Efesoonaxituse 1:6 - Kille Caaqo

⁶ Yeysini e matosi axuse e keenge kuxuttese e maxo modhete gisha axi esa galatorosako. Ye modhete be maxoni eehuttese be yele badenako niise e adduso.

Efesoonaxituse 1:6 Iomraidhean Croise

Matoose 17:5

Hagawo Phexhrosey zeereniya lehhidese dhumay yoodi uso e fassho. Ye dhumaannani <> yeydi hine kato u siido.

Matoose 20:9

Tamma bidzi saatena hante aytechashiti be bidzi bidzinani yoodi ye bidzi wonta be hanto wooma u etto.

Matoose 3:17

Ye woggawo <> yeydi hine katoy afaafa e sinto.

Luqaase 2:14

<> yeydi u hicha.

Yohanise 10:17

Sekke ta yesoronike tamba garsi ta inge gisha nuwadey tamba eehako e eehe.

Yohanise 3:35

Adey be yele eehako e eehe. Uddi abako e kuchiyako e indese.

Roomaxituse 8:1

Yoonase ha e geede Yesuusi Kristosaara wolko yeseesiti gara yaa'uttuwasso.

2Qorontoosaxituse 4:15

Yeenxhi uddi hinumba go'esuko e maaddho. Ye ogenako Wonto kuxa fuulay aatti Wontose galata uquseesiti lagorosa Wontoy axuse keenge maxo modhetey gardesesuna laga axituse e elloronike e maaqe.

2Qorontoosaxituse 5:21

Nuni Kristosaara wolla bidzo maaddhi Wontona gizo nu maaqoronike Wontoy cubbo keenguwa Kristosa nu cubbo e iddoronikeko e mato.

Efesoonaxituse 1:12

Esume yeysi e matosini burona Kristosa gobbe mahe nini e kuxa fuula kedda kedda ni hisoronikeko.

Efesoonaxituse 1:14

Ayaana Geeshe niise e indosunako Wontoy beese maaqeesita uddi wozzi be also geede nuuse be hidese tago e indesenike erese ni danda'e. Ye esini Wonto kuxa fuulay kedda kedda hiyoronikeko e mahe.

Efesoonaxituse 1:18

Yeydiwo hinumba xheydi aba bissheshesha hinumba e gobbusesesaara Wonto haylaxiti efese hine kuxuttese tagoy aba makko laga e maaqesaara hi eroronike hi muxhuro e do'orosako Wonto ta shi'e.

Efesoonaxituse 2:7

Yeysi e matosini ha esume sekke koolo makki aallo Yesuusi Kristosa badena nuuse be hanto modhe hanta axuse be keenge aallicira keenguwa maxo modhetey e lagorosa addusese wordiko.

Filphisoosaxituse 1:11

Ye e bisha yesonako Yesuusi Kristosay hinuka kaxe gizete aafe lagussi hi kaxhe. Wontose kuxaara galataaray bentoronike hi mahe.

Filphisoosaxituse 3:9

Yeysi ta mahesini Kristosaara wolla bidzo maaqesuko. Hatte ta keenge gizetey woga kafena bente taakofa maaqe gizete e maaddho baane Kristosa aadexena bente gizeteko. Ye e bisha gizetey Wontokofako. E bentesini aadexonako.

Filphisoosaxituse 4:19

Ta Wontoy ittuwa malla maaqe be wodunte be keengenikeko Yesuusi Kristosa badena hinumba worgusesa uddi kunsi e inge.

Qollasiyasaxituse 1:13

Ye esini Wontoy cencha osaafa numba maardi eehuttese be yele kaatetowa nuu e oodo.

1Phexhrosey 2:5

Hinunini hade en'a shuchituke Wonto Ayaanana durkutti keexhuttese aadena Wonto zawa maaqesuko hi keexhutte. Ha e bishanako Yesuusi Kristosa badena Wonto magguse e Ayaanana durkutti ingutte aadena kaasha esuse uqusese haylondese kahinita hi maaqe.

1Phexhrosey 2:9

Maaquwaye baaka hinuni cenchaafa micushe be fo'iya hinumba xheyda Wonto malla hanta hi odusoronike ha saha gara yese axitaafa xharuttese omma, kaati kahinita, hayla axita, Wontoy beese matoositako.

1Phexhrosey 4:11

Wonto kato ohesi ooneni Wontoy beese esukaana ohesa maaqenike gaxhisine ohuwaye. Wonto zawaa maresi ooneni beese e inge osana maruwaye. Wontoy Yesuusi Kristosa badena yenniya uddi basunako e galatutte. Kuxani adetoni koolo makkina esuse maaquwaye. Ameen.