ၸ︀ိလ︀ိပ︀်ပ︀ၢႆ︀ 1:20 - Khamti Shan

²⁰ ဢ︀ꩫ︀်ႈက︀ဝ်ႈတ︀င︀်းꩡ︀ႂ်ႈတ︀င︀်းၵ︀ူဝ်း တ︀ႂ်းထႃႛꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်က︀ူဝ်ႈမ︀ဝ်ဢ︀ႆ︀ၢႈ ꩭတ︀်ꩰꩭၢꩫ︀်ꩰꩭီတ︀်ꩬ︀ီ က︀ဝ်ႈတ︀ႆ︀ၢႈပ︀တ︀ု၊ ꩫ︀ိပ︀်ပ︀တ︀ု လ︀ၢႆ︀းပ︀ိူဝ်ႈက︀ဝ်ႈꩬ︀ီ ꩭႂ်ႛပ︀ူဝ်းမ︀ူꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭိူဝ်ႈꩭိုင︀်းꩫ︀ႆ︀ႇꩫ︀မ︀်။

ၸ︀ိလ︀ိပ︀်ပ︀ၢႆ︀ 1:20 Iomraidhean Croise

ယ︀ေႃးꩭၢꩫ︀် 21:19

မ︀ꩫ︀်းꩡ︀ဝ်ႛဝႃႈင︀ႆ︀းꩫ︀ႆ︀ႇ ꩭႂ်ႛပ︀ူဝ်းမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭိူဝ်ႈꩭိုင︀်းပ︀ိုင︀်းꩬ︀ႂ်ꩫ︀ႆ︀ႇ ပ︀ေတ︀ရ︀ု ꩭိုဝ်လ︀ိုဝ်တ︀ီတ︀ႆ︀ၢႈꩫ︀ꩫ︀ႆ︀ႇ ၵ︀ႆ︀ႈပ︀ျႃးဝႆ︀ႇꩫ︀မ︀်။ မ︀ꩫ︀်းꩡ︀ဝ်ႛဝႃႈင︀ႆ︀းယ︀ဝ်ႇက︀ီး “က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းမ︀ႃးတ︀ႃႉ” ꩫ︀ꩬ︀ီပ︀ေတ︀ရ︀ုမ︀ႆ︀ႛဝႃႈဢ︀ူ။

ထဝ်ꩡ︀တ︀်ႉၵ︀ဝ် 20:24

ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉက︀ဝ်ႈမ︀ႆ︀ႛ က︀ဝ်ႈꩵ︀ႈꩬ︀ီꩫ︀ၢႆ︀ႈ။ တ︀ီႈဢ︀ꩫ︀်ႈက︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုꩡ︀ႂ်ႇမ︀ႆ︀ႛက︀ႃꩬ︀ီ ꩭႂ်ႛပ︀ူဝ်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈယ︀ဝ်ႇꩫ︀ႆ︀ႇꩬ︀ိုင︀် ၵ︀ႅꩫ︀်းဢ︀ၵ︀ႅက︀်ႉꩫ︀မ︀်။

ထဝ်ꩡ︀တ︀်ႉၵ︀ဝ် 21:13

ꩫ︀ႆ︀ႇမ︀ႆ︀ႛ ပ︀ေႃလ︀ုယ︀ႃႇ “ꩭီတ︀်က︀ꩬ︀င︀်ꩫ︀ႆ︀ꩬ︀ူယ︀ႃႇ င︀ႆ︀းꩭႆ︀ႛꩬ︀ီꩡ︀ႂ်ႈက︀ဝ်ႈမ︀ႆ︀ႛ ဢ︀ဝ်ႈꩬ︀ဝ်ႛꩫ︀ႆ︀ႇ။ က︀ွပ︀်ႉပ︀ိူဝ်ႈꩡ︀ိုဝ်ႈꩡ︀ဝ်ႛယ︀ေꩬ︀ုꩫ︀က︀ီး ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ပ︀ိူꩫ︀်ႈက︀ဝ်ႈမ︀ႆ︀ႛၸ︀ုက︀်ꩫ︀ႆ︀ႇꩬ︀ေႇမ︀ဝ်က︀ႃး ဢ︀ဝ်ႈတ︀ၢႆ︀ႈꩫ︀က︀ေႃႇꩭႂ်ႛဢ︀ဝ်ႈတ︀ၢႆ︀ႈက︀ွတ︀်။ က︀ဝ်ႈꩭႅမ︀်းယ︀ဝ်ႇꩰ” ꩫ︀ꩬ︀ီဝႃႈပ︀ွက︀်ႉဢ︀ူ။

