Bafilipi 1:10 - INDAGANO INYA:YA

¹⁰ Korereki mwikirisye ebyo bwana, mube ba:nu ba cimari, banu batana cikayo kukinga ku rusiku rwa Kristo.

Indagano Inyaaya mu-Chijita

¹⁰ korereki mubhe na obhuturo bhwa okwawura jinu jiri ja ekisi. Awo niwo muribha na emitima myeru, ka wone muribha mutari na esoro okukingira orusuku rurya Kirisito arisubha.

Bafilipi 1:10 Iomraidhean Croise

Matayo 16:23

Yesu nacu:ka nabwira Petero ati, Suba inyuma yani Syetani. Uri ci:ku:juro kwanye, okuba utakwiganirisya ebya Nyamuanga, nawe ebya ba:nu era.

Matayo 26:33

Nawe Petero naindura namubwira ati, Bo:ne bakasinirirwa kubwao, nawe anye nitakusinirirwa kata.

Yowana 1:47

Yesu narora Natanaeli namu:jako, namwaika ati, Rora Muisraeli rumara unu atarimo burigerige!

Yowana 3:20

Okuba mu:nu wo:ne unu kakora obubi:bi katamanganwa no bweru, na ka ataku:ja mu bweru, ebikorwa byae bireme okugonyibwa.

Ebikorwa 24:16

Eni:kome:sya mwibyo nibega no mutima gunu gutariko esoro imbere ya Nyamuanga na ba:nu siku jo:ne.

Barumi 12:2

Musige kususanyibwa na be ca:ro cinu, nawe muindurwega okukorwa buya:ya ame:ganirisyo gemwe, korereki mumenye binu Nyamuanga kenda kutyo biri bye kisi, ne bikonde, ne biku:miye.

Barumi 12:9

Okwenda kubega kutana rurimi. Mutamanganwega no bubi:bi, murumatanega ne bye kisi.

Barumi 16:17

Enibe:remberesya, ba:na ba:su, mubakabukire banu abarema okwaukana, ne byo kuyabya, binu ebita:syanya no kwiigisibwa kunu mweigiye. Mwaukane nabo.

Barumi 2:18

Ka umenyere binu kenda, nusomborkerwa ebyo bwana muno, okuba we:igisibwe mu biragiro,

Barumi 7:16

Nawe araba binu nitakwenda nibyo enikora, mbe eni:kirisya ati, ebiragiro ni bya bwana.

Barumi 7:22

Okuba enikondererwa ebiragiro bya Nyamuanga mu mu:nu wa munda.

Barumi 8:7

Okuba okwiganirisya kwo mubiri ni busoko ku Nyamuanga, okuba kutakworobera biragiro bya Nyamuanga, amwi kutakutura kubyorobera.

1 Bakorinto 1:8

Unu aribasimbagisya kukinga ku bute:ro, mutane:soro mu rusiku rwa Ratabugenyi Yesu Kristo.

1 Bakorinto 10:32

Mutare:taga ci:ku:juro ku Bayaudi, nakabee ku Bagiriki, nakabee ku kanisa ya Nyamuanga.

1 Bakorinto 8:13

Mbe, ebiryo bike:ku:jusya Omwana wa:su, nitarirya nyama anu ciribe:ra, korereki nitaja kwiku:jusya mwana wa:su.

2 Bakorinto 1:12

Okuba okwikuya kweswe, no kwaika kwe mitima jeswe ni kunu ati, cariga niciribata mu:si mu bweru na mu cimari imbere ya Nyamuanga, tari mu bwenge bwo mubiri, nawe ni mu cigongo ca Nyamuanga, no kukira muno cabaga kutyo kwimwe.

2 Bakorinto 2:17

Okuba citari rwa ba:fu, banu abakama Omusango gwa Nyamuanga nibaguco:tora. Nawe eca:ika mu Kristo imbere ya Nyamuanga, rwa ba:nu be cimari na rwa ba:nu ba Nyamuanga.

2 Bakorinto 6:3

Citakurertera mu:nu wo:ne ci:ku:juro mu musango gwone, emirimu jeswe jisige kugambwa kubi:bi.

2 Bakorinto 8:8

Nitakwaika eco ati ni ciragiro, nawe korereki nisake okumasya kwo kwenda kwemwe kurwo kukome:ra kwa bandi.

Bagalatia 5:11

Nawe anye, ba:na ba:su, araba nice:igisya omusango gwo kutendwa, ?niki cinu ecikora nicanya:sibwa? Mbe, bikaba kutyo, omusaraba gutacari ci:ku:juro.

Baefeso 4:15

Nawe ca:ikega ebye cimari mu kwenda, korereki mu byone cimukuriremo Kristo niwe omutwe.

Baefeso 5:10

Mukomeresye binu Ratabugenyi kenda.

Baefeso 5:27

Korereki e:bonere ikanisa ye cibaro itariko ebara, nakabee iri funyo, amwi co:ne cinu ecisusana rwebyo, nawe ibe nyeru itariko burema.

Baefeso 6:24

Ecigongo cibega na ba:nu bo:ne banu abenda Ratabugenyi Yesu Kristo mu cimari.

Bafilipi 1:16

Banu abasimura kurwo kwenda, bamenyere ati, nateyweo kurwo kurwanirira Ebigambo byo bwana,

Bafilipi 1:6

Nimenyere kara omusango gunu ati, Oyo ambire omurimu gwo bwana mwimwe, niwe arigukumisya kukinga ku rusiku rwa Yesu Kristo.

Bafilipi 2:16

Mweresyega omusango gwo buanga, korereki nibe ne co kwikirisya ku rusiku rwa Kristo, ati nitatangirene kutyo era, amwi nitanyakire kutyo era.

1 Batesalonika 3:13

korereki arumyega emitima jemwe mu bweru jitariko masoro imbere ya Rata Nyamuanga mu ku:ja kwa Ratabugenyi Yesu aamwi na be:ru bae bo:ne.

1 Batesalonika 5:21

Musakega byone, murumyega ebyo bwana.

1 Batesalonika 5:23

Nyamuanga wo murembe omwene abe:sye kata. Ne myoyo jemwe no buanga ne mibiri jemwe birindwega byone bitane:soro, mu ku:ja kwa Ratabugenyi Yesu Kristo.

1 Yoana 4:1

Abendwa, mute:kirisyaga buri mwoyo gwone, nawe musakega emyoyo, araba jaso:kere ku Nyamuanga. Okuba abaragi ba:fu abo rurimi be:mukire mu ca:ro.

Obhusweruro 2:2

Anye nimenyere ebikorwa byao, no kukome:ra kwao, no kwigumirisya kwao, na rwa kutyo utakutura kwigumirisisya ababi:bi, nawe wabasakire banu abe:toga jintumwa ke:nu hatari nibo, nubarora ati ababeya.