2Teselonqaxituse 2:16 - Kille Caaqo

¹⁶ Beese nu Laaxi Yesuusi Kristosaara nimba eeti niise be keenge maxo modhetena koolo makki aallo nimba e minxoronike mati modhe gobboni niise inda nuuse ade maaqe Wontowaray

2Teselonqaxituse 2:16 Iomraidhean Croise

Luqaase 16:25

Abrahaameni

Yohanise 13:1

Garo Massalay uddhi e yecha. Yesuusay ha saha garafa dhaddi afaase adeko be hange woggay ellosa erdi be yecho gisha ha saha gara yechashita beese maaddhasita eehiya e yecha, aallicira makkoni uso e eeto.

Yohanise 15:13

Be eehe axitume hissine bemba garsi haybose ingeeme gare eeha keengesi ooneni baasso.

Yohanise 15:9

Nuwadey tamba eetonikewoko tanini hinumba eeto. Ta eeha garafa shahuttofita.

Yohanise 16:22

Ye esuke hattey hinuse maddhaara higilsaarako. Maaquwaye baaka sekkeko hinunaara ta muhe, yenniyani maggako hi magge, hi magga baysese danda'esi baasso.

Yohanise 3:16

Wontoy bidzi be yele be ingoro makko ha saha gara yese axita keddaysi e eeto. Ye e gisha e yele aadexesi uddina koolo makkina yeso u degexesa baaka bayuttuwasso.

Yohanise 4:14

Tani inge waaxe usheshimay koolo makkina sazzuwasso. Ye esini esukofa koolo makkina yesoy fol'e tultoko e maaqe>> yeydi e hido.

Anxuttaasiti 15:11

Ninini loollosi hade usukewo Laaxi Yesuusay axuse be keenge maxo modhetiyafa dendi niise hanto hantana e maaqenike aadekoydiko nu hine>> yeydi e hido.

Anxuttaasiti 18:27

Akkaya wude hamese Aphilosey massoniya Wonto aadexeesiti e maxo u kiiddho. Laaxi oge hange ye wude yechaashiti modhussi mokkorosa diizzi esuko u indo. Handi be elloniyani Wontoy axuse keenge maxo modhetiyafa dendasuna aadesaasita e mardo.

Roomaxituse 1:7

Rooma katamaa yese hinuse Wontoy eeteseesitusaara hayla axita hi maaqoronike e xheydeseesitusaara uddi ha woossoko ta anxe. Nuuse ade maaqe Wontowara Laaxi Yesuusi Kristosaaray axuse keenge modhe maxowara modhetiyaray hinuse maaquwaye.

Roomaxituse 4:16

Wontoy gobbusese gobboy e bentesi aadexonako. Ye e gisha Abrahaame fira fiixhay uddi ye gobbusuttese gobbo Wonto maxo modhetiyafa dendasuna u ekkenike eezuttuwasso. Abrahaame fira fiixha hidi hiyoni wogana yeseesitawo e maaddho baanne hade Abrahaameke Wonto aadexeesitusaarako. Ye esini Abrahaamey aadexo ogena nimba uddi yella adeko.

Roomaxituse 4:4

Hanta hante axuse e hanto wooma shamey e gatto gafa wooma shameko baaka esuse mikke ingo maaquwasso.

Roomaxituse 5:8

Yeydi e maaddhakoni cubbache maaddhi nu yesune Kristosay nuume hissine e haydho. Ye esuna Wontoy numba keddaysi be eehesa e beyso.

Efesoonaxituse 5:2

Kristosay nimba eetonikiyara Wonto magguse modhe sawwe ingowara kaashaara mati be yeso nuume hissine garsi e indonikiyara hinunini eehana yesuwayte.

Efesoonaxituse 5:25

Adiyaxhito! Kristosay Wonto zawa axita eetonikiyara bemba usume hissine garsi e indonikiyara hinunini hi macho macho eehuwayte.

Qollasiyasaxituse 1:23

Esini uqusesi kaachuttiyara sekke hanke hiye baaka eedhesesaara maaddhi hi siidese modhe odoy gobbusesesi garafa arto badi hi aadexona oseydi hi yesa'aykoko. Ye modhe odoni ha saha gara yese meddhose uddi ohuttesesako. Tanini Phawlosey ye modhe odose e hantaxuko ta maaddhese.

Qollasiyasaxituse 1:5

Hi aadexowara hi eehaaray e kaachuttosi afaaka naqutti hinumba kakke gobbo garako. Ye gobboni aade gisha ohesa maaqe modhe odoy hinuko yoodoniya buro siidiko hi yese.

1Teselonqaxituse 1:3

Ye esini hi aadexowafa densi hi hante hantaseni, hi eehaafa benta hi gafaseni nu Laaxi Yesuusi Kristosase hi keenge gobboy waydese miimo e maaqesani nuuse adiyara Wontowara maaqesi buroko uddhi burse baaka hinumba nu maxe.

1Teselonqaxituse 3:11

Hatteni hinuko nu hamoronike beese niise ade maaqe Wontowara ni Laaxi Yesuusaaray nuuse oge gizusuwaye.

2Teselonqaxituse 2:13

Laaxuna eehuttese nuundo nayshito! Uddi wogga hi gisha Wonto galateko numba e worguse. Ye esini Ayaana Geeshuna hi hayloomoronikiyara aadeni <> hidi hi eforonikiyara mati Wontoy haybowafa maaroronike buronase hi maaqoronikeko hinumba e xhardo.

Titose 1:2

Aade modhussi eriyara aadexowaray koolo makkina yeso u degexoronikeko e gobbuse. Ye koolo makkina yeso bemba aadexeesituse ingese zaaddese danda'uwa Wontoy abani meddhutto baanne gobbusiko e yecha.

Titose 2:13

Ye e bishanako Wontoy numba gobbusine ye magga wonte nu kakke. Ye nu gobbesini numba maarda keddaydese malla maaqe nu Wonto Yesuusi Kristosay kuxa fuulana addeynesako.

Ibraxituse 7:19

Aadewo Muse wogay ooneni facete keenguwasa mato baasso. Hattema e badena Wontoko nu uqe gardese gobbo e gara nu gadesi nu gisha bentiko e yese.

1Yohanisey 3:16

Eehay aba maaqesa esuna erese ni danda'esi Yesuusay niime hissine bemba garsi e indosunako. Nini niindo nayshume hissine nimba garsi ni ingorosako e worguse.

Yohanise Haraje 22:5

Ye e geede sekke qamay baasso. Laaxe maaqe Wontoy ususe faqe gisha faqey beyse fo'iyara qoossi inge fo'iyara worgusuwasso. Koolo makki aalloko u kaate.

Yohanise Haraje 3:9

Yoonase Ayhudaxita maaddho badi yesine <> yeydi hineesita Humbaye bade maaqe zaadaxita yoodi ne toke buro u ungoronike uso mahoko ta mahe. Tani nemba eehenike u eroronikeko ta mahe.