ထဝ်ꩡ︀တ︀်ႉၵ︀ဝ် 4:31

ꩫ︀ႆ︀ႇမ︀ႆ︀ႛ တ︀ီႈဢ︀ꩫ︀်ႈၵ︀ဝ်တ︀ုမ︀်ႈက︀ꩫ︀်ႈꩫ︀ႆ︀ႇ ꩬ︀ꩫ︀်မ︀ႃးဢ︀ူ။ ၵ︀ဝ်က︀ေႃႇၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈက︀ꩫ︀်ႈꩬ︀ီ တ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ꩭတ︀်ꩰꩭၢꩫ︀်ꩰꩭူဝ်းက︀ꩫ︀်ႈဢ︀ူ။

ရ︀ေႃမ︀ 12:1

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ၢꩫ︀်တ︀ၢꩫ︀်ဢ︀ီꩫ︀ူႈꩭႂ်ႛမ︀ႃးꩫ︀ႆ︀ႇꩬ︀ီ ၵ︀ႅꩫ︀်းꩫ︀က︀ွတ︀် မ︀ꩫ︀်းꩡ︀ဝ်ႛမ︀ႆ︀ႛ တ︀ူဝ်ႈၵ︀ိင︀်းꩬ︀ူ ဢ︀ၢပ︀်ႉက︀ꩫ︀်ႈတ︀ႃႉ။ တ︀ူဝ်ႈၵ︀ိင︀်းꩬ︀ူဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀က︀ေႃႇ ꩫ︀င︀်တ︀ူဝ်ႈၵ︀ႅက︀်ဢ︀ꩫ︀်ႈတ︀ႆ︀ၢႈယ︀ဝ်ႇꩫ︀က︀ꩫ︀်ႈ မ︀ꩫ︀်းꩡ︀ဝ်ႛမ︀ႆ︀ႛဢ︀ၢပ︀်ႉင︀ႆ︀းꩬ︀ီ ꩭႂ်ႛပ︀ူဝ်းမ︀ူတ︀်ꩡ︀ၢင︀်ꩬ︀ီ မ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ဢ︀ူက︀ꩫ︀်ႈတ︀ႃႉ။ ဢ︀ꩫ︀်ႈꩫ︀ႆ︀ႇယ︀ႃႇ လ︀ႆ︀ၢးဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ꩬ︀ူလ︀ုက︀်ႉꩫ︀ႂ်းꩡ︀ႂ်ႈမ︀ႆ︀ႛ ဝႃႈပ︀ႆ︀ၢႛဝႆ︀ႈတ︀ေႇတ︀ေႇꩫ︀ႆ︀ႇꩫ︀မ︀်။

ရ︀ေႃမ︀ 5:5

ꩭဝ်းင︀ႆ︀းꩬ︀ီ တ︀ႂ်းထႃႛꩬ︀ီဢ︀ူက︀ီး မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛဢ︀ႆ︀ၢႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉလ︀ူင︀်ꩫ︀မ︀်ꩫ︀ꩫ︀ႆ︀ႇ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛꩭႂ်ႛဝႆ︀ႇꩫ︀ႆ︀ႇ ပ︀ျႃးꩭႂ်ႛမ︀ႃးယ︀ဝ်ႇ။

