1Teselonqaxituse 1:5 - Kille Caaqo

⁵ Modhe odo hinuse nu otosi Ayaana Geeshi osanaara aadewo e maaqenike modhussi ohenaara baaka nuunana goshewo maaquwasso. Hi da'aa nu yecho woggaa hinume hissine waanidi nu yechonike erako hi ere.

1Teselonqaxituse 1:5 Iomraidhean Croise

Marqoose 16:20

E erusichoshiti uddi wude seya haya hanti Wonto woosso u ohicha. Laaxini usaara hantena micushe hanta u hantoronike mati be woossoy aade maaqenike e minxicha.]

Luqaase 1:1

Orjena kuxuttese Tawofilose! Ha esume buro laga axiti nu feeqaaka maaddha zeerita arsi beedi bhikkilli addussi ohesa diizziko u yese.

Anxuttaasiti 11:21

Wonto osani u gara yecha. Orjena laga axiti aadessi Laaxuko u yoodo.

Anxuttaasiti 16:14

Siya yecha indowaxhittaafani be yeluttena Tiyaxhirone katamaxhiyo maaqe Lidiya sunge bidzi indoy yaha i yecha. Isini e woomay keddaydese zo'o maa'o i zal'icha. Wonto kuxe indo i maaqicha. Phawlosey zeeresa haysi i siyoronike Laaxi i muxhuro dodho.

Anxuttaasiti 2:33

Ye e geede esini Wonto oshisha kuxana e utto. Adey hidi gobbusecho Ayaana Geeshe Yesuusay esukofa etti ha hi beenesaara ha hi siinesaara e anso.

Roomaxituse 1:16

Modhe odona borsuwasso! Ye modhe odoni burona Ayhudaxiti giddaafa sekkeni Ayhuda maaquwasiti giddaafa Wonto aadexeesita uddi looluse Wonto osako.

Roomaxituse 15:13

Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

Roomaxituse 2:16

Ha modhe odo ohisine ta erusenike Wontoy axi muxhuro giddaa aachutti yese abako Yesuusi Kristosa badena e yaa'e wonteko addaa e kesse.

1Qorontoosaxituse 1:24

Ayhudaxitaafani maaqqe Grikaxitaafani Wontoy xheydoositusema Kristosay Wonto osaara Wonto eraarako.

1Qorontoosaxituse 10:33

Tani uddi axi looloronike uddi axe go'ese baaka taase go'uttese worguwasso. Yeydi hantena uddi axe maggusese ta karduttenike hinunini yeysi hantuwayte!

1Qorontoosaxituse 3:16

Wonto Hayla Zawa hi maaqesaara Wonto Ayaanay hinuka yesesaara eruwaytuwa?

1Qorontoosaxituse 3:6

Tani totto, Aphilosey waaxe ussho, dishashimay Wontoko.

1Qorontoosaxituse 4:20

Ye esini Wonto kaatetey esuna eruttesi axi nuunafa kese zeerena e maaddho baanne Wontoy be osana hantusuneko.

1Qorontoosaxituse 9:14

Yeydiwo assi modhe odo oheesiti be muunesa modhe odo siidasiti garafa u degexorosa Laaxi matiko e yese.

2Qorontoosaxituse 3:6

Esi kille caaqose nu hantoronike ellesesako numba e mato. Diizuttese wogay wodhe gishaara Ayaana Geeshi yeso inge gishaara ha kille caaqoy Ayaana Geeshi essaa yesesako baaka diizuttese wogay essaa yesesa maaquwasso.

Galatiya 2:2

Ta handosini Wontoy ta hamoronike taase addusso gishako. Buro ta hantechoshani maaqqe hatte ta hantesani mela e atteesume hissine Ayhuda maaquwasituse ta ohiya yese modhe odoy aba maaqesa durkeesita u goshewo bhikkilliko usuko ta oto.

Galatiya 5:5

Numba e gizusenike gobbe keemako nu keenge. Ye esa Wonto aadexenako nuuka hantiya yese Wonto Ayaana osana keddaysi nu kakke.

