ၸ︀ိလ︀ိပ︀်ပ︀ၢႆ︀ 3:19 - Khamti Shan

¹⁹ ၵ︀ဝ်ယ︀ႃႇ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ႆ︀ႛ ꩭီတ︀်ၸ︀ြႃးၵ︀ဝ်ꩫ︀ႆ︀ႇꩬ︀ီ ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ တ︀ီလ︀ူႇပ︀ႅက︀်ႉက︀ႃꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛꩬ︀င︀် ꩭီတ︀်ဢ︀ၵ︀ႅက︀်ႉꩬ︀ီ က︀မ︀်ႇလ︀ွင︀်ႛက︀ꩫ︀်ႈ၊ လ︀ွင︀်ႈလ︀ေႃးက︀ီꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် ၵ︀ႂ်ႈꩡ︀ႂ်ႈꩬ︀ီဢ︀ူက︀ꩫ︀်ႈꩫ︀မ︀်။

ၸ︀ိလ︀ိပ︀်ပ︀ၢႆ︀ 3:19 Iomraidhean Croise

မ︀တ︀်တ︀ႄး 16:23

ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းမ︀ႆ︀ႛယ︀ိုဝ်ႈꩫ︀ႃႛꩬ︀ီ “ꩭိူဝ်း ၵ︀ုꩫ︀်ꩬ︀ူင︀်။ ၵ︀ႆ︀ၢႇတ︀ႃႉ။ က︀ဝ်ႈမ︀ႆ︀ႛပ︀ီက︀ဝ်း။ ဢ︀ꩫ︀်ႈမ︀ႂ်းဝႃႈꩫ︀ႆ︀ႇ ဢ︀ꩫ︀်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩡ︀ႂ်ႈ။ ဢ︀လ︀ၢင︀်းမ︀ႂ်းꩫ︀ႆ︀ၢႈꩫ︀မ︀်” ꩫ︀ဢ︀ူ။

မ︀တ︀်တ︀ႄး 25:41

ယ︀ဝ်ႇက︀ီး ၸ︀ုင︀်က︀ူꩫ︀်းဢ︀ꩫ︀်ႈပ︀ႃႛꩬ︀ႆ︀ၢႇꩫ︀ႆ︀ႇၵ︀ဝ်မ︀ႆ︀ႛယ︀ႃႇ “ꩬ︀ူဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇꩫ︀ႆ︀ႇၵ︀ဝ်ယ︀ႃႇ ဢ︀ွက︀်က︀ႃတ︀ႃႉ။ မ︀ူဝ်ႛၸ︀ႆ︀းဢ︀ꩫ︀်ႈမ︀ိူဝ်ႈလ︀ႂ်ႈက︀ေႃႇ မ︀ဝ်မ︀ွတ︀်ꩡ︀ၢင︀်ႈ ဢ︀ꩫ︀်ႈꩡ︀ႃႇၵ︀ုꩫ︀်ꩬ︀ူင︀်င︀ႆ︀းꩡ︀ႃႇတ︀ပ︀ေးမ︀ꩫ︀်းၵ︀ဝ်ꩭႅမ︀်းဝႆ︀ႇမ︀ႆ︀ႛ က︀ႃတ︀ူက︀်တ︀ႃႉ။

လ︀ုက︀ႃ 12:19

ယ︀ဝ်ႇက︀ီး “ၵ︀ွꩫ︀်က︀ဝ်ႈꩴ︀း မ︀ႂ်းဢ︀မ︀်လ︀ူင︀်ယ︀ဝ်ႇ။ လ︀ၢက︀်ႉꩫ︀ႆ︀ႇ ꩭွမ︀်ꩫ︀ွေလ︀ႃး။ က︀ီလ︀ႆ︀ၢပ︀ီႈ မ︀ႂ်းꩡ︀ႂ်ႈꩬ︀ူႛꩫ︀င︀်ႈက︀ိꩫ︀်ႈꩬ︀ီ ဢ︀ူပ︀ိဝ်ꩰလ︀ႃး ꩫ︀ꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛတ︀ီဝႃႈꩫ︀မ︀်” ꩫ︀ဝꩫ︀်ႇ။

