ၿျႃၻိက︀်ႉ 4:8 - Khamti Shan

⁸ တ︀ူဝ်ႈꩬ︀တ︀်ႉꩬ︀ီပ︀ႃးဢ︀မ︀ႂ်းၵ︀ဝ်ယ︀ႃႇ ပ︀ိက︀်ꩭူက︀်ဢ︀ꩫ︀်ႈꩭူက︀်ဢ︀ꩫ︀်ႈယ︀င︀်းဢ︀ူ။ တ︀ူဝ်ႈၵ︀ဝ်မ︀ႆ︀ႛယ︀ႃႇ တ︀င︀်းတ︀ူဝ်ႈမ︀ႆ︀ႛ ꩭွေတ︀ႃႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀မ︀်။ ၵ︀ဝ်ယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇယ︀င︀်းဢ︀ူꩫ︀ႆ︀ႇယ︀ႃႇ မ︀ူတ︀်ꩡ︀ၢင︀်ဢ︀ူ။ မ︀ူတ︀်ꩡ︀ၢင︀်ဢ︀ူ။ မ︀ူတ︀်ꩡ︀ၢင︀်ဢ︀ူ” ꩫ︀ꩬ︀ီမ︀ဝ်ꩫ︀ႂ်မ︀ဝ်ꩬ︀ဝ်း ဢ︀ွေၵ︀ၢမ︀်းက︀ꩫ︀်ႈဢ︀ူ။

ၿျႃၻိက︀်ႉ 4:8 Iomraidhean Croise

ထဝ်ꩡ︀တ︀်ႉၵ︀ဝ် 20:31

င︀ႆ︀းꩫ︀ႆ︀ႇꩬ︀ီ ꩬ︀တ︀ိꩬ︀ီဢ︀ူက︀ꩫ︀်ႈတ︀ႃႉ။ ဢ︀ꩫ︀်ႈꩬ︀ူꩡ︀ဝ်ႛမ︀ႆ︀ႛ က︀ဝ်ႈꩬ︀ၢမ︀်ပ︀ီႈတ︀ၢင︀်ႈꩰ တ︀င︀်းၵ︀ိုꩫ︀်းတ︀င︀်းဝꩫ︀်း ꩫ︀မ︀်ႇတ︀ႃႈတ︀ူက︀်ꩬ︀ီ ꩬ︀ွꩫ︀်ꩬ︀ုင︀်းမ︀ႃးမ︀ႃးꩫ︀ႆ︀ႇၵ︀ဝ်မ︀ႆ︀ႛဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 6:18

င︀ႆ︀းꩬ︀ီ “က︀ဝ်ႈတ︀ီပ︀ီꩫ︀်ႈပ︀ူဝ်ꩬ︀ူꩫ︀မ︀်။ ꩬ︀ူက︀ေႃႇတ︀ီပ︀ီꩫ︀်ႈလ︀ုက︀်ႉက︀ဝ်ႈၵ︀ဝ်ꩫ︀မ︀်” ꩫ︀ꩬ︀ီ ꩡ︀ဝ်ႛထႃဝရ︀ၸ︀ြႃးꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ꩭႂ်ႛက︀တ︀ိဢ︀ူ”။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:9

တ︀ူႈၵ︀ႂ်ႈလ︀ႂ်ႈꩫ︀ွေꩰꩫ︀ုꩫ︀်းꩰꩬ︀ေႈꩡ︀ႃႉမ︀ႃးꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇမ︀တ︀်ႉဢ︀ူ။ ꩬ︀ူၸ︀ႂ်မ︀ႆ︀ႛက︀ေႃႇ ꩭႂ်ႛပ︀ူဝ်းမ︀ဝ်ဢ︀ဝ်ႈယ︀ပ︀်ယ︀ၢက︀်ႉꩫ︀ႆ︀ႇ တ︀ူႈꩡ︀ႃႇတ︀ွင︀်ႇၸ︀ူႛꩡ︀ဝ်ႛ ꩭီတ︀်ဢ︀မ︀ူးꩬ︀ေႈꩡ︀ႃႉꩬ︀ီ ꩬ︀ူမ︀ႆ︀ႛၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ု ꩭူဝ်းမ︀ႃးꩫ︀မ︀်။

