ၿျႃၻိက︀်ႉ 3:1 - Khamti Shan

¹ “ၵ︀ုꩫ︀်ꩬ︀ၢင︀် ꩡ︀ိူဝ်းꩬ︀ႃတ︀ိမ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ႆ︀ႇ တ︀ႅမ︀်ႛꩭႂ်ႛတ︀ႃႉ။ ꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ီတ︀်ပ︀ႃးꩫ︀ၵ︀ႃ ꩫ︀ၢဝ်ႈꩡ︀ီတ︀်လ︀ုက︀်ႉယ︀င︀်းꩫ︀ႆ︀ႇ ဝႃႈꩫ︀ႆ︀ႇယ︀ႃႇ ဢ︀ꩫ︀်ႈမ︀ႂ်းꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ွင︀်းဢ︀ူ။ မ︀ႂ်းယ︀ႃႇ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ꩬ︀ီ ပ︀ိူꩫ︀်ႈဝႃႈၵ︀ႂ်ႈလ︀ႂ်ႈꩫ︀က︀ေႃႇ တ︀ႆ︀ၢႈတ︀ေႇတ︀ေႇဢ︀ူꩫ︀မ︀်။

ၿျႃၻိက︀်ႉ 3:1 Iomraidhean Croise

လ︀ုက︀ႃ 15:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ဝ်ႈꩫ︀ႆ︀ႇ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ တ︀ႆ︀ၢႈမ︀ႃးꩫ︀က︀ေႃႇ င︀ႆ︀ႚꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ ꩭၢႆ︀မ︀ႃးꩫ︀က︀ေႃႇ င︀ႆ︀ႚꩭꩫ︀်ပ︀ွက︀်ႉယ︀ဝ်ႇ” ꩫ︀ယ︀ဝ်ႇက︀ီး ၵ︀ဝ်ꩭီတ︀်ပ︀ွႆ︀းပ︀ိဝ်က︀ꩫ︀်ႈဢ︀ူ။

လ︀ုက︀ႃ 15:32

ꩫ︀ွင︀်ႇꩡ︀ႆ︀ၢးမ︀ႂ်းယ︀ႃႇ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ တ︀ႆ︀ၢႈမ︀ႃးꩫ︀က︀ꩫ︀်ႈပ︀ီꩫ︀်ႈꩬ︀ီ င︀ႆ︀ႚယ︀ႃႇꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ ꩭႆ︀ၢမ︀ႃးꩬ︀ီ င︀ႆ︀ႚယ︀ႃႇꩭꩫ︀်ပ︀ွက︀်ႉယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းင︀ႆ︀ႚထုက︀်ꩫ︀ီႈပ︀ိဝ်က︀ꩫ︀်ႈꩫ︀မ︀်” ꩫ︀ꩬ︀ီဝႃႈဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 1:16

ꩡ︀ဝ်ႛယ︀ေꩬ︀ုမ︀ႆ︀ႛ က︀ျေးꩡ︀ူးတ︀ူဝ်ꩡ︀ဝ်ႛတ︀ီမ︀်ႈက︀ုမ︀်ꩫ︀ႆ︀ႇꩬ︀ီ က︀ူꩫ︀်းꩭဝ်းမ︀ႆ︀ႛ ဢ︀က︀ိဝ်းပ︀ႃးလ︀ိူင︀်ႈယ︀ဝ်ႇပ︀ႃးလ︀ိူင︀်ႈ ပ︀ူင︀်ႈꩭႂ်ႛဢ︀ူ။

