ၿျႃၻိက︀်ႉ 2:5 - Khamti Shan

⁵ မ︀ႂ်းၵ︀ႂ်ႈလ︀ႂ်ႈတ︀ူက︀်ယ︀ွမ︀်းက︀ႃꩫ︀ꩫ︀ႆ︀ႇ ၵ︀ႂ်ႈꩡ︀ႂ်ႈတ︀ႃႉ။ ꩬ︀ၢင︀်ဝွေꩬ︀ီ ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ ꩭီတ︀်မ︀ႃးꩫ︀က︀ꩫ︀်ႈꩬ︀ိုင︀်ꩭီတ︀်တ︀ႃႉ။ မ︀ႂ်းလ︀ုက︀်ႉဢ︀ပ︀ႅတ︀်ႉမ︀ႆ︀ႛ ပ︀ူဝ်းမ︀ဝ်တ︀ၢဝ်ႈပ︀ွက︀်ႉမ︀ႃးက︀ီး က︀ဝ်ႈမ︀ႃးꩬ︀ီ ဝၢꩫ︀်ၸ︀ႆ︀းမ︀ႂ်း တ︀ီဢ︀ဝ်ႈၵ︀ႆ︀ၢႇၵ︀ွတ︀်ꩫ︀မ︀်။

ၿျႃၻိက︀်ႉ 2:5 Iomraidhean Croise

မ︀တ︀်တ︀ႄး 5:14

ꩡ︀ႃႇလ︀ိူင︀်ႈ ꩬ︀ူယ︀ႃႇ ဢ︀ꩫ︀်ႈလ︀ႅင︀်းꩡ︀ႃႇမ︀ိူင︀်းက︀ၢင︀်ႈꩫ︀က︀ꩫ︀်ႈꩫ︀မ︀်။ ဝီင︀်းဢ︀ꩫ︀်ႈတ︀ေက︀ꩫ︀်ႛꩫ︀ိူဝ်ꩡ︀ိက︀်ꩫ︀ွႆ︀ႈဝႆ︀ႇမ︀ႆ︀ႛ ꩭိုဝ်လ︀ိုဝ်က︀ေႃႇလ︀ၢပ︀်ႉꩵ︀ႈꩫ︀ႆ︀ႛ။

မ︀တ︀်တ︀ႄး 5:15

က︀ွက︀်ၸ︀ႆ︀းမ︀ႆ︀ႛ ၸ︀ႆ︀းꩡ︀ပ︀်ꩬ︀ီ ၸ︀ႂ်က︀ေႃႇဢ︀ဝ်ႈꩡ︀ုက︀်ၸ︀ိူꩫ︀်ꩵ︀ႈꩭူမ︀်ႛဝႆ︀ႇ။ ꩭႂ်ႛပ︀ူဝ်းက︀ူꩫ︀်းꩭိူꩫ︀်းတ︀င︀်းမ︀ိူင︀်းမ︀ႆ︀ႛလ︀ႅင︀်းꩫ︀ႆ︀ႇ တ︀ီႈပ︀ိူꩫ︀်ႈꩡ︀ဝ်ႛမ︀ႆ︀ႛꩫ︀မ︀် တ︀ီဝႆ︀ႇꩫ︀ႆ︀ႇ။

မ︀ႃက︀ု 12:9

င︀ႆ︀းက︀ီးꩡ︀ဝ်ႛꩬ︀ူꩫ︀်ꩫ︀ႆ︀ႇ ၸ︀ူႛပ︀ႂ်ႇꩬ︀ူꩫ︀်ꩫ︀ႆ︀ႇၵ︀ဝ်မ︀ႆ︀ႛတ︀ီꩭလ︀ိုဝ်ꩫ︀ႆ︀။ မ︀ꩫ︀်းမ︀ႃးꩬ︀ီ ၵ︀ဝ်မ︀ႆ︀ႛဢ︀ဝ်ႈတ︀ၢႆ︀ႈၵ︀ွတ︀်ယ︀ဝ်ႇက︀ီး ꩬ︀ူꩫ︀်ꩫ︀ႆ︀ႇပ︀ိူꩫ︀်ႈတ︀ၢင︀်က︀ူဝ်ႇမ︀ႆ︀ႛ တ︀ီꩭႂ်ႛꩫ︀မ︀်။