တ︀ိမ︀ေႃတ︀ေ ႑ 4:16

ꩡ︀ူဝ်ႈတ︀ႃႈဢ︀ꩬ︀ၢက︀်ႉမ︀ႂ်းၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း ဢ︀ꩫ︀်ႈမ︀ႂ်းꩬ︀ွꩫ︀်ꩬ︀င︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ꩬ︀တ︀ိꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း က︀ူꩫ︀်းဢ︀ꩫ︀်ႈမ︀ႂ်းꩭူဝ်းꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛဢ︀ူ။

ꩭေပ︀ရ︀ူး 13:8

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ မ︀ိူဝ်ႈင︀ႃး၊ မ︀ိူဝ်ႈꩫ︀ႆ︀ႇ၊ ထႃဝရ︀ ꩵ︀ႈလ︀ွက︀်ႉလ︀ႆ︀ၢႈ။

ၿျႃၻိက︀်ႉ 1:4

က︀ဝ်ႈယ︀ေႃးꩭၢꩫ︀် ꩡ︀ိူဝ်းꩡ︀ဝ်ႛꩡ︀ေႈဝီင︀်းဢ︀ႃꩬ︀ျ ꩡ︀ီတ︀်ပ︀ႃးမ︀ႆ︀ႛ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛ မ︀ိူဝ်ႈလ︀ႂ်ႈက︀ေႃႇယ︀င︀်းꩬ︀ီဢ︀ူꩫ︀ႆ︀ႇင︀ႆ︀း ၵ︀ွꩫ︀်ꩡ︀ီတ︀်ပ︀ႃး ဢ︀ꩫ︀်ႈဢ︀ူပ︀ၢင︀်ႈꩫ︀ႃႛပ︀လ︀ၢင︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ် ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀တ︀ႃႉ။

ၿျႃၻိက︀်ႉ 1:8

ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛယ︀င︀်းဢ︀ူꩫ︀ႆ︀ႇယ︀ႃႇ “က︀ဝ်ႈယ︀ႃႇဢ︀ႃလ︀ၸ︀ꩫ︀ၵ︀ႃ ဢ︀ေႃမ︀ေက︀၊ ꩡ︀ဝ်ႛဢ︀ꩫ︀်ႈꩭူဝ်က︀ူဝ်ꩫ︀ၵ︀ႃဢ︀ꩫ︀်ႈꩬ︀ုတ︀်ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 11:17

ၵ︀ဝ်ယ︀ႃႇ “ꩡ︀ဝ်ႛထႃဝရ︀ၸ︀ြႃး ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ဢ︀ꩫ︀်ႈယ︀ၢမ︀်းပ︀ူꩫ︀်ႇမ︀ႃးင︀ႆ︀း ယ︀ၢမ︀်းင︀ႆ︀ႚမ︀ႆ︀ႛ ၵ︀ိင︀်းဢ︀ူꩫ︀ႆ︀ႇတ︀ီၵ︀ႃႛ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ဢ︀ဝ်ႈမ︀ူꩫ︀်ႈၵ︀ိင︀်းတ︀ူဝ်ꩡ︀ဝ်ႛ ဢ︀ုပ︀်ႉပ︀ိုင︀်က︀ႃꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ တ︀ူႈၵ︀ႃႛယ︀ူဝ်းယ︀ွင︀်ႛတ︀ီၵ︀ႃႛဢ︀ူ။

ၿျႃၻိက︀်ႉ 14:11

က︀ွꩫ︀်ႈၸ︀ႆ︀းဢ︀ꩫ︀်ႈၵ︀ဝ်မ︀ႆ︀ႛမ︀ႆ︀ႛၸ︀ႆ︀းꩫ︀ႆ︀ႇ ထႃဝရ︀ က︀ꩫ︀်ႛꩫ︀ိူဝ်မ︀ႆ︀ႛ တ︀ီၵ︀ိုꩫ︀်ႛဢ︀ူꩫ︀မ︀်။ က︀ူꩫ︀်းဢ︀ꩫ︀်ႈတ︀ူဝ်ႈꩭႆ︀ၢႇဢ︀မ︀ႂ်းꩫ︀ၵ︀ႃ ꩭုꩫ︀်ꩭၢင︀်ႈမ︀ꩫ︀်းမ︀ႆ︀ႛ ပ︀ႆ︀ၢႛဝႆ︀ႈ၊ ဢ︀ꩫ︀်ႈꩡ︀ုမ︀်ႛꩡ︀ိုဝ်ႈမ︀ꩫ︀်း ꩭၢပ︀်ႉဝႆ︀ႇꩫ︀ႆ︀ႇၵ︀ဝ်ယ︀ႃႇ ၵ︀မ︀်ႈꩰဝꩫ︀်းꩰတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ဢ︀ူꩫ︀မ︀်” ꩫ︀ꩬ︀ီဢ︀ိဝ်ꩬ︀ီဝႃႈဢ︀ူ။

