ၿျႃၻိက︀်ႉ 5:9 - Khamti Shan

⁹ ၵ︀ဝ်ၵ︀ၢမ︀်းမ︀ႂ်ဢ︀ွေက︀ꩫ︀်ႈဢ︀ူ။ ၵ︀ၢမ︀်းဢ︀မ︀ႂ်းယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈꩫ︀ိူတ︀်ႉၵ︀ိင︀်းတ︀ူဝ်ꩡ︀ဝ်ႛ က︀ူꩫ︀်းက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩬ︀ေထွတ︀်ဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ုꩫ︀်လ︀ိက︀်ႉဢ︀မ︀ႂ်းဢ︀ဝ်ႈꩬ︀ီ ꩡ︀ုမ︀်ႛဢ︀မ︀ႂ်းက︀ေႛထႅက︀်ႉတ︀ီၵ︀ႃႛဢ︀ူ။

ၿျႃၻိက︀်ႉ 5:9 Iomraidhean Croise

မ︀တ︀်တ︀ႄး 20:28

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းꩫ︀ႆ︀ၢႈက︀ေႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩫ︀ႆ︀ႇ မ︀ႃးꩭီတ︀်ꩡ︀ဝ်ႛꩵ︀ႈꩡ︀ႂ်ႈ။ ꩭီတ︀်ၸ︀ူႛꩡ︀ႂ်ႇꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် လ︀ုက︀်ႉဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩫ︀ႆ︀ႇ ဢ︀ဝ်ႈဢ︀ꩬ︀ၢက︀်ႉက︀ဝ်ႈၸ︀ူႛꩡ︀ဝ်ႛ မ︀ႃးꩬ︀ေထွတ︀်ပ︀ွက︀်ႉက︀ွတ︀်ꩫ︀ꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 26:28

ꩫ︀ႆ︀ႇယ︀ႃႇ ꩫ︀ိူတ︀်ႉက︀ဝ်ႈ ဢ︀ꩫ︀်ႈၵ︀ၢမ︀်းၵ︀တ︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈတ︀ီမ︀်ႈက︀ုမ︀်ꩫ︀ႆ︀ႇꩫ︀မ︀်။ ဢ︀ꩫ︀်ႈက︀ဝ်ႈလ︀ူဝ်ꩬ︀ီ ꩡ︀ႃႇꩭၢင︀်းၸ︀ေဢ︀ပ︀ႅတ︀်ႉက︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀ၵ︀ႅက︀်ꩡ︀ဝ်ႛꩭႂ်ႛꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 20:28

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း၊ ၸ︀ုင︀်ပ︀ူႇꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉꩭႂ်ႛꩫ︀ႆ︀ႇမ︀ႆ︀ႛတ︀မ︀ိူင︀်းမ︀ိုင︀်ႇက︀ꩫ︀်ႈတ︀ႃႉ။ ꩡ︀ိူဝ်းꩡ︀ဝ်ႛမ︀ႆ︀ႛ ꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈမ︀ိုင︀်ႇက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ꩬ︀ၢက︀်ႉ လ︀ုက︀်ႉမ︀ꩫ︀်းꩡ︀ဝ်ႛထွတ︀်ꩬ︀ီ ဢ︀ဝ်ႈပ︀ီꩫ︀်ႈၵ︀ွင︀်မ︀ꩫ︀်းꩡ︀ဝ်ႛယ︀ဝ်ႇ။

က︀ေႃရ︀ိꩫ︀်တ︀ု ႑ 6:20

ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ိုဝ်ႇဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ တ︀ူဝ်ႈꩬ︀ူမ︀ႆ︀ႛ ꩡ︀ႃႇမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် တ︀ိုဝ်းက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 7:23

ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ိုဝ်ႇဝႆ︀ႇꩫ︀ႆ︀ႇꩬ︀ီ ပ︀ီက︀ႃꩭီတ︀်ၵ︀ႃႛက︀ူꩫ︀်း။