လ︀ုက︀ႃ 16:19

မ︀ိူဝ်ႈꩫ︀ꩫ︀်ႇ ၸ︀ူႛမ︀ီးက︀ူဝ်ႇလ︀ိူင︀်ႈ ယ︀င︀်းဢ︀ူ။ မ︀ꩫ︀်းယ︀ႃႇ ၵ︀ိူင︀်ႈင︀ဝ်းမ︀က︀်ၵ︀ိူဝ် ၵ︀ိူင︀်ႈမ︀ꩫ︀်ႛဢ︀ꩫ︀်ႈတ︀ွင︀်လ︀ိပ︀်ႉꩰꩫ︀ုင︀်ႈင︀ႆ︀း က︀ူႈမ︀ိုဝ်ႇလ︀ႃႈꩡ︀ေးꩡ︀ိမ︀်ဢ︀ူ။

လ︀ုက︀ႃ 18:4

ꩡ︀ဝ်ႛတ︀ြႃးယ︀ႃႇ ၵ︀ၢမ︀်းမ︀ေႈမ︀ႆ︀ၢႛဢ︀မ︀ႂ်းမ︀ႆ︀ႛ က︀ီလ︀ႆ︀ၢပ︀ၢꩫ︀်ႈဝႆ︀ႇꩬ︀ႆ︀ၢႇမ︀ႃးဢ︀ူ။ ꩫ︀ႆ︀ႇꩫ︀က︀ေႃႇ ပ︀ႆ︀ၢႈꩭၢင︀်မ︀ႆ︀ႛယ︀ႃႇ ꩫ︀ႂ်းꩡ︀ႂ်ႈမ︀ꩫ︀်းမ︀ႆ︀ႛ “က︀ဝ်ႈယ︀ႃႇ ၸ︀ြႃးမ︀ႆ︀ႛက︀ေႃႇ မ︀ဝ်က︀ူဝ်ႈ၊ က︀ူꩫ︀်းမ︀ႆ︀ႛက︀ေႃႇ မ︀ဝ်ꩫ︀ၢပ︀်ႉယ︀မ︀်ႈ။

ရ︀ေႃမ︀ 16:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇဢ︀ꩫ︀်ႈꩭီတ︀်ဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ꩵ︀ႈꩡ︀ႂ်ႈ။ ꩡ︀ႃႇၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈꩫ︀မ︀်ꩭီတ︀်ꩫ︀ႆ︀ႇ။ ၵ︀ဝ်ယ︀ႃႇ ၵ︀ၢမ︀်းဢ︀ꩫ︀်ႈဝၢꩫ︀်၊ ဢ︀ꩫ︀်ႈယ︀ူဝ်ႇꩬ︀ူꩫ︀်းꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀်ဝႃႈꩬ︀ီ က︀ူꩫ︀်းꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ၸ︀ၢမ︀်းဢ︀ူꩫ︀မ︀်။

ရ︀ေႃမ︀ 6:21

တ︀ၢင︀်းက︀ႅင︀်းၵ︀ႃႛဢ︀ပ︀ႅတ︀်ႉဢ︀မ︀ႂ်းၵ︀ဝ်ယ︀ႃႇ ꩡ︀ႃႇꩭၢင︀်းꩬ︀ူဢ︀က︀ိဝ်းက︀ꩬ︀င︀်က︀ေႃႇ ꩵ︀ႈယ︀င︀်းမ︀ႃး။ င︀ႆ︀ႚလ︀ၢႆ︀းပ︀ိူဝ်ႈ တ︀ၢင︀်းက︀ႅင︀်းက︀ဝ်ဢ︀ꩫ︀်ႈꩬ︀ူꩭွꩫ︀်ꩭီတ︀်မ︀ႃး ဢ︀ꩫ︀်ႈꩬ︀ူမ︀ႆ︀ႛ ꩬ︀ူင︀်တ︀ၢင︀်းတ︀ၢႆ︀ႈဢ︀မ︀ႂ်းၵ︀ဝ်ꩬ︀ီ ꩬ︀ူꩫ︀ႆ︀ႛဢ︀ၢႆ︀ႈꩫ︀မ︀်။

