe gisha Wonto katona hi miindese gishaara iita maaqe esa hi iisheshe gishaarako hinuse ha esa ta diizzo.