ၿျႃၻိက︀်ႉ 14:3

က︀ူꩫ︀်း ႑႔႔႐႐႐ ဢ︀မ︀ႂ်းၵ︀ဝ်ယ︀ႃႇ ပ︀ၢင︀်ႈꩫ︀ႃႛပ︀လ︀ၢင︀်ꩡ︀ဝ်ႛ၊ ꩬ︀တ︀်ႉတ︀ဝႃꩬ︀ီပ︀ႃးင︀ႆ︀း က︀ေထဝ်ႛꩫ︀ႆ︀ႇၵ︀ဝ်မ︀ႆ︀ႛꩬ︀ဝ်းꩬ︀ီ ၵ︀ၢမ︀်းမ︀ႂ်ဢ︀ꩫ︀်ႈၵ︀ဝ်ꩫ︀ႆ︀ၢႈꩬ︀ိုင︀်ဢ︀ွေꩡ︀ၢင︀်ႈꩫ︀ႆ︀ႇ ဢ︀ွေက︀ꩫ︀်ႈဢ︀ူ။ ၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉၸ︀ꩫ︀်းက︀ူꩫ︀်းတ︀င︀်းမ︀ိူင︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ က︀ေႛၵ︀ျွတ︀်ႉဝႆ︀ႇꩫ︀ႆ︀ႇၵ︀ဝ်ꩫ︀မ︀်။

ၿျႃၻိက︀်ႉ 15:3

ၵ︀ဝ်ယ︀ႃႇ ၵ︀ၢမ︀်းမ︀ေႃꩬ︀ေၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၵ︀ၢမ︀်းပ︀ူႇဢ︀ွꩫ︀်ဢ︀ွေက︀ꩫ︀်ႈꩬ︀ီ “ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀တ︀ီၵ︀ႃႛ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛꩭီတ︀်ꩫ︀ႆ︀ႇၵ︀ဝ်ယ︀ႃႇ ယ︀ႂ်မ︀ႅတ︀်ႉꩬ︀ီ ၵ︀ိူင︀်ႈꩫ︀ီႈဢ︀ၢမ︀်းလ︀ူင︀်တ︀ီၵ︀ႃႛꩫ︀မ︀်။ ꩡ︀ဝ်ႛꩭူဝ်ၵ︀မ︀်းၸ︀ꩫ︀်းက︀ူꩫ︀်းတ︀င︀်းမ︀ိူင︀်းတ︀ီၵ︀ႃႛ လ︀ႆ︀ၢးဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛꩭီတ︀်ꩫ︀ႆ︀ႇၵ︀ဝ်ယ︀ႃႇ ꩬ︀ိုဝ်ႈꩡ︀ႂ်ႈလ︀ူင︀်တ︀ြႃးလ︀ူင︀်တ︀ီၵ︀ႃႛꩫ︀မ︀်။

ၿျႃၻိက︀်ႉ 15:7

ꩫ︀ႆ︀ႇမ︀ႆ︀ႛ ꩬ︀တ︀်ႉတ︀ဝႃꩬ︀ီပ︀ႃးမ︀ႆ︀ႛ ပ︀ႃးလ︀ိူင︀်ႈယ︀ႃႇ ၵ︀ုꩫ︀်ꩬ︀ၢင︀်ꩡ︀ီတ︀်ပ︀ႃးမ︀ႆ︀ႛ က︀ွက︀်ၵ︀မ︀်းဢ︀ေႈလ︀ုက︀်ႉꩰꩭႂ်ႛဢ︀ူ။ က︀ွက︀်ဢ︀မ︀ႂ်းၵ︀ဝ်မ︀ႆ︀ႛ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇ တ︀ီမ︀်ႈတ︀ုပ︀်ꩰꩫ︀မ︀်။

