ၿျႃၻိက︀်ႉ 7:9 - Khamti Shan

⁹ ဝႆ︀ၢးꩫ︀ႆ︀ႇ က︀ဝ်ႈလ︀ႅမ︀်းက︀ီး ၸ︀ုင︀်က︀ူꩫ︀်းလ︀ူင︀် ဢ︀ꩫ︀်ႈၸ︀ႂ်က︀ေႃႇၵ︀ၢꩫ︀်းမ︀ဝ်ပ︀ီꩫ︀်ႈꩫ︀ႆ︀ႇမ︀ႆ︀ႛ ꩭꩫ︀်ဢ︀ူ။ က︀ူꩫ︀်းဢ︀မ︀ႂ်းၵ︀ဝ်ယ︀ႃႇ လ︀ုက︀်ႉက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ူႈၸ︀ꩫ︀်းꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်ယ︀ႃႇ ၵ︀ိူင︀်ႈၵ︀ၢဝ်ꩫ︀ုင︀်ႈင︀ႆ︀း ၵ︀ႃႈမ︀ွက︀်ယ︀ႃႛꩫ︀ႆ︀ႇၵ︀ဝ်တ︀ိုဝ်းဝႆ︀ႇက︀ꩫ︀်ႈꩬ︀ီ ပ︀ၢင︀်ႈꩫ︀ႃႛပ︀လ︀ၢင︀်ပ︀ူႇဢ︀ွꩫ︀်မ︀ႆ︀ႛ ꩬ︀ဝ်းက︀ꩫ︀်ႈင︀ႆ︀း

ၿျႃၻိက︀်ႉ 7:9 Iomraidhean Croise

လ︀ုက︀ႃ 12:1

မ︀ိူဝ်ႈဢ︀မ︀ႂ်း က︀ူꩫ︀်းလ︀ႆ︀ၢꩭီင︀်တ︀ုမ︀်ႈမ︀ႃးက︀ꩫ︀်ႈꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈက︀ေႃႇ ꩫ︀င︀်တ︀ီယ︀ီပ︀်က︀ꩫ︀်ႈꩫ︀မ︀်။ ꩡ︀ဝ်ႛယ︀ေꩬ︀ုယ︀ႃႇ ဢ︀ွꩫ︀်ႈတ︀ၢင︀်းလ︀ေႚလ︀ေႚ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ “ꩬ︀ူ ယ︀ႃႛꩫ︀ၢင︀်းၵ︀ၢဝ်ၸ︀ႃရ︀ိꩬ︀ႄ တ︀ၢင︀်းက︀ႅင︀်းၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိတ︀ႃႉ။

လ︀ုက︀ႃ 21:36

ၵ︀ႅတ︀်ꩰꩫ︀ီမ︀်ꩰဢ︀ူက︀ꩫ︀်ႈတ︀ႃႉ။ ꩭႂ်ႛပ︀ူဝ်းလ︀ုက︀်ႉၸ︀ေးဢ︀မ︀ႂ်းၵ︀ဝ်မ︀ႆ︀ႛ ꩬ︀ူပ︀ူꩫ︀်ႇလ︀ွတ︀်ႉꩬ︀ီ ပ︀ၢင︀်ႈꩫ︀ႃႛလ︀ုက︀်ႉက︀ူꩫ︀်းမ︀ႆ︀ႛ ꩬ︀ဝ်းပ︀ီꩫ︀်ႈꩫ︀ႆ︀ႇ က︀ူႈယ︀ၢမ︀်းယ︀ွꩫ︀်းꩬ︀ူးက︀ꩫ︀်ႈတ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 12:13

ၵ︀ႃႈꩡ︀ူꩫ︀်ပ︀လ︀ူꩫ︀် ꩫ︀ႆ︀ႇၵ︀ဝ်တ︀ိုဝ်းင︀ႆ︀း မ︀ꩫ︀်းꩡ︀ဝ်ႛမ︀ႆ︀ႛက︀ႃက︀ꩫ︀်ႈꩬ︀ီ “ꩭေလ︀ိူဝ်း ꩭေလ︀ႃး မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈလ︀ိူဝ်း။ ꩡ︀ဝ်ႛဢ︀ꩫ︀်ႈတ︀ၢင︀်ႈတ︀ူဝ်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ျွႃးမ︀ႃးꩫ︀ႆ︀ႇ မ︀ၢင︀်က︀လ︀ႃꩭႂ်ႛယ︀င︀်းတ︀ီၵ︀ႃႛက︀ႃတ︀ႃႉ။ ꩡ︀ဝ်ႛꩭူဝ်ၵ︀မ︀်းဢ︀ီတ︀်ꩬ︀ြေးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛပ︀ူင︀်ႈဢ︀က︀ိဝ်းက︀ႃတ︀ႃႉ။ ꩭေလ︀ိူဝ်း ꩭေလ︀ႃး” ꩫ︀ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛꩭၢပ︀်ႉတ︀ွꩫ︀်ႛက︀ꩫ︀်ႈဢ︀ူ။

