Efesoonaxituse 4:16 - Kille Caaqo

¹⁶ Kristosanako be sunxuna sunxuna yese nu garay hanke wol gara e ayke. Gara kaatita hanke wol gara muhusesi esako. Garay be bidzi bidzina beese shahutti inguttese hanta hantisineko be kumena e dice, eehanani e oseyne.

Efesoonaxituse 4:16 Iomraidhean Croise

Yohanise 15:5

Tani weyne zuusuko, hinuni hangitako. Ooneni taaka yesa'ayko tanini esukaaka yesa'ayko ye esi laga aafeko e kaxhe. Ye esini taara baaka abani mahese danda'uwaytako.

Roomaxituse 12:4

Ni garay bidzo maaddhakoni be sunxuna sunxunako e yese. Ye be sunxuna sunxuna yese ni garay beese beesuko hanta e keenge.

1Qorontoosaxituse 10:17

Nu muune booray bidzo maaqenike ninini ye bidzi booraafawo shaheesita ni maaqe gisha fetto lagita maaddhakoni bidzi garako nini.

1Qorontoosaxituse 13:13

Yoonase aadexoy, gobboy, eehay, ha u haydzi miindiko u yese. Ussaafa garesi eehako.

1Qorontoosaxituse 8:1

Hatte, Wonto maaquwasuse kaashutta acho miye gisha ta ohesa siwwayte. <> yeydi nu hinesi eruttesesako. Hidakoni eray waarusuko e waaruse, eehamay dichako e diche.

Galatiya 5:22

Ayaana Geeshi axukaa kaxhe aafey eeha, magga, modhete, danda'o, jhergete, modhe hanta hante, be godofa arte dheebe,

Galatiya 5:6

Yesuusi Kristosaara wolla bidzo nu maaqusune nu keenge eehaafa densi nu hante hantana nu beyse aadexo baaka gada utteni gada utte dheebeni wooma keenguwasso.

Efesoonaxituse 1:4

Ye esini haylaara haasse keenguwasaara maaddhi e buro nu bentoronike sahay meddhutto baanneko Kristosana numba e xhardo.

Efesoonaxituse 3:17

Kristosay aadexona hi muxhurowaka be zawa mati yesoronikiyara hi xhabhowara hi kaachowaray eehana miindesesa maaqoronikiyara

Efesoonaxituse 3:7

Wontoy be osana hanti axuse be keenge maxo modhetiyafa densi ha modhe odo ta hantoronike taa e mato.

Efesoonaxituse 4:12

E indosi Kristosase e gara maaddhi yese Wonto haylaxita maaqe numba nu dichoronike Wonto zawa hanta nu hantoronike naddhiko.

Efesoonaxituse 4:15

Yeydi maaqekofa aade eehana zeerisine qino maaqe Kristosa bisheshe uddi basuna nu dicceeshe.

Filphisoosaxituse 1:9

Hi eehay eraara gaxaaray essa kundesesa maaddhi dicci be buro gara e hamorosako Wonto ta shi'e.

Qollasiyasaxituse 2:19

Garase qino maaqe Kristosaara wolko abani muho keenguwasso. Ye qino badenako e kumena kaatonaara xhabhonaara hanke wola aykiya yesesaara kaxa miya yesesaara maaqe garay e dice. Wontoy ye ogenako garay dicoronike e mahe.

Qollasiyasaxituse 2:2

Ta karduttesini u muxhuroy oseydiyara eehana hanke bidzo maaddhi shato badi yesine era aakete degessi e aallicira makkoy eruttese danda'uttuwadi yecho Wonto maxo u eroronikeko. Ye esini Kristosako.

1Teselonqaxituse 1:3

Ye esini hi aadexowafa densi hi hante hantaseni, hi eehaafa benta hi gafaseni nu Laaxi Yesuusi Kristosase hi keenge gobboy waydese miimo e maaqesani nuuse adiyara Wontowara maaqesi buroko uddhi burse baaka hinumba nu maxe.

1Teselonqaxituse 2:13

Nuukofa hi siido Wonto kato hi ettoniya hade axi katoke e maaddho baane Wonto aadexiya yese hi giddaaka hantiya yese hade Wonto katoke hi etto gisha uddi woggaakako burse baaka Wonto nu galate. Ye katoni aade Wonto katoko.

1Teselonqaxituse 3:12

Nuni hinumba eehe genno wolusaara fedeesitusaara uddi hi keenge eeha Laaxi hinuse kosuwaye, lagusuwaye.

2Teselonqaxituse 1:3

Nuundo nayshito! Wonto shi'isine uddi woggaa hinumba massi Wonto galatey nuuse worgusesako. Ye esini hi aadexoy diciya yese gishaara hi uddina wola eehiya hi yese gishaarako.

1Xhimootoosese 1:5

Ye neese ta woosso woossose e alsomay geeshi muxhuronani maaqqe iita modhe shati ere muxhuronani awsha keeguwa aadexonani aadexeesiti wola u eehesako.

1Phexhrosey 1:22

Indo nayshita awsha keenguwa ogena hi eehorosa aadese woosuttena hinumba geeshiko hi yese. Yoonase kume hi muxhurona hi bidzi bidzina modhussi wola eehuwayte.

1Yohanisey 4:16

Yeydiwo nunini Wontoy niise keenge eeha erdiko ni aadexe. Wontoy eehako, eehana yese axi Wontonako e yese, Wontoni essaakako yese.