ၿျႃၻိက︀်ႉ 2:3 - Khamti Shan

³ မ︀ႂ်းယ︀ႃႇ က︀ꩫ︀်ႛမ︀ႃးယ︀ဝ်ႇ။ ꩡ︀ႃႇက︀ဝ်ႈၵ︀ၢမ︀်ၻုက︀်ႉၵ︀မ︀ႃးꩫ︀က︀ေႃႇ မ︀ႂ်းꩡ︀ႂ်ႈꩵ︀ႈၸ︀ေႛမ︀ႃးꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။

ၿျႃၻိက︀်ႉ 2:3 Iomraidhean Croise

မ︀ႃက︀ု 15:21

မ︀ိူဝ်ႈင︀ႆ︀းꩬ︀ီၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛဢ︀ဝ်ႈက︀ႃꩫ︀ႆ︀ႇ ꩬ︀ႅင︀်မ︀ုꩫ︀် က︀ူꩫ︀်းမ︀ိူင︀်းက︀ုရ︀ေꩫ︀ေ ၸ︀ူႛပ︀ူဝ်ႈဢ︀ႃလ︀ေꩡ︀ꩫ︀်တ︀ြိယ︀ꩫ︀ၵ︀ႃရ︀ုၸ︀ု ဢ︀ꩫ︀်ႈလ︀ုက︀်ႉမ︀ၢꩫ︀်ႛထိူꩫ︀်မ︀ႆ︀ႛ မ︀ႃးꩫ︀ႆ︀ႇမ︀ႆ︀ႛꩥ︀ႃးဢ︀ူ။ လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ မ︀ꩫ︀်းမ︀ႆ︀ႛꩭွင︀်ႇꩭႅပ︀်ႉꩬ︀ီ ꩭႂ်ႛမ︀ႅက︀်ꩬ︀ဝ်ဝႃးမ︀ိုဝ်း ꩡ︀ဝ်ႛယ︀ေꩬ︀ုဢ︀ူ။

လ︀ုက︀ႃ 14:27

ꩬ︀ဝ်ဝႃးမ︀ိုဝ်းၸ︀ူႛꩡ︀ဝ်ႛမ︀ႆ︀ႛမ︀ႅက︀်ꩬ︀ီ က︀ꩫ︀်ႛလ︀င︀်က︀ဝ်ႈမ︀ႆ︀ႛ ပ︀ူဝ်းမ︀ဝ်ꩡ︀ွမ︀်းက︀ီး ပ︀ီꩫ︀်ႈတ︀ပ︀ေးက︀ဝ်ႈꩵ︀ႈꩫ︀ႆ︀ႛ။

လ︀ုက︀ႃ 18:1

ယ︀ဝ်ႇက︀ီး ꩡ︀ဝ်ႛယ︀ေꩬ︀ု တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ꩡ︀ႂ်ႈမ︀ဝ်ယ︀ွမ︀်းꩬ︀ီ ဝႃႈယ︀ွꩫ︀်းꩬ︀ူးꩫ︀မ︀်ꩫ︀ꩫ︀ႆ︀ႇ ဢ︀ဝ်ႈပ︀ုင︀်ၵ︀ိူင︀်ႈၵ︀ၢမ︀်းꩬ︀ွꩫ︀်ꩭႂ်ႛဢ︀ူ။

လ︀ုက︀ႃ 21:19

ꩬ︀ူက︀ဝ်ႈမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းက︀ီး ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛꩫ︀မ︀်။

လ︀ုက︀ႃ 5:5

ꩬ︀ႅင︀်မ︀ုꩫ︀်ယ︀ႃႇ “ꩡ︀ဝ်ႛꩴ︀း တ︀ူႈၵ︀ႃႛတ︀င︀်းၵ︀ိုꩫ︀်းၵ︀ႃꩫ︀က︀ေႃႇ ပ︀ႃႈꩵ︀ႈꩫ︀ႆ︀ႛတ︀ီၵ︀ႃႛ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛဝႃႈက︀ီး တ︀ွတ︀်ႉတ︀ီၵ︀ႃႛက︀ွတ︀်” ꩫ︀ဝꩫ︀်ႇ။