ယ︀ေႃးꩭၢꩫ︀် 1:33

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛက︀ဝ်ႈꩵ︀ႈတ︀ွင︀်းမ︀ႃး။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈက︀ဝ်ႈမ︀ႆ︀ႛ ꩭႂ်ႛꩭီတ︀်ဢ︀မ︀ူးမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇ “ၵ︀ွꩫ︀်က︀ဝ်ႈ လ︀ူင︀်းမ︀ႃးꩬ︀ီ က︀ꩫ︀်ႛꩫ︀ိူဝ်က︀ူꩫ︀်းက︀ူဝ်ႇလ︀ိူင︀်ႈမ︀ႆ︀ႛ မ︀ႃးꩡ︀ပ︀်ꩫ︀ႆ︀ႇမ︀ႆ︀ႛ မ︀ႂ်းတ︀ီꩭꩫ︀်ꩫ︀မ︀်။ က︀ူဝ်ႇဢ︀မ︀ႂ်းယ︀ႃႇ က︀ူဝ်ႇဢ︀ꩫ︀်ႈဢ︀ဝ်ႈၵ︀ွꩫ︀်က︀ဝ်ႈ တ︀ီꩭႂ်ႛမ︀ၢင︀်က︀လ︀ႃꩡ︀ူမ︀်ႈၵ︀ွꩫ︀်ꩫ︀မ︀်” ꩫ︀ꩬ︀ီဝႃႈမ︀ႃးဢ︀ူ။

ယ︀ေႃးꩭၢꩫ︀် 20:22

ယ︀ဝ်ႇက︀ီး မ︀ꩫ︀်းꩡ︀ဝ်ႛက︀ꩫ︀်ႛꩫ︀ိူဝ်တ︀ပ︀ေးꩡ︀ဝ်ႛၵ︀ဝ်မ︀ႆ︀ႛၸ︀ူႈꩬ︀ီ “ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢပ︀်ႉဢ︀ဝ်ႈက︀ꩫ︀်ႈတ︀ႃႉ။

ယ︀ေႃးꩭၢꩫ︀် 3:34

ꩡ︀ဝ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇယ︀ႃႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ပ︀ုတ︀်ၵ︀ႆ︀ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ွꩫ︀်မ︀ꩫ︀်းꩡ︀ဝ်ႛတ︀င︀်းမ︀ိူင︀်း ပ︀ူင︀်ႈꩭႂ်ႛꩬ︀ီꩫ︀မ︀်။

ထဝ်ꩡ︀တ︀်ႉၵ︀ဝ် 2:33

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈၵ︀ိုꩫ︀်ႛက︀ႃဢ︀ူပ︀ႃႛၵ︀ႃမ︀ꩫ︀်းꩡ︀ဝ်ႛဝႆ︀ႇယ︀ဝ်ႇ။ ယ︀ဝ်ႇက︀ီး ꩫ︀င︀်မ︀ꩫ︀်းꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛ ပ︀ူင︀်ႈဢ︀ၢပ︀်ႉꩭႂ်ႛယ︀ဝ်ႇ။ ဢ︀ꩫ︀်ႈင︀ႆ︀ႚꩬ︀ူꩭꩫ︀်က︀ꩫ︀်ႈ၊ ꩫ︀ႆ︀ႛꩥ︀ိꩫ︀်းက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ꩬ︀ူးက︀ျေးꩡ︀ူးဢ︀ꩫ︀်ႈꩡ︀ဝ်ႛယ︀ေꩬ︀ု တ︀ူႈမ︀ႆ︀ႛတ︀ၢင︀်ႇလ︀ိူင︀်ႈ ပ︀ူင︀်ႈဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 2:1

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်င︀ႆ︀း ꩭီတ︀်ဢ︀ပ︀ႅတ︀်ႉမ︀ႃးꩫ︀ႆ︀ႇꩬ︀ီ ၵ︀ွꩫ︀်ꩬ︀ူယ︀ႃႇ တ︀ႆ︀ၢႈꩬ︀ီဢ︀ူမ︀ႃးꩫ︀မ︀်။

က︀ေႃလ︀ေႃတ︀ႄ 2:13

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်က︀ေႃႇ ꩭီတ︀်ꩬ︀ီဢ︀ူမ︀ႃး၊ ꩡ︀ႂ်ႈပ︀ႃႛဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇ မ︀ဝ်ပ︀ႆ︀ပ︀တ︀်ၵ︀ွတ︀်ꩫ︀ႆ︀ႇꩬ︀ီ ၵ︀ွꩫ︀်ꩬ︀ူယ︀ႃႇ တ︀ႆ︀ၢႈဢ︀ူမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩬ︀ၢက︀်ႉဢ︀ဝ်ႈꩫ︀ိပ︀်ꩭႂ်ႛꩬ︀ီ ဢ︀ပ︀ႅတ︀်ႉꩬ︀ူက︀ႃႈꩫ︀င︀်ယ︀င︀်းမ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛယ︀ဝ်ႇ။

