ၸ︀ိလ︀ိပ︀်ပ︀ၢႆ︀ 2:22 - Khamti Shan

²² ꩫ︀ႆ︀ႇꩫ︀က︀ေႃႇ တ︀ိမ︀ေႃတ︀ေယ︀ႃႇ က︀ူꩫ︀်းꩫ︀င︀်ꩭိုဝ်ꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။ မ︀ꩫ︀်းယ︀ႃႇ တ︀င︀်းက︀ဝ်ႈ ꩫ︀င︀်ပ︀ူဝ်ႈလ︀ုက︀်ႉꩫ︀က︀ꩫ︀်ႈ ꩭူမ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ႃးယ︀ဝ်ႇ။

ၸ︀ိလ︀ိပ︀်ပ︀ၢႆ︀ 2:22 Iomraidhean Croise

ထဝ်ꩡ︀တ︀်ႉၵ︀ဝ် 16:2

မ︀ꩫ︀်းယ︀ႃႇ က︀ꩫ︀်ႛꩫ︀ႃႛၸ︀ူႛယ︀ုမ︀်ယ︀မ︀်ႈဝီင︀်းလ︀ုတ︀်တ︀ရ︀ၵ︀ဝ်ꩫ︀ၵ︀ႃ ဝီင︀်းဢ︀ိက︀ေႃꩫ︀ိၵ︀ဝ်မ︀ႆ︀ႛ ꩫ︀ႆ︀ႛꩫ︀ႃႛဢ︀ူ။

ရ︀ေႃမ︀ 5:4

ꩭဝ်းက︀ꩫ︀်ႛပ︀ီꩫ︀်ႈမ︀ႃးက︀ီး ယ︀ႂ်က︀ေမ︀ႃးဢ︀ူ။ ꩭဝ်းယ︀ႂ်က︀ေမ︀ႃးက︀ီး တ︀ႂ်းထႃႛပ︀ီꩫ︀်ႈမ︀ႃးဢ︀ူ။

က︀ေႃရ︀ိꩫ︀်တ︀ု ႑ 16:10

ꩬ︀ူမ︀ႆ︀ႛတ︀ိမ︀ေႃတ︀ေထိုင︀်မ︀ႃးက︀ီး မ︀ꩫ︀်းမ︀ႆ︀ႛꩭၢပ︀်ႉꩬ︀ီမ︀ိုင︀်ႇꩫ︀ီႈꩫ︀ီႈက︀ꩫ︀်ႈမ︀ႃးတ︀ႃႉ။ မ︀ꩫ︀်းယ︀ႃႇ က︀ူꩫ︀်းဢ︀ꩫ︀်ႈꩫ︀င︀်က︀ဝ်ႈꩫ︀က︀ꩫ︀်ႈ ꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႑ 4:17

င︀ႆ︀းꩬ︀ီꩫ︀မ︀် တ︀ိမ︀ေႃတ︀ေမ︀ႆ︀ႛ က︀ဝ်ႈꩬ︀ူမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်း ဢ︀ꩫ︀်ႈက︀ဝ်ႈꩫ︀င︀်လ︀ုက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩭၢက︀်ႉꩫ︀ႆ︀ႇꩫ︀မ︀်။ မ︀ꩫ︀်းထိုင︀်မ︀ႃးက︀ီး ꩬ︀ူမ︀ႆ︀ႛတ︀ၢင︀်းက︀ႅင︀်း ဢ︀ꩫ︀်ႈက︀ဝ်ႈၸ︀ူႛꩡ︀ဝ်ႛက︀ေႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩬ︀ီ က︀မ︀်ႈက︀ႅင︀်းꩬ︀ီဢ︀ူင︀ႆ︀း ဢ︀ꩫ︀်ႈက︀ဝ်ႈꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛꩬ︀ီဢ︀ူꩫ︀ႆ︀ႇၵ︀ဝ် ꩭႂ်ႛပ︀ူဝ်းꩬ︀ူမ︀တ︀်ႉꩫ︀ႆ︀ႇ တ︀ီၵ︀ႆ︀ႈပ︀ျႃးꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႒ 2:9

ꩬ︀ူမ︀ႆ︀ႛက︀ဝ်ႈလ︀ိက︀်ႉဢ︀မ︀ႂ်းတ︀ႅမ︀်ႛမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈက︀ဝ်ႈꩬ︀င︀်ꩬ︀ွꩫ︀်မ︀ႃးꩫ︀ႆ︀ႇၵ︀ဝ် က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩬ︀ူꩡ︀ွမ︀်းꩫ︀ီႈꩫ︀ီႈဢ︀ူလ︀ႃႊꩫ︀ꩫ︀ႆ︀ႇ ၵ︀ႂ်ႈတ︀ွင︀်းꩬ︀ီꩫ︀မ︀်။

က︀ေႃရ︀ိꩫ︀်တ︀ု ႒ 8:22

ꩫ︀ႆ︀ႇꩬ︀ေႇမ︀ဝ်က︀ႃး ပ︀ီႈꩫ︀ွင︀်ႇက︀ူဝ်ႇလ︀ိူင︀်ႈမ︀ႆ︀ႛက︀ေႃႇ တ︀င︀်းၵ︀ဝ်ꩭႂ်ႛꩡ︀ွမ︀်းက︀ႃဢ︀ူ။ မ︀ꩫ︀်းမ︀ႆ︀ႛ တ︀ူႈက︀ီလ︀ႆ︀ၢၵ︀ႅက︀်ႉ ꩡ︀ႂ်းလ︀ႅမ︀်းꩫ︀က︀ေႃႇ မ︀ꩫ︀်းယ︀ႃႇမ︀ိူဝ်ႈလ︀ႂ်ႈက︀ေႃႇ ꩡ︀ႂ်ႈဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ တ︀ီမ︀်ႈတ︀ုပ︀်ꩰꩫ︀မ︀်ꩫ︀ꩫ︀ႆ︀ႇ ꩫ︀ႆ︀ႛꩭꩫ︀်ဢ︀ူ။ င︀ႆ︀ႚယ︀ႃႇ မ︀ꩫ︀်းꩬ︀ူမ︀ႆ︀ႛ တ︀မ︀်းꩡ︀ႂ်ႈလ︀ူင︀်ꩫ︀ႆ︀ႇꩬ︀ီ ꩡ︀ႂ်ႈဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ ဢ︀ေႈၵ︀ႅꩫ︀်းꩭႅင︀်းမ︀ႃးဢ︀ူ။

က︀ေႃရ︀ိꩫ︀်တ︀ု ႒ 8:24

င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈတ︀ူႈꩬ︀ူမ︀ႆ︀ႛ ယ︀ွင︀်ႛꩫ︀ႆ︀ႇၵ︀ဝ် ꩬ︀ိုဝ်ႈꩡ︀ႂ်ႈဢ︀ူꩫ︀ꩫ︀ႆ︀ႇ ꩭႂ်ႛပ︀ူဝ်းꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်းတ︀ွင︀်းက︀ႃꩫ︀ႆ︀ႇ ၵ︀ဝ်မ︀ႆ︀ႛမ︀ႅတ︀်ႉတ︀ႃꩬ︀ူပ︀ျႃးꩭႂ်ႛက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 8:8

က︀ဝ်ႈဝႃႈင︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူမ︀ႆ︀ႛꩭႂ်ႛဢ︀မ︀ိင︀်းꩵ︀ႈꩡ︀ႂ်ႈ။ ဢ︀ꩫ︀်ႈပ︀ိူꩫ︀်ႈꩡ︀ေတ︀ꩫ︀ႃꩭႅင︀်းꩫ︀ႆ︀ႇမ︀ႆ︀ႛ က︀ဝ်ႈတ︀ွင︀်းꩫ︀ႆ︀ႇꩬ︀ီ မ︀ႅတ︀်ႉတ︀ႃꩬ︀ူꩬ︀ိုဝ်ႈမ︀ဝ်ꩬ︀ိုဝ်ႈꩫ︀ꩫ︀ႆ︀ႇ ꩭၢင︀်းတ︀ွင︀်းꩫ︀ႆ︀ၢႈꩫ︀မ︀်။

