1Teselonqaxituse 5:23 - Kille Caaqo

²³ Modhete inge Wontoy beese uddi basuna hinumba haylonsi hi maxo, hi muxhuro, hi garani uddi hi yeso kumena Laaxi Yesuusi Kristosay yooneniyaka haassuttuwasa hi maaqoronike hinumba kakkuwaye.

1Teselonqaxituse 5:23 Iomraidhean Croise

Luqaase 1:46

Maarameni <

Yohanise 17:19

Usi aadena haylondi yesesa u maaqoronike tanini u gisha tamba ta haylonxe.

Anxuttaasiti 20:32

Hatte Wontoy worguse basuna hinumba maroronike hi gisha Wonto oddeydiko ta shi'e. Esi axuse keenge maxo modhete ohe kato odde maxuwayte. Ha katoy hinumba dicheshaara Wontoy hayla mato axitaara wolko e inge tago nu eforonike mahesaarako.

Anxuttaasiti 26:18

U aafey beyorosa mati cenchaafa fo'iya ne garxorosa Humbaye adeto oomowafa Wontoko ne mahorosako nemba ta anxe. Yenniyani usi be cubbowafa u maarutte, taanna be aadesoosunako haylondeseesiti giddaani beese godo u degexe> yeydi e hido.

Roomaxituse 15:13

Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

Roomaxituse 15:33

Modhete inge Wontoy hi uddiyara wolko yesuwaye. Ameen.

Roomaxituse 15:5

Hinuni Yesuusi Kristosaara hi yese gisha hi danda'oronikiyara hi miimoronikiyara mahe Wontoy wolko bidzo maaddhi hi yesoronike hinumba mahuwaye.

Roomaxituse 16:20

Yeysi hi maho'ayketese axuse modhete inge Wontoy Humbaye hi toke oomoko ukkena dhiila e mahe. Nu Laaxi Yesuusay axuse keenge maxo modhetey hinuse maaquwaye.

1Qorontoosaxituse 1:2

Qorontoose yese Wonto zawa axituse nu anxe woosso. Hinuni Yesuusi Kristosana haylondi uddi godowa yesine e sunxe xheygeesituseni nuuseni Laaxe maaqe nu Laaxi Yesuusi Kristosana wolko haylaxita maaqesuko hi xheyguttese.

1Qorontoosaxituse 1:30

Wontoy hinumba Yesuusi Kristosaara wolla bidzoko e mato. Esani nuuse era e maaqorosako e indo. Numba gizusasini, numba haylonsasini, numba wozzasini Kristosako.

1Qorontoosaxituse 14:33

Ye esini Wontoy modhete eehe Wontoko baaka koyse eehe Wonto maaquwasso. Be godowa godowa yese hayla maaqe Wonto zawa axiti uddi mahenike

2Qorontoosaxituse 5:19

Ye esini Wontoy Kristosa badena beera wolko ha saha gara yese axita naqisine u miidha taaddo baasso. Numbani <> hidi nu hiyoronikeko e mato.

Filphisoosaxituse 1:10

Dicishine e handoyna Kristosay sekke yoone wonte geeshaara haasse keenguwasitaara maaddhi hi bentoronike uddi abakita arsi beediko moddhese abako hi ere.

Filphisoosaxituse 1:6

Modhe hanta hi yesuwaka hante ayta Wontoy Yesuusi Kristosay yoone wonte aallo ellussi e alsenike ha esa eezuwasso.

Filphisoosaxituse 4:9

Taakofa hi erdosaara hi ettosaara taakofa hi siidosaara ta yesuwa hi beedosaara uddi hantuwayte. Modhete inge Wontoy hinunaarako e yese.

Qollasiyasaxituse 1:22

Hattema e yeley axe maaddhi e haydhosuna Wontoy beera wolko hinumba naddhiko e yese. E naddhosini haylaxaara geeshaara haasse keenguwasa mati be buro hinumba uqusesuko.

1Teselonqaxituse 2:19

Nu gobboy oo'oyne nu maggay oo'oyne Laaxi Yesuusay yooneniya e buro esuna nu cee'utte nu moorey hine oonena? Hinumba maaquwaye?

1Teselonqaxituse 3:11

Hatteni hinuko nu hamoronike beese niise ade maaqe Wontowara ni Laaxi Yesuusaaray nuuse oge gizusuwaye.

1Teselonqaxituse 3:13

Laaxi Yesuusay haylaxitaara uddi yooneniyaka nuuse ade maaqe Wonto buro haasse keenguwasaara hayla maaddhiyara hi bentoronike hi muxhuro Laaxi osusuwaye.

1Teselonqaxituse 4:3

Wonto maxoy hi hayloomoronikeko. Laggeto garafa dhaddi zardi

1Teselonqaxituse 5:22

Be bishana bishana yese uddi iita zeere garafa dhaddi zaruwayte.

2Teselonqaxituse 3:16

Eehaara modhetiyara inge Laaxi beese uddi abakona uddi woggaa hinuse modhete inguwaye. Laaxi hi uddiyara wolko yesuwaye.

Ibraxituse 13:20

Koolo makkinase maaqe caaqose gutta suuxuna dorituse angussi yeemaxe maaddhese nu Laaxi Yesuusa haybowafa densa modhete inge Wontoy

Ibraxituse 2:11

Axe haylonxe Yesuusaara haylonge axaaray bidzi ade nayshe u maaqe gisha uso <> yeydi hiyey Yesuusa borsusuwasso.

Ibraxituse 4:12

Wonto katoy en'aara hantesaarako. Lam'i bade nuuna keenge satatame gardese nuunaxuko. Satatay xhabhowara abbiyara bursi wol garafa shahenike Wonto katoy axi be axeto giddaa keengesa uddi base shati eresako. Muxhuro giddaa aachutti yese maxowara col'aara modhussi arsi beedi yaa'esako.

Yayqoobey 1:4

Gaxe keengesa nayjhete keenguwa uuxha axaara facete keenguwasaara hi maaqoronike hi danda'oy aallicira makko hinukaa dicuwaye.

1Phexhrosey 1:2

Ade maaqe Wontoy hinumba e xhardosi burowo <> hidi be hidechonikeko. Ayaana Geeshuna haylaxitako hinumba e mato. Yeysi e matosi Yesuusi Kristosase hi woosuttoronikiyara e suuxuna hi geejhoronikiyarako. Wontoy axuse keenge modhe maxowara modhetiyaray hinuse laguwaye.

1Phexhrosey 5:10

Axuse fetto maxo modhete keenge Wontoy Kristosa badenako koolo makkina e kuxa fuula shahaxe hi maaqoronike hinumba e xheydo. Oddhe woggase maddhaa hi gello geede hinumba sekke mati e osuse, e gagguse, minsini e esse.

2Phexhrosey 3:14

Yoonase, ta eehe ta badito, ha esi uddi maaqe wonta kakkisine modhetena haasse keenguwa geeshe maaddhi hi yesune Laaxi hinumba degexoronike oseydi hantuwayte.

Yayqoobeyndo 1:1

Yesuusi Kristosa maalaara Yayqoobeyndo na'aara maaqe Yuudakofa. Ade maaqe Wontoy eeti xheydine Yesuusi Kristosana kafutteseesituse uddi anxutta woosso.

Yayqoobeyndo 1:24

Hi unguwannike hinumba kakkisine magganaara haasse keenguwasaara kuxa fuulana yese be buro hinumba uqusese e danda'e.