2Teselonqaxituse 1:3 - Kille Caaqo

³ Nuundo nayshito! Wonto shi'isine uddi woggaa hinumba massi Wonto galatey nuuse worgusesako. Ye esini hi aadexoy diciya yese gishaara hi uddina wola eehiya hi yese gishaarako.

2Teselonqaxituse 1:3 Iomraidhean Croise

Luqaase 15:32

Ha ne barsi haydhi yechine en'a e maaddho gisha baadi yechine e bento gisha maggani muutani ushoni hiyeko numba e worguse> hidi adey hido>> yeydi Yesuusay e mamatto.

Luqaase 17:5

Anxuttaasitini Yesuusa <> hidi uydo.

Yohanise 15:2

Ta gara yesine aafe kaxhuwa hangita kirdiko wora e dakke. Aafe kaxheesitama lagussi e kaxhoronikeko bursi hatussi e naqe.

Roomaxituse 1:8

Hi aadexo ha saha gara yese axi uddi siidosuna Yesuusi Kristosa badena burussi hi gisha uddi ta Wontoko ta galate.

1Qorontoosaxituse 1:4

Yesuusi Kristosa badena Wontoy axuse be keenge be maxo modhetena hinuse laga modhete e hanto gisha uddi woggaako esa ta galate.

2Qorontoosaxituse 10:15

Wontoy nuuse indo godofa gardi fedeesiti hantana nashuttuwanxhiko. Ye esukofa hi aadexoy dicishine e hangusune nu hante hantani Wontoy otese makki aallo hi giddaa gardese ogena e dicorosako gobbiya nu yese.

Efesoonaxituse 5:20

Uddi woggaaka uddi basi gisha nu Laaxi Yesuusi Kristosa sunxuna ade maaqe Wonto galatuwayte.

Filphisoosaxituse 1:7

Ta muxhurowaka hi yese gisha yeydi hinuse maxey taase bisheshako. Ye esini ta tufuttoniyakaara modhe odoy aade maaqenike ta addusoniyakaara ye modhe odoy miindi e ee'oronike ta matoniyakaara Wontoy be maxo modhetiyafa taase indo suususe shahaxuko hi maaqicha.

Filphisoosaxituse 1:9

Hi eehay eraara gaxaaray essa kundesesa maaddhi dicci be buro gara e hamorosako Wonto ta shi'e.

1Teselonqaxituse 3:12

Nuni hinumba eehe genno wolusaara fedeesitusaara uddi hi keenge eeha Laaxi hinuse kosuwaye, lagusuwaye.

1Teselonqaxituse 3:6

Hattema Xhimootoosey hinukofa hanke nuuko yoodi hi aadexo gishaara hi eeha gishaara magguse odo e otinne siidiko nu yese. Yeydiwo numba keddaysi maxiya hi yesenikiyara nuni hinumba saziya yese makko hinunini numba saziya yesesaarako esukofa nu siido.

1Teselonqaxituse 3:9

Yoonase hi gisha Wonto buro nu keenge orje maggana Wontose aba bisha galata nu uqusakoni e ellaane?

1Teselonqaxituse 4:1

Nuundo nayshito! Wonto maggusese waydi yese hinumba e worgusenike erusiko nu yese. Aadewo hinuni Wonto maggusisine yesiyako hi yese. Aalliciraaka Laaxi Yesuusana hinumba odde hidi nu hinesaara hinumba nu minxesaaray ha esume gardese ogena Wonto hi maggusorosako.

2Teselonqaxituse 2:1

Nuundo nayshito! Laaxi Yesuusi Kristosa yoowesaara esuko ni bhikkiluttesusaara odde hidi hissine hinuse nu ohe.

2Teselonqaxituse 2:13

Laaxuna eehuttese nuundo nayshito! Uddi wogga hi gisha Wonto galateko numba e worguse. Ye esini Ayaana Geeshuna hi hayloomoronikiyara aadeni <> hidi hi eforonikiyara mati Wontoy haybowafa maaroronike buronase hi maaqoronikeko hinumba e xhardo.

1Phexhrosey 1:22

Indo nayshita awsha keenguwa ogena hi eehorosa aadese woosuttena hinumba geeshiko hi yese. Yoonase kume hi muxhurona hi bidzi bidzina modhussi wola eehuwayte.

2Phexhrosey 1:13

Ha saha gara ta yese aallo ha esa hi maxoronike hinumba birkusey tamba worgusesa e maaqenikeko ta maxe.

2Phexhrosey 3:18

Ye esukofa nu Laaxeni numba loolusaseni maaqe Yesuusi Kristosay hinuse be keenge maxo modhetiyafa densi hinukaa e hantesunaara esa erenaara dicuwayte. Hatteni maaqqe koolo makki aallo esuse kuxa fuulay maaquwaye. Ameen.