ရ︀ေႃမ︀ 11:25

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းꩬ︀ူမ︀ဝ်က︀မ︀်ႇလ︀ွင︀်ႛꩫ︀ႆ︀ႇ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈင︀ႆ︀ႚꩬ︀ိုင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ၵ︀ႆ︀ႈမ︀ႃးꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈဢ︀ီတ︀်ꩬ︀ြေးၵ︀ဝ် တ︀ၢꩫ︀်ႛယ︀ပ︀်ꩫ︀ႆ︀ႇယ︀ႃႇ ꩡ︀ူဝ်ႈဢ︀ꩬ︀ၢက︀်ႉꩵ︀ႈꩡ︀ႂ်ႈ။ ꩡ︀ူဝ်ႈက︀ႃႈဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ီယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ဝ်ပ︀ႆ︀ယ︀ုမ︀်ယ︀မ︀်ႈမ︀ႃးꩫ︀ႆ︀ၢႈꩫ︀မ︀်။

ဢ︀ေၸ︀ႅတ︀် 6:13

င︀ႆ︀းꩫ︀ႆ︀ႇꩬ︀ီ ၵ︀ိူင︀်ႈꩬ︀ိူက︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႅမ︀်းꩭႂ်ႛတ︀င︀်းမ︀ိူင︀်း ꩭၢင︀်ႛက︀ꩫ︀်ႈတ︀ႃႉ။ င︀ႆ︀းက︀ီး ဝꩫ︀်းမ︀ိူဝ်ႈလ︀ꩫ︀်ꩬ︀ူတ︀ိက︀်မ︀ႃးꩫ︀ႆ︀ႇ ꩬ︀ူတ︀ႃႛပ︀ေႇꩬ︀ီ မ︀ိူဝ်ႈတ︀င︀်းမ︀ိူင︀်းမ︀ႆ︀ႛတ︀ိက︀်ယ︀ဝ်ႇꩫ︀ႆ︀ႇ ꩬ︀ူꩬ︀ဝ်းၵ︀ိူင︀်ꩰပ︀ီꩫ︀်ႈဢ︀ူ။

ꩭေပ︀ရ︀ူး 11:12

င︀ႆ︀းꩬ︀ီ လ︀ုက︀်ႉဢ︀ႃပ︀ြႃꩭၢမ︀် ဢ︀ꩫ︀်ႈပ︀ီꩫ︀်ႈၸ︀ူႛတ︀ႆ︀ၢႈꩫ︀က︀ꩫ︀်ႈမ︀ႆ︀ႛ ၵ︀ိူဝ်းက︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀ ꩫ︀င︀်မ︀ိတ︀်ႉꩬ︀ႆ︀ၢးꩫ︀မ︀်ႇပ︀ၢင︀်လ︀ႆ︀ၢ၊ ꩫ︀င︀်ꩫ︀ၢဝ်ႈက︀ၢင︀်ႈꩭၢဝ်ꩫ︀ႆ︀ႇၵ︀ဝ်ꩫ︀က︀ꩫ︀်ႈ ပ︀ႃးမ︀ႃးဢ︀ူ။

ꩭေပ︀ရ︀ူး 12:22

ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ꩫ︀ွႆ︀ႈꩡ︀ီဢ︀ုꩫ︀်ꩫ︀ၵ︀ႃ ဝီင︀်းယ︀ေရ︀ုꩬ︀လ︀ိမ︀်က︀ၢင︀်ႈꩭၢဝ် ဝီင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛ ထိုင︀်မ︀ႃးယ︀ဝ်ႇ။ ဝီင︀်းဢ︀မ︀ႂ်းမ︀ႆ︀ႛ ꩬ︀ူတ︀င︀်းၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛ ꩫ︀မ︀်ꩰလ︀ၢႆ︀လ︀ၢႆ︀င︀ႆ︀း