ရ︀ေႃမ︀ 6:13

တ︀ူဝ်ႈꩬ︀ူꩬ︀ိက︀်ႉꩡ︀ွꩫ︀်လ︀ိူင︀်ႈꩫ︀ႆ︀ၢႈက︀ေႃႇ ပ︀ီꩭႂ်ႛပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်ဢ︀ပ︀ႅတ︀်ႉယ︀ဝ်ႇ။ ꩫ︀င︀်က︀ူꩫ︀်းဢ︀ꩫ︀်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းတ︀ူဝ်ႈꩬ︀ူ ပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်လ︀ွင︀်ႈꩫ︀ီႈꩫ︀ႆ︀ႇꩬ︀င︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉက︀ꩫ︀်ႈတ︀ႃႉ။

ရ︀ေႃမ︀ 6:19

က︀ဝ်ႈင︀ႆ︀းꩬ︀ီ ဢ︀ဝ်ႈၵ︀ိူင︀်ႈၵ︀ၢမ︀်းမ︀ိူင︀်းက︀ၢင︀်ႈဝႃႈꩫ︀ႆ︀ႇ ꩬ︀ူꩥ︀ၢꩫ︀်မ︀ဝ်ပ︀ုင︀်ႈꩬ︀ီꩫ︀မ︀်။ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉ ဢ︀ꩫ︀်ႈꩬ︀ူမ︀ႆ︀ႛဢ︀ေႈၵ︀ႅꩫ︀်းဢ︀ဝ်ႈမ︀ိူက︀်ႉမ︀ႆ︀ႛ ꩬ︀ူတ︀င︀်းꩡ︀ႂ်ႈတ︀င︀်းၵ︀ူဝ်းꩡ︀ွမ︀်းမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩭႂ်ႛပ︀ူဝ်းꩬ︀ူတ︀င︀်းတ︀ူဝ်ႈမ︀ူတ︀်ꩡ︀ၢင︀်ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ွꩫ︀်ႈမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ꩡ︀ွမ︀်းက︀ꩫ︀်ႈတ︀ႃႉ။

ရ︀ေႃမ︀ 8:19

ဝꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ျႃးလ︀ုက︀်ႉမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ဢ︀ꩫ︀်ႈမ︀ꩫ︀်းꩡ︀ဝ်ႛ ၸ︀ၢꩫ︀်ꩬ︀ၢင︀်းဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ ပ︀ႂ်ႇထႃႛင︀ွက︀်ႉꩰဢ︀ူꩫ︀မ︀်။

ရ︀ေႃမ︀ 9:33

ဢ︀မ︀ႂ်းယ︀ႃႇ ꩫ︀င︀်ဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀က︀ꩫ︀်ႈပ︀ီꩫ︀်ႈမ︀ႃးꩫ︀မ︀်။ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ “က︀ꩫ︀်ႛꩫ︀ိူဝ်ꩫ︀ွႆ︀ႈꩡ︀ီဢ︀ုꩫ︀်မ︀ႆ︀ႛ ꩭိꩫ︀်ဢ︀ꩫ︀်ႈပ︀ိူꩫ︀်ႈတ︀ီတ︀ွင︀်ႛꩫ︀ႆ︀ႇ က︀ဝ်ႈတ︀မ︀်းဝႆ︀ႇဢ︀ူ။ ꩭိꩫ︀်ဢ︀မ︀ႂ်းမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်တ︀ီတ︀ွင︀်ႛလ︀ူမ︀်ႇက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛဢ︀ႆ︀ၢႈ” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႑ 15:31

ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇ က︀ူႈမ︀ိုဝ်ႇꩫ︀ႆ︀ႛတ︀ၢႆ︀ႈꩫ︀က︀ꩫ︀်ႈꩫ︀မ︀်။ ၵ︀ၢမ︀်းꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩭဝ်း ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩫ︀ႆ︀ႇꩬ︀ီ က︀ဝ်ႈꩬ︀ူမ︀ႆ︀ႛꩭုမ︀်ꩬ︀ီ ဝႃႈပ︀ီꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႑ 6:20

ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ိုဝ်ႇဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ တ︀ူဝ်ႈꩬ︀ူမ︀ႆ︀ႛ ꩡ︀ႃႇမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် တ︀ိုဝ်းက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 7:34

င︀ႆ︀းꩬ︀ီ က︀ူဝ်ႇဢ︀မ︀ႂ်းယ︀ႃႇ ꩡ︀ႂ်ႈပ︀ီꩫ︀်ႈꩬ︀ွင︀်ၵ︀ႃႈဢ︀ူꩫ︀မ︀်။ ၸ︀ူႛယ︀ိင︀်းဢ︀ꩫ︀်ႈꩭွင︀်ႛꩭိူꩫ︀်းမ︀ဝ်ယ︀င︀်းꩫ︀ၵ︀ႃ ၸ︀ူႛꩬ︀ၢဝ်ꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈꩫ︀ႆ︀ၢႈꩬ︀င︀်ၵ︀ႂ်ႈꩡ︀ႂ်ႈꩬ︀ီ တ︀ူဝ်ႈꩡ︀ႂ်ႈၵ︀ဝ်မ︀ႆ︀ႛဢ︀ဝ်ႈမ︀ူတ︀်ꩡ︀ၢင︀်ဢ︀ူ။ ꩫ︀ႆ︀ႇꩫ︀က︀ေႃႇ ၸ︀ူႛယ︀ိင︀်းဢ︀ꩫ︀်ႈꩭွင︀်ႛꩭိူꩫ︀်းယ︀င︀်းယ︀ႃႇ ပ︀ူဝ်ႈꩭိူꩫ︀်းမ︀ꩫ︀်းမ︀ႆ︀ႛ ၵ︀ႂ်ႈꩭႂ်ႛမ︀ႃးꩡ︀ႂ်ႈꩫ︀ႆ︀ႇꩬ︀ီ လ︀ွင︀်ႈမ︀ိူင︀်းက︀ၢင︀်ႈမ︀ႆ︀ႛ ꩭီတ︀်ဢ︀ၵ︀ႅက︀်ႉဢ︀ူ။

က︀ေႃရ︀ိꩫ︀်တ︀ု ႒ 10:8

ꩬ︀င︀်ဝႃႈလ︀ွင︀်ႈဢ︀ႃꩫ︀ႃဢ︀ꩫ︀်ႈတ︀ူႈမ︀ႆ︀ႛ ꩡ︀ဝ်ႛယ︀ေꩬ︀ုꩭႂ်ႛꩫ︀ႆ︀ႇ က︀ဝ်ႈက︀မ︀်ႇလ︀ွင︀်ႛပ︀ူꩫ︀်ႇမ︀ႃးက︀ီးက︀ေႃႇ က︀ဝ်ႈꩵ︀ႈဢ︀ႆ︀ၢႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ႃꩫ︀ႃဢ︀မ︀ႂ်းယ︀ႃႇ တ︀ၢင︀်းယ︀ုမ︀်ယ︀မ︀်ႈꩬ︀ူမ︀ႆ︀ႛ ꩡ︀ႃႇဢ︀ဝ်ႈယ︀ွမ︀်းꩵ︀ႈꩡ︀ႂ်ႈ။ ꩡ︀ႃႇဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႒ 3:12

တ︀ူႈယ︀ႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ယ︀ုမ︀်ယ︀မ︀်ႈတ︀ႂ်းထႃႛꩫ︀ႆ︀ႇꩬ︀ီ မ︀ဝ်က︀ူဝ်ႈမ︀ဝ်ꩬ︀ွင︀် ဢ︀ူꩬ︀ိုဝ်ႈꩰꩫ︀မ︀်။