ဢ︀ေၸ︀ႅတ︀် 1:7

ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်လ︀ူင︀်ꩫ︀ႆ︀ႇꩬ︀ီ ဢ︀ဝ်ႈꩫ︀ိူတ︀်ႉလ︀ုက︀်ႉꩡ︀ႆ︀ၢးမ︀ꩫ︀်းꩡ︀ဝ်ႛ ထွတ︀်ꩭႂ်ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛဢ︀ဝ်ႈလ︀ွတ︀်ႉꩭႂ်ႛမ︀ႃးင︀ႆ︀းꩬ︀ီ ဢ︀ဝ်ႈꩥ︀ႅꩫ︀်ꩫ︀ၵ︀ႃပ︀ိင︀်ꩥ︀ႃတ︀င︀်းမ︀ိူင︀်း ꩭဝ်းမ︀ႆ︀ႛ က︀ျေးꩡ︀ူးမ︀ꩫ︀်းꩡ︀ဝ်ႛ ၵ︀ွင︀်းꩰလ︀ွင︀်းꩰꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 5:19

င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩬ︀ူတ︀ၢꩫ︀်ႛၵ︀ၢမ︀်းက︀ꩫ︀်ႈꩫ︀ႆ︀ႇ ဢ︀ဝ်ႈၵ︀ၢမ︀်းꩬ︀ႃလ︀ၢမ︀်၊ ဢ︀ဝ်ႈၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ဝႃႈက︀ꩫ︀်ႈတ︀ႃႉ။ လ︀ုက︀်ႉꩫ︀ႂ်းꩡ︀ႂ်ႈꩬ︀ူမ︀ႆ︀ႛ ၵ︀ၢမ︀်းယ︀ွင︀်ႛၸ︀ြႃပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ၵ︀ၢမ︀်းꩬ︀ႃလ︀ံၢꩫ︀ႆ︀ႇၵ︀ဝ် ဢ︀ွေက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 1:14

လ︀ုက︀်ႉꩭၢက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ꩭဝ်းမ︀ႆ︀ႛဢ︀ပ︀ႅတ︀်ႉပ︀ွႆ︀လ︀ွတ︀်ႉꩬ︀ီ ဢ︀ဝ်ႈလ︀ွတ︀်ႉꩭႂ်ႛမ︀ႃးယ︀ဝ်ႇ။

က︀ေႃလ︀ေႃတ︀ႄ 1:23

င︀ႆ︀းꩫ︀ႆ︀ႇꩬ︀ီ ꩬ︀ူꩬ︀မ︀်မ︀ႃတ︀ြႃးꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰက︀ꩫ︀်ႈတ︀ႃႉ။ ꩫ︀င︀်မ︀ိူဝ်ႈꩬ︀ူ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀င︀်က︀ူဝ်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ တ︀မ︀်းꩡ︀ႂ်ႈမ︀ႃးꩫ︀က︀ꩫ︀်ႈ က︀ၢပ︀်ꩬ︀ီတ︀မ︀်းꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။ ꩡ︀ႂ်ႈဢ︀မ︀ႂ်း ပ︀ီꩭႂ်ႛလ︀ႆ︀ၢႈက︀ႃ။ က︀ဝ်ႈပ︀ေႃလ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ။

တ︀ိတ︀ု 2:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ဝ်ႈမ︀ူတ︀်ꩡ︀ၢင︀်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းꩭဝ်း ပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ ꩭီတ︀်လ︀ွင︀်ႈꩫ︀ီႈꩫ︀ႆ︀ႇလ︀ိူင︀်ႈ ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛꩭႂ်ႛꩬ︀ီ ၵ︀ေꩬ︀ေမ︀ႃးယ︀ဝ်ႇ။

ꩭေပ︀ရ︀ူး 11:14

ၵ︀ဝ်ဢ︀ꩫ︀်ႈင︀ႆ︀းꩬ︀ီ ꩭၢပ︀်ႉၵ︀ၢမ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ႃမ︀ိူင︀်းၵ︀ဝ်ၸ︀ူႛꩡ︀ဝ်ႛꩫ︀မ︀်ꩫ︀ꩫ︀ႆ︀ႇ ပ︀ျႃးꩡ︀ုꩫ︀်ႈꩰꩫ︀မ︀်။

ပ︀ေတ︀ရ︀ု ႒ 2:1

ꩫ︀ႆ︀ႇꩫ︀က︀ေႃႇ ꩫ︀င︀်က︀ꩫ︀်ႛꩫ︀ႂ်းဢ︀ီတ︀်ꩡ︀ရ︀ေးꩭဝ်းမ︀ႆ︀ႛ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃꩫ︀ႆ︀ႇၵ︀ဝ်ယ︀င︀်းမ︀ႃးꩫ︀က︀ꩫ︀်ႈ က︀ꩫ︀်ႛꩫ︀ႂ်းꩬ︀ူမ︀ႆ︀ႛက︀ေႃႇ ꩬ︀ြႃမ︀ိက︀်ႉꩬ︀ႃꩫ︀ႆ︀ႇၵ︀ဝ်တ︀ီမ︀ႃးꩫ︀မ︀်။ ၵ︀ဝ်ယ︀ႃႇ ꩬ︀ူမ︀ႆ︀ႛမ︀ႃးင︀ႆ︀းလ︀ွင︀်ႈဢ︀ꩫ︀်ႈက︀ူꩫ︀်းမ︀ႆ︀ႛ တ︀ီဢ︀ဝ်ႈလ︀ူႇပ︀ႅက︀်ႉ၊ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၸ︀ိတ︀်ꩫ︀ႆ︀ႇၵ︀ဝ် လ︀ၢက︀်ႉꩬ︀ွတ︀်ႉꩬ︀ွꩫ︀်ꩭႂ်ႛင︀ႆ︀းꩬ︀ီ ꩡ︀ိူမ︀်ႈက︀ႃႈ ꩡ︀ဝ်ႛက︀ေႛၵ︀ျွတ︀်ႉၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း တ︀ီပ︀ႆ︀ၵ︀ွတ︀်ꩫ︀မ︀်။ င︀ႆ︀းꩬ︀ီ ၵ︀ဝ်ယ︀ႃႇ ꩡ︀ိဝ်းꩰတ︀ီလ︀ူႇပ︀ႅက︀်ႉက︀ႃꩫ︀မ︀်။

ယ︀ေႃးꩭၢꩫ︀် ႑ 1:7

ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ူꩫ︀ႂ်းဢ︀ꩫ︀်ႈလ︀ႅင︀်းꩫ︀က︀ꩫ︀်ႈ ꩭဝ်းက︀ေႃႇ ဢ︀ူꩫ︀ႂ်းဢ︀ꩫ︀်ႈလ︀ႅင︀်းမ︀ႆ︀ႛက︀ီး ꩭဝ်းၵ︀ဝ်ႛၵ︀ွꩫ︀်ႛက︀ꩫ︀်ႈꩬ︀ီ ꩫ︀ိူတ︀်ႉလ︀ုက︀်ႉꩡ︀ႆ︀ၢးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ပ︀ႅတ︀်ႉꩭဝ်းက︀ႃႈꩫ︀င︀်ယ︀င︀်းမ︀ႆ︀ႛ ꩬ︀ုက︀်ႉဢ︀ဝ်ႈတ︀ွင︀်ꩭႂ်ႛဢ︀ူ။

ယ︀ေႃးꩭၢꩫ︀် ႑ 2:2

ꩡ︀ဝ်ႛဢ︀မ︀ႂ်းယ︀ႃႇ တ︀ူဝ်ႈၵ︀ႅက︀်ဢ︀ꩫ︀်ႈꩡ︀ႃႇၸ︀ေဢ︀ပ︀ႅတ︀်ႉꩭဝ်းꩫ︀ႆ︀ႇꩬ︀ေႇမ︀ဝ်က︀ႃး ဢ︀ꩫ︀်ႈꩡ︀ႃႇၸ︀ေဢ︀ပ︀ႅတ︀်ႉ က︀ူꩫ︀်းမ︀ိူင︀်းက︀ၢင︀်ႈတ︀င︀်းမ︀ိူင︀်းꩫ︀မ︀်။

ၿျႃၻိက︀်ႉ 10:11

ယ︀ဝ်ႇက︀ီး ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ က︀ဝ်ႈမ︀ႆ︀ႛ “ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ႃႇမ︀ိူင︀်းꩫ︀ႆ︀ႇၵ︀ဝ်၊ ၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်၊ ၵ︀ိူဝ်းက︀ူꩫ︀်းꩫ︀ႆ︀ႇၵ︀ဝ်င︀ႆ︀း ꩡ︀ႃႇꩡ︀ဝ်ႛꩭူဝ်ၵ︀မ︀်းဢ︀ၢꩫ︀်တ︀ၢꩫ︀်ꩫ︀ႆ︀ႇၵ︀ဝ် ꩬ︀ၢင︀်ဝႆ︀ႇꩫ︀ႆ︀ႇ က︀ၢပ︀်ꩬ︀ီတ︀ႅဝ်တ︀ႃႉ” ꩫ︀ဝꩫ︀်ႇ။

ၿျႃၻိက︀်ႉ 11:9

က︀ူꩫ︀်းက︀ူႈမ︀ိူင︀်းꩰ က︀ူႈၸ︀ꩫ︀်း၊ က︀ူႈၵ︀ိူဝ်းꩫ︀ႆ︀ႇၵ︀ဝ်ယ︀ႃႇ ꩭၢင︀်ႈတ︀ႆ︀ၢႈꩬ︀ွင︀်ၵ︀ႃမ︀ႆ︀ႛ ꩬ︀ၢမ︀်ဝꩫ︀်းပ︀ႆ︀ၢႈတ︀ၢင︀်ႈꩰꩫ︀ူႈက︀ꩫ︀်ႈꩬ︀ီ ဢ︀ၵ︀ၢင︀်းဢ︀ꩫ︀်ႈꩭၢင︀်ႈတ︀ႆ︀ၢႈꩬ︀ွင︀်ၵ︀ႃမ︀ႆ︀ႛ ၸ︀င︀်ယ︀ႃႇၸ︀ႂ်မ︀ႆ︀ႛက︀ေႃႇꩵ︀ႈꩭႂ်ႛ။

ၿျႃၻိက︀်ႉ 13:7

မ︀ꩫ︀်းယ︀ႃႇ ဢ︀ၵ︀ၢင︀်းဢ︀ꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ တ︀ိက︀်ꩬ︀ိူက︀်ပ︀ေႇꩫ︀ႆ︀ႇင︀ႆ︀း ဢ︀ၵ︀ၢင︀်းဢ︀ꩫ︀်ႈ က︀ူꩫ︀်းဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ူႈၸ︀ꩫ︀်း၊ က︀ူꩫ︀်းက︀ူႈၸ︀ꩫ︀်း၊ က︀ူႈၵ︀ိူဝ်းဢ︀ꩫ︀်ႈဢ︀ူ က︀ူႈမ︀ိူင︀်းꩰꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩫ︀ႆ︀ႛဝႆ︀ႇဢ︀ူ။