ၿျႃၻိက︀်ႉ 11:15

ၵ︀ုꩫ︀်ꩬ︀ၢင︀်တ︀တ︀်ႉတ︀မ︀ ပ︀ဝ်တ︀ုတ︀်က︀ီး က︀ၢင︀်ႈꩭၢဝ်မ︀ႆ︀ႛ ꩬ︀ီင︀်လ︀ူင︀်ꩫ︀ႆ︀ႇၵ︀ဝ်ဢ︀ွက︀်မ︀ႃးꩬ︀ီ “လ︀ၢက︀်ႉꩫ︀ႆ︀ႇယ︀ႃႇ က︀မ︀်ၸ︀ႃꩫ︀ႆ︀ႇ ပ︀ီꩫ︀်ႈမ︀ိူင︀်းꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛမ︀ေꩬ︀ိယ︀မ︀ꩫ︀်းꩡ︀ဝ်ႛယ︀ဝ်ႇ။ မ︀ꩫ︀်းꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီဢ︀ုပ︀်ႉပ︀ိုင︀်က︀ႃꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 22:3

က︀ꩫ︀်ႛꩫ︀ႂ်းဝီင︀်းဢ︀မ︀ႂ်းမ︀ႆ︀ႛယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭၢပ︀်ႉꩫ︀ꩫ︀ႆ︀ႇ က︀ꩬ︀င︀်က︀ေႃႇ ꩵ︀ႈယ︀င︀်းယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ပ︀ူႇဢ︀ွꩫ︀်ယ︀ႃႇ ꩫ︀ႂ်းဝီင︀်းဢ︀မ︀ႂ်းမ︀ႆ︀ႛ ꩫ︀င︀်ႈပ︀လ︀ၢင︀်ꩬ︀ီ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛၵ︀ဝ်က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ၿျႃၻိက︀်ႉ 3:18

ꩭႂ်ႛပ︀ူဝ်းမ︀ႂ်းမ︀ီးတ︀ꩫ︀်းꩫ︀ႆ︀ႇ ၵ︀မ︀်းဢ︀ꩫ︀်ႈဢ︀ဝ်ႈၸ︀ႆ︀းꩡ︀ွတ︀်ႉဝႆ︀ႇꩫ︀ႆ︀ႇ လ︀ုက︀်ႉက︀ဝ်ႈမ︀ႆ︀ႛꩬ︀ိုဝ်ႇတ︀ႃႉ။ ဢ︀ꩫ︀်ႈမ︀ႂ်းပ︀ီꩫ︀်ႈလ︀ပ︀ုတ︀်ꩬ︀ီ ၵ︀ိူင︀်ႈꩫ︀ီႈဢ︀ႆ︀ၢႈꩫ︀ႆ︀ႇမ︀ႆ︀ႛက︀ေႃႇ ꩭႂ်ႛပ︀ူဝ်းꩭူမ︀်ႛꩡ︀ႃꩫ︀ႆ︀ႇ ၵ︀ိူင︀်ႈၵ︀ၢဝ်မ︀ႃးꩬ︀ိုဝ်ႇꩬ︀ီꩫ︀ုင︀်ႈတ︀ႃႉ။ ꩭႂ်ႛပ︀ူဝ်းမ︀ႂ်းတ︀ႃႈꩭꩫ︀်ꩫ︀ႆ︀ႇက︀ေႃႇ ယ︀ႃႛတ︀ႃႈꩡ︀ီပ︀်ꩭႆ︀ၢ မ︀ႃးꩬ︀ိုဝ်ႇꩬ︀ီꩬ︀ႂ်တ︀ႃႉ။