ၿျႃၻိက︀်ႉ 16:14

ၵ︀ွꩫ︀်ꩭႆ︀ၢႇဢ︀မ︀ႂ်းၵ︀ဝ်ယ︀ႃႇ ၵ︀ွꩫ︀်ၸ︀ီꩭၢႆ︀ႇ ဢ︀ꩫ︀်ႈပ︀ျႃးလ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ꩫ︀မ︀်။ ၵ︀ွꩫ︀်ဢ︀မ︀ႂ်းၵ︀ဝ်ယ︀ႃႇ ဝꩫ︀်းၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀မ︀ႆ︀ႛ တ︀ိက︀်ꩬ︀ိူက︀်က︀ွတ︀်ꩫ︀ꩬ︀ီ ꩡ︀ဝ်ႛꩭူဝ်ၵ︀မ︀်းက︀ူႈမ︀ိူင︀်းꩰꩫ︀ႆ︀ႇၵ︀ဝ်မ︀ႆ︀ႛ က︀ႃၵ︀ွꩫ︀်ႛတ︀ုမ︀်ႈက︀ꩫ︀်ႈဢ︀ူ။

ၿျႃၻိက︀်ႉ 16:7

ꩫ︀ႆ︀ႇမ︀ႆ︀ႛ လ︀ုက︀်ႉၵ︀ီင︀်ၵ︀ႅက︀်ꩡ︀ဝ်ႛမ︀ႆ︀ႛက︀ေႃႇ ꩬ︀ီင︀်ဢ︀ွက︀်မ︀ႃးꩬ︀ီ “ꩡ︀ႂ်ႈတ︀ီၵ︀ႃႛဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀တ︀ီၵ︀ႃႛ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇၵ︀ဝ်ယ︀ႃႇ ꩬ︀ိုဝ်ႈတ︀ူဝ်တ︀ီၵ︀ႃႛဢ︀ူ” ꩫ︀ꩬ︀ီဝႃႈꩫ︀ႆ︀ႇမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။

ၿျႃၻိက︀်ႉ 19:15

လ︀ုက︀်ႉꩬ︀ူပ︀်မ︀ꩫ︀်းꩡ︀ဝ်ႛမ︀ႆ︀ႛ ၸ︀ႃႇဢ︀ꩫ︀်ႈၸ︀ႆ︀ၢဢ︀ꩫ︀်ႈလ︀ိူင︀်ႈဢ︀ွက︀်င︀ႆ︀း ဢ︀ဝ်ႈၸ︀ႃႇဢ︀မ︀ႂ်း ၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ေႇꩫ︀မ︀်။ မ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛဢ︀ဝ်ႈꩭွက︀်လ︀ီက︀် တ︀ီဢ︀ုပ︀်ႉပ︀ိုင︀်ꩫ︀မ︀်။ ထၢင︀်ꩫ︀ူꩫ︀်ႇမ︀က︀်ꩡ︀ပ︀ႅတ︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ူꩫ︀်ႇမ︀က︀်ꩡ︀ပ︀ႅတ︀်ႉꩬ︀ီ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ꩫ︀ႆ︀ႇ တ︀ီပ︀ျႃးꩫ︀မ︀်။

ၿျႃၻိက︀်ႉ 19:4

က︀ေထဝ်ႛ ꩬ︀ၢဝ်းꩬ︀ီပ︀ႃးင︀ႆ︀း ꩬ︀တ︀်ႉတ︀ဝႃꩬ︀ီပ︀ႃးၵ︀ဝ်က︀ေႃႇ ပ︀ႅပ︀်ႉၵ︀ုပ︀်ႉꩬ︀ီ “ꩬ︀ႃႈထု၊ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛတ︀ီၵ︀ႃႛဢ︀ူ” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩫ︀င︀်ႈပ︀လ︀ၢင︀်မ︀ႆ︀ႛ ပ︀ႆ︀ၢႛဝႆ︀ႈက︀ꩫ︀်ႈဢ︀ူ။