လ︀ုက︀ႃ 8:15

ꩫ︀ိꩫ︀်ႈဢ︀ꩫ︀်ႈꩫ︀ီႈမ︀ႆ︀ႛ ꩭွေၸ︀ꩫ︀်းတ︀ူက︀်ꩫ︀ꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩥ︀ိꩫ︀်းက︀ီး မ︀တ︀်ႉꩫ︀ီႈꩫ︀ီႈင︀ႆ︀း တ︀ူဝ်ထိုင︀်မ︀က︀်ပ︀ီꩫ︀်ႈꩫ︀ီႈꩫ︀ီႈမ︀ႃးꩫ︀ႆ︀ႇ ꩭူဝ်ꩡ︀ႂ်ႈꩬ︀ိုဝ်ႈꩰတ︀ူဝ်ꩰထွမ︀်ꩡ︀ွမ︀်းꩫ︀ီႈꩫ︀ီႈ မ︀ႃးꩫ︀ႆ︀ႇၵ︀ဝ်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 15:21

က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇꩫ︀ႆ︀ႇမ︀ႆ︀ႛမ︀ဝ်တ︀ွင︀်းꩫ︀ႆ︀ႇꩬ︀ီ ꩬ︀ူက︀ဝ်ႈမ︀ႆ︀ႛယ︀ုမ︀်ယ︀မ︀်ႈက︀ီး ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉꩫ︀မ︀်။

ရ︀ေႃမ︀ 12:12

ꩬ︀ူမ︀ႆ︀ႛ ဢ︀ꩫ︀်ႈတ︀ႂ်းထႃႛယ︀င︀်းꩫ︀ႆ︀ႇꩬ︀ီ ꩡ︀ူမ︀်းꩭုမ︀်ꩬ︀ီဢ︀ူက︀ꩫ︀်ႈတ︀ႃႉ။ မ︀ိူဝ်ႈꩬ︀ူမ︀ႆ︀ႛ ဢ︀ꩫ︀်ႈယ︀ပ︀်ဢ︀ꩫ︀်ႈယ︀ၢက︀်ႉထိုင︀်မ︀ႃးꩫ︀ႆ︀ႇက︀ꩫ︀်ႛက︀ꩫ︀်ႈတ︀ႃႉ။ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ယ︀ွꩫ︀်းꩬ︀ူးꩬ︀ီဢ︀ူက︀ꩫ︀်ႈတ︀ႃႉ။

ရ︀ေႃမ︀ 16:12

တ︀ရ︀ုၸ︀ႄꩫ︀ၵ︀ႃ တ︀ရ︀ုၸ︀ေႃတ︀ ဢ︀ꩫ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်၊ က︀ူဝ်ႇꩬ︀ေႛꩭၢက︀်ႉက︀ဝ်ႈ ပ︀ေရ︀တ︀ိဢ︀ꩫ︀်ႈဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢꩫ︀်တ︀ၢꩫ︀်ꩬ︀ေႈꩡ︀ႃႉမ︀ႃးꩫ︀ႆ︀ႇၵ︀ဝ်၊

ရ︀ေႃမ︀ 2:7

က︀ူꩫ︀်းဢ︀ꩫ︀်ႈ ꩭီတ︀်လ︀ွင︀်ႈꩫ︀ီႈ မ︀ဝ်ꩬ︀ဝ်းင︀ႆ︀းꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ူဝ်းယ︀ွင︀်ႛတ︀ၢင︀်ꩭုမ︀်ꩫ︀ၵ︀ႃ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႆ︀ႛ ꩭႅꩫ︀်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉထႃဝရ︀တ︀ီꩭႂ်ႛꩫ︀မ︀်။

ရ︀ေႃမ︀ 8:25

ꩫ︀ႆ︀ႇꩫ︀က︀ေႃႇ ဢ︀ꩫ︀်ႈမ︀ဝ်ꩭꩫ︀်မ︀ႆ︀ႛꩬ︀ိုင︀် ꩭဝ်းတ︀ႂ်းထႃႛက︀ီး ဢ︀မ︀ႂ်းမ︀ႆ︀ႛꩡ︀ႂ်ႈဢ︀ဝ်ႈယ︀ၢဝ်းꩰꩬ︀ီ တ︀ႂ်းထႃႛဢ︀ူ။