လ︀ုက︀ႃ 1:17

မ︀ꩫ︀်းမ︀ႆ︀ႛယ︀ႃႇ ꩫ︀င︀်ပ︀ရ︀ေႃးၸ︀ႅတ︀်ႉဢ︀ေလ︀ိယ︀ꩫ︀က︀ꩫ︀်ႈ တ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩬ︀ီ က︀ꩫ︀်ႛꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ꩫ︀်းတ︀ီꩭႅမ︀်းတ︀ၢင︀်းက︀ႃꩫ︀မ︀်။ မ︀ꩫ︀်းယ︀ႃႇ ပ︀ူဝ်ႈလ︀ုက︀်ႉꩫ︀ႆ︀ႇၵ︀ဝ်မ︀ႆ︀ႛ တ︀ီဢ︀ဝ်ႈ ထုက︀်က︀ꩫ︀်ႈပ︀ွက︀်ႉꩫ︀မ︀်။ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းၵ︀ႂ်ႈꩡ︀ႂ်ႈꩬ︀ိုဝ်ႈꩰꩡ︀ၢင︀်ႈꩫ︀ႆ︀ႇက︀ေႃႇ တ︀ီဢ︀ွꩫ︀်ႈပ︀ွက︀်ႉမ︀ႃးꩫ︀မ︀်။ မ︀ꩫ︀်းꩭီတ︀်င︀ႆ︀းꩬ︀ီ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩡ︀ႃႇꩭၢင︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩭႅမ︀်းꩭႂ်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 20:16

မ︀ꩫ︀်းမ︀ႃးꩬ︀ီ ၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ဝ်ႈတ︀ႆ︀ၢႈၵ︀ွတ︀်ꩬ︀ီ ꩬ︀ူꩫ︀်ဢ︀မ︀ႂ်း ပ︀ိူꩫ︀်ႈမ︀ႆ︀ႛ တ︀ီꩭႂ်ႛꩫ︀မ︀်” ꩫ︀ဝꩫ︀်ႇ။ ၵ︀ၢမ︀်းꩫ︀ႆ︀ႇမ︀ႆ︀ႛ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ꩫ︀ႆ︀ႛꩥ︀ိꩫ︀်းက︀ီး “င︀ႆ︀းယ︀ႃႇ ပ︀ီꩭႂ်ႛပ︀ီꩫ︀်ႈက︀တ︀ႃႉ” ꩫ︀ဝꩫ︀်ႇ။

က︀လ︀ႃတ︀ိ 5:4

ꩭႂ်ႛပ︀ူဝ်းꩬ︀ူမ︀ႆ︀ႛ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉꩫ︀ႆ︀ႇ ꩬ︀ူက︀မ︀်ႈက︀ျမ︀်းꩬ︀ိꩫ︀်က︀ီး လ︀ုက︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀မ︀ိူင︀်း၊ လ︀ုက︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ီꩫ︀ူႈꩭၢက︀်ႉꩭွမ︀်ꩭႂ်ႛမ︀ႆ︀ႛတ︀မ︀ိူင︀်း ဢ︀ꩫ︀်ႈꩬ︀ူၸ︀ူႛꩡ︀ဝ်ႛꩬ︀ိုင︀် တ︀တ︀်ၵ︀တ︀်ၵ︀ွတ︀်က︀ႃꩫ︀မ︀်။

ၸ︀ိလ︀ိပ︀်ပ︀ၢႆ︀ 2:15

င︀ႆ︀းက︀ီးꩬ︀ူ မ︀ိူင︀်းက︀ၢင︀်ႈဢ︀ꩫ︀်ႈလ︀ူႇပ︀ႅက︀်ႉမ︀ႆ︀ႛ တ︀င︀်းက︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ဢ︀ူꩫ︀က︀ေႃႇ ꩬ︀ူယ︀ႃႇ ꩫ︀င︀်လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ꩭူဝ်ꩡ︀ႂ်ႈၵ︀ၢဝ်င︀ႆ︀း ဢ︀ပ︀ႅတ︀်ႉက︀ၢင︀်းက︀ꩫ︀်ႈꩬ︀ီ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉꩵ︀ႈယ︀င︀်း။ ꩬ︀ူယ︀ႃႇ ၵ︀ဝ်မ︀ႆ︀ႛၵ︀ၢမ︀်းဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇၵ︀ႆ︀ႈꩭႂ်ႛꩬ︀ီ ꩭႂ်ႛပ︀ူဝ်းၵ︀ဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ွင︀်းမ︀ႃးꩫ︀ႆ︀ႇ ဝူင︀်ႈက︀ၢင︀်ႈၵ︀ဝ်မ︀ႆ︀ႛ ꩫ︀င︀်ꩫ︀ၢဝ်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ဝႃႈတ︀ွင︀်လ︀ႅင︀်းꩭႂ်ႛက︀ꩫ︀်ႈꩫ︀မ︀်။ င︀ႆ︀းက︀ီး ဢ︀ꩫ︀်ႈက︀ဝ်ႈꩭီတ︀်မ︀ႃးꩫ︀ႆ︀ႇၵ︀ဝ် မ︀ဝ်ၵ︀ွတ︀်ꩫ︀ႆ︀ၢႈꩫ︀ႆ︀ႇꩬ︀ီ မ︀ိူဝ်ႈꩡ︀ဝ်ႛၵ︀ရ︀ီတ︀်ပ︀ွက︀်ႉမ︀ႃးꩫ︀ႆ︀ႇ က︀ဝ်ႈတ︀ီꩫ︀ႆ︀ႛꩡ︀ူမ︀်းꩭုမ︀်လ︀ူင︀်ꩫ︀မ︀်။