Efesoonaxituse 2:10

Ye esini nuni Wontoy burussi naddho modhe hantita nu hantoronike Yesuusi Kristosaara bidzo mati e meddhese Wonto meddhitako.

Efesoonaxituse 3:20

Yebo, nuukaaka hantiya yese be osa makko nu shi'eesumeni nu maxeesumeni uddi orjena garsi mahese danda'e Wontose

Filphisoosaxituse 2:13

Wontoko be maxo alsese hi worgoronikiyara hi hantoronikiyara hinumba mahesa.

Filphisoosaxituse 4:9

Taakofa hi erdosaara hi ettosaara taakofa hi siidosaara ta yesuwa hi beedosaara uddi hantuwayte. Modhete inge Wontoy hinunaarako e yese.

Qollasiyasaxituse 2:2

Ta karduttesini u muxhuroy oseydiyara eehana hanke bidzo maaddhi shato badi yesine era aakete degessi e aallicira makkoy eruttese danda'uttuwadi yecho Wonto maxo u eroronikeko. Ye esini Kristosako.

1Teselonqaxituse 2:13

Nuukofa hi siido Wonto kato hi ettoniya hade axi katoke e maaddho baane Wonto aadexiya yese hi giddaaka hantiya yese hade Wonto katoke hi etto gisha uddi woggaakako burse baaka Wonto nu galate. Ye katoni aade Wonto katoko.

2Teselonqaxituse 2:14

Nu Laaxi Yesuusi Kristosa kuxa fuula shahaxe hi maaqoronikeko nuukona hinuse ohutta modhe odo badena hinumba e xheydo.

2Xhimootoosese 2:10

Yesuusi Kristosana benta loolowara koolo makkina kuxa fuulaara u degexoronike Wontoy xhardese axitume hissineko uddi base ta danda'e.

2Xhimootoosese 2:8

Dawite bohiyafa maaqe haybowafa denda Yesuusi Kristosa maxuwa. Tanini ohiya yese modhe odoy ye esako.

Ibraxituse 10:22

nu geejhoronike <> yeydi nu muxhurowa hinesa ooxese suuxi kaashashe shakkuttenike nu muxhurowa shati ni gara modhe waaxuna shoti aadena kundese muxhuronaara bidzoni facete keenguwa aadexonaara Wontoko nu uqqeese.

Ibraxituse 6:11

Hi bidzi bidzina gobbisine hi kakke abako hi kuchena aykese hatte hi oseydesenike aallicira aallo hi oseyorosako nu worge.

1Phexhrosey 1:12

Ye kaayaxiti u zeerdechoshi beese e maaddho baane hinuse e maaqenikeko ususe Wontoy addusecha. U zeerdechoshini afaafa anxutta Ayaana Geeshi osana modhe odo odusaasiti badena hinuse hatte ohuttiko e yese. Ye esa afaase woosaxitini aba e maaqenike erese col'iyako u yese.

1Phexhrosey 1:3

Nu Laaxi Yesuusi Kristosaade maaqe Wontoy galatuttuwaye. Keddaydese be maarowafa dendasuna sekke yelutti kille axe nu maaqoronikeko numba e mato. Sekke yeluttenani Yesuusi Kristosay haybowafa dendo gisha bayese danda'uwa gobboko nu keenge.

1Phexhrosey 5:3

Odde hissine hinuse inguttese axiti modhe hi hante hanta beedi hantoronike maaquwayte baaka u gara adeto beysena maaddhoppe.

2Phexhrosey 1:10

Yoonase nuundo nayshito! Hi xheyguttosaara hi xharuttosaaray miimoronike burome garsi oseywayte. Ye esini yeenxhi abakita maho'ayko fetto dhumuttuwaytako.

2Phexhrosey 1:19

Ye esuna kaayaxiti otosa burome garsi erdiko nu yese. Sahay wontoro aallowaara hi muxhurowaka wontaso bakalichay kesoro aallowaara cenchaaka faqiya yese faqe gara hi maxo hi gadenike ye e gara hi maxo hi gaddako modheko hi hanto hidi hiyoko.