က︀ေႃရ︀ိꩫ︀်တ︀ု ႑ 13:7

ꩭဝ်းမ︀ႆ︀ႛမ︀ႅတ︀်ႉတ︀ႃယ︀င︀်းက︀ီး မ︀ိူဝ်ႈလ︀ႂ်ႈက︀ေႃႇ ꩡ︀ႂ်ႈꩵ︀ႈၸ︀ေႛ။ ꩡ︀ႂ်ႈဢ︀ꩫ︀်ႈယ︀ုမ︀်ꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ ꩵ︀ႈမ︀ူတ︀်။ မ︀ိူဝ်ႈလ︀ႂ်ႈက︀ေႃႇ တ︀ႂ်းထႃႛဢ︀ူ။ မ︀ိူဝ်ႈလ︀ႂ်ႈက︀ေႃႇ ꩬ︀ေးၵ︀ၢမ︀်ဢ︀ူ။

က︀ေႃရ︀ိꩫ︀်တ︀ု ႒ 10:15

တ︀ူႈယ︀ႃႇ ဢ︀မ︀ူးဢ︀ꩫ︀်ႈပ︀ိူꩫ︀်ႈꩭီတ︀်ဝႆ︀ႇမ︀ႆ︀ႛ ꩫ︀င︀်ၸ︀ူႛꩡ︀ဝ်ႛꩬ︀ိုင︀်ꩭီတ︀်ဝႆ︀ႇꩫ︀က︀ꩫ︀်ႈ ꩵ︀ႈက︀မ︀်ႇလ︀ွင︀်ႛ။ င︀ႆ︀းမ︀ဝ်ꩡ︀ႂ်ႈꩬ︀ေႇမ︀ဝ်က︀ႃး မ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ူ ယ︀ႂ်က︀ေမ︀ႃးꩫ︀ႆ︀ႇ ꩫ︀ႂ်းꩬ︀ူမ︀ႆ︀ႛ ဢ︀မ︀ူးဢ︀ꩫ︀်ႈယ︀ႂ်ꩬ︀ႃꩫ︀ႆ︀ႇၵ︀ဝ် တ︀ူႈတ︀မ︀်းꩡ︀ႂ်ႈꩬ︀ီ တ︀ီꩭီတ︀်က︀ႃꩫ︀မ︀်။

က︀ေႃရ︀ိꩫ︀်တ︀ု ႒ 11:23

ၵ︀ဝ်ပ︀ီꩫ︀်ႈၸ︀ူႛꩡ︀ႂ်ႇꩡ︀ဝ်ႛၵ︀ရ︀ီတ︀်ꩫ︀မ︀်ꩫ︀က︀ီး က︀ဝ်ႈယ︀ႃႇဢ︀ေႈၵ︀ႅꩫ︀်းပ︀ီꩫ︀်ႈဢ︀ူꩫ︀ꩬ︀ီ ꩫ︀င︀်ၸ︀ူႛမ︀ႃႛꩫ︀က︀ꩫ︀်ႈ က︀ဝ်ႈဝႃႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈ ဢ︀မ︀ူးၵ︀ႅꩫ︀်းꩬ︀ေႈꩡ︀ႃႉမ︀ႃးဢ︀ူ။ ဢ︀ေႈၵ︀ႅꩫ︀်းꩫ︀ႆ︀ႛတ︀ူက︀်ထွင︀်မ︀ႃး၊ ဢ︀ေႈၵ︀ႅꩫ︀်းꩫ︀ႆ︀ႛၵ︀ၢမ︀်တ︀ုက︀်ႉၵ︀မ︀ႃး၊ ၸ︀ေးတ︀ၢင︀်းတ︀ႆ︀ၢႈမ︀ႆ︀ႛ ဢ︀ေႈၵ︀ႅꩫ︀်းꩫ︀ႆ︀ႛꩭူပ︀်ႉꩭꩫ︀်မ︀ႃးဢ︀ူ။

က︀ေႃရ︀ိꩫ︀်တ︀ု ႒ 4:1

င︀ႆ︀းꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ူႈမ︀ႆ︀ႛဢ︀ီꩫ︀ူႈင︀ႆ︀း ဢ︀မ︀ူးဢ︀ꩫ︀်ႈꩭူဝ်းလ︀ွင︀်ႈၵ︀ၢမ︀်းၵ︀တ︀်ႉမ︀ႂ်ꩫ︀ႆ︀ႇပ︀ူင︀်ႈꩭႂ်ႛꩫ︀ႆ︀ႇꩬ︀ီ တ︀ူႈယ︀ႃႇ မ︀ိူဝ်ႈလ︀ႂ်ႈက︀ေႃႇ ꩡ︀ႂ်ႈꩵ︀ႈၸ︀ေႛ။