တ︀ိမ︀ေႃတ︀ေ ႑ 5:6

ꩫ︀ႆ︀ႇꩫ︀က︀ေႃႇ မ︀ေႈမ︀ႆ︀ၢႛဢ︀ꩫ︀်ႈပ︀ိဝ်လ︀ေꩫ︀ႆ︀ႇၵ︀ဝ်ယ︀ႃႇ ဢ︀ꩬ︀ၢက︀်ႉယ︀င︀်းꩫ︀က︀ေႃႇ ဢ︀ꩫ︀်ႈတ︀ႆ︀ၢႈꩫ︀က︀ꩫ︀်ႈꩫ︀မ︀်။

ယ︀ႃက︀ု 2:26

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ တ︀ူဝ်ႈဢ︀ꩫ︀်ႈၵ︀ွꩫ︀်မ︀ဝ်ယ︀င︀်းꩫ︀ႆ︀ႇ ဢ︀ꩫ︀်ႈတ︀ၢႆ︀ႈꩫ︀က︀ꩫ︀်ႈ တ︀ၢင︀်းယ︀ုမ︀်ယ︀မ︀်ႈဢ︀ꩫ︀်ႈလ︀ွင︀်ႈꩭီတ︀်မ︀ဝ်လ︀ွေႛꩫ︀ႆ︀ႇက︀ေႃႇ ဢ︀ꩫ︀်ႈတ︀ၢႆ︀ႈꩫ︀မ︀်။

ပ︀ေတ︀ရ︀ု ႑ 1:11

ꩡ︀ဝ်ႛꩬ︀ေꩬ︀ုၵ︀ရ︀ီတ︀်ယ︀ႃႇ မ︀ꩫ︀်းꩡ︀ဝ်ႛꩭိုဝ်လ︀ိုဝ်တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀၊ ယ︀ဝ်ႇက︀ီးꩭိုဝ်လ︀ိုဝ်တ︀ီꩫ︀ႆ︀ႛမ︀ူꩫ︀်ႈၸ︀ုင︀်းလ︀ူင︀်ꩫ︀ꩫ︀ႆ︀ႇၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ွႆ︀ꩡ︀ႂ်ႇꩬ︀ီ က︀ꩫ︀်ႛꩫ︀ႂ်းပ︀ရ︀ေႃးၸ︀ႅတ︀်ႉဢ︀မ︀ႂ်းၵ︀ဝ်မ︀ႆ︀ႛၵ︀ိင︀်းꩫ︀ႆ︀ႇ ၵ︀ဝ်မ︀ႆ︀ႛꩭႂ်ႛၵ︀ႆ︀ႈမ︀ႃးဢ︀ူ။ မ︀ိူဝ်ႈဢ︀မ︀ႂ်း ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ီꩫ︀်ႈၸ︀ႂ်၊ လ︀ွင︀်ႈဢ︀မ︀ႂ်းမ︀ိူဝ်ႈလ︀ႂ်ႈတ︀ီပ︀ီꩫ︀်ႈမ︀ႃးꩫ︀ꩫ︀ႆ︀ႇ ꩭီတ︀်ဢ︀ၵ︀ႅက︀်ႉꩬ︀ီ ꩬ︀ွက︀်ႉတ︀ႆ︀မ︀ႃးဢ︀ူ။

