Efesoonaxituse 2:16 - Kille Caaqo

¹⁶ Suxi mixi gara hay'ena wola inxha'ichosha u giddaafa oossi lam'i ommita bidzi gara mati Wontowara wolko uso e naddho.

Efesoonaxituse 2:16 Iomraidhean Croise

Roomaxituse 5:10

Nuni Wontowara iilaxe maaddhi yechine e yele haybona esaara wolko naquttiko nu yese. Hatte Wontowara nu naqutto geede Wontoy numba loolusesi fetto be yele yesonako.

Roomaxituse 6:6

Cubbache maaqe nu axetoy bayoronikiyara ha e geede sekke cubbose e maala nu maaquwanikiyara cima nu oonuntey Kristosaara wolko e suxhuttonike erako ni ere.

Roomaxituse 8:3

Axi be meddhuttowafa gafaxe maaddhi bentosafa dendasuna wogay mahese dandadho baasa Wontoy beese matiko e yese. Wontoy cubbo keenguwa be yele cubbaxe maaqe axe bishushi cubbose kaasha e maaqoronike anxenako cubbo gara e yaadho. Yeysi be matosuna be yele achona cubbo e oosso.

Roomaxituse 8:7

Ye esini beese be achoshe maxe axi Wonto wogase be woosuttuwa gishaara woosutteseni be danda'uwa gishaara ye axi Wonto iilaxuko e maaqe.

1Qorontoosaxituse 10:17

Nu muune booray bidzo maaqenike ninini ye bidzi booraafawo shaheesita ni maaqe gisha fetto lagita maaddhakoni bidzi garako nini.

Galatiya 2:20

Tani Kristosaara wolko suxhuttiko ta yese. Yoonase hatte yesesi taa maaquwasso taaka yese Kristosako. Hatteni axe maaddhi ta yese yesoy tamba eeti taameysine biya garsi inda Wonto yele aadexisine ta yeseesunako.

Efesoonaxituse 2:15

Wogay woossecho woossowara e ohesaara e uddina axe maaddhi haydhi densi e oosso. Ye ogenani axi gidda modhete gaddi lam'i ommita beera wolko bidzo maaddhese kille omma e meddho.

Efesoonaxituse 3:6

Ye aachiya yecha Wonto maxoy Ayhuda maaquwasiti modhe odo badena Ayhudaxitaara wolko Wonto suususe shahaxe u maaqenikiyara usaara wolla bidzi gara u maaqenikiyarako. Yeydiwo Wontoy Yesuusi Kristosa badena numba e gobbusese gobbose shahaxe u maaqesako.

Efesoonaxituse 4:4

Hi xheygutto wogga bidzi gobbose hi xheyguttesenike hinuni bidzi garako, bidzi Ayaanako hi keenge.

Qollasiyasaxituse 2:14

Esini nimba luukichashaara inxha'ichashaara maaqe diizutti yese wogay nuukofa oycichosha ucci suxi mixi gara mismaarena caddi suxxhi nu garafani densi oossiko e yese.

Qollasiyasaxituse 3:15

Bidzi gara maaqese hi xheyguttesesi Kristosa modhete gisha e maaqesuna hi muxhurowaka ye modhetewoy yesesa maaquwaye. Uddi wogga Wonto galatuwayte.