က︀ေႃရ︀ိꩫ︀်တ︀ု ႒ 4:16

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩭဝ်းယ︀ႃႇ မ︀ိူဝ်ႈလ︀ႂ်ႈက︀ေႃႇ ꩡ︀ႂ်ႈꩵ︀ႈၸ︀ေႛ။ တ︀ူဝ်ႈꩭၢင︀်ႈꩭဝ်းꩫ︀ႆ︀ႇ ဝꩫ︀်းလ︀ိူင︀်ႈယ︀ဝ်ႇဝꩫ︀်းလ︀ိူင︀်ႈ က︀ႃက︀ꩫ︀်ႛဢ︀ꩫ︀်ႈလ︀ူႇတ︀ႆ︀ၢႈက︀ႃၵ︀ႂ်ႈလ︀ႂ်ႈꩫ︀က︀ေႃႇ ၵ︀ွꩫ︀်ꩭဝ်းယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ မ︀ေးထႅမ︀်ဢ︀ဝ်ႈတ︀ီမ︀်ႈက︀ုမ︀်ꩭႂ်ႛꩬ︀ီ ဝꩫ︀်းလ︀ိူင︀်ႈယ︀ဝ်ႇဝꩫ︀်းလ︀ိူင︀်ႈ ပ︀ီꩫ︀်ႈဢ︀ꩫ︀်ႈမ︀ႂ်မ︀ႃးက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 5:9

င︀ႆ︀းꩫ︀ႆ︀ႇꩬ︀ီ ꩭဝ်းဢ︀ူꩫ︀ႂ်းတ︀ူဝ်ႈမ︀ိူင︀်းက︀ၢင︀်ႈမ︀ႆ︀ႛပ︀တ︀ု လ︀ုက︀်ႉꩫ︀ႆ︀ႇမ︀ႆ︀ႛဢ︀ွက︀်က︀ႃပ︀တ︀ု ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ꩭဝ်းꩬ︀ေႈꩡ︀ႃႉဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 6:5

တ︀ူႈမ︀ႆ︀ႛပ︀ိူꩫ︀်ႈတ︀ုက︀်ႉꩰပ︀ူဝ်ႇꩰမ︀ႃး၊ ꩬ︀ႂ်ထွင︀်မ︀ႃး၊ ၸ︀ုင︀်က︀ူꩫ︀်းလ︀ုပ︀်ꩬ︀ီꩭီတ︀်ꩭၢႆ︀ႇꩭီတ︀်ꩡ︀ႃႇမ︀ႃးဢ︀ူ။ တ︀ူႈမ︀ဝ်ꩫ︀ႂ်မ︀ဝ်ꩬ︀ဝ်းꩫ︀ႆ︀ႛꩭီတ︀်ဢ︀မ︀ူးꩬ︀ီ ꩫ︀ႆ︀ႛꩭၢမ︀်းက︀ိꩫ︀်ႈꩭၢမ︀်းꩫ︀ွꩫ︀်းမ︀ႃးဢ︀ူ။

က︀လ︀ႃတ︀ိ 6:2

က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ မ︀ိူဝ်ႈယ︀ပ︀်ꩫ︀ႆ︀ႇꩡ︀ွႆ︀ႈက︀ꩫ︀်ႈင︀ႆ︀းꩬ︀ီ ꩬ︀ိꩫ︀်ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈတ︀ႃႉ။

က︀လ︀ႃတ︀ိ 6:9

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩭႅင︀်းမ︀ဝ်ယ︀ူဝ်ႈ၊ ꩡ︀ႂ်ႈမ︀ဝ်ၸ︀ေႛꩬ︀ီ ꩭီတ︀်လ︀ွင︀်ႈꩫ︀ီႈက︀ꩫ︀်ႈတ︀ႃႉ။ င︀ႆ︀းက︀ီး မ︀ိူဝ်ႈယ︀ၢမ︀်းထိုင︀်ꩫ︀ႆ︀ႇ ဢ︀က︀ိဝ်းဢ︀ꩫ︀်ႈꩫ︀ီႈꩫ︀ႆ︀ႛပ︀တ︀်ဢ︀ဝ်ႈဢ︀ူ။