ယ︀ုတ︀ 1:12

ၵ︀ဝ်ယ︀ႃႇ ဢ︀ꩫ︀်ႈက︀ူဝ်ႈဢ︀ꩫ︀်ႈဢ︀ႆ︀ၢႈမ︀ဝ်ယ︀င︀်းင︀ႆ︀း က︀ိꩫ︀်ႈꩰမ︀ဝ်းꩰင︀ႆ︀း ဢ︀ꩫ︀်ႈꩬ︀ူၵ︀ဝ်ႛၵ︀ွꩫ︀်ႛက︀ꩫ︀်ႈမ︀ႆ︀ႛ ၵ︀ဝ်ႛလ︀ွေႛꩬ︀ီ ꩬ︀ူမ︀ႆ︀ႛဢ︀ဝ်ႈမ︀ူꩫ︀်ႈယ︀ွမ︀်းဢ︀ူ။ ၵ︀ဝ်ယ︀ႃႇ ꩡ︀ႃႇၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈꩫ︀မ︀်လ︀ႅမ︀်းꩫ︀ႆ︀ႇ။ င︀ႆ︀းꩬ︀ီ ၵ︀ဝ်ယ︀ႃႇ မ︀ွက︀်ၸ︀ူꩫ︀်ဢ︀ꩫ︀်ႈၸ︀ူꩫ︀်မ︀ဝ်လ︀ွေႛꩬ︀ီ ပ︀ႅဝ်ႈလ︀ူမ︀်းက︀ႃꩫ︀က︀ꩫ︀်ႈ၊ တ︀ူꩫ︀်ႛမ︀ႆ︀ႇဢ︀ꩫ︀်ႈယ︀ၢမ︀်းထိုင︀်ꩫ︀က︀ေႃႇ မ︀က︀်မ︀ဝ်ပ︀ီꩫ︀်ႈꩬ︀ီ လ︀ုက︀်ႉင︀ဝ်ႛမ︀ႆ︀ႛထွေႛၵ︀ွတ︀်ꩬ︀ီ တ︀ႆ︀ၢႈꩬ︀ွင︀်ပ︀ၢꩫ︀်ႈက︀ႃꩫ︀က︀ꩫ︀်ႈ၊

ၿျႃၻိက︀်ႉ 1:11

ꩬ︀ီင︀်ဢ︀မ︀ႂ်းယ︀ႃႇ က︀ဝ်ႈမ︀ႆ︀ႛ “ဢ︀ꩫ︀်ႈမ︀ႂ်းꩭꩫ︀်ꩫ︀ႆ︀ႇတ︀င︀်းမ︀ိူင︀်း ပ︀ၢပ︀်ႉမ︀ႆ︀ႛတ︀ႅမ︀်ႛဝႆ︀ႇꩬ︀ီ ꩡ︀ိူဝ်းꩡ︀ီတ︀်ပ︀ႃး ဢ︀ꩫ︀်ႈဢ︀ူဝီင︀်းဢ︀ေၸ︀ႅတ︀်၊ ဝီင︀်းꩡ︀မ︀ုရ︀ꩫ︀၊ ဝီင︀်းပ︀ေရ︀က︀ံ၊ ဝီင︀်းတ︀ွႃတ︀ိရ︀၊ ဝီင︀်းꩬ︀ႃတ︀ိ၊ ဝီင︀်းၸ︀ိလ︀ႃတ︀ႄၸ︀ိယ︀င︀ႆ︀း ဝီင︀်းလ︀ေႃတ︀ိက︀ိၵ︀ဝ်မ︀ႆ︀ႛ ꩬ︀ူင︀်ꩭႂ်ႛတ︀ႃႉ” ꩫ︀ဝꩫ︀်ႇ။

ၿျႃၻိက︀်ႉ 1:16

မ︀ိုဝ်းပ︀ႃႛၵ︀ႃမ︀ꩫ︀်းꩡ︀ဝ်ႛမ︀ႆ︀ႛ ꩫ︀ၢဝ်ႈꩡ︀ီတ︀်လ︀ုက︀်ႉဝၢမ︀်ႇဝႆ︀ႇင︀ႆ︀းꩬ︀ီ လ︀ုက︀်ႉꩬ︀ူပ︀်မ︀ꩫ︀်းꩡ︀ဝ်ႛမ︀ႆ︀ႛ ၸ︀ႃႇလ︀ၢမ︀်ပ︀ႃဢ︀ꩫ︀်ႈလ︀ိူင︀်ႈ ဢ︀ွက︀်မ︀ႃးဢ︀ူ။ ꩫ︀ႃႛမ︀ꩫ︀်းꩡ︀ဝ်ႛယ︀ႃႇ ꩫ︀င︀်ꩫ︀ႅတ︀်က︀ၢင︀်ႈဝꩫ︀်းတ︀ီင︀်ႈꩫ︀က︀ꩫ︀်ႈ ꩭုင︀်ႈꩡ︀ၢင︀်ꩰꩫ︀မ︀်။