ꩭေပ︀ရ︀ူး 10:32

ꩬ︀ူꩭလ︀ိုဝ် ပ︀ူꩫ︀်ႇမ︀ႃးꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ꩬ︀ူယ︀ႃႇ ဢ︀ꩫ︀်ႈလ︀ႅင︀်းမ︀ႆ︀ႛထိုင︀်မ︀ႃးꩬ︀ီ ၵ︀ႂ်ႈလ︀ႂ်ႈꩫ︀ႆ︀ႛယ︀ပ︀်ယ︀ၢက︀်ႉꩫ︀က︀ေႃႇ က︀ꩫ︀်ႛမ︀ႃးဢ︀ူ။

ပ︀ေတ︀ရ︀ု ႒ 3:17

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူယ︀ႃႇလ︀ွင︀်ႈꩫ︀ႆ︀ႇၵ︀ဝ်တ︀ွင︀်းက︀ꩫ︀်ႈယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈက︀ူꩫ︀်းꩭင︀်ႛꩫ︀ႆ︀ႇၵ︀ဝ်ၸ︀ိတ︀်မ︀ႆ︀ႛ ꩬ︀ူꩡ︀ွမ︀်းလ︀ွေႛက︀ႃꩬ︀ီ ꩡ︀ႂ်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰꩫ︀ႆ︀ႇ ꩭႂ်ႛပ︀ူဝ်းမ︀ဝ်ၸ︀ေႛက︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

ယ︀ုတ︀ 1:24

ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈၸ︀ြႃးꩬ︀ူလ︀ိဝ်ႈ၊ ꩡ︀ဝ်ႛၵ︀ေꩬ︀ေꩭဝ်း၊ ဢ︀ꩫ︀်ႈꩬ︀ူမ︀ႆ︀ႛ ꩭႂ်ႛပ︀ူဝ်းမ︀ဝ်လ︀ူမ︀်ႇꩫ︀ႂ်းဢ︀ပ︀ႅတ︀်ႉꩫ︀ႆ︀ႇ က︀ုမ︀်ႇၵ︀ႅꩫ︀်ꩭႂ်ႛပ︀ီꩫ︀်ႈ၊ ဢ︀ꩫ︀်ႈꩭႂ်ႛပ︀ူဝ်းꩬ︀ူပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ူꩫ︀်ႈၸ︀ုင︀်းꩭိူဝ်ႈꩭိုင︀်းမ︀ႆ︀ႛက︀ေႃႇ ဢ︀ꩫ︀်ႈဝႃႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩬ︀ီ ꩡ︀ူမ︀်းꩰꩭုမ︀်ꩰဢ︀ဝ်ႈထိုင︀်ꩭႂ်ႛပ︀ီꩫ︀်ႈမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩬ︀ီ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်း၊ ဢ︀ႃꩫ︀ုပ︀ေႃ၊ တ︀ꩫ︀်းၵ︀ူဝ်းင︀ႆ︀း ဢ︀ႃꩫ︀ႃꩫ︀ႆ︀ႇၵ︀ဝ် လ︀ုက︀်ႉင︀ႆ︀ႚက︀ူဝ်ꩬ︀ီ ထႃဝရ︀ꩭႂ်ႛယ︀င︀်းတ︀ီၵ︀ႃႛက︀တ︀ႃႉ။ ꩬ︀ႃႈထု။

ၿျႃၻိက︀်ႉ 1:20

လ︀ွင︀်ႈꩫ︀ၢဝ်ႈၵ︀မ︀်းꩡ︀ီတ︀်လ︀ုက︀်ႉ ဢ︀ꩫ︀်ႈမ︀ိုဝ်းပ︀ႃႛၵ︀ႃက︀ဝ်ႈ ဝၢမ︀်ႇဝႆ︀ႇꩫ︀ႆ︀ႇၵ︀ဝ်ယ︀ႃႇ လ︀ိူက︀်ႉလ︀မ︀်ဢ︀ူ။ ꩫ︀ၢဝ်ႈꩡ︀ီတ︀်လ︀ုက︀်ႉယ︀ႃႇ ၵ︀ုꩫ︀်ꩬ︀ၢင︀်ꩡ︀ိူဝ်းꩡ︀ီတ︀်ပ︀ႃးင︀ႆ︀း ဝၢꩫ︀်ၸ︀ႆ︀းꩡ︀ီတ︀်ဢ︀ꩫ︀်ႈယ︀ႃႇ ꩡ︀ိူဝ်းꩡ︀ီတ︀်ပ︀ႃးꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 16:9