က︀ေႃရ︀ိꩫ︀်တ︀ု ႑ 3:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ တ︀ႃႈꩫ︀ႅင︀်ႈက︀ꩫ︀်ႈ၊ ထီင︀်ၵ︀ၢမ︀်းက︀ꩫ︀်ႈꩫ︀ႆ︀ႇယ︀ႃႇ ꩬ︀ူမ︀ႆ︀ႛꩡ︀ႂ်ႈꩫ︀ိူဝ်ႇꩫ︀ိူတ︀်ႉပ︀ေႇထူမ︀်ႛင︀ႆ︀းꩫ︀င︀်ပ︀ႅင︀်ႈမ︀ိူင︀်းက︀ၢင︀်ႈꩫ︀က︀ꩫ︀်ႈဢ︀ူꩬ︀ီꩬ︀ႃး။

က︀ေႃရ︀ိꩫ︀်တ︀ု ႑ 5:2

င︀ႆ︀းꩬ︀ီက︀ေႃႇ ꩬ︀ူꩭလ︀ိုဝ်ꩬ︀ီ မ︀ႃꩫ︀ယ︀ႂ်က︀ꩫ︀်ႈꩫ︀ႆ︀။ ဢ︀ꩫ︀်ႈတ︀ေႇတ︀ေႇက︀ီး ꩬ︀ူယ︀ႃႇ ၵ︀ီၵ︀ီၵ︀ုမ︀်ꩰꩬ︀ီ က︀ူဝ်ႇဢ︀ꩫ︀်ႈꩭီတ︀်ဢ︀ပ︀ႅတ︀်ႉၸ︀ꩫ︀်းဢ︀မ︀ႂ်းမ︀ႆ︀ႛက︀ေႃႇ လ︀ုက︀်ႉꩫ︀ႂ်းꩬ︀ူမ︀ႆ︀ႛ ထုက︀်ꩭူဝ်ႛဢ︀ွက︀်ၵ︀ွတ︀်ꩫ︀မ︀်။

က︀ေႃရ︀ိꩫ︀်တ︀ု ႑ 5:6

လ︀ွင︀်ႈꩫ︀ႆ︀ႇမ︀ႆ︀ႛယ︀ႃႇ ꩬ︀ူက︀မ︀်ႇလ︀ွင︀်ႛꩫ︀ႆ︀ႇ ꩵ︀ႈꩫ︀ီႈပ︀ိူင︀်ႈလ︀ူင︀်။ ꩬ︀ဝ်ၵ︀ၢမ︀်းဢ︀ꩫ︀်ႈ “ယ︀ႃႛꩫ︀ၢင︀်းၵ︀ၢဝ်ꩡ︀ွꩫ︀်လ︀ိူင︀်ႈꩫ︀ႆ︀ႇ ၵ︀ဝ်ႛမ︀ိူဝ်ႈတ︀င︀်းပ︀ုမ︀်းမ︀ႆ︀ႛ ဢ︀ဝ်ႈၸ︀ူဝ်းဢ︀ူ” ꩫ︀ꩫ︀ႆ︀ႇမ︀ႆ︀ႛꩬ︀ူတ︀ွင︀်းမ︀ဝ်ꩡ︀ႂ်ႈ။

က︀ေႃရ︀ိꩫ︀်တ︀ု ႒ 11:12

ꩫ︀ႆ︀ႇꩬ︀ေႇမ︀ဝ်က︀ႃး တ︀မ︀ၢꩫ︀်မ︀ိက︀်ႉꩬ︀ႃဢ︀ꩫ︀်ႈꩫ︀င︀်တ︀ူႈꩫ︀က︀ꩫ︀်ႈꩭီတ︀်ဢ︀ူꩫ︀ꩬ︀ီ က︀မ︀်ႇလ︀ွင︀်ႛဢ︀မ︀ႂ်းၵ︀ဝ် ꩭႂ်ႛပ︀ူဝ်းက︀မ︀်ႇလ︀ွင︀်ႛမ︀ဝ်ꩫ︀ႆ︀ႛꩫ︀ႆ︀ႇ က︀ဝ်ႈꩫ︀င︀်င︀ႆ︀ႚꩫ︀က︀ꩫ︀်ႈ တ︀ီက︀ၢပ︀်ꩭီတ︀်က︀ႃꩫ︀မ︀်။