ၿျႃၻိက︀်ႉ 21:22

ဝီင︀်းဢ︀မ︀ႂ်းမ︀ႆ︀ႛ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛယ︀ႃႇ က︀ဝ်ႈꩵ︀ႈꩭꩫ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ꩫ︀ၵ︀ႃ ပ︀ူႇဢ︀ွꩫ︀်ꩡ︀ဝ်ႛယ︀ႃႇ ꩡ︀ွင︀်းၿိက︀်ႉမ︀ၢꩫ︀်ဝီင︀်းဢ︀မ︀ႂ်းꩫ︀မ︀်။

ၿျႃၻိက︀်ႉ 3:7

“ၵ︀ုꩫ︀်ꩬ︀ၢင︀် ꩡ︀ိူဝ်းၸ︀ိလ︀ႃတ︀ႄၸ︀ိယ︀မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ႆ︀ႇ တ︀ႅမ︀်ႛꩭႂ်ႛတ︀ႃႉ။ ꩫ︀ႆ︀ႇယ︀ႃႇ ၵ︀ၢဝ်ႈၵ︀ၢမ︀်းꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်၊ ဢ︀ꩫ︀်ႈꩬ︀ိုဝ်ႈတ︀ူဝ် ဢ︀ꩫ︀်ႈတ︀ိုဝ်းꩬ︀ူဝ်းပ︀တ︀ူႈꩡ︀ဝ်ႛꩭူဝ်ၵ︀မ︀်းၻႃဝိꩫ︀မ︀်။ ပ︀တ︀ူႈဢ︀ꩫ︀်ႈမ︀ꩫ︀်းꩡ︀ဝ်ႛပ︀ုတ︀်မ︀ႆ︀ႛ ၸ︀ႂ်က︀ေႃႇ ꩭၢပ︀်ꩵ︀ႈꩫ︀ႆ︀ႛ၊ ဢ︀ꩫ︀်ႈမ︀ꩫ︀်းꩡ︀ဝ်ႛꩭၢပ︀်ဝႆ︀ႇမ︀ႆ︀ႛက︀ေႃႇ ၸ︀ႂ်က︀ေႃႇ ပ︀ုတ︀်ꩵ︀ႈꩫ︀ႆ︀ႛ။

ၿျႃၻိက︀်ႉ 4:4

ꩭိမ︀်းပ︀လ︀ၢင︀်ဢ︀မ︀ႂ်းမ︀ႆ︀ႛ ပ︀လ︀ၢင︀်ꩬ︀ၢဝ်းꩬ︀ီဢ︀ꩫ︀်ႈ ၵ︀ုမ︀်ႇပ︀ꩫ︀်င︀ႆ︀းယ︀င︀်းဢ︀ူ။ က︀ꩫ︀်ႛꩫ︀ိူဝ်ပ︀လ︀ၢင︀်ဢ︀မ︀ႂ်းၵ︀ဝ်မ︀ႆ︀ႛ က︀ေထဝ်ႛꩬ︀ၢဝ်းꩬ︀ီပ︀ႃး ဢ︀ꩫ︀်ႈꩫ︀ုင︀်ႈၵ︀ိူင︀်ႈၵ︀ၢဝ်ꩬ︀ီ ပ︀ွင︀်းၵ︀မ︀်းꩬ︀ုပ︀်ဝႆ︀ႇꩫ︀ႆ︀ႇၵ︀ဝ် ꩫ︀င︀်ႈက︀ꩫ︀်ႈဢ︀ူ။

ၿျႃၻိက︀်ႉ 4:6

က︀ꩫ︀်ႛꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛက︀ေႃႇ ပ︀ၢင︀်လ︀ႆ︀ၢၸ︀ၢꩫ︀် ဢ︀ꩫ︀်ႈꩫ︀င︀်ꩭိꩫ︀်လ︀ႅင︀်းꩫ︀က︀ꩫ︀်ႈလ︀ႅင︀်းꩡ︀ၢင︀်ꩰꩫ︀ႆ︀ႇ ယ︀င︀်းဢ︀ူ။ ꩭိမ︀်းပ︀လ︀ၢင︀်ဢ︀မ︀ႂ်း က︀ူႈပ︀ႃႛမ︀ႆ︀ႛယ︀ႃႇ ꩬ︀တ︀်ႉတ︀ဝႃꩬ︀ီပ︀ႃး ဢ︀ꩫ︀်ႈက︀ꩫ︀်ႛꩫ︀ႃႛက︀ꩫ︀်ႛလ︀င︀်တ︀င︀်းတ︀ူဝ်ႈမ︀ႆ︀ႛ ꩭွေတ︀ႃႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀ႆ︀ႇ ယ︀င︀်းဢ︀ူ။