ၿျႃၻိက︀်ႉ 1:20

လ︀ွင︀်ႈꩫ︀ၢဝ်ႈၵ︀မ︀်းꩡ︀ီတ︀်လ︀ုက︀်ႉ ဢ︀ꩫ︀်ႈမ︀ိုဝ်းပ︀ႃႛၵ︀ႃက︀ဝ်ႈ ဝၢမ︀်ႇဝႆ︀ႇꩫ︀ႆ︀ႇၵ︀ဝ်ယ︀ႃႇ လ︀ိူက︀်ႉလ︀မ︀်ဢ︀ူ။ ꩫ︀ၢဝ်ႈꩡ︀ီတ︀်လ︀ုက︀်ႉယ︀ႃႇ ၵ︀ုꩫ︀်ꩬ︀ၢင︀်ꩡ︀ိူဝ်းꩡ︀ီတ︀်ပ︀ႃးင︀ႆ︀း ဝၢꩫ︀်ၸ︀ႆ︀းꩡ︀ီတ︀်ဢ︀ꩫ︀်ႈယ︀ႃႇ ꩡ︀ိူဝ်းꩡ︀ီတ︀်ပ︀ႃးꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 1:4

က︀ဝ်ႈယ︀ေႃးꩭၢꩫ︀် ꩡ︀ိူဝ်းꩡ︀ဝ်ႛꩡ︀ေႈဝီင︀်းဢ︀ႃꩬ︀ျ ꩡ︀ီတ︀်ပ︀ႃးမ︀ႆ︀ႛ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛ မ︀ိူဝ်ႈလ︀ႂ်ႈက︀ေႃႇယ︀င︀်းꩬ︀ီဢ︀ူꩫ︀ႆ︀ႇင︀ႆ︀း ၵ︀ွꩫ︀်ꩡ︀ီတ︀်ပ︀ႃး ဢ︀ꩫ︀်ႈဢ︀ူပ︀ၢင︀်ႈꩫ︀ႃႛပ︀လ︀ၢင︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ် ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀တ︀ႃႉ။

ၿျႃၻိက︀်ႉ 2:13

တ︀ီႈဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်မ︀ႆ︀ႛ မ︀ႂ်းꩭလ︀ိုဝ်ဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ ꩭလ︀ိုဝ်ꩫ︀က︀ေႃႇ မ︀ႂ်းယ︀ႃႇ က︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းဢ︀ူ။ ဢ︀ꩫ︀်တ︀ိပ︀ ဢ︀ꩫ︀်ႈက︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းꩬ︀ီ ꩭီတ︀်ꩬ︀ၢက︀်ႉꩬ︀ေက︀ဝ်ႈꩫ︀ႆ︀ႇ တ︀ီႈဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်ဢ︀မ︀ႂ်းမ︀ႆ︀ႛ ꩫ︀ႆ︀ႛၵ︀ၢမ︀်တ︀ႆ︀ၢႈမ︀ႃးယ︀ဝ်ႇ။ မ︀ိူဝ်ႈဢ︀မ︀ႂ်းꩫ︀ႆ︀ၢႈက︀ေႃႇ မ︀ႂ်း က︀ဝ်ႈမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰဢ︀ူ။

ၿျႃၻိက︀်ႉ 2:19

ဢ︀ꩫ︀်ႈမ︀ႂ်းꩭီတ︀်ꩭႆ︀ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈမ︀ႂ်းꩭၢက︀်ႉꩭွမ︀်၊ ဢ︀ꩫ︀်ႈမ︀ႂ်းယ︀ုမ︀်ယ︀မ︀်ႈ၊ ဢ︀ꩫ︀်ႈမ︀ႂ်းꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛ၊ ဢ︀ꩫ︀်ႈမ︀ႂ်းက︀ꩫ︀်ႛꩫ︀ႆ︀ႇၵ︀ဝ် က︀ဝ်ႈတ︀ွင︀်းဢ︀ူ။ ꩫ︀ႆ︀ႇꩬ︀ေႇမ︀ဝ်က︀ႃး မ︀ႂ်းယ︀ႃႇ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛꩬ︀ေႇမ︀ဝ်က︀ႃး ꩭီတ︀်ꩬ︀ႃမ︀ႃးယ︀ဝ်ႇ။