က︀ေႃရ︀ိꩫ︀်တ︀ု ႒ 11:15

င︀ႆ︀းꩫ︀ႆ︀ႇꩬ︀ီ တ︀ပ︀ေးမ︀ꩫ︀်းၵ︀ဝ်က︀ေႃႇ ꩭႅꩫ︀်းꩭီတ︀်ၸ︀ူႛꩡ︀ႂ်ႇꩬ︀ိုဝ်ႈတ︀ူဝ် ဢ︀ꩫ︀်ႈတ︀ႅဝ်ꩬ︀မ︀်မ︀ႃတ︀ြႃးꩫ︀ႆ︀ႇ ꩵ︀ႈလ︀ၢက︀်။ ပ︀ႆ︀ၢႈꩭၢင︀်မ︀ႆ︀ႛယ︀ႃႇ ဢ︀ꩫ︀်ႈꩫ︀င︀်ၵ︀ဝ်ထႅက︀်ႉꩫ︀ႆ︀ႇ ၵ︀ဝ်တ︀ီꩫ︀ႆ︀ႛꩫ︀မ︀်။

က︀လ︀ႃတ︀ိ 6:13

ꩫ︀ႆ︀ႇꩫ︀က︀ေႃႇ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈက︀ေႃႇ က︀ျမ︀်းꩬ︀ိꩫ︀်ꩵ︀ႈက︀မ︀်ႈက︀ႅင︀်းတ︀ေႇတ︀ေႇ။ ꩬ︀ူမ︀ႆ︀ႛၵ︀ဝ်ၵ︀ႂ်ႈꩭႂ်ႛꩭၢပ︀်ႉမ︀ၢင︀်က︀လ︀ႃꩫ︀ႆ︀ႇယ︀ႃႇ ꩬ︀ူမ︀ႆ︀ႛပ︀တ︀်ပ︀ႆ︀ၢႈꩫ︀င︀်ꩭႂ်ႛက︀ီး ꩬ︀ူပ︀ီꩫ︀်ႈတ︀ပ︀ေးၵ︀ဝ်ယ︀ဝ်ႇꩫ︀ꩬ︀ီ ၵ︀ႂ်ႈဢ︀ဝ်ႈꩫ︀ႃႛꩬ︀ီꩫ︀မ︀်။

ၸ︀ိလ︀ိပ︀်ပ︀ၢႆ︀ 2:21

တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ ꩡ︀ႃႇၸ︀ႂ်ꩡ︀ႃႇမ︀ꩫ︀်းꩫ︀ႆ︀ၢႈꩫ︀မ︀် ၵ︀ႂ်ႈꩡ︀ႂ်ႈက︀ꩫ︀်ႈꩫ︀ႆ︀ႇ။ ꩡ︀ႃႇꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ၸ︀ႂ်က︀ေႃႇꩵ︀ႈၵ︀ႂ်ႈꩡ︀ႂ်ႈ။

က︀ေႃလ︀ေႃတ︀ႄ 3:2

ꩬ︀ူ လ︀ွင︀်ႈမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ မ︀ဝ်ꩭွႆ︀ႛꩡ︀ႂ်ႈꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ꩡ︀ႃႇꩬ︀ူꩭႅမ︀်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ꩭွႆ︀ႛꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:9

ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛတ︀ီယ︀ူဝ်းယ︀ွင︀်ႛက︀ꩫ︀်ႈ၊ တ︀ီဢ︀ၢမ︀်းက︀ꩫ︀်ႈꩫ︀မ︀်။ မ︀ိူဝ်ႈဢ︀မ︀ႂ်း ၸ︀ူႛဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်ယ︀ႃႇ တ︀င︀်းမ︀ꩫ︀်းꩡ︀ဝ်ႛꩵ︀ႈꩫ︀ႆ︀ႛဢ︀ူ။ မ︀ူꩫ︀်ႈၸ︀ုင︀်းမ︀ၢင︀်က︀လ︀ႃမ︀ꩫ︀်းꩡ︀ဝ်ႛမ︀ႆ︀ႛ ꩵ︀ႈꩫ︀ႆ︀ႛꩭꩫ︀်လ︀ေႚလ︀ေႚယ︀ဝ်ႇ။ ၵ︀ဝ်ယ︀ႃႇ တ︀ီꩫ︀ႆ︀ႛ တ︀ူက︀်ꩫ︀ႂ်းၻုက︀်ႉၵ︀က︀တ︀်က︀ိူꩫ︀်မ︀ဝ်ꩬ︀ုတ︀်ꩡ︀ၢင︀်ႈꩫ︀မ︀်။ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူယ︀ႃႇ က︀ွပ︀်ႉပ︀ိူဝ်ႈဢ︀ꩫ︀်ႈတ︀ူႈꩬ︀င︀်ꩬ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛ ꩭၢပ︀်ႉဢ︀ဝ်ႈꩫ︀ႆ︀ႇꩬ︀ီ က︀ုမ︀်ႛဢ︀ꩫ︀်ႈယ︀ူဝ်းယ︀ွင︀်ႛမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီꩫ︀ႆ︀ႛလ︀ွေႛꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:12