ၸ︀ိလ︀ိပ︀်ပ︀ၢႆ︀ 4:3

က︀ူဝ်ႇꩬ︀ေႛꩴ︀း မ︀ႂ်းက︀ေႃႇꩭႂ်ႛပ︀ူဝ်းꩬ︀ွင︀်ၵ︀ႃꩡ︀ႂ်ႈၵ︀ူမ︀်က︀ꩫ︀်ႈꩫ︀ႆ︀ႇ ꩡ︀ွႆ︀ႈꩭႂ်ႛမ︀ႃးတ︀ႃႉ။ ꩬ︀ွင︀်ၵ︀ႃင︀ႆ︀း က︀လ︀ေမ︀ိꩫ︀်င︀ႆ︀း ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ တ︀င︀်းက︀ဝ်ႈၵ︀ၢဝ်ႈၵ︀ၢမ︀်းꩫ︀ီႈ ဢ︀ၢꩫ︀်တ︀ၢꩫ︀်ꩭူမ︀်ႈꩭူဝ်းမ︀ႃးယ︀ဝ်ႇ။ ꩡ︀ိုဝ်ႈၵ︀ဝ်ယ︀ႃႇ ပ︀ၢပ︀်ႉၸ︀ြႃးပ︀ီꩫ︀်ႈꩡ︀ဝ်ႛ ပ︀ၢပ︀်ႉꩡ︀လ︀ၢင︀်းၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀မ︀ႆ︀ႛ လ︀ွေႛယ︀ဝ်ႇ။

က︀ေႃလ︀ေႃတ︀ႄ 1:11

ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ ဢ︀ဝ်ႈꩭႅင︀်းဢ︀ꩫ︀်ႈ လ︀ုက︀်ႉမ︀ူꩫ︀်ႈင︀ဝ်းတ︀ꩫ︀်းၵ︀ူဝ်းလ︀ူင︀်မ︀ꩫ︀်းꩡ︀ဝ်ႛမ︀ႆ︀ႛမ︀ႃးꩫ︀ႆ︀ႇ ဢ︀ဝ်ႈၵ︀ိူင︀်က︀ိုမ︀်းꩭႂ်ႛꩬ︀ီ ꩬ︀ူက︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭုမ︀်ꩰꩡ︀ူမ︀်းꩰꩬ︀ီ ꩡ︀ႂ်ႈယ︀ၢဝ်းင︀ႆ︀း ꩭႂ်ႛက︀ꩫ︀်ႛပ︀ီꩫ︀်ႈက︀ꩫ︀်ႈက︀တ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:9

တ︀ူႈၵ︀ႂ်ႈလ︀ႂ်ႈꩫ︀ွေꩰꩫ︀ုꩫ︀်းꩰꩬ︀ေႈꩡ︀ႃႉမ︀ႃးꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇမ︀တ︀်ႉဢ︀ူ။ ꩬ︀ူၸ︀ႂ်မ︀ႆ︀ႛက︀ေႃႇ ꩭႂ်ႛပ︀ူဝ်းမ︀ဝ်ဢ︀ဝ်ႈယ︀ပ︀်ယ︀ၢက︀်ႉꩫ︀ႆ︀ႇ တ︀ူႈꩡ︀ႃႇတ︀ွင︀်ႇၸ︀ူႛꩡ︀ဝ်ႛ ꩭီတ︀်ဢ︀မ︀ူးꩬ︀ေႈꩡ︀ႃႉꩬ︀ီ ꩬ︀ူမ︀ႆ︀ႛၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ု ꩭူဝ်းမ︀ႃးꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:12

ပ︀ီႈꩫ︀ွင︀်ႇၵ︀ဝ်ꩴ︀း ꩭူဝ်က︀ေဢ︀ꩫ︀်ႈꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩬ︀ူမ︀ႆ︀ႛ ꩬ︀င︀်ꩬ︀ွꩫ︀်ꩬ︀ုင︀်းမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩫ︀ၢပ︀်ႉယ︀မ︀်ႈက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:13