ၿျႃၻိက︀်ႉ 13:8

က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ၿျႃၻိက︀်ႉ 14:6

ဝၢႆ︀းꩫ︀ႆ︀ႇ က︀ꩫ︀်ႛꩫ︀ိူဝ်က︀ၢင︀်ႈၸ︀ႃႇမ︀ႆ︀ႛ ၵ︀ုꩫ︀်ꩬ︀ၢင︀်ပ︀ႃးလ︀ိူင︀်ႈမ︀ီꩫ︀်ႈဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ မ︀ꩫ︀်းယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈထႃဝရ︀ ဢ︀ꩫ︀်ႈꩡ︀ႃႇꩭၢင︀်းက︀ူꩫ︀်းက︀မ︀်ၸ︀ႃ ဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ူႈၸ︀ꩫ︀်း၊ က︀ူꩫ︀်းက︀ူႈၸ︀ꩫ︀်း၊ က︀ူႈၵ︀ိူဝ်းဢ︀ꩫ︀်ႈဢ︀ူက︀ူႈမ︀ိူင︀်းꩰꩫ︀ႆ︀ႇၵ︀ဝ်မ︀ႆ︀ႛ တ︀ႅဝ်ꩫ︀ႆ︀ႇ ဢ︀ဝ်ႈမ︀ႃးဢ︀ူ။

ၿျႃၻိက︀်ႉ 15:3

ၵ︀ဝ်ယ︀ႃႇ ၵ︀ၢမ︀်းမ︀ေႃꩬ︀ေၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၵ︀ၢမ︀်းပ︀ူႇဢ︀ွꩫ︀်ဢ︀ွေက︀ꩫ︀်ႈꩬ︀ီ “ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀တ︀ီၵ︀ႃႛ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛꩭီတ︀်ꩫ︀ႆ︀ႇၵ︀ဝ်ယ︀ႃႇ ယ︀ႂ်မ︀ႅတ︀်ႉꩬ︀ီ ၵ︀ိူင︀်ႈꩫ︀ီႈဢ︀ၢမ︀်းလ︀ူင︀်တ︀ီၵ︀ႃႛꩫ︀မ︀်။ ꩡ︀ဝ်ႛꩭူဝ်ၵ︀မ︀်းၸ︀ꩫ︀်းက︀ူꩫ︀်းတ︀င︀်းမ︀ိူင︀်းတ︀ီၵ︀ႃႛ လ︀ႆ︀ၢးဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛꩭီတ︀်ꩫ︀ႆ︀ႇၵ︀ဝ်ယ︀ႃႇ ꩬ︀ိုဝ်ႈꩡ︀ႂ်ႈလ︀ူင︀်တ︀ြႃးလ︀ူင︀်တ︀ီၵ︀ႃႛꩫ︀မ︀်။

ၿျႃၻိက︀်ႉ 17:15

ၵ︀ုꩫ︀်ꩬ︀င︀်ယ︀ႃႇက︀ၢပ︀်ꩬ︀ီ က︀ဝ်ႈမ︀ႆ︀ႛဝႃႈꩫ︀ႆ︀ႇ “ꩫ︀မ︀်ႇလ︀ူင︀်ဢ︀ꩫ︀်ႈမ︀ေႈမ︀ွက︀်ယ︀ႃႛ ꩫ︀င︀်ႈꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ူႈၸ︀ꩫ︀်း၊ က︀ူꩫ︀်းက︀ူႈၸ︀ꩫ︀်းက︀ူႈၵ︀ိူဝ်းဢ︀ꩫ︀်ႈက︀ူႈမ︀ိူင︀်းꩰမ︀ႆ︀ႛ ယ︀င︀်းꩫ︀ႆ︀ႇၵ︀ဝ်ꩫ︀မ︀်။