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈꩬ︀မ︀်မ︀ႃတ︀ြႃးꩡ︀ဝ်ႛယ︀ေꩬ︀ုမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩬ︀ီ ထုက︀်ꩡ︀ႂ်ႈတ︀ၢင︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ူင︀်ႈတ︀ၢမ︀်ဢ︀ပ︀ႅတ︀်ႉက︀ႃꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:8

မ︀ိူဝ်ႈဢ︀မ︀ႂ်း ၵ︀ုꩫ︀်မ︀ိက︀်ႉꩬ︀ႃꩫ︀ႆ︀ႇတ︀ီဢ︀ွက︀်မ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ မ︀ိူဝ်ႈꩡ︀ဝ်ႛယ︀ေꩬ︀ုက︀ျွႃးမ︀ႃးပ︀ွက︀်ႉꩫ︀ႆ︀ႇ ၵ︀ုꩫ︀်မ︀ိက︀်ႉꩬ︀ႃဢ︀မ︀ႂ်းမ︀ႆ︀ႛ ၸ︀ူႈဢ︀ဝ်ႈတ︀ႆ︀ၢႈၵ︀ွတ︀်ꩬ︀ီ ဢ︀ဝ်ႈလ︀ွင︀်တ︀ူဝ်မ︀ꩫ︀်းꩡ︀ဝ်ႛ တ︀ီယ︀ႃႇၵ︀ွတ︀်ꩫ︀မ︀်။

တ︀ိမ︀ေႃတ︀ေ ႑ 6:5

ဢ︀ꩫ︀်ႈဢ︀ဝ်ႈထီင︀်က︀ꩫ︀်ႈꩥ︀ႅင︀်ႇက︀ꩫ︀်ႈ မ︀ဝ်ꩬ︀ုတ︀်ꩡ︀ၢင︀်ႈꩫ︀မ︀်။ က︀ူဝ်ႇဢ︀ꩫ︀်ႈꩭီတ︀်င︀ႆ︀းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩡ︀ႂ်ႈက︀ꩫ︀်ႛꩫ︀ႂ်းလ︀ူႇ၊ ဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛမ︀ဝ်တ︀ွင︀်းꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈꩭီတ︀်လ︀ွင︀်ႈၸ︀ြႃးတ︀ြႃးꩫ︀ꩫ︀ႆ︀ႇ ၵ︀ꩫ︀်တ︀ႂ်းဢ︀မ︀ူး ဢ︀ꩫ︀်ႈတ︀ီပ︀ီꩫ︀်ႈၸ︀ူႛမ︀ီးလ︀ူင︀်ꩫ︀မ︀်။

တ︀ိမ︀ေႃတ︀ေ ႒ 3:4

ဢ︀ꩫ︀်ႈၸ︀ုꩫ︀်ႇꩬ︀ႅတ︀်ႉꩡ︀ႃက︀ꩫ︀်ႈ၊ ဢ︀ꩫ︀်ႈꩭီတ︀်ဝၢင︀်ꩭီတ︀်ဝူꩫ︀်း၊ မ︀ႃꩫ︀ထူမ︀်ႛတ︀ူဝ်ႈက︀ꩫ︀်ႈင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛပ︀ႆ︀ၵ︀ွတ︀်ꩬ︀ီ ၵ︀ႃတ︀ၢင︀်းပ︀ိဝ်က︀ꩫ︀်ႈꩫ︀ႆ︀ႇၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

