Efesoonaxituse 2:8 - Kille Caaqo

^8-9 Ye esini Wontoy hinumba e loolusesi axuse be keenge maxo modhetenako. Ye esani nu ekkesi aadexonako. Ooneni cee'uttuwannike Wontoy beese mikkewo e indosa baaka hi hantaafa bentasuna maaquwasso.

Efesoonaxituse 2:8 Iomraidhean Croise

Matoose 16:17

Yesuusay <

Matoose 20:9

Tamma bidzi saatena hante aytechashiti be bidzi bidzinani yoodi ye bidzi wonta be hanto wooma u etto.

Marqoose 16:16

Aadessi xhamaqutti yesesi ooneni loolako e loole. Aadesso baasi garama yaa'uttoko e yaa'utte.

Luqaase 7:50

Yesuusay ye indo <> hidi e hido.

Yohanise 3:36

E yele aadexesi koolo makkinako e yese. E yelese woosuttuwasimay Wontoy e gara huulesa baaka yesowa geluwasso>> yeydi e hido.

Yohanise 4:10

Yesuusay < hidi hinesi oone maaqesaara erdako esa ne ga'esako yecha, hidakoko esi neese koolona yeso inge waaxe ingaane>> hidi e hido.

Yohanise 5:24

Hinuse ta ohesi fetto aadeko. Ta kato siidi tamba ansase aadexesi koolo makkina yesoko e keenge. Ye esi haybowafa yesowa e gardosa baaka e gara yaa'uttuwasso.

Yohanise 6:35

Yesuusani <

Yohanise 6:37

Adey taase indosi taako yootako e yoone, taako yoonesa tani wude gooduwasso.

Yohanise 6:40

Nuwade maxoy yele beedi esa aadexesi uddi koolo makkina yeso e degexorosako. Tanini aallicira wonte haybowafa ye esa denxako ta denxe>> hidi e hido.

Yohanise 6:44

Tamba ansa adey taako gooshosha baaka taako yoowese ooneni danda'uwasso. Taako yoonesa tani aallicira wonteko haybowafa esa ta denxe.

Yohanise 6:65

Sekkeni Yesuusay << > hidi hidosa baaka taako yoonesi baasso> hidi hinuko ta otosi hi giddaaka aadexuwasiti yese gishako>> yeydi e hido.

Anxuttaasiti 13:39

Muse wogay cubbowafa geesshi gizusuwasso. Esa aadexesimay uddi cubbowafa geejjhiko gizo u maaqe.

Anxuttaasiti 14:27

Yahani handi be ello woggaa Wonto zawa axita bidzi godo bhikkilli Wontoy usaara hantosa uddi Ayhuda maaquwadechashitini esa aadexoronike waydi suma e dodhosa u oto.

Anxuttaasiti 15:11

Ninini loollosi hade usukewo Laaxi Yesuusay axuse be keenge maxo modhetiyafa dendi niise hanto hantana e maaqenike aadekoydiko nu hine>> yeydi e hido.

Anxuttaasiti 16:14

Siya yecha indowaxhittaafani be yeluttena Tiyaxhirone katamaxhiyo maaqe Lidiya sunge bidzi indoy yaha i yecha. Isini e woomay keddaydese zo'o maa'o i zal'icha. Wonto kuxe indo i maaqicha. Phawlosey zeeresa haysi i siyoronike Laaxi i muxhuro dodho.

Anxuttaasiti 16:31

Usini <> yeydi u hido.

Roomaxituse 10:14

Hinne be aadexuwasa waakidiwu bemba e maaroronike esa shi'ese danda'uso? E gisha be siido baasa waakidiwu aadexuso? Modhe odo otay baane waysiw siyese danda'uso?

Roomaxituse 10:17

Yoonase aadexoy e bentesi modhe odo siyefako. Modhe odoy Kristosa gisha erusutte erunxuko.

Roomaxituse 4:16

Wontoy gobbusese gobboy e bentesi aadexonako. Ye e gisha Abrahaame fira fiixhay uddi ye gobbusuttese gobbo Wonto maxo modhetiyafa dendasuna u ekkenike eezuttuwasso. Abrahaame fira fiixha hidi hiyoni wogana yeseesitawo e maaddho baanne hade Abrahaameke Wonto aadexeesitusaarako. Ye esini Abrahaamey aadexo ogena nimba uddi yella adeko.

Roomaxituse 4:5

Axi beese modhe hante dheeddakoni axe e cubbowafa maare Wonto be aadesso geede e aadexoy gizo maaddhiko e taabutte.

Roomaxituse 9:16

Ye e gisha Wontoy axe xharesi axi gafanaara maxonaara e maaddho baanne beese be maaronako.

Galatiya 3:14

Numba e wozzosini Wontoy Abrahaamese indecho suusi Yesuusi Kristosana Ayhuda maaquwasituse e elloronikiyara Wontoy <> hidi hidese Ayaana Geeshe aadexona nu eforonikiyarako.

Galatiya 3:22

Yesuusi Kristosa aadexena bente gobboy aadexeesituse e inguttoronike Hayla Fissharoy ohenike saha gara yese axi be uddina cubbose e oomo tufaxe maaddhiko u yese.

Efesoonaxituse 1:19

Hatteni aadexiya yese nuuka hantiya yese orje e osay an aallo malla e maaqenike hi erorosako Wonto ta shi'e.

Efesoonaxituse 2:10

Ye esini nuni Wontoy burussi naddho modhe hantita nu hantoronike Yesuusi Kristosaara bidzo mati e meddhese Wonto meddhitako.

Efesoonaxituse 2:5

fetto ni miidhana haydhesesa maaddhi ni yesune Kristosaara wolko yeso niise indiko e yese. Hinunini maaruttosi Wontoy axuse keenge maxo modhetiyafa densiko.

Filphisoosaxituse 1:29

Kristosa hi aadexorosawo e maaddho baane e gisha maddhay hi gara yooworonike ha esa Wontoy be maxo modhetiyafako hinuse e mato.

Qollasiyasaxituse 2:12

Ye esini hi xhamaquttoniyaka Kristosaara wolko mooguttiko hi yese. Esa haybowafa densa Wonto osa aadexena esaara wolko assi haybowafa dendiko hi yese.

2Teselonqaxituse 1:9

Usini kuxa fuulay essaaka kundese osa keenge Laaxi burofa ooxutti koolo makkina iitti yaha maddha giddaaka u yesoronike yaa'ay u gara e sinte.

Ibraxituse 6:4

Buro Wontoy inge fo'e beedi afaafa ingutta ingo etti Ayaana Geeshi shahaxe maaddhi Wonto katoy modhe maaqesaara yoone sahase e osaara oddhena erdi yechine Wonto ogiyafa dhaddi kessa gerita hanke waansi mahese e danda'utte?

1Phexhrosey 1:5

Wontoy esa hi aadexe gisha loolo hi degexoro aalloko be osana hinumba e kakke. Ye looloni aallicira wonteko uddiyadese e addeyne.