Efesoonaxituse 1:4 - Kille Caaqo

⁴ Ye esini haylaara haasse keenguwasaara maaddhi e buro nu bentoronike sahay meddhutto baanneko Kristosana numba e xhardo.

Efesoonaxituse 1:4 Iomraidhean Croise

Matoose 24:22

Ye wontita hatuse e dheeddako bidzi axini maaruttese danda'uwadiko yecha. Maaqe baaka xharutta axumeko ye wontita e hatuse.

Matoose 24:24

Mesihe maaquwasiti kaayaxita maaquwasiti hissineko zaadaxiti yoodi Wontoy xhardechoshita danda'a'ayko haluxese hissine hantuttese danda'uttuwa yeragowara micushe abakowara u hante.

Matoose 24:31

Keddaysi uwwe marachi katowara wolko Wonto woosaxitani e anxe. Usini hadursi badefani oshichi badefani afa badefani oomo badefani afa wosulaafa saha wosula aallo handi esuse xharuttese axita u bhikkile>> yeydi e hido.

Matoose 25:34

Yenniyakani kaati be oshishaa be essositani

Yohanise 10:16

Ha doritaara wolla aquwassako fede dorita ta keenge. Uso hanke ooweko tamba e worguse, usini ta kato u siine, ha doritaara bidzo u maaqe, uso yeengesini bidzo e maaqe hidiko.

Yohanise 15:16

Tani hinumba xhardosa baaka hinuni tamba xhardo baytako. Handi aafe hi kaxhoronikiyara ye hi kaxhe aafey yesesa maaqoronikiyarako hinumba ta maagesso. Ye e gisha ta sunxuna nuwadey hi shi'e abako aba e maaqo'aykoni hinuse ingako e inge.

Yohanise 17:24

Nuwadde! Ha sahay meddhutto baanne tamba ne eeto gisha taase ne indo kuxa fuula ha taako ne indeseesiti beyoronike tani yese godo taara u yesorosako ta worge.

Anxuttaasiti 13:48

Ayhuda maaquwasitini ye esa siidi maddi Laaxi kato gisha Wonto u galatto. Koolo makkina yesose xharuttechashitini uddi u aadesso.

Anxuttaasiti 15:18

Olowafa ayti haanxho erusa Wontoy yeydiko e hine> yeydi hinesako e maaqicha.

Roomaxituse 8:33

Wontoy xhardosita ooni luufese danda'esa? Esako beese uso gizusesa.

1Qorontoosaxituse 1:8

Nu Laaxi Yesuusi Kristosay yekke yoone wonte haasse keenguwasa maaddhi hi bentoronike aallicira makko miindi hi yesorosako hinumba Wontoy e mahe.

Galatiya 5:13

Nuundo nayshito! Hinuni maaketowafa kesesuko hi xheyguttese. Bidzi feda eehana hade maalake maruwaye baaka hi acho col'a alsese maaketowafa hi kessosa goyndofita.

Galatiya 5:22

Ayaana Geeshi axukaa kaxhe aafey eeha, magga, modhete, danda'o, jhergete, modhe hanta hante, be godofa arte dheebe,

Galatiya 5:6

Yesuusi Kristosaara wolla bidzo nu maaqusune nu keenge eehaafa densi nu hante hantana nu beyse aadexo baaka gada utteni gada utte dheebeni wooma keenguwasso.

Efesoonaxituse 2:10

Ye esini nuni Wontoy burussi naddho modhe hantita nu hantoronike Yesuusi Kristosaara bidzo mati e meddhese Wonto meddhitako.

Efesoonaxituse 3:17

Kristosay aadexona hi muxhurowaka be zawa mati yesoronikiyara hi xhabhowara hi kaachowaray eehana miindesesa maaqoronikiyara

Efesoonaxituse 4:2

Eehana wola aykisine uddi wogga hinumba ullaysena, shenona, danda'ona yesuwayte.

Efesoonaxituse 5:2

Kristosay nimba eetonikiyara Wonto magguse modhe sawwe ingowara kaashaara mati be yeso nuume hissine garsi e indonikiyara hinunini eehana yesuwayte.

Efesoonaxituse 5:27

Ye e bishanako axhuma oo'oyne waqo shur'ume oo'oyne fede iita abakoy bento baane bidzi facete keenguwasa haylaara kuxa fuulaara keengesa mati be buro e uquse.