ယ︀ႃက︀ု 4:16

င︀ႆ︀ႚယ︀ႃႇꩬ︀ူ မ︀ႃꩫ︀ယ︀ႂ်ꩬ︀ီက︀မ︀်ႇလ︀ွင︀်ႛက︀ꩫ︀်ႈဢ︀ူ။ ဢ︀ꩫ︀်ႈက︀မ︀်ႇလ︀ွင︀်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ၸ︀ိတ︀်ဢ︀ူ။

ပ︀ေတ︀ရ︀ု ႒ 2:1

ꩫ︀ႆ︀ႇꩫ︀က︀ေႃႇ ꩫ︀င︀်က︀ꩫ︀်ႛꩫ︀ႂ်းဢ︀ီတ︀်ꩡ︀ရ︀ေးꩭဝ်းမ︀ႆ︀ႛ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃꩫ︀ႆ︀ႇၵ︀ဝ်ယ︀င︀်းမ︀ႃးꩫ︀က︀ꩫ︀်ႈ က︀ꩫ︀်ႛꩫ︀ႂ်းꩬ︀ူမ︀ႆ︀ႛက︀ေႃႇ ꩬ︀ြႃမ︀ိက︀်ႉꩬ︀ႃꩫ︀ႆ︀ႇၵ︀ဝ်တ︀ီမ︀ႃးꩫ︀မ︀်။ ၵ︀ဝ်ယ︀ႃႇ ꩬ︀ူမ︀ႆ︀ႛမ︀ႃးင︀ႆ︀းလ︀ွင︀်ႈဢ︀ꩫ︀်ႈက︀ူꩫ︀်းမ︀ႆ︀ႛ တ︀ီဢ︀ဝ်ႈလ︀ူႇပ︀ႅက︀်ႉ၊ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၸ︀ိတ︀်ꩫ︀ႆ︀ႇၵ︀ဝ် လ︀ၢက︀်ႉꩬ︀ွတ︀်ႉꩬ︀ွꩫ︀်ꩭႂ်ႛင︀ႆ︀းꩬ︀ီ ꩡ︀ိူမ︀်ႈက︀ႃႈ ꩡ︀ဝ်ႛက︀ေႛၵ︀ျွတ︀်ႉၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း တ︀ီပ︀ႆ︀ၵ︀ွတ︀်ꩫ︀မ︀်။ င︀ႆ︀းꩬ︀ီ ၵ︀ဝ်ယ︀ႃႇ ꩡ︀ိဝ်းꩰတ︀ီလ︀ူႇပ︀ႅက︀်ႉက︀ႃꩫ︀မ︀်။

ပ︀ေတ︀ရ︀ု ႒ 2:13

ၵ︀ဝ်ပ︀ိူꩫ︀်ႈမ︀ႆ︀ႛ ꩭီတ︀်ၸ︀ေးမ︀ႃးꩫ︀ႆ︀ႇꩬ︀ီ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီꩭီတ︀်ၸ︀ေးပ︀ွက︀်ႉꩫ︀မ︀်။ ၵ︀ဝ်ယ︀ႃႇ က︀ၢင︀်ႈဝꩫ︀်းလ︀ူင︀်က︀ေႃႇ လ︀ွင︀်ႈပ︀ိဝ်ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ လ︀မ︀်ၵ︀ွတ︀်ႉꩰဢ︀ူꩫ︀မ︀်။ ꩬ︀ူမ︀ႆ︀ႛက︀ေႃႇ ၸ︀ၢမ︀်းင︀ႆ︀း တ︀င︀်းꩬ︀ူꩭူမ︀်ႈက︀ိꩫ︀်ႈꩬ︀ီ ꩬ︀ူမ︀ႆ︀ႛ ဢ︀ဝ်ႈမ︀ူꩫ︀်ႈယ︀ွမ︀်း ဢ︀ဝ်ႈꩫ︀ႆ︀ႛဢ︀ႆ︀ၢႈလ︀ူင︀်ꩫ︀မ︀်။

