ၸ︀ိလ︀ိပ︀်ပ︀ၢႆ︀ 2:30 - Khamti Shan

³⁰ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းယ︀ႃႇ တ︀ူဝ်ပ︀ူဝ်းတ︀ီတ︀ႆ︀ၢႈတ︀မ︀ိူင︀်း ဢ︀ꩫ︀်ႈꩬ︀ူꩡ︀ွႆ︀ႈမ︀ဝ်ꩫ︀ႆ︀ႛꩫ︀ႆ︀ႇၵ︀ဝ် က︀ဝ်ႈမ︀ႆ︀ႛꩡ︀ွႆ︀ႈꩭႂ်ႛမ︀ႃးꩬ︀ီ ဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ႅက︀်ꩭၢမ︀်မ︀ႃးယ︀ဝ်ႇ။

ၸ︀ိလ︀ိပ︀်ပ︀ၢႆ︀ 2:30 Iomraidhean Croise

ထဝ်ꩡ︀တ︀်ႉၵ︀ဝ် 20:24

ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉက︀ဝ်ႈမ︀ႆ︀ႛ က︀ဝ်ႈꩵ︀ႈꩬ︀ီꩫ︀ၢႆ︀ႈ။ တ︀ီႈဢ︀ꩫ︀်ႈက︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုꩡ︀ႂ်ႇမ︀ႆ︀ႛက︀ႃꩬ︀ီ ꩭႂ်ႛပ︀ူဝ်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈယ︀ဝ်ႇꩫ︀ႆ︀ႇꩬ︀ိုင︀် ၵ︀ႅꩫ︀်းဢ︀ၵ︀ႅက︀်ႉꩫ︀မ︀်။

ရ︀ေႃမ︀ 16:4

ꩬ︀ွင︀်ၵ︀ႃယ︀ႃႇ တ︀ူဝ်ပ︀ူဝ်းဢ︀ꩬ︀ၢက︀်ႉၵ︀ႂ်ႈၵ︀ွတ︀်ပ︀ုꩫ︀်ႛꩫ︀မ︀် က︀ဝ်ႈမ︀ႆ︀ႛꩡ︀ွႆ︀ႈမ︀ႃးꩫ︀ႆ︀ႇ။ ꩬ︀ွင︀်ၵ︀ႃမ︀ႆ︀ႛ က︀ဝ်ႈꩫ︀ၢႆ︀ႈမ︀ဝ်က︀ႃး ꩡ︀ိူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႑ 15:53

ဢ︀မ︀ႂ်းယ︀ႃႇပ︀ီꩫ︀်ႈꩫ︀င︀်ꩭိုဝ်ꩫ︀ႆ︀ꩫ︀က︀ီး တ︀ူဝ်ႈꩭဝ်းဢ︀ꩫ︀်ႈင︀ႆ︀ႚမ︀ဝ်မ︀ꩫ︀်ႛတ︀ိူင︀်ႈ၊ ဢ︀ꩫ︀်ႈတ︀ႆ︀ၢႈꩡ︀ၢင︀်ႈꩫ︀ႆ︀ႇ လ︀ွက︀်ႉလ︀ႆ︀ၢႈက︀ႃꩬ︀ီ တ︀ီပ︀ီꩫ︀်ႈတ︀ူဝ်ႈဢ︀ꩫ︀်ႈမ︀ꩫ︀်ႛတ︀ိူင︀်ႈ ဢ︀ꩫ︀်ႈမ︀ဝ်တ︀ႆ︀ၢႈꩡ︀ၢင︀်ႈက︀ႃꩫ︀မ︀်။

က︀ေႃရ︀ိꩫ︀်တ︀ု ႑ 16:10

ꩬ︀ူမ︀ႆ︀ႛတ︀ိမ︀ေႃတ︀ေထိုင︀်မ︀ႃးက︀ီး မ︀ꩫ︀်းမ︀ႆ︀ႛꩭၢပ︀်ႉꩬ︀ီမ︀ိုင︀်ႇꩫ︀ီႈꩫ︀ီႈက︀ꩫ︀်ႈမ︀ႃးတ︀ႃႉ။ မ︀ꩫ︀်းယ︀ႃႇ က︀ူꩫ︀်းဢ︀ꩫ︀်ႈꩫ︀င︀်က︀ဝ်ႈꩫ︀က︀ꩫ︀်ႈ ꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႑ 16:17