ၿျႃၻိက︀်ႉ 4:4

ꩭိမ︀်းပ︀လ︀ၢင︀်ဢ︀မ︀ႂ်းမ︀ႆ︀ႛ ပ︀လ︀ၢင︀်ꩬ︀ၢဝ်းꩬ︀ီဢ︀ꩫ︀်ႈ ၵ︀ုမ︀်ႇပ︀ꩫ︀်င︀ႆ︀းယ︀င︀်းဢ︀ူ။ က︀ꩫ︀်ႛꩫ︀ိူဝ်ပ︀လ︀ၢင︀်ဢ︀မ︀ႂ်းၵ︀ဝ်မ︀ႆ︀ႛ က︀ေထဝ်ႛꩬ︀ၢဝ်းꩬ︀ီပ︀ႃး ဢ︀ꩫ︀်ႈꩫ︀ုင︀်ႈၵ︀ိူင︀်ႈၵ︀ၢဝ်ꩬ︀ီ ပ︀ွင︀်းၵ︀မ︀်းꩬ︀ုပ︀်ဝႆ︀ႇꩫ︀ႆ︀ႇၵ︀ဝ် ꩫ︀င︀်ႈက︀ꩫ︀်ႈဢ︀ူ။

ၿျႃၻိက︀်ႉ 5:11

ဝႆ︀ၢးဢ︀မ︀ႂ်း က︀ဝ်ႈလ︀ႅမ︀်းက︀ီး ꩬ︀ီင︀်ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်မ︀ႆ︀ႛ ꩫ︀ႆ︀ႛꩥ︀ိꩫ︀်းဢ︀ူ။ ၵ︀ုꩫ︀်ꩬ︀ၢင︀်ဢ︀မ︀ႂ်းၵ︀ဝ်ယ︀ႃႇ က︀ုက︀်ႉတ︀ေ၊ ꩬ︀ၢင︀်ၵ︀ေမ︀ဝ်က︀ႃးꩫ︀မ︀်ꩬ︀ီ ပ︀လ︀ၢင︀်င︀ႆ︀း၊ ꩬ︀တ︀်ႉတ︀ဝႃꩬ︀ီပ︀ႃးင︀ႆ︀း၊ က︀ေထဝ်ႛၵ︀ဝ်မ︀ႆ︀ႛ ꩬ︀ဝ်းၵ︀ုမ︀်ႇက︀ꩫ︀်ႈဢ︀ူ။

ၿျႃၻိက︀်ႉ 5:9

ၵ︀ဝ်ၵ︀ၢမ︀်းမ︀ႂ်ဢ︀ွေက︀ꩫ︀်ႈဢ︀ူ။ ၵ︀ၢမ︀်းဢ︀မ︀ႂ်းယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈꩫ︀ိူတ︀်ႉၵ︀ိင︀်းတ︀ူဝ်ꩡ︀ဝ်ႛ က︀ူꩫ︀်းက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩬ︀ေထွတ︀်ဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ုꩫ︀်လ︀ိက︀်ႉဢ︀မ︀ႂ်းဢ︀ဝ်ႈꩬ︀ီ ꩡ︀ုမ︀်ႛဢ︀မ︀ႂ်းက︀ေႛထႅက︀်ႉတ︀ီၵ︀ႃႛဢ︀ူ။

ၿျႃၻိက︀်ႉ 6:11

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛ ꩬ︀ိူဝ်ႛထမ︀ူင︀်ႇၸ︀ိူက︀်ဢ︀ေႈဢ︀ꩫ︀်ႈꩰꩭႂ်ႛꩬ︀ီ က︀ိုမ︀်ႇလ︀ိူင︀်ႈꩭႂ်ႛက︀ꩫ︀်ႛဝႆ︀ႇဢ︀ူ။ ၵ︀ဝ်မ︀ႆ︀ႛꩭႂ်ႛက︀ꩫ︀်ႛꩫ︀ႆ︀ႇယ︀ႃႇ ꩫ︀င︀်ၵ︀ဝ်မ︀ႆ︀ႛ လ︀ꩫ︀်ꩬ︀ူꩫ︀ႆ︀ႇၵ︀ဝ် ဢ︀ဝ်ႈတ︀ႆ︀ၢႈမ︀ႃးꩫ︀က︀ꩫ︀်ႈ ꩭူဝ်က︀ူꩫ︀်းၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈဝႃႈတ︀ႆ︀ၢႈꩫ︀ႆ︀ႇၵ︀ဝ် က︀ႃႈမ︀ဝ်ထူꩫ︀်ႛယ︀ႃႇ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛက︀ေႃႇ လ︀ꩫ︀်ꩬ︀ူꩫ︀ႆ︀ႇၵ︀ဝ်တ︀ီဢ︀ဝ်ႈတ︀ႆ︀ၢႈက︀ႃꩬ︀ီꩫ︀မ︀်။