ပ︀ေတ︀ရ︀ု ႒ 2:3

ၵ︀ဝ်ယ︀ႃႇ လ︀ေႃးၸ︀ႃးင︀ိူꩫ︀်းꩫ︀ႆ︀ႇꩬ︀ီ ထဝ်မ︀ၢက︀်မ︀ူဝ်ꩫ︀ႆ︀ႇၵ︀ဝ် ꩬ︀ူမ︀ႆ︀ႛ ၵ︀ႆ︀ႈꩬ︀ီတ︀ီၸ︀ၢမ︀်းဢ︀ဝ်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛပ︀ႅတ︀်ႉတ︀ြႃးက︀ွတ︀်ꩫ︀ꩬ︀ီ လ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ ꩭႅမ︀်းဝႆ︀ႇယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီဢ︀ဝ်ႈလ︀ူႇပ︀ႅက︀်ႉတ︀ေႇတ︀ေႇယ︀ဝ်ႇ။

ယ︀ုတ︀ 1:10

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ဝ်မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ေးလ︀ေးင︀ႆ︀းꩬ︀ီ ꩫ︀င︀်ꩫ︀ိူဝ်ႇမ︀ိူဝ်ႛဢ︀ꩫ︀်ႈၵ︀ႂ်ႈꩡ︀ႂ်ႈမ︀ဝ်ꩡ︀ၢင︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ဢ︀ꩫ︀်ႈꩫ︀င︀်ၵ︀ဝ်တ︀ွင︀်းꩫ︀က︀ꩫ︀်ႈꩫ︀ႆ︀ၢႈꩬ︀ိုင︀်ꩭီတ︀်ꩬ︀ီ ၵ︀ဝ်ၸ︀ူႛꩡ︀ဝ်ႛမ︀ႆ︀ႛ ဢ︀ဝ်ႈလ︀ူႇပ︀ႅက︀်ႉက︀ႃက︀ꩫ︀်ႈဢ︀ူ။

ယ︀ုတ︀ 1:16

က︀ူꩫ︀်းဢ︀မ︀ႂ်းၵ︀ဝ်ယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ၵ︀င︀်းꩰꩫ︀ၢႆ︀ꩫ︀ၢႆ︀င︀ႆ︀း၊ ပ︀ိူꩫ︀်ႈမ︀ႆ︀ႛတ︀ၢင︀်ဢ︀ပ︀ႅတ︀်ႉလ︀ေင︀ႆ︀း၊ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀်ꩡ︀ွမ︀်းင︀ႆ︀း၊ က︀မ︀်ႇလ︀ွင︀်ႛင︀ႆ︀း၊ ပ︀ိူꩫ︀်ႈမ︀ႆ︀ႛၵ︀ၢမ︀်းဝၢꩫ︀်ဝၢꩫ︀်တ︀ၢꩫ︀်ႛင︀ႆ︀း ဢ︀က︀ိဝ်းၸ︀ူႛꩡ︀ဝ်ႛꩫ︀ႆ︀ၢႈꩬ︀ိုင︀်ၵ︀ႃဢ︀ူꩫ︀မ︀်။

ယ︀ုတ︀ 1:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀ႂ်းꩡ︀ိူဝ်းꩬ︀ူမ︀ႆ︀ႛ က︀ူꩫ︀်းဢ︀ꩫ︀်ႈꩭႅꩫ︀်းꩭီတ︀်က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် လ︀ၢက︀်ႉꩬ︀ွတ︀်ႉꩬ︀ီၵ︀ဝ်ႛမ︀ႃးယ︀ဝ်ႇ။ ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ၸ︀ူႛပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈမ︀ႆ︀ႛ ပ︀ႆ︀ၵ︀ွတ︀်ꩬ︀ေႇမ︀ဝ်က︀ႃး က︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ီꩫ︀ူႈꩭၢက︀်ႉꩭွမ︀်ၸ︀ႅဝ်ꩫ︀ႆ︀ႇꩬ︀ီ ꩭဝ်းက︀ၢပ︀်ꩬ︀ီၸ︀ိတ︀်က︀ႃႛမ︀ဢ︀ူꩫ︀က︀ေႃႇ မ︀ꩫ︀်းꩡ︀ဝ်ႛပ︀ွႆ︀လ︀ွတ︀်ႉꩭႂ်ႛဢ︀ူꩫ︀ꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ဢ︀ဝ်ႈၸ︀ႆ︀ꩬ︀ီꩬ︀ွꩫ︀်လ︀ေဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်ꩫ︀ꩫ︀ႆ︀ႇ လ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ တ︀ႅမ︀်ႛဝႆ︀ႇယ︀ဝ်ႇꩰ။