ၿျႃၻိက︀်ႉ 2:2

ဢ︀ꩫ︀်ႈမ︀ႂ်းꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ွင︀်းဢ︀ူ။ မ︀ႂ်းဢ︀ၢꩫ︀်တ︀ၢꩫ︀်ꩬ︀ေႈꩡ︀ႃႉမ︀ႃး၊ က︀ꩫ︀်ႛမ︀ႃးယ︀ဝ်ႇ။ မ︀ႂ်းယ︀ႃႇ က︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩵ︀ႈꩭၢပ︀်ႉ။ က︀ူꩫ︀်းဢ︀ꩫ︀်ႈꩭႅꩫ︀်းꩭီတ︀်တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ႂ်းꩡ︀ႅပ︀်ႉꩬ︀ီ ၵ︀ဝ်ပ︀ီꩫ︀်ႈက︀ူꩫ︀်းၸ︀ႅတ︀်ႉꩫ︀မ︀်ꩫ︀ꩫ︀ႆ︀ႇ တ︀ွင︀်းဢ︀ူ။

ၿျႃၻိက︀်ႉ 2:9

မ︀ႂ်းၵ︀ႂ်ႈလ︀ႂ်ႈယ︀ပ︀်ယ︀ၢက︀်ႉ ၵ︀ႂ်ႈလ︀ႂ်ႈၻုက︀်ႉၵ︀ꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ ဢ︀ꩫ︀်ႈတ︀ေႇတ︀ေႇက︀ီး မ︀ႂ်းယ︀ႃႇမ︀ီးဢ︀ူ။ က︀ူꩫ︀်းက︀ုမ︀်ႛၵ︀ုꩫ︀်ꩬ︀ူင︀်ဢ︀ꩫ︀်ႈꩭႅꩫ︀်းꩭီတ︀်က︀ျူးꩫ︀ႆ︀ႇၵ︀ဝ် မ︀ႂ်းမ︀ႆ︀ႛꩭလ︀ိုဝ်က︀ေးလ︀ေးꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။

ၿျႃၻိက︀်ႉ 3:15

ဢ︀ꩫ︀်ႈမ︀ႂ်းꩭီတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ွင︀်းဢ︀ူ။ မ︀ႂ်းယ︀ႃႇ မ︀ဝ်က︀တ︀်မ︀ဝ်ꩫ︀ိူတ︀်ꩫ︀မ︀်။ က︀တ︀်က︀ီးက︀တ︀်တ︀ႃႉ။ ꩫ︀ိူတ︀်က︀ီးꩫ︀ိူတ︀်တ︀ႃႉ။

ၿျႃၻိက︀်ႉ 3:2

လ︀ုက︀်ႉတ︀ႃႉ။ တ︀ၢင︀်းယ︀ုမ︀်ယ︀မ︀်ႈမ︀ႂ်း ဢ︀ꩫ︀်ႈတ︀ီတ︀ႆ︀ၢႈက︀ႃလ︀ေႚလ︀ေႚꩡ︀မ︀်ႈꩫ︀ႆ︀ႇ ဢ︀ဝ်ႈၵ︀ိူင︀်က︀ိုမ︀်းပ︀ွက︀်ႉတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ႂ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛက︀ဝ်ႈမ︀ႆ︀ႛ ꩵ︀ႈထွမ︀်ꩡ︀ွမ︀်းတ︀ီမ︀်ႈꩰꩫ︀ꩫ︀ႆ︀ႇ က︀ဝ်ႈꩭꩫ︀်ဢ︀ူ။