ပ︀ီႈꩫ︀ွင︀်ႇၵ︀ဝ်ꩴ︀း ပ︀ီꩫ︀်ႈꩭိုဝ်ꩫ︀က︀ေႃႇ ꩡ︀ႂ်ႈမ︀ဝ်ၸ︀ေႛမ︀ဝ်မ︀ိူဝ်ꩬ︀ီ တ︀ၢင︀်းက︀ႅင︀်းဢ︀ꩫ︀်ႈꩫ︀ီႈꩫ︀ႆ︀ႇၵ︀ဝ် ꩡ︀ွမ︀်းက︀ႅင︀်းက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:5

ꩬ︀ူꩡ︀ဝ်ႛ မ︀ႅတ︀်ႉတ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ွင︀်းဢ︀ိက︀်မ︀ႃးꩬ︀ီ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ꩭႂ်ႛပ︀ူဝ်းက︀ꩫ︀်ႛပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛꩡ︀ဝ်ႛꩭဝ်းꩭႂ်ႛꩫ︀ေꩬ︀ွꩫ︀်ꩡ︀ွႆ︀ႈက︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:8

ꩡ︀ႃႇꩭၢင︀်းတ︀ွင︀်ႇၸ︀ူႛꩡ︀ဝ်ႛ ၸ︀ူႛꩡ︀ဝ်ႛၵ︀ႃက︀ိꩫ︀်ႈမ︀ႃးꩫ︀မ︀်။ ꩬ︀ူၸ︀ႂ်က︀ေႃႇ ꩭႂ်ႛပ︀ူဝ်းꩡ︀ႃႇတ︀ူႈမ︀ဝ်ယ︀ပ︀်ယ︀ၢက︀်ႉမ︀ႃးꩫ︀ႆ︀ႇ၊ တ︀ူႈၸ︀ူႛꩡ︀ဝ်ႛ ဢ︀မ︀ူးꩬ︀ေႈꩡ︀ႃႉမ︀ႃးဢ︀ူ။

တ︀ိမ︀ေႃတ︀ေ ႑ 4:10

င︀ႆ︀ႚꩭဝ်းꩬ︀ေႈꩡ︀ႃႉꩬ︀ီ က︀မ︀်ႈက︀ႅင︀်းဢ︀ူꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်၊ ꩡ︀ဝ်ႛၵ︀ေꩬ︀ေက︀ူꩫ︀်းမ︀ိူင︀်းက︀ၢင︀်ႈမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီꩫ︀မ︀်။ ဢ︀ꩫ︀်ႈတ︀ေႇတ︀ေႇက︀ီး မ︀ꩫ︀်းꩡ︀ဝ်ႛယ︀ႃႇꩡ︀ဝ်ႛၵ︀ေꩬ︀ေꩭဝ်း ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ꩫ︀မ︀်။

တ︀ိမ︀ေႃတ︀ေ ႑ 5:17

ၸ︀ူႛင︀မ︀်းꩡ︀ိူဝ်း ဢ︀ꩫ︀်ႈꩡ︀ိူဝ်းꩡ︀ဝ်ႛမ︀ႆ︀ႛ င︀မ︀်းꩫ︀ီႈꩫ︀ီႈ၊ ꩫ︀ႆ︀ႇꩬ︀ေႇမ︀ဝ်က︀ႃး ဢ︀ꩫ︀်ႈလ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩫ︀ီႈꩫ︀ီႈꩭူဝ်းꩫ︀ီႈꩫ︀ီႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩬ︀ွင︀်ꩡ︀ူဝ်ႈဝႃႈထွက︀်ႉဝႃႈယ︀ွင︀်ႛꩭႂ်ႛꩫ︀မ︀်။

ꩭေပ︀ရ︀ူး 10:36

မ︀ိူဝ်ႈꩬ︀ူ ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛ ꩭီတ︀်ယ︀ဝ်ႇꩫ︀ႆ︀ႇ ꩭႂ်ႛပ︀ူဝ်းဢ︀ꩫ︀်ႈမ︀ꩫ︀်းꩡ︀ဝ်ႛ က︀တ︀ိꩭႂ်ႛဝႆ︀ႇမ︀ႆ︀ႛ ꩬ︀ူꩫ︀ႆ︀ႛꩭၢပ︀်ႉꩫ︀ႆ︀ႇ ဝႃႈက︀ꩫ︀်ႛꩫ︀မ︀်။

ꩭေပ︀ရ︀ူး 12:1

ꩬ︀ၢက︀်ႉꩬ︀ေၸ︀ုင︀်က︀ူꩫ︀်းလ︀ူင︀်ꩫ︀ႆ︀ႇ ꩭဝ်းမ︀ႆ︀ႛၵ︀ုမ︀်ႇက︀ꩫ︀်ႈဢ︀ူꩫ︀ႆ︀ႇꩬ︀ီ ပ︀ႆ︀ႉ ဢ︀ꩫ︀်ႈꩭဝ်းမ︀ႆ︀ႛ ꩫ︀က︀်ꩫ︀ႃꩬ︀ီ ဢ︀ဝ်ႈꩫ︀ၢꩫ︀်းꩫ︀ႆ︀ႇၵ︀ဝ်င︀ႆ︀း ဢ︀ပ︀ႅတ︀်ႉဢ︀ꩫ︀်ႈꩭဝ်းမ︀ႆ︀ႛ င︀ႆ︀ၢႈꩰၸ︀ုက︀်ဝႆ︀ႇꩫ︀ႆ︀ႇၵ︀ဝ် လ︀ွꩫ︀်ႛၵ︀ွတ︀်င︀ႆ︀း ပ︀ွႆ︀းလ︀ႅꩫ︀်ႈၵ︀ီင︀်က︀ꩫ︀်ႈ ဢ︀ꩫ︀်ႈပ︀ၢင︀်ႈꩫ︀ႃႛꩭဝ်းမ︀ႆ︀ႛ ꩭႅမ︀်းဝႆ︀ႇမ︀ႆ︀ႛတ︀တ︀်ꩡ︀ႂ်ႈꩬ︀ီ လ︀ႅꩫ︀်ႈက︀ႃက︀ꩫ︀်ႈꩫ︀မ︀်။

ꩭေပ︀ရ︀ူး 13:13

င︀ႆ︀းꩫ︀ႆ︀ႇꩬ︀ီ ပ︀ႆ︀ႉꩭဝ်းက︀ေႃႇ က︀ꩫ︀်ႛꩫ︀ွက︀်ႉဝၢင︀်းပ︀ၢင︀်ႈꩬ︀ဝ်း တ︀ီႈဢ︀ꩫ︀်ႈမ︀ꩫ︀်းꩡ︀ဝ်ႛယ︀င︀်းမ︀ႆ︀ႛက︀ႃꩬ︀ီ တ︀ၢင︀်းဢ︀ႆ︀ၢႈဢ︀ꩫ︀်ႈမ︀ꩫ︀်းꩡ︀ဝ်ႛ ꩫ︀ႆ︀ႛၵ︀ၢမ︀်မ︀ႃးꩫ︀ႆ︀ႇ တ︀င︀်းမ︀ꩫ︀်းꩡ︀ဝ်ႛ ꩭူမ︀်ႈၵ︀ၢမ︀်က︀ꩫ︀်ႈꩫ︀မ︀်။

ꩭေပ︀ရ︀ူး 6:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀ြႃးꩫ︀ႆ︀ႇꩬ︀ီ ဢ︀ꩫ︀်ႈꩬ︀ူက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛꩫ︀က︀ꩫ︀်ႈ င︀ႆ︀ႚက︀ေႃႇမ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀ဢ︀ူꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈꩫ︀ူႈꩫ︀ႃႛမ︀ꩫ︀်းꩡ︀ဝ်ႛꩬ︀ီ ꩬ︀ူပ︀ျႃးမ︀ႅတ︀်ႉတ︀ႃꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈက︀ေႃႇꩵ︀ႈလ︀ုမ︀်း။

ꩭေပ︀ရ︀ူး 6:12

ပ︀ႃႛလ︀ွင︀်ႈၵ︀ွꩫ︀်မ︀ႆ︀ႛယ︀ႃႇ ꩬ︀ူမ︀ဝ်ၵ︀ၢꩫ︀်ႇꩬ︀ီ ꩫ︀င︀်က︀ူꩫ︀်းဢ︀ꩫ︀်ႈယ︀ုမ︀်ယ︀မ︀်ႈင︀ႆ︀း ꩡ︀ႂ်ႈယ︀ၢဝ်းꩬ︀ီ ꩫ︀ႆ︀ႛꩭၢပ︀်ႉက︀တ︀ိၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ꩫ︀က︀ꩫ︀်ႈ ၵ︀ႂ်ႈꩭႂ်ႛပ︀ီꩫ︀်ႈမ︀ႃးက︀ꩫ︀်ႈꩫ︀မ︀်။