ၿျႃၻိက︀်ႉ 18:7

မ︀ꩫ︀်းယ︀ႃႇ ဢ︀ဝ်ႈꩡ︀ေးꩡ︀ိမ︀်က︀ႃႛမ︀က︀ုင︀်မ︀ꩫ︀်း ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ယ︀ွင︀်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛꩫ︀ိက︀်ႉꩬ︀ၢက︀်ႉꩬ︀ီ ဢ︀ဝ်ႈၵ︀ီၵ︀ုမ︀်ပ︀ွက︀်ႉတ︀ႃႉ။ မ︀ꩫ︀်းယ︀ႃႇ “က︀ဝ်ႈ ပ︀ီꩫ︀်ႈꩫ︀ၢင︀်းꩭူဝ်ၵ︀မ︀်းꩫ︀မ︀်။ မ︀ေႈမ︀ႆ︀ၢႛꩵ︀ႈꩡ︀ႂ်ႈ။ က︀ဝ်ႈꩵ︀ႈꩭွꩫ︀်ၵ︀ီၵ︀ုမ︀်” ꩫ︀ꩬ︀ီ ꩫ︀ႂ်းꩡ︀ႂ်ႈမ︀ႆ︀ႛဝႃႈမ︀ႃးဢ︀ူ။

ၿျႃၻိက︀်ႉ 19:20

ꩫ︀ႆ︀ႇꩫ︀က︀ေႃႇ က︀ုမ︀်ႛꩡ︀ဝ်ႛဢ︀ꩫ︀်ႈၵ︀ီမ︀ႃႇၸ︀ိူက︀်ယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛꩬ︀ႅဝ်ႛၵ︀ွတ︀်ဢ︀ူ။ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀ꩫ︀်ႈ ꩡ︀ုမ︀်ႛတ︀ူဝ်ႈꩭႆ︀ၢႇꩭၢပ︀်ႉဢ︀ဝ်ႈꩬ︀ီ ပ︀ၢင︀်ႈꩫ︀ႃႛမ︀ꩫ︀်းမ︀ႆ︀ႛ က︀ူꩫ︀်းဢ︀ꩫ︀်ႈပ︀ႆ︀ၢႛꩭုꩫ︀်ꩭၢင︀်ႈမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ပ︀ျႃးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းင︀ႆ︀းꩬ︀ီ ၸ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ႅဝ်ႛၵ︀ွတ︀်ဢ︀ူ။ ယ︀ဝ်ႇက︀ီး တ︀ူဝ်ႈꩭႆ︀ၢႇင︀ႆ︀းပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ꩫ︀ိပ︀်ꩰꩫ︀ႅင︀်ႈꩰ ပ︀ိုဝ်တ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇၵ︀ွတ︀်ဢ︀ူ။

ၿျႃၻိက︀်ႉ 21:8

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ူဝ်ႈꩭႆ︀ၢႇ၊ ဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်း၊ ဢ︀ꩫ︀်ႈၵ︀ိူင︀်ႈꩫ︀ီႈမ︀ုက︀်ႉလ︀ႆ︀ၢး၊ ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛလ︀ၢပ︀်ႉတ︀ႃႈ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇ တ︀ီꩫ︀ႆ︀ႛတ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇꩫ︀မ︀်။ ဢ︀မ︀ႂ်းယ︀ႃႇ ဢ︀ꩫ︀်ႈတ︀ႆ︀ၢႈတ︀ုတ︀ိယ︀ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 22:15

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈꩡ︀ႂ်ႈက︀ူꩫ︀်းမ︀ဝ်ယ︀င︀်းꩫ︀ႆ︀ႇၵ︀ဝ်၊ ဢ︀ꩫ︀်ႈꩡ︀ွႆ︀းပ︀ိူꩫ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းꩫ︀ႆ︀ႇၵ︀ဝ်၊ ၸ︀ူႛပ︀ႆ︀ၢႛꩭုꩫ︀်ꩭၢင︀်ႈꩫ︀ႆ︀ႇၵ︀ဝ်၊ ၸ︀ူႛၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇက︀ꩫ︀်ႛꩫ︀ႂ်းဝီင︀်းမ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ။