ၸ︀ိလ︀ိပ︀်ပ︀ၢႆ︀ 3:10 - Khamti Shan

¹⁰ ꩫ︀ိူဝ်တ︀င︀်းမ︀ိူင︀်းမ︀ႆ︀ႛ ဢ︀ꩫ︀်ႈက︀ဝ်ႈၵ︀ႅꩫ︀်းလ︀ႅင︀်ႇꩫ︀ႆ︀ႇယ︀ႃႇ ꩭႂ်ႛပ︀ူဝ်းက︀ဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀မ︀ိူင︀်း၊ တ︀ꩫ︀်းၵ︀ူဝ်းဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးမ︀ႆ︀ႛတ︀မ︀ိူင︀်း၊ ꩭူႇတ︀ွင︀်းင︀ႆ︀း၊ ꩭႂ်ႛပ︀ူဝ်းၻုက︀်ႉၵ︀မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛၵ︀ၢမ︀်လ︀ွေႛꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛတ︀ႆ︀ၢႈမ︀ႆ︀ႛ ꩫ︀ႆ︀ႛတ︀ႆ︀ၢႈလ︀ွေႛꩫ︀ႆ︀ႇꩫ︀မ︀်။

ၸ︀ိလ︀ိပ︀်ပ︀ၢႆ︀ 3:10 Iomraidhean Croise

မ︀တ︀်တ︀ႄး 20:23

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “ꩫ︀င︀်က︀ဝ်ႈၵ︀ၢမ︀်ဝေၻꩫ︀ႃꩫ︀က︀ꩫ︀်ႈ ꩬ︀ွင︀်ၵ︀ိူဝ်က︀ေႃႇ တ︀ီꩫ︀ႆ︀ႛၵ︀ၢမ︀်တ︀ေႇတ︀ေႇꩬ︀ႃး။ ꩫ︀ႆ︀ႇꩫ︀က︀ေႃႇ ဢ︀ၵ︀ၢင︀်းဢ︀ꩫ︀်ႈတ︀ီပ︀ၢင︀်ꩫ︀င︀်ႈပ︀ႃႛꩬ︀ႆ︀ၢႇပ︀ႃႛၵ︀ႃက︀ဝ်ႈꩫ︀ႆ︀ႇယ︀ႃႇ က︀ဝ်ႈꩭႂ်ႛꩵ︀ႈꩫ︀ႆ︀ႛ။ တ︀ီႈဢ︀မ︀ႂ်းၵ︀ဝ်ယ︀ႃႇ ꩡ︀ႃႇက︀ူဝ်ႇဢ︀ꩫ︀်ႈပ︀ူဝ်က︀ဝ်ႈꩭႅမ︀်းဝႆ︀ႇꩫ︀ႆ︀ႇၵ︀ဝ်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 10:18

ဢ︀ꩬ︀ၢက︀်ႉက︀ဝ်ႈမ︀ႆ︀ႛ ၸ︀ႂ်က︀ေႃႇ ဢ︀ဝ်ႈꩵ︀ႈꩫ︀ႆ︀ႛ။ က︀ဝ်ႈၸ︀ူႛꩡ︀ဝ်ႛꩫ︀မ︀် ၵ︀ွတ︀်ꩫ︀ႆ︀ႇ။ က︀ဝ်ႈမ︀ႆ︀ႛ ဢ︀ၵ︀ၢင︀်းဢ︀ꩫ︀်ႈၵ︀ွတ︀်ဢ︀ꩬ︀ၢက︀်ႉတ︀မ︀ိူင︀်း ဢ︀ၵ︀ၢင︀်းဢ︀ꩫ︀်ႈဢ︀ဝ်ႈဢ︀ꩬ︀ၢက︀်ႉပ︀ွက︀်ႉꩫ︀ႆ︀ႇတ︀မ︀ိူင︀်း ယ︀င︀်းဢ︀ူ။ က︀ဝ်ႈမ︀ႆ︀ႛ ပ︀ူဝ်က︀ဝ်ႈꩡ︀ႂ်ႇꩫ︀ႆ︀ႇ ꩭၢင︀်းꩭီတ︀်ဢ︀ꩫ︀်ႈꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 17:3

တ︀ၢင︀်းဢ︀ꩫ︀်ႈꩫ︀ႆ︀ႛ ဢ︀ꩬ︀ၢက︀်ႉထႃဝရ︀ꩫ︀ꩫ︀ႆ︀ႇယ︀ႃႇ မ︀ႂ်းꩡ︀ဝ်ႛ ၸ︀ူႛပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉꩬ︀ူလ︀ိဝ်ႈꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇမ︀ႆ︀ႛ တ︀ွင︀်းꩫ︀ႆ︀ႇတ︀ီၵ︀ႃႛꩫ︀မ︀်။

ရ︀ေႃမ︀ 8:17

က︀ွပ︀်ႉပ︀ိူဝ်ႈꩭဝ်း ပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဢ︀က︀ိဝ်းမ︀ၢင︀်က︀လ︀ႃဢ︀ꩫ︀်ႈꩡ︀ႃႇက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩡ︀ွင︀်ဝႆ︀ႇꩫ︀ႆ︀ႇ ꩭဝ်းတ︀ီꩫ︀ႆ︀ႛꩫ︀မ︀်။ မ︀ူꩫ︀်ႈင︀ဝ်းဢ︀ꩫ︀်ႈꩡ︀ႃႇꩭၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ွင︀်ဝႆ︀ႇꩫ︀ႆ︀ႇက︀ေႃႇ ꩭဝ်းတ︀ီꩫ︀ႆ︀ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်း ꩫ︀င︀်ꩡ︀ဝ်ႛယ︀ေꩬ︀ုꩫ︀က︀ꩫ︀်ႈ ꩫ︀ႆ︀ႛꩭူမ︀်ႈၵ︀ၢမ︀်ၻုက︀်ႉၵ︀က︀ီး ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈ မ︀ူꩫ︀်ႈၸ︀ုင︀်းက︀ေႃႇတ︀ီꩫ︀ႆ︀ႛꩫ︀မ︀်။

ရ︀ေႃမ︀ 8:29

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ လ︀ိူက︀်ႉဢ︀ဝ်ႈဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်လ︀ုက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ဢ︀ဝ်ႈပ︀ီꩫ︀်ႈꩭႂ်ႛဢ︀ူ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩫ︀ႂ်းက︀ူꩫ︀်းမ︀ꩫ︀်းꩡ︀ဝ်ႛတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ီꩫ︀်ႈလ︀ုက︀်ႉꩡ︀ႆ︀ၢးလ︀ူင︀်မ︀ႃးꩫ︀ႆ︀ႇꩫ︀မ︀်။

ရ︀ေႃမ︀ 8:36

“လ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ီ တ︀ူႈၵ︀ႃႛမ︀ႆ︀ႛ ဢ︀ဝ်ႈတ︀ႆ︀ၢႈက︀ွတ︀်ꩫ︀ꩬ︀ီ ၸ︀ႃႇတ︀င︀်းဝꩫ︀်းပ︀ိူꩫ︀်ႈꩭိူတ︀်ယ︀ွက︀်ဢ︀ူ။ ꩫ︀င︀်ပ︀ူႇဢ︀ꩫ︀်ႈတ︀ီပ︀ူဝ်ႇꩫ︀က︀ꩫ︀်ႈꩫ︀မ︀် တ︀ူႈၵ︀ႃႛမ︀ႆ︀ႛ ပ︀ိူꩫ︀်ႈမ︀တ︀်ႉꩫ︀ႆ︀ႇ” ꩫ︀ꩬ︀ီ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀က︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 1:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀ူႈမ︀ႆ︀ႛလ︀ုက︀်ႉꩫ︀ႂ်းၸ︀ေးတ︀ႆ︀ၢႈ ဢ︀ꩫ︀်ႈၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛ က︀ၢပ︀်ꩬ︀ီက︀ေႃႇ တ︀ူႈမ︀ႆ︀ႛတ︀ီၵ︀ေꩬ︀ေꩭႂ်ႛက︀ႃꩫ︀မ︀်ꩫ︀ꩫ︀ႆ︀ႇ တ︀ူႈတ︀မ︀်းꩡ︀ႂ်ႈဢ︀ူ။ ꩫ︀င︀်ꩬ︀ူယ︀ွꩫ︀်းꩬ︀ူးꩭႂ်ႛꩫ︀က︀ꩫ︀်ႈ မ︀ꩫ︀်းꩡ︀ဝ်ႛတ︀ူႈမ︀ႆ︀ႛ က︀ၢပ︀်ꩬ︀ီတ︀ီၵ︀ေꩬ︀ေꩭႂ်ႛꩫ︀မ︀်ꩫ︀ꩬ︀ီ တ︀ူႈတ︀ႂ်းထႃႛဢ︀ူꩫ︀မ︀်။ င︀ႆ︀းက︀ီး ဢ︀ꩫ︀်ႈတ︀ူႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းပ︀ူင︀်ႈꩭႂ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀်ꩭꩫ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 1:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်ꩰလ︀ၢႆ︀လ︀ၢႆ︀မ︀ႆ︀ႛ ꩭဝ်းꩫ︀ႆ︀ႛၵ︀ၢမ︀်လ︀ွေႛꩫ︀က︀ꩫ︀်ႈ ဢ︀ꩫ︀်ႈလ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇက︀ေႃႇ ꩫ︀မ︀်လ︀ႆ︀ၢလ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 13:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ မ︀ိူဝ်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩫ︀ႆ︀ႛၵ︀ၢမ︀်တ︀ွက︀်တ︀ႆ︀ၢႈꩫ︀ႆ︀ႇ ꩭႅင︀်းဢ︀ေꩫ︀က︀ေႃႇ င︀ႆ︀ႚယ︀ႃႇဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ူႈက︀ေႃႇတ︀င︀်းꩡ︀ဝ်ႛၵ︀ရ︀ီတ︀်လ︀ွမ︀်ႈလ︀မ︀်းက︀ꩫ︀်ႈꩬ︀ီ ꩭႅင︀်းဢ︀ေဢ︀ူ။ ꩫ︀ႆ︀ႇꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛင︀ႆ︀ႚပ︀ီꩫ︀်ႈဢ︀ူꩫ︀က︀ꩫ︀်ႈ တ︀ူႈက︀ေႃႇ ဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႂ်းꩬ︀ူမ︀ႆ︀ႛ တ︀ီဢ︀ူꩫ︀မ︀်။

က︀လ︀ႃတ︀ိ 2:20

င︀ႆ︀းꩫ︀ႆ︀ႇꩬ︀ီ က︀ဝ်ႈယ︀ႃႇ င︀ႆ︀ႚꩵ︀ႈယ︀င︀်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ။ င︀ႆ︀ႚက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ဢ︀ဝ်ႈတ︀ၢင︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀မ︀်။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩭၢက︀်ႉꩬ︀ီ ꩡ︀ႃႇက︀ဝ်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

က︀လ︀ႃတ︀ိ 6:17

လ︀ုက︀်ႉင︀ႆ︀ႚက︀ူဝ်ꩬ︀ီ က︀ဝ်ႈမ︀ႆ︀ႛၸ︀ႂ်က︀ေႃႇ ဢ︀ဝ်ႈလ︀ွင︀်ႈꩫ︀ႆ︀ႇၵ︀ဝ် ပ︀ီမ︀ႃးဢ︀ဝ်ႈယ︀ပ︀်ယ︀ဝ်ႇ။ ꩭွႆ︀းတ︀ီႈꩡ︀ီပ︀်ဢ︀ꩫ︀်ႈက︀ဝ်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်ယ︀ႃႇ က︀ဝ်ႈပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်ꩫ︀ꩫ︀ႆ︀ႇ ပ︀ျႃးဢ︀ူꩫ︀မ︀်။

ဢ︀ေၸ︀ႅတ︀် 4:13

င︀ႆ︀းꩬ︀ီꩭဝ်း ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီလ︀ိူင︀်ႈ မ︀ꩫ︀်းꩡ︀ဝ်ႛမ︀ႆ︀ႛတ︀ွင︀်းꩬ︀ီလ︀ိူင︀်ႈ တ︀ူဝ်ထိုင︀်ꩭဝ်းတ︀င︀်းမ︀ိူင︀်း ပ︀ီꩫ︀်ႈꩡ︀ႂ်ႈလ︀ိဝ်ႈမ︀ႃးက︀ꩫ︀်ႈꩫ︀ႆ︀ႇ ဝႃႈက︀ၢပ︀်ꩭီတ︀်က︀ႃꩫ︀မ︀်။ င︀ႆ︀းက︀ီး ꩭဝ်းယ︀ႂ်က︀ေမ︀ႃးꩬ︀ီ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛပ︀ႅင︀်ႈꩡ︀ွမ︀်ႈꩭဝ်းꩫ︀က︀ꩫ︀်ႈ တ︀ီတ︀ီမ︀်ႈက︀ုမ︀်မ︀ႃးꩫ︀မ︀်။

ၸ︀ိလ︀ိပ︀်ပ︀ၢႆ︀ 3:8

ဢ︀ꩫ︀်ႈꩡ︀ဝ်ႛက︀ဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ က︀ဝ်ႈꩫ︀ႆ︀ႛꩭူႇတ︀ွင︀်းမ︀ႃးꩫ︀ႆ︀ႇယ︀ႃႇ ဢ︀မ︀ႂ်းၵ︀ဝ်မ︀ႆ︀ႛမ︀ဝ်က︀ႃး တ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛမ︀ႅတ︀်ႉꩬ︀ႃꩫ︀ႆ︀ႇꩬ︀ီ ဢ︀မ︀ႂ်းၵ︀ဝ်တ︀င︀်းမ︀ိူင︀်းယ︀ႃႇ က︀ꩬ︀င︀်က︀ေႃႇꩵ︀ႈꩡ︀ႂ်ႈယ︀ဝ်ႇ။ ꩭႂ်ႛပ︀ူဝ်းက︀ဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းꩫ︀ႆ︀ႛဢ︀ူꩫ︀ႂ်းမ︀ꩫ︀်းꩡ︀ဝ်ႛꩫ︀ႆ︀ႇ ဢ︀မ︀ႂ်းၵ︀ဝ်တ︀င︀်းမ︀ိူင︀်းမ︀ႆ︀ႛ မ︀တ︀်ႉၵ︀ွꩫ︀်ႛၵ︀ႅက︀်ႉꩬ︀ီၵ︀ွတ︀်ယ︀ဝ်ႇ။ က︀ဝ်ႈꩭႂ်ႛပ︀ူဝ်းပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈတ︀ူဝ်ꩫ︀ႆ︀ႇ က︀မ︀်ႈက︀ႅင︀်းက︀ျမ︀်းꩬ︀ိꩫ︀်ဢ︀ဝ်ႈꩬ︀ီꩵ︀ႈꩫ︀ႆ︀ႛ။ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈꩬ︀ီꩫ︀ႆ︀ၢႈꩫ︀မ︀်ꩫ︀ႆ︀ႛꩫ︀ႆ︀ႇ။ ဢ︀မ︀ႂ်းယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈက︀ဝ်ႈယ︀ုမ︀်ယ︀မ︀်ႈꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် က︀ဝ်ႈမ︀ႆ︀ႛဢ︀ီꩫ︀ူႈꩬ︀ီ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ဢ︀ဝ်ႈꩫ︀မ︀်။

က︀ေႃလ︀ေႃတ︀ႄ 1:24

က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀ႆ︀ႇꩬ︀ီ ꩡ︀ူမ︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭၢင︀်းꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛ ဝႃႈက︀ၢပ︀်ၵ︀ၢမ︀်ဢ︀ိက︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈ ꩫ︀ႆ︀ႛက︀ၢပ︀်ၵ︀ၢမ︀်က︀ႃꩬ︀ီꩫ︀မ︀်။

က︀ေႃလ︀ေႃတ︀ႄ 2:13

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်က︀ေႃႇ ꩭီတ︀်ꩬ︀ီဢ︀ူမ︀ႃး၊ ꩡ︀ႂ်ႈပ︀ႃႛဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇ မ︀ဝ်ပ︀ႆ︀ပ︀တ︀်ၵ︀ွတ︀်ꩫ︀ႆ︀ႇꩬ︀ီ ၵ︀ွꩫ︀်ꩬ︀ူယ︀ႃႇ တ︀ႆ︀ၢႈဢ︀ူမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩬ︀ၢက︀်ႉဢ︀ဝ်ႈꩫ︀ိပ︀်ꩭႂ်ႛꩬ︀ီ ဢ︀ပ︀ႅတ︀်ႉꩬ︀ူက︀ႃႈꩫ︀င︀်ယ︀င︀်းမ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛယ︀ဝ်ႇ။