ၸ︀ိလ︀ိပ︀်ပ︀ၢႆ︀ 1:12

ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈက︀ဝ်ႈꩫ︀ႆ︀ႛယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ၵ︀ၢဝ်ႈၵ︀ၢမ︀်းꩫ︀ီႈဢ︀ေႈၵ︀ႅꩫ︀်းꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ က︀မ︀်ႇထွက︀်ႉꩭႂ်ႛလ︀ူင︀်ꩫ︀မ︀်ꩫ︀ꩫ︀ႆ︀ႇ က︀ဝ်ႈꩬ︀ူမ︀ႆ︀ႛ ၵ︀ႂ်ႈꩭႂ်ႛတ︀ွင︀်းဢ︀ူ။

ၸ︀ိလ︀ိပ︀်ပ︀ၢႆ︀ 1:16

ဢ︀ꩫ︀်ႈꩭူဝ်းꩬ︀ိုဝ်ႈꩰꩫ︀ႆ︀ႇၵ︀ဝ်ယ︀ႃႇ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀မ︀ူးဢ︀ꩫ︀်ႈက︀ုမ︀်ႇၵ︀ၢဝ်ႈၵ︀ၢမ︀်းꩫ︀ီႈ ပ︀ူင︀်ႈဝႆ︀ႇꩫ︀ႆ︀ႇမ︀ႆ︀ႛတ︀ွင︀်းꩫ︀ႆ︀ႇꩬ︀ီ က︀ဝ်ႈမ︀ႆ︀ႛꩭၢက︀်ႉꩬ︀ီꩭူဝ်းꩫ︀မ︀်။

ၸ︀ိလ︀ိပ︀်ပ︀ၢႆ︀ 1:7

က︀ဝ်ႈ ꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀မ︀်။ ꩭၢက︀်ႉက︀ေႃႇထုက︀်ꩫ︀ီႈꩭၢက︀်ႉဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈင︀ႆ︀ႚတ︀ူက︀်ထွင︀်ဢ︀ူꩫ︀ႆ︀ႇတ︀မ︀ိူင︀်း မ︀ိူဝ်ႈ က︀ဝ်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ုမ︀်ႇၵ︀ႅꩫ︀်မ︀ႃး၊ ꩭူဝ်းမ︀ႃးꩫ︀ႆ︀ႇတ︀မ︀ိူင︀်း ဢ︀မ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛပ︀ူင︀်ႈဝႆ︀ႇမ︀ႃးꩫ︀ႆ︀ႇမ︀ႆ︀ႛ ꩬ︀ူက︀ေႃႇ တ︀င︀်းက︀ဝ်ႈ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩭူမ︀်ႈꩭၢပ︀်ႉဢ︀ဝ်ႈမ︀ႃးꩬ︀ီꩫ︀မ︀်။

ၸ︀ိလ︀ိပ︀်ပ︀ၢႆ︀ 2:20

ꩫ︀င︀်မ︀ꩫ︀်းꩫ︀က︀ꩫ︀်ႈ တ︀င︀်းက︀ဝ်ႈꩭူမ︀်ႈꩡ︀ႂ်ႈꩭူမ︀်ႈၵ︀ူဝ်းꩬ︀ီ ꩬ︀ူမ︀ႆ︀ႛက︀ေႃႇလ︀ႅင︀်ႇꩫ︀ႆ︀ႇ ၸ︀ႂ်က︀ေႃႇꩵ︀ႈယ︀င︀်း။

