1Teselonqaxituse 4:3 - Kille Caaqo

³ Wonto maxoy hi hayloomoronikeko. Laggeto garafa dhaddi zardi

1Teselonqaxituse 4:3 Iomraidhean Croise

Matoose 12:50

Afaa yese nuwadey worge hanta hanteesitako uddina nuundo na'i, nuundo bushoy, nuundoy ye usoko>> yeydi e hido.

Matoose 15:19

Muxhurowafa kesesi iita maxo, axe wodhe, laggete, maaquwa ogena wolla muhe, kayse, zaade ateye, axe cashe uddi ha esako.

Matoose 5:32

Tanimay hinuse hinesi i laggetto baanne fede zeereme hissine be macho dakkesi uddi i laggetoronikeko e mahe. Dafutta indoni ekkesi uddi laggetako e laggete>> yeydi e hido.

Matoose 7:21

Afaa yese nuwadey worge hanta hantesa baaka hinesi uddina afa kaatetiya gelesa maaquwasso.

Marqoose 3:35

Wontoy otosa uddina hantesako nuundo na'i, nuundo bushoy, nuundoy ye usitako>> hidi e hido.

Yohanise 4:34

Yesuusani <

Yohanise 7:17

Tamba ansasi maxo hantese worgesi yesa'ayko ha eray Wontokofa bentase oo'oyne taakofa ta zeerdosa e maaqenike erako e ere.

Anxuttaasiti 15:20

Ye esukofa ususe diize nimba e worgusesi yeydi hinesako.

Anxuttaasiti 15:29

Kaashuttese kaxa muudofita, suuxeni ushofita, shufutti e hine suuxi gutto baa acho muudofita, laggettofita ye usitaafa uddi hinumba hi kattako modheko hi hanto. Modhena yesuwayte>> yeydi hinesako e maaqicha.

Anxuttaasiti 20:32

Hatte Wontoy worguse basuna hinumba maroronike hi gisha Wonto oddeydiko ta shi'e. Esi axuse keenge maxo modhete ohe kato odde maxuwayte. Ha katoy hinumba dicheshaara Wontoy hayla mato axitaara wolko e inge tago nu eforonike mahesaarako.

Anxuttaasiti 26:18

U aafey beyorosa mati cenchaafa fo'iya ne garxorosa Humbaye adeto oomowafa Wontoko ne mahorosako nemba ta anxe. Yenniyani usi be cubbowafa u maarutte, taanna be aadesoosunako haylondeseesiti giddaani beese godo u degexe> yeydi e hido.

Roomaxituse 1:29

Axiti laga be bishana bishana yese doometenaara iitetenaara kundesesako. Usini uddi abakose habbu habbu hineesita, u hantesi iita maaqesa, dhiiddheesita, axe wodheesita, feda inxha'eesita, qaaruseesitaara miidheesitaara, gunceeshita,

Roomaxituse 12:2

Modhiyara maggusesaara yeydiwo facete keenguwasa maaqe Wonto maxoy aba e maaqenike erese hi danda'oronike hi sorge killonxena hinumba arxuwayte baaka ha saha bisshi yessofita.

Roomaxituse 6:22

Hattema cubbo maaketowafa shawo kessi Wonto maala maaddhiko hi yese. Ye esi e go'esi hinumba hayla mahesuko. E aallicirani koolo makkina yesoko.

1Qorontoosaxituse 1:30

Wontoy hinumba Yesuusi Kristosaara wolla bidzoko e mato. Esani nuuse era e maaqorosako e indo. Numba gizusasini, numba haylonsasini, numba wozzasini Kristosako.

1Qorontoosaxituse 7:2

Modhe e maaddhakoni laggetti cubbo be hanteeme be bidzi bidzinawo asanxi be macho keenguwaye, be bidzi bidzinani indowaxhiti be ade keemuttuwaye.

2Qorontoosaxituse 12:21

Assi sekke hinuko ta hamoroniya ta Wontoy haliya hi buro taa borsuseemeko ta hoodde. Ha esume buro cubbo hanta laga axiti ye be hanto iitetiyafani maaqqe laggetowafaara seefuse hanta hantiyafaara be cubbo dhaddi maaddho baa axiti gishaa ta higileni hissineko massi ta hoodde.

Galatiya 5:19

Acho hantay erutteseesitako. Ye usitini laggete, asanxini maachini wolla iita tuna hante, borsuse hanta hante,

Efesoonaxituse 5:17

Ye e gisha Laaxi maxoy aba e maaqenike gaxhuwayte baaka muyondofita.

Efesoonaxituse 6:6

Wonto maxoke be muxhurowafa kessi hante hade Kristosa maalituke baaka hade axe magguseesituke benteeme hissine hantofita.