ၿျႃၻိက︀်ႉ 4:9

မ︀ိူဝ်ႈတ︀ူဝ်ႈꩬ︀တ︀်ႉꩬ︀ီပ︀ႃးၵ︀ဝ် ꩡ︀ဝ်ႛဢ︀ꩫ︀်ႈ ꩫ︀င︀်ႈပ︀လ︀ၢင︀်၊ ꩡ︀ဝ်ႛဢ︀ꩫ︀်ႈထႃဝရ︀ ဢ︀ꩬ︀က︀်ႉꩫ︀ိပ︀်ဢ︀ူမ︀ႆ︀ႛ က︀ုင︀်မ︀ꩫ︀်းꩡ︀ဝ်ႛ၊ မ︀ူꩫ︀်ႈမ︀ꩫ︀်းꩡ︀ဝ်ႛ၊ က︀ျေးꩡ︀ူးမ︀ꩫ︀်းꩡ︀ဝ်ႛ ၵ︀ႂ်ႈလ︀ႂ်ႈယ︀ႂ်မ︀ႅတ︀်ႉꩫ︀ꩬ︀ီ ယ︀ူဝ်းယ︀ွင︀်ႛꩬ︀ီဢ︀ူꩫ︀ႆ︀ႇ

ၿျႃၻိက︀်ႉ 5:6

ꩫ︀ႆ︀ႇမ︀ႆ︀ႛ ပ︀ူႇဢ︀ွꩫ︀်တ︀ူဝ်ႈလ︀ိူင︀်ႈ ဝူင︀်ႈက︀ၢင︀်ႈပ︀လ︀ၢင︀်ꩫ︀ၵ︀ႃ တ︀ူဝ်ႈꩬ︀တ︀်ႉတ︀ဝႃꩬ︀ီပ︀ႃး ၵ︀ိူင︀်းက︀ၢင︀်ႈဢ︀ꩫ︀်ႈ က︀ေထဝ်ႛꩫ︀ႆ︀ႇၵ︀ဝ်ၵ︀ုမ︀်ႇက︀ꩫ︀်ႈမ︀ႆ︀ႛ ꩬ︀ဝ်းဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ပ︀ူႇဢ︀မ︀ႂ်းယ︀ႃႇ ꩫ︀င︀်ꩭၢင︀်ႈဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈမ︀ႃးꩫ︀က︀ꩫ︀်ႈꩫ︀မ︀်။ မ︀ꩫ︀်းမ︀ႆ︀ႛ ၵ︀ဝ်ꩡ︀ီတ︀်ဢ︀ꩫ︀်ႈင︀ႆ︀း ꩭွေတ︀ႃႈꩡ︀ီတ︀်လ︀ုက︀်ႉယ︀င︀်းဢ︀ူ။ ꩭွေတ︀ႃႈဢ︀မ︀ႂ်းၵ︀ဝ်ယ︀ႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ီတ︀်ပ︀ႃး ဢ︀ꩫ︀်ႈတ︀င︀်းက︀မ︀်ၸ︀ႃမ︀ႆ︀ႛ ပ︀ွႆ︀ꩡ︀ႂ်ႇဝႆ︀ႇꩫ︀ႆ︀ႇၵ︀ဝ်ꩫ︀မ︀်။

ၿျႃၻိက︀်ႉ 6:1

ယ︀ဝ်ႇက︀ီး မ︀ိူဝ်ႈက︀ဝ်ႈꩫ︀ူႈꩬ︀ီဢ︀ူꩫ︀ႆ︀ႇ ပ︀ူႇဢ︀ွꩫ︀်ဢ︀မ︀ႂ်းယ︀ႃႇ ꩡ︀ုမ︀်ႛꩡ︀ီတ︀်ဢ︀ꩫ︀်ႈမ︀ႆ︀ႛ ꩡ︀ုမ︀်ႛပ︀ထမ︀ꩫ︀ႆ︀ႇပ︀ုတ︀်က︀ီး ꩬ︀တ︀်ႉတ︀ဝႃꩬ︀ီပ︀ႃးမ︀ႆ︀ႛ ပ︀ႃးလ︀ိူင︀်ႈယ︀ႃႇ ꩫ︀င︀်ꩬ︀ီင︀်ၸ︀ႃႇꩫ︀င︀်ႈꩫ︀က︀ꩫ︀်ႈ “မ︀ႃးတ︀ႃႉ” ꩫ︀ꩬ︀ီဝႃႈꩫ︀ႆ︀ႇမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။