တ︀ိမ︀ေႃတ︀ေ ႑ 1:18

လ︀ုက︀်ႉက︀ဝ်ႈတ︀ိမ︀ေႃတ︀ေꩴ︀း ၵ︀ၢမ︀်းဢ︀ꩫ︀်ႈမ︀ိူဝ်ႈင︀ႃႈက︀ꩫ︀်ႛꩫ︀ႃႛမ︀ႆ︀ႛ ပ︀ရ︀ေႃးၸ︀ႅတ︀်ႉၵ︀ဝ် မ︀ႂ်းမ︀ႆ︀ႛꩡ︀ိုဝ်ꩬ︀ီꩭူဝ်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰꩬ︀ီ ꩬ︀ြႃဢ︀ꩫ︀်ႈꩬ︀ွꩫ︀်ၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛꩡ︀တ︀်တ︀ႃႉ၊ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀မ︀်မ︀ႃတ︀ြႃး ꩬ︀ွꩫ︀်ꩭႂ်ႛထက︀်ꩰတ︀ႃႉ။

တ︀ိမ︀ေႃတ︀ေ ႑ 4:6

မ︀ႂ်း လ︀ွင︀်ႈꩫ︀ႆ︀ႇၵ︀ဝ် က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်ꩭႂ်ႛတ︀ႃႉ။ င︀ႆ︀းက︀ီး မ︀ႂ်းၸ︀ူႛꩡ︀ဝ်ႛက︀ေႃႇ ꩡ︀ႂ်ႈဢ︀ꩫ︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီမ︀်ႈမ︀ႃးင︀ႆ︀း ꩬ︀မ︀်မ︀ႃတ︀ြႃးမ︀ႆ︀ႛ ပ︀ိုင︀်ႈဢ︀ိင︀်ႈꩡ︀ွမ︀်းက︀ႅင︀်းꩬ︀ီ ပ︀ီꩫ︀်ႈၸ︀ူႛꩡ︀ႂ်ႇꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ႅတ︀်ႉꩰမ︀ႃးဢ︀ူ။

တ︀ိမ︀ေႃတ︀ေ ႒ 3:10

ꩫ︀ႆ︀ႇꩫ︀က︀ေႃႇ မ︀ႂ်းယ︀ႃႇဢ︀ꩫ︀်ႈက︀ဝ်ႈꩬ︀င︀်ꩬ︀ွꩫ︀်၊ ဢ︀ꩫ︀်ႈက︀ဝ်ႈꩭီတ︀်၊ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀ဝ်ႈꩫ︀တ︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ွမ︀်းမ︀ႃးယ︀ဝ်ႇ။ ဢ︀ꩫ︀်ႈက︀ဝ်ႈယ︀ုမ︀်ယ︀မ︀်ႈ၊ ဢ︀ꩫ︀်ႈက︀ဝ်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈက︀ဝ်ႈပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်၊ ဢ︀ꩫ︀်ႈက︀ဝ်ႈက︀ꩫ︀်ႛပ︀ီꩫ︀်ႈ၊ ဢ︀ꩫ︀်ႈက︀ဝ်ႈမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉမ︀ႃး၊ ဢ︀ꩫ︀်ႈက︀ဝ်ႈꩡ︀မ︀်ႈꩡ︀ႂ်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ မ︀ႂ်းတ︀ွင︀်းဢ︀ူ။ ဢ︀ꩫ︀်ႈဝီင︀်းဢ︀ꩫ︀်တ︀ိဢ︀ုက︀်၊ ဝီင︀်းဢ︀ိက︀ေႃꩫ︀ိင︀ႆ︀း ဝီင︀်းလ︀ုတ︀်တ︀ရ︀ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈမ︀ႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀ိက︀်ႉꩬ︀ၢက︀်ႉမ︀ႃးꩫ︀ꩫ︀ႆ︀ႇၵ︀ဝ်က︀ေႃႇ မ︀ႂ်းတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛ လ︀ုက︀်ႉၸ︀ေးꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႃးယ︀ဝ်ႇ။

တ︀ိတ︀ု 1:4

တ︀ိတ︀ုꩴ︀း ꩭႃးꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ မ︀ႂ်းယ︀ႃႇလ︀ုက︀်ႉက︀ဝ်ႈꩫ︀က︀ꩫ︀်ႈꩫ︀မ︀်။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ဝ်ႛၵ︀ေꩬ︀ေꩭဝ်း မ︀ႂ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။