ၿျႃၻိက︀်ႉ 9:2 - Khamti Shan

² ꩫ︀ၢဝ်ႈဢ︀မ︀ႂ်း ထၢင︀်ၵ︀ူင︀်းတ︀ႆ︀ၢႈပ︀ုတ︀်ၵ︀ွတ︀်က︀ီး လ︀ုက︀်ႉꩭူဝ်တ︀ီႈၸ︀ႆ︀းလ︀ူင︀်မ︀ႆ︀ႛ က︀ွꩫ︀်ႈၸ︀ႆ︀းဢ︀ွက︀်မ︀ႃးꩫ︀က︀ꩫ︀်ႈပ︀ီꩫ︀်ႈင︀ႆ︀း ꩫ︀ႅတ︀်လ︀ုမ︀်ႛက︀ႃꩫ︀ႆ︀ႇꩬ︀ီ က︀ၢင︀်ႈဝꩫ︀်းꩫ︀ၵ︀ႃက︀ၢင︀်ႈၸ︀ႃႇ ꩫ︀မ︀်ႈꩬ︀ိင︀်က︀ႃဢ︀ူ။

ၿျႃၻိက︀်ႉ 9:2 Iomraidhean Croise

ထဝ်ꩡ︀တ︀်ႉၵ︀ဝ် 2:19

က︀ၢင︀်ႈꩭၢဝ်မ︀ႆ︀ႛယ︀ႃႇ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ်၊ က︀ꩫ︀်ႛꩫ︀ိူဝ်လ︀င︀်ꩫ︀ိꩫ︀်ႈမ︀ႆ︀ႛယ︀ႃႇ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် က︀ဝ်ႈတ︀ီပ︀ျႃးꩫ︀မ︀်။ ဢ︀ဝ်ႈꩫ︀ိူတ︀်ႉ၊ ဢ︀ဝ်ႈမ︀ုက︀်ႉၸ︀ႆ︀း၊ ဢ︀ဝ်ႈက︀ွꩫ︀်ႈၸ︀ႆ︀းꩫ︀ႆ︀ႇၵ︀ဝ်က︀ေႃႇ က︀ဝ်ႈတ︀ီပ︀ျႃးလ︀ၢႆ︀းꩫ︀ိမ︀ိက︀်ႉꩫ︀မ︀်။

ၿျႃၻိက︀်ႉ 14:11

က︀ွꩫ︀်ႈၸ︀ႆ︀းဢ︀ꩫ︀်ႈၵ︀ဝ်မ︀ႆ︀ႛမ︀ႆ︀ႛၸ︀ႆ︀းꩫ︀ႆ︀ႇ ထႃဝရ︀ က︀ꩫ︀်ႛꩫ︀ိူဝ်မ︀ႆ︀ႛ တ︀ီၵ︀ိုꩫ︀်ႛဢ︀ူꩫ︀မ︀်။ က︀ူꩫ︀်းဢ︀ꩫ︀်ႈတ︀ူဝ်ႈꩭႆ︀ၢႇဢ︀မ︀ႂ်းꩫ︀ၵ︀ႃ ꩭုꩫ︀်ꩭၢင︀်ႈမ︀ꩫ︀်းမ︀ႆ︀ႛ ပ︀ႆ︀ၢႛဝႆ︀ႈ၊ ဢ︀ꩫ︀်ႈꩡ︀ုမ︀်ႛꩡ︀ိုဝ်ႈမ︀ꩫ︀်း ꩭၢပ︀်ႉဝႆ︀ႇꩫ︀ႆ︀ႇၵ︀ဝ်ယ︀ႃႇ ၵ︀မ︀်ႈꩰဝꩫ︀်းꩰတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ဢ︀ူꩫ︀မ︀်” ꩫ︀ꩬ︀ီဢ︀ိဝ်ꩬ︀ီဝႃႈဢ︀ူ။

ၿျႃၻိက︀်ႉ 16:10

ဝၢႆ︀းꩫ︀ႆ︀ႇ ၵ︀ုꩫ︀်ꩬ︀ၢင︀်ပ︀ီꩫ︀်ႈꩡ︀မ︀ꩫ︀ႆ︀ႇ က︀ွက︀်မ︀ꩫ︀်းက︀ꩫ︀်ႛꩫ︀ိူဝ်ပ︀လ︀ၢင︀်တ︀ူဝ်ႈꩭႆ︀ၢႇမ︀ႆ︀ႛ လ︀ူဝ်ၵ︀ွတ︀်က︀ီး မ︀ိူင︀်းတ︀ူဝ်ႈꩭႆ︀ၢႇဢ︀မ︀ႂ်း ꩫ︀မ︀်ႈꩬ︀ိင︀်မ︀ိႉꩰက︀ႃဢ︀ူ။ ꩫ︀ႆ︀ႇမ︀ႆ︀ႛ က︀ူꩫ︀်းမ︀ိူင︀်းဢ︀မ︀ႂ်းၵ︀ဝ်ယ︀ႃႇ ၵ︀ၢမ︀်ဝေၻꩫ︀ႃꩭႅင︀်းၸ︀ႅဝ်ꩬ︀ီ က︀ၢပ︀်ႉလ︀ိꩫ︀်ႇၵ︀ဝ်ၸ︀ူႛꩡ︀ဝ်ႛက︀ꩫ︀်ႈဢ︀ူ။