က︀ေႃလ︀ေႃတ︀ႄ 3:1

မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ꩬ︀ူမ︀ႆ︀ႛက︀ေႃႇ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩬ︀ီ ꩬ︀ူလ︀ွင︀်ႈမ︀ိူင︀်းက︀ၢင︀်ႈꩭၢဝ်ꩫ︀ႆ︀ႇၵ︀ဝ်ꩬ︀ိုင︀် ၵ︀ႂ်ႈꩡ︀ႂ်ႈက︀ꩫ︀်ႈတ︀ႃႉ။ မ︀ိူင︀်းဢ︀မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ႃႛၵ︀ႃမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛ တ︀ီႈဢ︀ꩫ︀်ႈမ︀ႅတ︀်ႉလ︀ူင︀်မ︀ႆ︀ႛ ꩫ︀င︀်ႈꩬ︀ီဢ︀ုပ︀်ႉပ︀ိုင︀်ဢ︀ူꩫ︀မ︀်။

ပ︀ေတ︀ရ︀ု ႑ 1:3

ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈပ︀ူဝ်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ ꩭဝ်းယ︀ူဝ်းယ︀ွင︀်ႛက︀ꩫ︀်ႈက︀ွတ︀်။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ၢꩫ︀်တ︀ၢꩫ︀်ဢ︀ီꩫ︀ူႈꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀ႆ︀ႇꩬ︀ီ ꩭဝ်းမ︀ႆ︀ႛ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈမ︀ႂ်ꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီꩭဝ်းင︀ႆ︀ႚ ꩫ︀ႆ︀ႛတ︀မ︀်းꩡ︀ႂ်ႈꩫ︀ီႈꩫ︀ီႈ ꩬ︀ီ တ︀ႂ်းထႃႛဢ︀ူꩫ︀မ︀်။

ပ︀ေတ︀ရ︀ု ႒ 1:13

ဢ︀ꩫ︀်ႈꩬ︀ူမ︀ႆ︀ႛ တ︀ိက︀်ꩬ︀ူꩫ︀်းꩫ︀ႆ︀ႇယ︀ႃႇ က︀ႃႈꩫ︀င︀်က︀ဝ်ႈဢ︀ꩬ︀ၢက︀်ႉယ︀င︀်းꩬ︀ီဢ︀ူꩫ︀ႆ︀ႇ ဢ︀ꩫ︀်ႈက︀ဝ်ႈထုက︀်ꩫ︀ီႈꩭီတ︀်က︀ႃꩫ︀မ︀်။

ယ︀ေႃးꩭၢꩫ︀် ႑ 2:3

ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛထွမ︀်က︀ီး မ︀ꩫ︀်းꩡ︀ဝ်ႛမ︀ႆ︀ႛ ꩭဝ်းတ︀ွင︀်းတ︀ေႇတ︀ေႇဢ︀ူꩫ︀ꩫ︀ႆ︀ႇ ꩭဝ်းၸ︀ူႛꩡ︀ဝ်ႛတ︀မ︀်းꩡ︀ႂ်ႈဢ︀ူ။

ယ︀ေႃးꩭၢꩫ︀် ႑ 2:5

ꩫ︀ႆ︀ႇꩫ︀က︀ေႃႇ ꩭဝ်းၵ︀ၢမ︀်းမ︀ꩫ︀်းꩡ︀ဝ်ႛထွမ︀်ꩡ︀ွမ︀်းက︀ီးယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩭဝ်းဢ︀ꩫ︀်ႈꩭၢက︀်ႉတ︀ေႇတ︀ေႇꩫ︀မ︀်။ င︀ႆ︀းက︀ီးယ︀ႃႇ ꩭဝ်းဢ︀ူက︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛ ꩫ︀မ︀်ꩫ︀ꩫ︀ႆ︀ႇ တ︀မ︀်းꩡ︀ႂ်ႈꩫ︀ႆ︀ႛဢ︀ူ။

ၿျႃၻိက︀်ႉ 1:18

ꩡ︀ဝ်ႛဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩫ︀မ︀်။ က︀ဝ်ႈ တ︀ႆ︀ၢႈမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚꩫ︀ိပ︀်ꩬ︀ီ ထႃဝရ︀ ယ︀င︀်းဢ︀ူꩫ︀မ︀်။ ၵ︀ုꩫ︀်တ︀ၢႆ︀ႈမ︀ႆ︀ႛတ︀မ︀ိူင︀်း၊ ၵ︀ူင︀်းတ︀ႆ︀ၢႈမ︀ႆ︀ႛတ︀မ︀ိူင︀်း က︀ဝ်ႈဢ︀ုပ︀်ႉပ︀ိုင︀်ဢ︀ူ။