Qollasiyasaxituse 1:9

Ye e gisha ye esa nu siido wontiyafa ayti Wontokofa bente eranaara gaxunaara uddi Wonto maxo hi eroronike era hinuse lagussi e ingoronike hi gisha Wonto shi'e dhaddobaanxhiko.

Qollasiyasaxituse 3:5

Ye e gisha hinuka yese ha saha col'a wodhuwayte. Ye usitini laggeto, geejhete keenguwa hanta, be kahe asanxi maachi gara maachini asanxi gara gade, uddi iita col'a, abako mishe dheebeko. <> yeydi hiyoy Wonto maaquwa abakita hade Wontokeysi kuxeko.

Qollasiyasaxituse 4:12

Hinukofa maaqe Yesuusi Kristosa maala Ephafrani hinumba <> hidiko e sawuse. Esini hinuni Wonto oge gara uuxhi e maxo addussi e kumena hi eroronike hinuse uddi woggako Wonto shi'ena e kardutte.

1Teselonqaxituse 4:2

Laaxi Yesuusay indo adetona aba bisha woosso hinuse nu otosa erako hi ere.

1Teselonqaxituse 4:4

hi bidzi bidzina hi gara haylontenaara kuxanaara ayke eruwayte.

1Teselonqaxituse 5:18

Uddi basi giddaa yesine Wonto galatuwayte. Yesuusi Kristosaara wolko hi yese yesona Wontoy hi garafa e worgesi ye esako.

1Teselonqaxituse 5:23

Modhete inge Wontoy beese uddi basuna hinumba haylonsi hi maxo, hi muxhuro, hi garani uddi hi yeso kumena Laaxi Yesuusi Kristosay yooneniyaka haassuttuwasa hi maaqoronike hinumba kakkuwaye.

2Teselonqaxituse 2:13

Laaxuna eehuttese nuundo nayshito! Uddi wogga hi gisha Wonto galateko numba e worguse. Ye esini Ayaana Geeshuna hi hayloomoronikiyara aadeni <> hidi hi eforonikiyara mati Wontoy haybowafa maaroronike buronase hi maaqoronikeko hinumba e xhardo.

Titose 2:14

Esini iitaafa uddi numba wozese modhe hanta hantese oseydesesaara esusewo maaddhese axitaara nu maaqoronikeko numba geesheme hissine nu gisha bemba garsi e indo.

Ibraxituse 10:36

Wonto maxo hi alsoronikiyara hinumba e gobbusese gobbo hi eforonikiyara danda'ona miindi ee'eko hinumba e worguse.

Ibraxituse 12:16

Ooneni Eesa'oke be acho col'a alsemewo worgesa oo'oyne Wonto kuxuwasa be maaquwannike bemba kakkuwaye. Eesa'oy be muune kaxeeme hissine be anguzete e zal'o.

Ibraxituse 13:21

e maxo alsese hi danda'oronike modhe zeerena uddi hinumba gixuwaye. Biya maggusesa Yesuusi Kristosa badena nuuka hantuwaye. Yesuusi Kristosase koolo makki aallo kuxa fuulay maaquwaye. Ameen.

Ibraxituse 13:4

Laggeteesiti garaara ye e bisha hanteesiti garaara Wontoy yaa'e gisha gelleseesitaara etteseesitaaray be caadhecho caaqo kuxana kattesesa maaquttuwaye. Adey be machime fede macho machi be ademe fede ade massoppe.

1Phexhrosey 1:2

Ade maaqe Wontoy hinumba e xhardosi burowo <> hidi be hidechonikeko. Ayaana Geeshuna haylaxitako hinumba e mato. Yeysi e matosi Yesuusi Kristosase hi woosuttoronikiyara e suuxuna hi geejhoronikiyarako. Wontoy axuse keenge modhe maxowara modhetiyaray hinuse laguwaye.

1Phexhrosey 4:2

Ha e geede sekke ha saha gara be yese wogga aallo hade axi maxoke iita col'a hantese e maaddho baanne Wonto maxoke hantesuko e yese.

1Yohanisey 2:17

Ha sahaara axi esuse keenge col'aaray garoko e gare, Wonto maxona hantesimay koolo makkinako e yese.

Yohanise Haraje 21:8

Yeydi e maaddhakoni jhasheeshiti, aadexuwasiti, tunaxiti, axe wodheesiti, laggeteesiti, qayeesiti, Wonto maaquwasa wonto mati kuxeesiti, yeydiwo zaadaxiti be uddina u tagoy dine hidi hiyuttesaara tamaaray essaaka yese orjena megge tama bagadiyaakako e maaqe. Ye esini lakkunxo hayboko>> yeydi taase e hido.

Yohanise Haraje 22:15

Tunaxiti, qayaxiti, laggeteesiti, axe wodheesiti, Wonto maaquwasa wonto mati kuxeesiti, zaade eeheesitaara be hantanaara be zeerenaara zaaddeesitaaray uddi katamame wudeko u atte.