ꩬ︀တ︀ေၸ︀ꩫ︀်၊ ၸ︀ေႃတ︀ုꩫ︀တ︀်င︀ႆ︀း ဢ︀ၵ︀ႃယ︀က︀ုၵ︀ဝ် ထိုင︀်မ︀ႃးꩬ︀ီ က︀ဝ်ႈꩡ︀ူမ︀်းꩭုမ︀်ဢ︀ူ။ ၵ︀ဝ်ယ︀ႃႇ တ︀ီႈဢ︀ꩫ︀်ႈꩬ︀ူက︀ဝ်ႈမ︀ႆ︀ႛ မ︀ဝ်ꩫ︀ႆ︀ႛꩡ︀ွႆ︀ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩡ︀ွႆ︀ႈꩭႂ်ႛမ︀ႃးꩬ︀ီ ꩬ︀ူမ︀ႆ︀ႛတ︀မ︀ိူင︀်း က︀ဝ်ႈမ︀ႆ︀ႛတ︀မ︀ိူင︀်း ꩡ︀ႂ်ႈဢ︀ဝ်ႈၵ︀ႅမ︀်းꩬ︀ႃꩭႂ်ႛမ︀ႃးယ︀ဝ်ႇ။ က︀ူꩫ︀်းꩫ︀င︀်ၸ︀ꩫ︀်းၵ︀ဝ်ꩫ︀ႆ︀ႇၵ︀ဝ်မ︀ႆ︀ႛ ꩫ︀ၢပ︀်ႉယ︀မ︀်ႈက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 12:15

ꩭႂ်ႛပ︀ူဝ်းꩬ︀ူမ︀ႆ︀ႛꩫ︀ႆ︀ႛꩡ︀ွႆ︀ႈꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛယ︀င︀်းꩫ︀ႆ︀ႇတ︀င︀်းမ︀ိူင︀်းင︀ႆ︀း တ︀ူဝ်ႈက︀ဝ်ႈၸ︀ူႛꩡ︀ဝ်ႛတ︀မ︀ိူင︀်း ꩬ︀ူမ︀ႆ︀ႛꩭုမ︀်ꩰꩡ︀ူမ︀်းꩰတ︀ီꩭႂ်ႛꩫ︀မ︀်။ က︀ဝ်ႈꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀ႆ︀ႇꩬ︀ီ ꩬ︀ူက︀ဝ်ႈမ︀ႆ︀ႛ တ︀ီမ︀ဝ်ပ︀ူဝ်းꩭၢက︀်ႉတ︀ေႇတ︀ေႇက︀ျႃး။

က︀ေႃရ︀ိꩫ︀်တ︀ု ႒ 4:12

င︀ႆ︀းꩬ︀ီတ︀ူႈ တ︀ၢင︀်းဢ︀ꩫ︀်ႈၸ︀ေးတ︀ႆ︀ၢႈယ︀င︀်းမ︀ႆ︀ႛ ၸ︀ႆ︀ၢႛဢ︀ူꩫ︀ႆ︀ႇꩬ︀ီ ꩬ︀ူယ︀ႃႇ တ︀ၢင︀်းဢ︀ꩫ︀်ႈဢ︀ꩬ︀ၢက︀်ႉထႃဝရ︀ယ︀င︀်းမ︀ႆ︀ႛ ꩫ︀ႆ︀ႛၸ︀ႆ︀ၢႛဢ︀ူꩫ︀မ︀်။

ၸ︀ိလ︀ိပ︀်ပ︀ၢႆ︀ 2:17

ဢ︀ꩫ︀်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီꩭီတ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ုက︀်ႉꩡ︀ူဝ်ၵ︀ွင︀်လ︀ူꩫ︀က︀ꩫ︀်ႈꩫ︀မ︀်။ င︀ႆ︀းꩬ︀ီ ꩬ︀င︀်ဝႃႈꩬ︀ူၵ︀ွင︀်လ︀ူ မ︀ႆ︀ႛ ꩫ︀ိူတ︀်ႉက︀ဝ်ႈလ︀ူဝ်ꩬ︀ီ က︀ဝ်ႈꩫ︀ႆ︀ႛတ︀ႆ︀ၢႈꩫ︀က︀ေႃႇ က︀ဝ်ႈတ︀င︀်းꩬ︀ူꩡ︀ူမ︀်းလ︀ွေႛဢ︀ူ။

ၸ︀ိလ︀ိပ︀်ပ︀ၢႆ︀ 2:27

တ︀ေႇတ︀ေႇက︀ေႃႇ မ︀ꩫ︀်းၵ︀ႆ︀ႛꩫ︀င︀်တ︀ီတ︀ႆ︀ၢႈမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းမ︀ႆ︀ႛဢ︀ီꩫ︀ူႈꩬ︀ီ ဢ︀ဝ်ႈꩫ︀ီႈꩭႂ်ႛမ︀ႃးယ︀ဝ်ႇ။ က︀ဝ်ႈမ︀ႆ︀ႛက︀ေႃႇ ဢ︀ꩫ︀်ႈꩡ︀ႃႇမ︀ꩫ︀်းတ︀ီꩫ︀ႆ︀ႛၵ︀ီၵ︀ုမ︀်လ︀ူင︀်မ︀ႆ︀ႛ ဢ︀ဝ်ႈပ︀ူꩫ︀်ႇလ︀ွတ︀်ႉမ︀ႃးယ︀ဝ်ႇ။

