1Teselonqaxituse 2:5 - Kille Caaqo

⁵ Go'uwa kato aade bishushi hinumba maggusese nu zeerdosi oo'oyne fetto miijhe eehaafa densi nu zeerdosi nuuse bidzini baasso. Ye esani erako hi ere, Wontoni nuuse atoko.

1Teselonqaxituse 2:5 Iomraidhean Croise

Matoose 22:16

Be erusichoshitaara Herodise bade maaqe axitaara Yesuusako u oycorosa u anso. < hidi hissine hooddi ne hantuwannike erako nu ere. Axi aafusha beedi hantuwannako.

Matoose 23:13

Sekke Yesuusay <

Anxuttaasiti 20:33

Oone garafani worqeni birreni maa'oni wordo baasso.

Roomaxituse 1:9

Wonto ta shi'eniyaka uddi wogga burse baaka hinumba ta maxenike e yelese ohe modhe odo gisha erusisine bidzi muxhurona esuse ta hante Wontoy taase atoko.

Roomaxituse 16:18

Ye u bisha axiti beese be col'ake u hantesa baaka ni Laaxi Kristosase hanteesita maaquttuwasso. Modhe zeeresa bisshiko sooqussi zaadena axe nasshi axi doomete shati eruwa geeshi axita u qaaruse.

Roomaxituse 9:1

Kristosana yesine zeeriya ta yese zeerey aadeko baaka zaaduwasso. Ayaana Geeshuna durkuttiya yese ta muxhuroy zaadiyaka ta baannikeko taase e adduse.

2Qorontoosaxituse 12:17

Haliya hinuko ta anso axukafa bidzi axi badenani fetto hi garafa qaarussi ettiya ta yese?

2Qorontoosaxituse 2:17

Nuni hade abako zal'ese gadhesa gawwaanna sekke hanke woxhe laga axituke maaddhi Wonto kato oheesita maaquwanxhiko. Wontoy anso axuke maaddhi Kristosase hantisine aadaxe maaddhiko hade Wonto buro ee'e axuke Wonto kato nu ohe.

2Qorontoosaxituse 4:2

Axi aasshi addaa kessuwa borsuse abako hantuwanxhiko hidiko nu hidese. Axeni qaarusuwanxhiko. Wonto katowafa shati etti doomusuwanxhiko. Yeysi mahekofa aade fetto tiddhiyannako nu ohe. Wonto buro yesine axi uddi be muxhurowanna <> hidi hiyorosa numba matiko axaara nu yese.

2Qorontoosaxituse 7:2

Hi muxhuro nuuse do'uwayte. Ooneni miidho baanxhiko, ooneni bayso baanxhiko, oone garafani qaarussi etti eruwanxhiko.

Galatiya 1:20

Wontoy erenike ha esa hinuse diizisine ta ohesi aadeko zaadduwasso.

1Teselonqaxituse 2:10

Wonto aadexiyaka yese hi giddaaka nu yecho woggaaka waakidese geejhetenaara, gizetenaara haasse keenguwa yeso nu yechonike hinumbako nuuse atoy, Wontoni atoko.

1Xhimootoosese 3:3

usshi goojhuwasha, tamake eexhi axaara gayluttuwasa maaqe toyya axe, bersuwasa, miijhe eehuwasa,

1Xhimootoosese 3:8

Yeydiwo kurariti be kuxa kakkesa, lam'i nuuna zeeruwasa, laga usshe usheshe losse keeguwasa, miijhe degexeeme hissine woxhuwasa maaqeko usoe worguse.

Titose 1:7

Wonto zawa cimay Wonto zawa ahesa e maaqe gisha haassuttuwasa maaqeko esa e worguse. Yeydiwo <> hidi hiwasa, ukkena huuluwasa, usshi goojhuwasha, tamake eexhi axaara gayluttuwasa, miijhe degexeeme seya haya woxhuwasa maaqeko esa e worguse.

1Phexhrosey 5:2

U gara hi maagetese Wonto axita kakkuwayte. Ha axita hi kakkesi <> hidi hido badesine Wontoy eehenike <> hidi hiyena maaquwaye. Miijhe degexeeme hissine sekke hanke hiyena e maaddho baanne Wonto marese hi keenge keddaydese eehaafa dendasuna maaquwaye.

2Phexhrosey 2:18

Halli beese yese geriti giddaafa haga kessi decco baa axita go'uwa zeere orje bishushi zeerena iita acho col'aaka u geloronike uso beeko u gooche.

2Phexhrosey 2:3

Ye zaade erunxe eruseesiti habbu habbu hineesita maaddhi be garafa zaade zeere meddhi hi garafa biya go'e miijhe u bhikkile. Olowafa ayti Wontoy u gara yaa'ese naquttiko e yese, uso bayseseni gehuwasso.

Yayqoobeyndo 1:11

Qaa'eele oge u hando gisha miijhemeydi hissine hade Baala'aameke halli u undese gisha, hade Qoreke afana maaga gara toora densi u baadese gisha uso baduffu!