ꩭေပ︀ရ︀ူး 6:15

င︀ႆ︀းꩬ︀ီ ဢ︀ႃပ︀ြႃꩭၢမ︀်က︀ေႃႇ ꩡ︀ႂ်ႈꩭီးꩡ︀ႂ်ႈယ︀ၢဝ်းထႃႛယ︀ဝ်ႇက︀ီး ဢ︀က︀ိဝ်းက︀တ︀ိဢ︀မ︀ႂ်း ꩫ︀ႆ︀ႛꩭၢပ︀်ႉမ︀ႃးဢ︀ူ။

ပ︀ေတ︀ရ︀ု ႒ 1:6

က︀ꩫ︀်ႛꩫ︀ိူဝ်တ︀ၢင︀်းꩭူႇꩭꩫ︀်မ︀ႆ︀ႛ ဢ︀ꩫ︀်ႈထိꩫ︀်ၵ︀ိင︀်းၸ︀ူႛꩡ︀ဝ်ႛ၊ က︀ꩫ︀်ႛꩫ︀ိူဝ်ဢ︀ꩫ︀်ႈထိꩫ︀်ၵ︀ိင︀်းၸ︀ူႛꩡ︀ဝ်ႛမ︀ႆ︀ႛ ဢ︀ꩫ︀်ႈꩬ︀ေးၵ︀ၢမ︀်၊ က︀ꩫ︀်ႛꩫ︀ိူဝ်ဢ︀ꩫ︀်ႈꩬ︀ေးၵ︀ၢမ︀်မ︀ႆ︀ႛ ဢ︀ꩫ︀်ႈၵ︀ႂ်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛ၊

ၿျႃၻိက︀်ႉ 1:9

က︀ဝ်ႈယ︀ႃႇ ပ︀ီႈꩫ︀ွင︀်ႇꩬ︀ူ ယ︀ေႃးꩭၢꩫ︀် ဢ︀ꩫ︀်ႈꩫ︀င︀်ꩬ︀ူꩫ︀က︀ꩫ︀်ႈ ပ︀ီꩫ︀်ႈတ︀ပ︀ေးꩡ︀ဝ်ႛယ︀ေꩬ︀ုꩫ︀မ︀်။ က︀ဝ်ႈက︀ေႃႇ ꩫ︀င︀်က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ မ︀တ︀်ႉꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ် ꩫ︀ႆ︀ႛၵ︀ၢမ︀်ꩫ︀ိက︀်ႉꩬ︀ၢက︀်ႉꩫ︀က︀ꩫ︀်ႈ ꩫ︀ႆ︀ႛၵ︀ၢမ︀်င︀ႆ︀း ꩫ︀ႆ︀ႛက︀ꩫ︀်ႛဢ︀ူꩫ︀မ︀်။ လ︀ႆ︀ၢးပ︀ိူဝ်ႈက︀ဝ်ႈ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးဢ︀ꩫ︀်ႈꩡ︀ဝ်ႛယ︀ေꩬ︀ု ပ︀ုတ︀်ပ︀ျႃးꩭႂ်ႛꩫ︀ႆ︀ႇ တ︀ႅဝ်လ︀ေꩫ︀ႆ︀ႇꩬ︀ီ က︀ဝ်ႈမ︀ႆ︀ႛင︀ွꩫ︀်ႈပ︀ၢတ︀်မ︀ုမ︀ႆ︀ႛ ꩬ︀ူင︀်ၵ︀ွတ︀်ဝႆ︀ႇꩫ︀မ︀်။

ၿျႃၻိက︀်ႉ 3:10

မ︀ႂ်းယ︀ႃႇ ၵ︀ၢမ︀်းက︀ဝ်ႈမ︀ႆ︀ႛထွမ︀်ꩬ︀ီ က︀ꩫ︀်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈက︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ၸ︀ေးတ︀ၢမ︀်ပ︀ူင︀်ႈꩬ︀ီꩡ︀ႅပ︀်ႉꩫ︀ႆ︀ႇ မ︀ႂ်းမ︀ႆ︀ႛယ︀ႃႇလ︀ုက︀်ႉၸ︀ေးမ︀ႆ︀ႛ က︀ဝ်ႈတ︀ီက︀ုမ︀်ႇꩭႂ်ႛꩫ︀မ︀်။