ၸ︀ိလ︀ိပ︀်ပ︀ၢႆ︀ 4:10

ꩬ︀ူင︀ႆ︀ႚ က︀ဝ်ႈမ︀ႆ︀ႛ မ︀ႅတ︀်ႉတ︀ႃꩫ︀ႆ︀ႛပ︀ျႃးပ︀ွက︀်ႉမ︀ႃးꩬ︀ီ ꩡ︀ဝ်ႛꩭဝ်းမ︀ႆ︀ႛ က︀ဝ်ႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ ဢ︀ꩫ︀်ႈတ︀ေႇတ︀ေႇယ︀ႃႇ ꩬ︀ူက︀ဝ်ႈမ︀ႆ︀ႛတ︀င︀်းꩡ︀ူဝ်ႈ ဢ︀ွက︀်ꩡ︀ႂ်ႈမ︀ႃးꩫ︀က︀ေႃႇ တ︀ၢင︀်းဢ︀ꩫ︀်ႈတ︀ီꩡ︀ွႆ︀ႈမ︀ဝ်ယ︀င︀်းꩬ︀ီꩫ︀မ︀် မ︀ဝ်ꩫ︀ႆ︀ႛꩡ︀ွႆ︀ႈမ︀ႃးꩫ︀ႆ︀ႇꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။

ၸ︀ိလ︀ိပ︀်ပ︀ၢႆ︀ 4:18

ၵ︀ွင︀်လ︀ူဢ︀ꩫ︀်ႈꩬ︀ူ ဢ︀ေပ︀ၸ︀ြေႃတ︀ိက︀်မ︀ႆ︀ႛ ၸ︀ၢက︀်မ︀ႃးꩫ︀ႆ︀ႇၵ︀ဝ် က︀ဝ်ႈꩫ︀ႆ︀ႛꩭၢပ︀်ႉꩬ︀ီ ဢ︀ꩫ︀်ႈက︀ဝ်ႈꩭၢင︀်ႇꩫ︀ႆ︀ႇၵ︀ဝ် တ︀င︀်းမ︀ိူင︀်းꩫ︀ႆ︀ႛယ︀ဝ်ႇ။ ၵ︀ွင︀်လ︀ူဢ︀မ︀ႂ်းၵ︀ဝ်ယ︀ႃႇ ၵ︀ႅက︀်ဢ︀ꩫ︀်ႈꩭွမ︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈꩫ︀က︀ꩫ︀်ႈꩫ︀မ︀်။

ၸ︀ိလ︀ေမ︀ုꩫ︀် 1:13

က︀ဝ်ႈꩭူဝ်းလ︀ွင︀်ႈꩡ︀ဝ်ႛယ︀ေꩬ︀ုꩫ︀ႆ︀ႇꩬ︀ီ င︀ႆ︀ႚတ︀ူက︀်ထွင︀်ꩬ︀ီဢ︀ူꩫ︀မ︀်။ င︀ႆ︀းꩬ︀ီ ဢ︀ꩫ︀်ႈတ︀ေႇတ︀ေႇက︀ီး မ︀ꩫ︀်းမ︀ႆ︀ႛꩭႂ်ႛဢ︀ူတ︀ႆ︀ၢႛက︀ဝ်ႈမ︀ႆ︀ႛင︀ႆ︀း တ︀ၢင︀်ႈတ︀ီႈမ︀ႂ်းꩬ︀ီ ၵ︀ႂ်ႈꩭႂ်ႛꩡ︀ွႆ︀ႈက︀ဝ်ႈꩫ︀မ︀်။

ၿျႃၻိက︀်ႉ 12:11

ၵ︀ုꩫ︀်ꩬ︀ူင︀်ဢ︀ꩫ︀်ႈ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ၢင︀်ဢ︀ပ︀ႅတ︀်ႉမ︀ႆ︀ႛ ဢ︀ဝ်ႈꩫ︀ိူတ︀်ႉပ︀ူႇဢ︀ွꩫ︀်ꩫ︀ၵ︀ႃ ဢ︀ဝ်ႈၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ဝ်တ︀ႅဝ်ꩫ︀ႆ︀ႇ ပ︀ေႇဢ︀ွင︀်ယ︀ဝ်ႇ။ ၵ︀ဝ်ယ︀ႃႇ ꩬ︀င︀်ဝႃႈထုက︀်ꩫ︀ီႈတ︀ႆ︀ၢႈက︀ီး ၵ︀ၢမ︀်တ︀ႆ︀ၢႈက︀ွတ︀်ꩫ︀ꩬ︀ီတ︀မ︀ိူင︀်း ꩭႅမ︀်းဝႆ︀ႇက︀ꩫ︀်ႈဢ︀ူ။