1Teselonqaxituse 4:8 - Kille Caaqo

⁸ Ye e gisha ha ohuttase inxhadhi ekkuwasi e inxha'esi hinuse Ayaana Geeshe inda Wontoko baaka axe maaquwasso.

1Teselonqaxituse 4:8 Iomraidhean Croise

Luqaase 10:16

Hinuse siinesi taasuko e siine, hinumba inxha'esi tambako e inxha'e, tamba inxha'esi tamba ansaseni inxha'ako e inxha'e>> yeydi e hido.

Yohanise 12:48

Tamba inxha'esi garaara ta otosa ekkuwasi garaara yaa'esako yesa. Ta oto katoko esa aallicira wonte yaa'esa.

Roomaxituse 5:5

Nuuse ingutta Ayaana Geeshi badena Wonto eehay nu muxhurowa e kundese gisha gobbiya nu yese gobboy numba borsusuwasso.

1Qorontoosaxituse 2:10

Nuusema Wontoy aachiya yechashe be Ayaana badena addussiko e yese. Wonto Ayaanay uddi base fetto axi e xhabhowa aandi ellusese danda'uwa aako maaqe Wonto maxoko hossi kessi arsi e beene.

1Qorontoosaxituse 7:40

Ade gello badi i yessako gardesesako maggisine i yese. Ha esi ta maxoko, taaseni assi Wonto Ayaanay taara yesesako taa e bishe.

2Qorontoosaxituse 1:22

Esuse nu maaqenike addusesa nu gara gaddasi esako. Assi buro gara nu degexe abako nuuse e ingenike esuna nu eresa Ayaana Geeshe nu muxhurowa gaddasi esako.

Galatiya 4:6

Wonto nayshe hi maaqe gisha Wonto <> hidi xheyge be yele Ayaana ansi nu muxhurowa e gaddo.

1Phexhrosey 1:12

Ye kaayaxiti u zeerdechoshi beese e maaddho baane hinuse e maaqenikeko ususe Wontoy addusecha. U zeerdechoshini afaafa anxutta Ayaana Geeshi osana modhe odo odusaasiti badena hinuse hatte ohuttiko e yese. Ye esa afaase woosaxitini aba e maaqenike erese col'iyako u yese.

2Phexhrosey 1:21

Ye esini kaayoy Wontoy anso axiti Ayaana Geeshuna durkutti u zeerdosa baaka fetto axi maxona zeeruttase maaquwasso.

1Yohanisey 3:24

Wonto woosso kakkesi be uddina Wontowara bidzo maaddhi u yese. Wontoni essaakako yese. Wontoy nuukaaka yesesa erese nu danda'esi e indo Ayaananako.

Yayqoobeyndo 1:8

Ye esukewo ye axiti afukka afutti ye esuna durkuttisineko tunase biya mati tunaxe u maaqe. Wonto adetoni haassi afaaka kuxa fuula keenge afaase woosaxitani u cashe.