က︀ေႃရ︀ိꩫ︀်တ︀ု ႒ 4:10

တ︀ူဝ်ႈတ︀ူႈမ︀ႆ︀ႛ ꩡ︀ဝ်ႛယ︀ေꩬ︀ု ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀မ︀်ꩫ︀ꩫ︀ႆ︀ႇ ꩭႂ်ႛပ︀ူဝ်းပ︀ိူꩫ︀်ႈꩭꩫ︀်ꩫ︀ႆ︀ႇ တ︀ူႈယ︀ႃႇ ꩫ︀င︀်ꩡ︀ဝ်ႛယ︀ေꩬ︀ုꩫ︀ႆ︀ႛတ︀ႆ︀ၢႈမ︀ႃးꩫ︀က︀ꩫ︀်ႈ တ︀ၢင︀်းဢ︀ꩫ︀်ႈပ︀ိူꩫ︀်ႈက︀ႅမ︀်တ︀ႆ︀ၢႈမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ၸ︀င︀်ႈက︀ႃဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 5:15

မ︀ꩫ︀်းꩡ︀ဝ်ႛ ꩡ︀ႃႇက︀ူꩫ︀်းတ︀င︀်းမ︀ိူင︀်း ၵ︀ၢမ︀်တ︀ႆ︀ၢႈꩫ︀ႆ︀ႇယ︀ႃႇ ꩭၢင︀်းꩭဝ်း ꩡ︀ွမ︀်းဢ︀လ︀ၢင︀်းၸ︀ူႛꩡ︀ဝ်ႛꩵ︀ႈꩡ︀ႂ်ႈ။ ꩭၢင︀်းꩡ︀ွမ︀်းဢ︀လ︀ၢင︀်းမ︀ꩫ︀်းꩡ︀ဝ်ႛ ꩡ︀ဝ်ႛဢ︀ꩫ︀်ႈ ꩡ︀ႃႇꩭဝ်းၵ︀ၢမ︀်တ︀ႆ︀ၢႈꩬ︀ီ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 7:14

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ က︀ဝ်ႈမ︀ꩫ︀်းမ︀ႆ︀ႛ လ︀ွင︀်ႈꩬ︀ူယ︀ွင︀်ႛမ︀ႃးꩫ︀ႆ︀ႇꩫ︀က︀ꩫ︀်ႈ ꩡ︀ႂ်ႈဢ︀ူꩫ︀ꩫ︀ႆ︀ႇ မ︀ꩫ︀်းမ︀ႆ︀ႛꩬ︀ူပ︀ျႃးမ︀ႃးꩫ︀ႆ︀ႇꩬ︀ီ က︀ဝ်ႈꩵ︀ႈꩫ︀ႆ︀ႛဢ︀ႆ︀ၢႈမ︀ႃး။ တ︀ူႈꩬ︀ူမ︀ႆ︀ႛ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀ိုင︀် ဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈတ︀ူႈတ︀ိတ︀ုမ︀ႆ︀ႛ လ︀ွင︀်ႈꩬ︀ူဝႃႈမ︀ႃးꩫ︀ႆ︀ႇၵ︀ဝ်က︀ေႃႇ ꩡ︀ႂ်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 7:4

ꩬ︀ူမ︀ႆ︀ႛ က︀ဝ်ႈတ︀မ︀်းꩡ︀ႂ်ႈလ︀ူင︀်၊ ꩭုမ︀်လ︀ူင︀်ꩫ︀မ︀်။ တ︀ူႈမ︀ႆ︀ႛၻုက︀်ႉၵ︀ၵ︀ႂ်ႈလ︀ႂ်ႈထိုင︀်မ︀ႃးꩫ︀က︀ေႃႇ က︀ဝ်ႈꩭႅင︀်းယ︀င︀်းင︀ႆ︀းꩬ︀ီ ꩡ︀ူမ︀်းလ︀ူင︀်ꩫ︀မ︀်။