ၿျႃၻိက︀်ႉ 8:12

ဝႆ︀ၢးဢ︀မ︀ႂ်း ၵ︀ုꩫ︀်ꩬ︀ၢင︀်ꩡ︀တ︀ုက︀်ႉထꩫ︀ႆ︀ႇ တ︀ုတ︀်ပ︀ဝ်က︀ီး က︀ၢင︀်ႈဝꩫ︀်းꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ၊ ꩫ︀ိူꩫ︀်ႈꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ၊ ꩫ︀ၢဝ်ႈꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ ၸ︀ေႛက︀ႃဢ︀ူ။ ꩫ︀ႆ︀ႇမ︀ႆ︀ႛ ဢ︀ꩫ︀်ႈလ︀ႅင︀်းၵ︀ဝ် ꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ ꩭႆ︀ၢက︀ႃꩬ︀ီ ဝꩫ︀်းꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ ပ︀ၢင︀်ႛၵ︀မ︀်ႈꩬ︀ၢမ︀်ꩡ︀ႃႇꩡ︀ႃႇလ︀ိူင︀်ႈ ꩵ︀ႈလ︀ႅင︀်းယ︀ဝ်ႇ။

ၿျႃၻိက︀်ႉ 9:1

ꩡ︀ႃႇလ︀ိူင︀်ႈ ၵ︀ုꩫ︀်ꩬ︀ၢင︀်ပ︀ီꩫ︀်ႈꩡ︀မ︀ꩫ︀ႆ︀ႇ တ︀ုတ︀်ပ︀ဝ်က︀ီး လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩫ︀ၢဝ်ႈလ︀ုက︀်ႉလ︀ိူင︀်ႈ လ︀င︀်ꩫ︀ိꩫ︀်ႈမ︀ႆ︀ႛတ︀ူက︀်မ︀ႃးꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ꩫ︀ၢဝ်ႈဢ︀မ︀ႂ်းမ︀ႆ︀ႛ ꩬ︀ူဝ်းထၢင︀်ၵ︀ူင︀်းတ︀ႆ︀ၢႈꩭႂ်ႛဝႆ︀ႇဢ︀ူ။

ၿျႃၻိက︀်ႉ 9:11

ꩡ︀ဝ်ႛꩭူဝ်ၵ︀မ︀်းၵ︀ဝ်ယ︀ႃႇ ၵ︀ုꩫ︀်ꩬ︀ၢင︀်ထၢင︀်ၵ︀ူင︀်းတ︀ႆ︀ၢႈꩫ︀မ︀်။ ꩡ︀ိုဝ်ႈမ︀ꩫ︀်းယ︀ႃႇ ဢ︀ဝ်ႈၵ︀ၢမ︀်းꩭေပ︀ရ︀ူးယ︀ႃႇဢ︀ႃပ︀တ︀ုင︀်၊ ဢ︀ဝ်ႈၵ︀ၢမ︀်းက︀ရ︀ိက︀်ယ︀ႃႇ ဢ︀ႃပ︀ေႃးလ︀ျꩫ︀်၊ တ︀ီႈပ︀ွင︀်မ︀ꩫ︀်းယ︀ႃႇ ၸ︀ူႛယ︀ႃႇၸ︀ႅက︀်ႉꩫ︀ꩫ︀မ︀်။

ၿျႃၻိက︀်ႉ 9:17

ꩫ︀ႂ်းၿျႃၻိက︀်ႉက︀ဝ်ႈမ︀ႆ︀ႛ မ︀ႃႇꩫ︀ႆ︀ႇၵ︀ဝ်င︀ႆ︀း ၸ︀ူႛၵ︀ီမ︀ႃႇ ဢ︀ꩫ︀်ႈꩫ︀ုင︀်ႈ ꩬ︀ိူဝ်ႛတ︀ူဝ်ႈလ︀ီက︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈꩭꩫ︀်ဢ︀ူ။ ꩬ︀ိူဝ်ႛဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈꩫ︀ႅင︀်ႈၸ︀ႆ︀း၊ ဢ︀ꩫ︀်ႈၵ︀ၢဝ်ꩭွတ︀်ႉင︀ႆ︀း ဢ︀ꩫ︀်ႈလ︀ိူင︀်င︀ဝ်းက︀ၢꩫ︀်ႇꩫ︀ႆ︀ႇၵ︀ဝ်ꩫ︀မ︀်။ က︀ုမ︀်ꩭူဝ်မ︀ႃႇဢ︀ꩫ︀်ႈၵ︀ဝ်ၵ︀ီꩫ︀ႆ︀ႇၵ︀ဝ်ယ︀ႃႇ ꩫ︀င︀်က︀ုမ︀်ꩭူဝ်ၵ︀ၢင︀်ꩬ︀ီႛꩫ︀က︀ꩫ︀်ႈꩫ︀မ︀်။ လ︀ုက︀်ႉꩬ︀ူပ︀်မ︀ႃႇဢ︀မ︀ႂ်းၵ︀ဝ်မ︀ႆ︀ႛယ︀ႃႇ ၸ︀ႆ︀း၊ က︀ွꩫ︀်ႈၸ︀ႆ︀းင︀ႆ︀း က︀ၢꩫ︀်ႇꩫ︀ႆ︀ႇၵ︀ဝ်ဢ︀ွက︀်က︀ꩫ︀်ႈဢ︀ူ။