ၿျႃၻိက︀်ႉ 6:6

မ︀ိူဝ်ႈဢ︀မ︀ႂ်း ꩬ︀တ︀်ႉတ︀ဝႃꩬ︀ီပ︀ႃး ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈꩫ︀ႆ︀ႇယ︀ႃႇ “က︀ႃႈက︀ူꩫ︀်းက︀ူဝ်ႇလ︀ိူင︀်ႈ ဝꩫ︀်းလ︀ိူင︀်ႈꩭီတ︀်ဢ︀မ︀ူးꩫ︀ႆ︀ႇ ၵ︀ဝ်ႛက︀ျုင︀်က︀ီး ပ︀ွင︀်လ︀ိူင︀်ႈ၊ ၵ︀ဝ်ႛလ︀ူင︀်က︀ီး ꩬ︀ၢမ︀်ပ︀ွင︀်ꩫ︀ႆ︀ႛဢ︀ူ။ ꩫ︀ႆ︀ႇꩫ︀က︀ေႃႇ ꩫ︀မ︀်ႇမ︀ꩫ︀်းꩫ︀ၵ︀ႃ ဝၢႆ︀မ︀က︀်ꩡ︀ပ︀ႅတ︀်ႉယ︀ႃႇ ပ︀ီꩭႂ်ႛၵ︀ွတ︀်ꩫ︀ႆ︀ၢႈ” ꩫ︀ဝꩫ︀်ႇ။

ၿျႃၻိက︀်ႉ 7:11

ၵ︀ုꩫ︀်ꩬ︀ၢင︀်တ︀င︀်းမ︀ိူင︀်းယ︀ႃႇ ပ︀လ︀ၢင︀်၊ က︀ေထဝ်ႛꩫ︀ႆ︀ႇၵ︀ဝ်င︀ႆ︀း ꩬ︀တ︀်ႉတ︀ဝႃꩬ︀ီပ︀ႃးမ︀ႆ︀ႛ ၵ︀ုမ︀်ႇꩬ︀ီꩬ︀ဝ်းက︀ꩫ︀်ႈင︀ႆ︀း ပ︀ၢင︀်ႈꩫ︀ႃႛပ︀လ︀ၢင︀်မ︀ႆ︀ႛ ပ︀ႅပ︀်ႉၵ︀ုပ︀်ႉꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ၢႛဝႆ︀ႈက︀ꩫ︀်ႈဢ︀ူ။

ၿျႃၻိက︀်ႉ 7:15

င︀ႆ︀းꩫ︀ႆ︀ႇꩬ︀ီ ၵ︀ဝ်ယ︀ႃႇက︀ꩫ︀်ႛꩫ︀ႂ်းꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛ၊ ပ︀ၢင︀်ႈꩫ︀ႃႛပ︀လ︀ၢင︀်မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩬ︀ဝ်းင︀ႆ︀း ၵ︀မ︀်ႈꩰလ︀ႂ်ꩰ ꩫ︀ႆ︀ႛပ︀ႆ︀ၢႛဝႆ︀ႈမ︀ꩫ︀်းꩡ︀ဝ်ႛက︀ꩫ︀်ႈꩫ︀မ︀်။ ꩡ︀ဝ်ႛဢ︀ꩫ︀်ႈꩫ︀င︀်ႈပ︀လ︀ၢင︀်ꩫ︀ႆ︀ႇက︀ေႃႇ တ︀င︀်းၵ︀ဝ်ၵ︀ိင︀်းင︀ႆ︀း ၵ︀ဝ်မ︀ႆ︀ႛဢ︀ဝ်ႈမ︀ူꩫ︀်ႈမ︀ꩫ︀်းꩡ︀ဝ်ႛ တ︀ီꩭူမ︀်ꩡ︀ႃꩭႂ်ႛꩫ︀မ︀်။