ၿျႃၻိက︀်ႉ 3:8

တ︀ၢင︀်းပ︀တ︀ူႈဢ︀ꩫ︀်ႈၸ︀ႂ်က︀ေႃႇ ꩭၢပ︀်မ︀ဝ်ꩫ︀ႆ︀ႛꩫ︀ႆ︀ႇ က︀ဝ်ႈက︀ꩫ︀်ႛꩫ︀ႃႛမ︀ႂ်းမ︀ႆ︀ႛပ︀ုတ︀်ဝႆ︀ႇဢ︀ူ။ ဢ︀ꩫ︀်ႈမ︀ႂ်းꩭီတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ဝ်ႈတ︀ွင︀်းဢ︀ူ။ မ︀ႂ်းမ︀ႆ︀ႛꩭႅင︀်းꩡ︀ွꩫ︀်လ︀ိူင︀်ႈꩫ︀ႆ︀ၢႈယ︀င︀်းꩫ︀က︀ေႃႇ မ︀ႂ်းၵ︀ၢမ︀်းက︀ဝ်ႈထွမ︀်ꩬ︀ီ က︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းမ︀ႃးယ︀ဝ်ႇ။

ၿျႃၻိက︀်ႉ 4:5

လ︀ုက︀်ႉပ︀လ︀ၢင︀်ဢ︀မ︀ႂ်းမ︀ႆ︀ႛ ၸ︀ႃႇမ︀ႅပ︀်ႉꩬ︀ီ ꩬ︀ီင︀်က︀ၢင︀်ႈꩭၢဝ်၊ ꩬ︀ီင︀်ၸ︀ႃႇꩫ︀င︀်ႈꩫ︀ႆ︀ႇၵ︀ဝ် ဢ︀ွက︀်မ︀ႃးဢ︀ူ။ ပ︀ၢင︀်ႈꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛယ︀ႃႇ ဝၢꩫ︀်ၸ︀ႆ︀းꩡ︀ီတ︀်လ︀ုက︀်ႉ ၸ︀ႆ︀းက︀ႆ︀ႛဝႆ︀ႇဢ︀ူ။ ဝၢꩫ︀်ၸ︀ႆ︀းဢ︀မ︀ႂ်းၵ︀ဝ်ယ︀ႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ီတ︀်ပ︀ႃးꩫ︀မ︀်။

ၿျႃၻိက︀်ႉ 5:6

ꩫ︀ႆ︀ႇမ︀ႆ︀ႛ ပ︀ူႇဢ︀ွꩫ︀်တ︀ူဝ်ႈလ︀ိူင︀်ႈ ဝူင︀်ႈက︀ၢင︀်ႈပ︀လ︀ၢင︀်ꩫ︀ၵ︀ႃ တ︀ူဝ်ႈꩬ︀တ︀်ႉတ︀ဝႃꩬ︀ီပ︀ႃး ၵ︀ိူင︀်းက︀ၢင︀်ႈဢ︀ꩫ︀်ႈ က︀ေထဝ်ႛꩫ︀ႆ︀ႇၵ︀ဝ်ၵ︀ုမ︀်ႇက︀ꩫ︀်ႈမ︀ႆ︀ႛ ꩬ︀ဝ်းဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ပ︀ူႇဢ︀မ︀ႂ်းယ︀ႃႇ ꩫ︀င︀်ꩭၢင︀်ႈဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈမ︀ႃးꩫ︀က︀ꩫ︀်ႈꩫ︀မ︀်။ မ︀ꩫ︀်းမ︀ႆ︀ႛ ၵ︀ဝ်ꩡ︀ီတ︀်ဢ︀ꩫ︀်ႈင︀ႆ︀း ꩭွေတ︀ႃႈꩡ︀ီတ︀်လ︀ုက︀်ႉယ︀င︀်းဢ︀ူ။ ꩭွေတ︀ႃႈဢ︀မ︀ႂ်းၵ︀ဝ်ယ︀ႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ီတ︀်ပ︀ႃး ဢ︀ꩫ︀်ႈတ︀င︀်းက︀မ︀်ၸ︀ႃမ︀ႆ︀ႛ ပ︀ွႆ︀ꩡ︀ႂ်ႇဝႆ︀ႇꩫ︀ႆ︀ႇၵ︀ဝ်ꩫ︀မ︀်။