Filphisoosaxituse 2:15

Yeysi hi hantako ha doomaara iitaara maaqe ha saha gara yese axi giddaaka iitete keenguwasaara haasse keenguwasaara maaddhiko Wonto nayshe geeshe hi maaqe. Xhoolintey afase faqenikeko hinuni ha saha gara yese axituse hi faqe.

Qollasiyasaxituse 1:22

Hattema e yeley axe maaddhi e haydhosuna Wontoy beera wolko hinumba naddhiko e yese. E naddhosini haylaxaara geeshaara haasse keenguwasa mati be buro hinumba uqusesuko.

Qollasiyasaxituse 2:2

Ta karduttesini u muxhuroy oseydiyara eehana hanke bidzo maaddhi shato badi yesine era aakete degessi e aallicira makkoy eruttese danda'uttuwadi yecho Wonto maxo u eroronikeko. Ye esini Kristosako.

Qollasiyasaxituse 3:12

Yoonase hayla maaqesaara eehuttesesaara yeydiwo Wontoy xhardesesa hi maaqe gisha higilsa keengesa, jhergaxe, hinumba ullaysesa, shenaxe, danda'axe maaquwayte.

1Teselonqaxituse 3:12

Nuni hinumba eehe genno wolusaara fedeesitusaara uddi hi keenge eeha Laaxi hinuse kosuwaye, lagusuwaye.

1Teselonqaxituse 4:7

Wontoy nimba e xheydosi haylontena ni yesoronike baaka tuna yeso ni yesoronike maaquwasso.

2Xhimootoosese 1:9

Wontoy nimba loolussi esuse haylaxita nu maaqoronikeko e xheydo. Ye esa e matosi nu hanta modhetena e maaddho baanne buronawo <> hidi beydosunaara axuse be keenge maxo modhetenaarako. Ye eehani abani meddhutto baanne e buro Yesuusi Kristosa badena nuuse ingese massi e yechoshako.

2Xhimootoosese 2:10

Yesuusi Kristosana benta loolowara koolo makkina kuxa fuulaara u degexoronike Wontoy xhardese axitume hissineko uddi base ta danda'e.

2Xhimootoosese 2:19

Sekke hanke en'ese danda'uwa Wonto kaachomay kaachutti eedhiko e yese. Ye eedhese kaacho gara <> yeydi hinesaara <> yeydi hinesaarako diizutti yesa.

Yayqoobey 2:5

Eehuttese nuundo nayshito! Siwwayte! Wontoy ha saha gara yese jhi'ita aadexoy ususe wodunte maaqenikiyara biya eeheesita be gobbusese kaateto u dhaaloronikiyarako uso e xhardese.

1Phexhrosey 1:2

Ade maaqe Wontoy hinumba e xhardosi burowo <> hidi be hidechonikeko. Ayaana Geeshuna haylaxitako hinumba e mato. Yeysi e matosi Yesuusi Kristosase hi woosuttoronikiyara e suuxuna hi geejhoronikiyarako. Wontoy axuse keenge modhe maxowara modhetiyaray hinuse laguwaye.

1Phexhrosey 1:20

E xharuttosi ha sahay meddhutto baane e maaqusune hatte aallicira beraaka hi gishako e addeydo.

1Phexhrosey 2:9

Maaquwaye baaka hinuni cenchaafa micushe be fo'iya hinumba xheyda Wonto malla hanta hi odusoronike ha saha gara yese axitaafa xharuttese omma, kaati kahinita, hayla axita, Wontoy beese matoositako.

2Phexhrosey 3:14

Yoonase, ta eehe ta badito, ha esi uddi maaqe wonta kakkisine modhetena haasse keenguwa geeshe maaddhi hi yesune Laaxi hinumba degexoronike oseydi hantuwayte.

1Yohanisey 4:16

Yeydiwo nunini Wontoy niise keenge eeha erdiko ni aadexe. Wontoy eehako, eehana yese axi Wontonako e yese, Wontoni essaakako yese.

Yohanise Haraje 13:8

Ha sahay meddhuttosafa ayti u sunxi shufutta doruse maaqe yeso fissharowa diizutto baasiti saha gara yese axiti uddi bo'ose u disse.

Yohanise Haraje 17:8

Ne beedo bo'oy buro yesako e yecha, hattema baasso, hannina biixi bookowafako e kese. Dhaddi be baane godowako e hange. Ha sahay meddhuttosafa ayti u sunxiti yeso fissharowa diizutto baasiti ha saha gara yeseesiti bo'oy olo yechashe hattema baasa, hannina yoonesa e maaqesa be beene gisha micako u mice.