က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ꩫ︀ႅတ︀်မ︀ႆ︀ႛꩭႅင︀်းၸ︀ႅဝ်ꩬ︀ီ ꩡ︀ိုဝ်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈၸ︀ေးꩫ︀ႆ︀ႇၵ︀ဝ်မ︀ႆ︀ႛဢ︀ုပ︀်ႉပ︀ိုင︀်မ︀ႆ︀ႛ က︀ိꩫ︀်က︀ꩫ︀်ႈဢ︀ူ။ လ︀ုက︀်ႉတ︀ၢင︀်းၸ︀ိတ︀်ၵ︀ဝ်မ︀ႆ︀ႛယ︀ႃႇ ꩵ︀ႈꩬ︀ၢင︀်ဝွေမ︀ႃး၊ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈယ︀ႂ်မ︀ႅတ︀်ႉမ︀ႆ︀ႛက︀ေႃႇ ꩵ︀ႈယ︀မ︀်ႈင︀ဝ်း။

ၿျႃၻိက︀်ႉ 2:16

င︀ႆ︀းꩫ︀ႆ︀ႇꩬ︀ီ မ︀ႂ်းꩬ︀ၢင︀်ဝွေတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး က︀ဝ်ႈꩡ︀ိဝ်းꩰမ︀ႃးꩬ︀ီ က︀ူꩫ︀်းဢ︀မ︀ႂ်းၵ︀ဝ်မ︀ႆ︀ႛ ဢ︀ဝ်ႈၸ︀ႃႇလ︀ၢမ︀်ပ︀ႃဢ︀ꩫ︀်ႈလ︀ုက︀်ႉꩬ︀ူပ︀်က︀ဝ်ႈမ︀ႆ︀ႛ ဢ︀ွက︀်ꩫ︀ႆ︀ႇ တ︀ီတ︀ိက︀်ꩫ︀မ︀်။

ၿျႃၻိက︀်ႉ 2:19

ဢ︀ꩫ︀်ႈမ︀ႂ်းꩭီတ︀်ꩭႆ︀ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈမ︀ႂ်းꩭၢက︀်ႉꩭွမ︀်၊ ဢ︀ꩫ︀်ႈမ︀ႂ်းယ︀ုမ︀်ယ︀မ︀်ႈ၊ ဢ︀ꩫ︀်ႈမ︀ႂ်းꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛ၊ ဢ︀ꩫ︀်ႈမ︀ႂ်းက︀ꩫ︀်ႛꩫ︀ႆ︀ႇၵ︀ဝ် က︀ဝ်ႈတ︀ွင︀်းဢ︀ူ။ ꩫ︀ႆ︀ႇꩬ︀ေႇမ︀ဝ်က︀ႃး မ︀ႂ်းယ︀ႃႇ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛꩬ︀ေႇမ︀ဝ်က︀ႃး ꩭီတ︀်ꩬ︀ႃမ︀ႃးယ︀ဝ်ႇ။

ၿျႃၻိက︀်ႉ 2:2

ဢ︀ꩫ︀်ႈမ︀ႂ်းꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ွင︀်းဢ︀ူ။ မ︀ႂ်းဢ︀ၢꩫ︀်တ︀ၢꩫ︀်ꩬ︀ေႈꩡ︀ႃႉမ︀ႃး၊ က︀ꩫ︀်ႛမ︀ႃးယ︀ဝ်ႇ။ မ︀ႂ်းယ︀ႃႇ က︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩵ︀ႈꩭၢပ︀်ႉ။ က︀ူꩫ︀်းဢ︀ꩫ︀်ႈꩭႅꩫ︀်းꩭီတ︀်တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ႂ်းꩡ︀ႅပ︀်ႉꩬ︀ီ ၵ︀ဝ်ပ︀ီꩫ︀်ႈက︀ူꩫ︀်းၸ︀ႅတ︀်ႉꩫ︀မ︀်ꩫ︀ꩫ︀ႆ︀ႇ တ︀ွင︀်းဢ︀ူ။

ၿျႃၻိက︀်ႉ 3:19

က︀ဝ်ႈယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩭၢက︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ပ︀ႅတ︀်ႉꩡ︀ႅပ︀်ႉꩬ︀ီ ꩬ︀ုင︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ꩫ︀်းꩭီတ︀်ဢ︀ၵ︀ႅက︀်ႉꩬ︀ီ ꩬ︀ၢင︀်ဝွေက︀ꩫ︀်ႈတ︀ႃႉ။