1Teselonqaxituse 1:3 - Kille Caaqo

³ Ye esini hi aadexowafa densi hi hante hantaseni, hi eehaafa benta hi gafaseni nu Laaxi Yesuusi Kristosase hi keenge gobboy waydese miimo e maaqesani nuuse adiyara Wontowara maaqesi buroko uddhi burse baaka hinumba nu maxe.

1Teselonqaxituse 1:3 Iomraidhean Croise

Yohanise 14:15

Sekke Yesuusani <

Yohanise 15:10

Tani nuwade woosso kattonike e eehana ta yesenike hinuni ta woosso kafa'ayko ta eeha garafa shahuttuwaytako.

Anxuttaasiti 10:31

Anxuttaasiti 3:19

Yoonase Laaxi sekke hi killoonge bera hinuse ingoronike, burussi hinuse be massecho Yesuusi Kristosa e anxoronike hi cubboy attoronike cubbo hante dhagguwayte, hanke Wontoko maaquwayte.

Roomaxituse 12:12

Gobbiya hi yese gobbona magguwayte, maddha hi gele woggaa danda'uwayte, uddi woggaa Wonto shi'e dhaddofita!

Roomaxituse 15:13

Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

Roomaxituse 15:4

Hayla Fissharowafa nu degexe danda'onaara miimetenaara gobboy nuuse yesoronike buro diizuttasi uddi numba erusese diizuttiko e yese.

Roomaxituse 16:26

Ye aadey hatte kaayaxiti fissharo badena tiddhiya addeydiko e yese. Uddi axi esa aadessi woosuttoronike koolo makkina yese Wontoy otosuna axeydosi be uddina esa eroronike maaddhiko e yese.

Roomaxituse 16:6

Hinuse keddaysi hanti gatta Maaramese ta sawo ohuwayte.

Roomaxituse 2:7

Modhe hanta miindi hanti Wontokofa bente kuxaara, e kuxa fuulaara, koolo makkina yesuwara worgeesituse koolo makkina u yesoronikeko e mahe.

1Qorontoosaxituse 13:13

Yoonase aadexoy, gobboy, eehay, ha u haydzi miindiko u yese. Ussaafa garesi eehako.

1Qorontoosaxituse 15:58

Yoonase ta eehe nuundo nayshito! Miindi ee'uwayte, bidzi abakonani sekke hanke hidofita, Laaxi hantase hi gakkesi yaho e maaquwasa erdi uddi woggaa Laaxi hanta hantese oseywayte.

2Qorontoosaxituse 2:17

Nuni hade abako zal'ese gadhesa gawwaanna sekke hanke woxhe laga axituke maaddhi Wonto kato oheesita maaquwanxhiko. Wontoy anso axuke maaddhi Kristosase hantisine aadaxe maaddhiko hade Wonto buro ee'e axuke Wonto kato nu ohe.

Galatiya 1:4

Nuuse ade maaqe Wonto maxoke ha iita sahaafa numba kessese Kristosay nu cubbo gishako biya garsi e indo.

Galatiya 5:13

Nuundo nayshito! Hinuni maaketowafa kesesuko hi xheyguttese. Bidzi feda eehana hade maalake maruwaye baaka hi acho col'a alsese maaketowafa hi kessosa goyndofita.

Galatiya 5:6

Yesuusi Kristosaara wolla bidzo nu maaqusune nu keenge eehaafa densi nu hante hantana nu beyse aadexo baaka gada utteni gada utte dheebeni wooma keenguwasso.

Galatiya 6:9

Modhe hantese gobbo burso badi dandadhi nu miindako ye modhe hanta aafe nu degexe woggay yoone gisha modhe hanta hantese gatofunxhi.

1Teselonqaxituse 3:6

Hattema Xhimootoosey hinukofa hanke nuuko yoodi hi aadexo gishaara hi eeha gishaara magguse odo e otinne siidiko nu yese. Yeydiwo numba keddaysi maxiya hi yesenikiyara nuni hinumba saziya yese makko hinunini numba saziya yesesaarako esukofa nu siido.

2Teselonqaxituse 1:11

Ye esa maxisine uddi wogga hi gisha Wonto nu shi'esi Wontoy hinumba be xheydo xheysuse beese hinumba ellesesa e mahoronike modhe hantese hi keenge col'aara aadexowafa densi hi hante hantaara hi alse aallo be osana aandi e ellusorosako.

2Teselonqaxituse 1:3

Nuundo nayshito! Wonto shi'isine uddi woggaa hinumba massi Wonto galatey nuuse worgusesako. Ye esini hi aadexoy diciya yese gishaara hi uddina wola eehiya hi yese gishaarako.

1Xhimootoosese 1:14

Wontoy be eehaafa dendasuna axuse e keenge maxo modhetey taase keddaydi e laddo. Yesuusi Kristosaara wolko ta keenge bidzetona maaddhasuna esa ta aadexoronikiyara ta eehoronikiyara e mato.

1Xhimootoosese 2:3

Yeysi mahey nimba loolusa Wontose modhiyara maggusesaarako.

Ibraxituse 10:36

Wonto maxo hi alsoronikiyara hinumba e gobbusese gobbo hi eforonikiyara danda'ona miindi ee'eko hinumba e worguse.

Ibraxituse 11:17

Abrahaamey naa'utti be beyuttoniyaka Yissaaqe kaasha mati e uqussosi aadexonako. Wontoy esa gobbusecho ye bidzi be yeleko kaasheshe e hicha.

Ibraxituse 13:21

e maxo alsese hi danda'oronike modhe zeerena uddi hinumba gixuwaye. Biya maggusesa Yesuusi Kristosa badena nuuka hantuwaye. Yesuusi Kristosase koolo makki aallo kuxa fuulay maaquwaye. Ameen.

Ibraxituse 4:11

Yoonase ye usiti woosutte inxhadhonike woosutte inxhadhi nuukaafa ooneni unguwannike Wontoy inge kaxe ekkuso godowa gelese orjena nu oseyyeese.

Ibraxituse 6:15

Abrahaameni dandadhi katti Wontoy bemba gobbusechosha e degesso.

1Phexhrosey 3:4

Hi waarey Wonto buro orje wooma keengesa bayese danda'uwa shenonaara daxhi hiyenaara zawanase maaquwaye.

1Yohanisey 3:18

Ta nayshito! Nuunanaara odonaara maaddho badi e yesune aadenaara hantana beysenaara wola nu eehheese.

1Yohanisey 3:21

Ta eehe ta badito! Ni muxhuroy nimba yaa'uwasa maaddhako Wonto buro naassiko ni uqe.

1Yohanisey 3:3

Kristosana ha esa gobbesi uddi Kristosay geeshe maaqenikeko bemba e geeshe.

1Yohanisey 5:3

Wonto eehe hidi hiyoy e woosso hanteko. Wontokofa yeluttasiti uddi ha saha u iiche gisha e woosso hanteni maddhunxesa maaquwasso. Ha saha esuna ni iicheshi ni aadexonako.

Yohanise Haraje 2:19

Yohanise Haraje 3:10

<> yeydi ta hidosa ne katto gisha tanini ha saha gara yeseesita uddi naadhi beyese ha saha gara yoone maddha woggaaka nemba kafako ta kakke.