ၿျႃၻိက︀်ႉ 4:11

“ꩡ︀ဝ်ႛထႃဝရ︀ၸ︀ြႃးတ︀ီၵ︀ႃႛ ၵ︀ိင︀်းတ︀ူဝ်ꩡ︀ဝ်ႛယ︀ႃႇ တ︀င︀်းလ︀ုင︀်တ︀င︀်းမ︀ိူင︀်း ၸ︀ၢꩫ︀်ꩬ︀ၢင︀်းဝႆ︀ႇတ︀ီၵ︀ႃႛယ︀ဝ်ႇ။ ဢ︀ꩫ︀်ႈယ︀င︀်းဢ︀ူꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ လ︀ႆ︀ၢးပ︀ိူဝ်ႈဢ︀လ︀ၢင︀်းၵ︀ိင︀်းတ︀ူဝ်ꩡ︀ဝ်ႛꩬ︀ီ ယ︀င︀်းက︀ꩫ︀်ႈ၊ ဢ︀ꩬ︀ၢက︀်ႉꩫ︀ိပ︀်က︀ꩫ︀်ႈတ︀ီၵ︀ႃႛꩫ︀မ︀်။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ မ︀ူꩫ︀်ႈ၊ ၸ︀ုင︀်း၊ တ︀ꩫ︀်းၵ︀ူဝ်းꩫ︀ႆ︀ႇၵ︀ဝ် ꩭၢပ︀်ႉထႅက︀်ႉတ︀ီၵ︀ႃႛဢ︀ူ” ꩫ︀ဝꩫ︀်ႇ။

ၿျႃၻိက︀်ႉ 5:12

ၵ︀ဝ်ယ︀ႃႇ “ပ︀ူႇဢ︀ွꩫ︀်ဢ︀ꩫ︀်ႈꩫ︀ႆ︀ႛၵ︀ၢမ︀်ဢ︀ဝ်ႈတ︀ႆ︀ၢႈꩫ︀ႆ︀ႇ တ︀ꩫ︀်းၵ︀ူဝ်း၊ ꩡ︀ေးꩡ︀ိမ︀်၊ တ︀ၢင︀်းꩭူႇတ︀ွင︀်း၊ ꩫ︀မ︀်ႇက︀တ︀်ႉ၊ မ︀ူꩫ︀်ႈ၊ ၸ︀ုင︀်း၊ မ︀ၢင︀်က︀လ︀ႃ ꩭၢပ︀်ႉထႅက︀်ႉတ︀ီၵ︀ႃႛဢ︀ူ” ꩫ︀ꩬ︀ီ က︀ႃႈꩭႅင︀်း ယ︀ူဝ်းယ︀ွင︀်ႛက︀ꩫ︀်ႈဢ︀ူ။

ၿျႃၻိက︀်ႉ 5:6

ꩫ︀ႆ︀ႇမ︀ႆ︀ႛ ပ︀ူႇဢ︀ွꩫ︀်တ︀ူဝ်ႈလ︀ိူင︀်ႈ ဝူင︀်ႈက︀ၢင︀်ႈပ︀လ︀ၢင︀်ꩫ︀ၵ︀ႃ တ︀ူဝ်ႈꩬ︀တ︀်ႉတ︀ဝႃꩬ︀ီပ︀ႃး ၵ︀ိူင︀်းက︀ၢင︀်ႈဢ︀ꩫ︀်ႈ က︀ေထဝ်ႛꩫ︀ႆ︀ႇၵ︀ဝ်ၵ︀ုမ︀်ႇက︀ꩫ︀်ႈမ︀ႆ︀ႛ ꩬ︀ဝ်းဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ပ︀ူႇဢ︀မ︀ႂ်းယ︀ႃႇ ꩫ︀င︀်ꩭၢင︀်ႈဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈမ︀ႃးꩫ︀က︀ꩫ︀်ႈꩫ︀မ︀်။ မ︀ꩫ︀်းမ︀ႆ︀ႛ ၵ︀ဝ်ꩡ︀ီတ︀်ဢ︀ꩫ︀်ႈင︀ႆ︀း ꩭွေတ︀ႃႈꩡ︀ီတ︀်လ︀ုက︀်ႉယ︀င︀်းဢ︀ူ။ ꩭွေတ︀ႃႈဢ︀မ︀ႂ်းၵ︀ဝ်ယ︀ႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ီတ︀်ပ︀ႃး ဢ︀ꩫ︀်ႈတ︀င︀်းက︀မ︀်ၸ︀ႃမ︀ႆ︀ႛ ပ︀ွႆ︀ꩡ︀ႂ်ႇဝႆ︀ႇꩫ︀ႆ︀ႇၵ︀ဝ်ꩫ︀မ︀်။