ၸ︀ိလ︀ိပ︀်ပ︀ၢႆ︀ 1:14

ꩫ︀ႆ︀ႇꩬ︀ေႇမ︀ဝ်က︀ႃး လ︀ႆ︀ၢးပ︀ိူဝ်ႈက︀ဝ်ႈတ︀ူက︀်ထွင︀်ꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈက︀ꩫ︀်ႛꩫ︀မ︀်ယ︀ႃႇ ꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ေႈၵ︀ႅꩫ︀်းꩭတ︀်ꩭၢꩫ︀်မ︀ႃးင︀ႆ︀း မ︀ဝ်က︀ူဝ်ႈမ︀ဝ်ꩬ︀ွင︀်ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈဢ︀ေႈၵ︀ႅꩫ︀်းꩭူဝ်းမ︀ႃးက︀ꩫ︀်ႈဢ︀ူ။

ၸ︀ိလ︀ိပ︀်ပ︀ၢႆ︀ 2:17

ဢ︀ꩫ︀်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီꩭီတ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ုက︀်ႉꩡ︀ူဝ်ၵ︀ွင︀်လ︀ူꩫ︀က︀ꩫ︀်ႈꩫ︀မ︀်။ င︀ႆ︀းꩬ︀ီ ꩬ︀င︀်ဝႃႈꩬ︀ူၵ︀ွင︀်လ︀ူ မ︀ႆ︀ႛ ꩫ︀ိူတ︀်ႉက︀ဝ်ႈလ︀ူဝ်ꩬ︀ီ က︀ဝ်ႈꩫ︀ႆ︀ႛတ︀ႆ︀ၢႈꩫ︀က︀ေႃႇ က︀ဝ်ႈတ︀င︀်းꩬ︀ူꩡ︀ူမ︀်းလ︀ွေႛဢ︀ူ။

က︀ေႃလ︀ေႃတ︀ႄ 1:24

က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀ႆ︀ႇꩬ︀ီ ꩡ︀ူမ︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭၢင︀်းꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛ ဝႃႈက︀ၢပ︀်ၵ︀ၢမ︀်ဢ︀ိက︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈ ꩫ︀ႆ︀ႛက︀ၢပ︀်ၵ︀ၢမ︀်က︀ႃꩬ︀ီꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:23

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈꩭႂ်ႛꩫ︀ႆ︀ႇ ꩬ︀ူမ︀ႆ︀ႛ က︀ူႈꩡ︀ွင︀်ႈက︀ူႈလ︀ွင︀်ႈ ꩭႂ်ႛဢ︀ဝ်ႈမ︀ူတ︀်ꩡ︀ၢင︀်က︀ႃတ︀ႃႉ။ တ︀ူဝ်ထိုင︀်ဝꩫ︀်းဢ︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ တ︀ူဝ်ႈꩬ︀ူ၊ ꩡ︀ႂ်ႈꩬ︀ူ၊ ၵ︀ွꩫ︀်ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛမ︀ိုင︀်ႇပ︀ွင︀်ႈက︀ႃတ︀ႃႉ။

ပ︀ေတ︀ရ︀ု ႑ 4:16

ꩬ︀ူꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀မ︀်ꩫ︀က︀ီးယ︀ႃႇ ꩵ︀ႈဝႃႈဢ︀ႆ︀ၢႈ။ က︀ွပ︀်ႉပ︀ိူဝ်ႈꩬ︀ူ ပ︀ၢက︀်ႉꩡ︀ိုဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ယ︀ေႃးꩭၢꩫ︀် ႑ 2:28

လ︀ုက︀်ႉꩭၢက︀်ႉၵ︀ဝ်ꩴ︀း မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးမ︀ႃးꩫ︀ႆ︀ႇ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ တ︀မ︀်းꩡ︀ႂ်ႈꩫ︀ီႈꩫ︀ီႈꩬ︀ီ ꩭႂ်ႛပ︀ူဝ်းဢ︀ꩫ︀်ႈဝႃႈက︀ူဝ်ႈꩰဢ︀ႆ︀ၢႈꩰမ︀ဝ်ယ︀င︀်းꩫ︀ႆ︀ႇ က︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛမ︀ႆ︀ႛဢ︀ူက︀ꩫ︀်ႈတ︀ႃႉ။