Efesoonaxituse 5:5 - Kille Caaqo

⁵ Laggetesi, tuna hantesi, uddi abakose habbu habbu hineesiti Kristosasaara Wontosaara maaqe kaatetowaka tagoy ususe baassa modhussi eruwayte. <> yeydi hiyoy Wonto maaquwasa wonto mati kuxeko.

Efesoonaxituse 5:5 Iomraidhean Croise

Anxuttaasiti 20:32

Hatte Wontoy worguse basuna hinumba maroronike hi gisha Wonto oddeydiko ta shi'e. Esi axuse keenge maxo modhete ohe kato odde maxuwayte. Ha katoy hinumba dicheshaara Wontoy hayla mato axitaara wolko e inge tago nu eforonike mahesaarako.

Anxuttaasiti 8:21

Ne muxhuroy Wonto buruwa gizo e maaquwa gisha ha zeerese shaho fettoni godo keenguwannako.

Galatiya 5:19

Acho hantay erutteseesitako. Ye usitini laggete, asanxini maachini wolla iita tuna hante, borsuse hanta hante,

Galatiya 5:21

feday keenge abako beese mahese col'e, usshi goojhe, massalaaka bhikkilutti iitana usshi goojhi seefusesa hante, ye esa bissheshitako. Ha esume buro hinuse ta otonike <> hidiko hatteni sekke minsi ta ohe.

Efesoonaxituse 5:3

Aba bisha laggetoni maaqqe tuna hantay oo'oyne habbu habbu hiyey ye esita mahe dhagguwaychine beese e odoni odussofita. Ye e bishay Wonto haylaxituse worgusuwasso.

Qollasiyasaxituse 1:13

Ye esini Wontoy cencha osaafa numba maardi eehuttese be yele kaatetowa nuu e oodo.

Qollasiyasaxituse 3:5

Ye e gisha hinuka yese ha saha col'a wodhuwayte. Ye usitini laggeto, geejhete keenguwa hanta, be kahe asanxi maachi gara maachini asanxi gara gade, uddi iita col'a, abako mishe dheebeko. <> yeydi hiyoy Wonto maaquwa abakita hade Wontokeysi kuxeko.

1Xhimootoosese 6:10

Miijhe eehey uddi iitetese e xhabhoko. Bidzi bidzi axiti miijhe degexeeme hissineko be aadexo garafa dhaddi u zardese, beeseni maddha iita gelliko suuxe u yeettese.

1Xhimootoosese 6:17

Ha beraa yese wodumituko < yeydi hidofita, dhaddi gare wodunte goddofita, ni gobboronike niise uddi abako kunsi garsi inda en'a maaqe Wonto gobbuwayte!>> yeydi ohuwa.

Ibraxituse 13:4

Laggeteesiti garaara ye e bisha hanteesiti garaara Wontoy yaa'e gisha gelleseesitaara etteseesitaaray be caadhecho caaqo kuxana kattesesa maaquttuwaye. Adey be machime fede macho machi be ademe fede ade massoppe.

Yohanise Haraje 21:8

Yeydi e maaddhakoni jhasheeshiti, aadexuwasiti, tunaxiti, axe wodheesiti, laggeteesiti, qayeesiti, Wonto maaquwasa wonto mati kuxeesiti, yeydiwo zaadaxiti be uddina u tagoy dine hidi hiyuttesaara tamaaray essaaka yese orjena megge tama bagadiyaakako e maaqe. Ye esini lakkunxo hayboko>> yeydi taase e hido.

Yohanise Haraje 22:15

Tunaxiti, qayaxiti, laggeteesiti, axe wodheesiti, Wonto maaquwasa wonto mati kuxeesiti, zaade eeheesitaara be hantanaara be zeerenaara zaaddeesitaaray uddi katamame wudeko u atte.