ၸ︀ိလ︀ိပ︀်ပ︀ၢႆ︀ 1:15 - Khamti Shan

¹⁵ ၵ︀ဝ်က︀မ︀်ႈၸ︀ွင︀်း ꩭူဝ်းလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇယ︀ႃႇ ဢ︀ꩫ︀်ႈက︀ဝ်ႈမ︀ႆ︀ႛတ︀ႃႈꩫ︀ႅင︀်ႈꩬ︀ီ ၵ︀ႂ်ႈတ︀ိက︀်ꩬ︀ီꩫ︀မ︀်။ ꩫ︀ႆ︀ႇꩫ︀က︀ေႃႇ က︀မ︀်ႈၸ︀ွင︀်းယ︀ႃႇ ဢ︀ဝ်ႈꩡ︀ေတ︀ꩫ︀ႃꩭူဝ်းꩬ︀ိုဝ်ႈꩰꩫ︀မ︀်။

ၸ︀ိလ︀ိပ︀်ပ︀ၢႆ︀ 1:15 Iomraidhean Croise

မ︀တ︀်တ︀ႄး 23:5

ၵ︀ဝ်ယ︀ႃႇ ဢ︀ꩫ︀်ႈၵ︀ဝ်က︀မ︀်ႈꩰက︀ႅင︀်းꩰတ︀င︀်းမ︀ိူင︀်းမ︀ႆ︀ႛ ꩭႂ်ႛပ︀ူဝ်းပ︀ိူꩫ︀်ႈꩭꩫ︀်ꩫ︀ႆ︀ႇꩭီတ︀်ဢ︀ူ။ င︀ႆ︀းꩫ︀ႆ︀ႇꩬ︀ီ ꩫ︀ႃႛၸ︀က︀်ၵ︀ဝ်၊ ၵ︀ႅꩫ︀်မ︀ိုဝ်းၵ︀ဝ်မ︀ႆ︀ႛ ၵ︀ႅပ︀်ၵ︀ူဝ်ႛက︀ျမ︀်းလ︀ိက︀်ႉꩫ︀ႆ︀ႇၵ︀ဝ် ဢ︀ဝ်ႈယ︀ႂ်ꩰꩭီတ︀်င︀ႆ︀းꩬ︀ီ ၸ︀ွတ︀်ႉဝႆ︀ႇက︀ꩫ︀်ႈဢ︀ူ။ တ︀ိꩫ︀်ႈꩬ︀ိူဝ်ႛထမ︀ူင︀်ႇၵ︀ဝ်မ︀ႆ︀ႛက︀ေႃႇ ꩬ︀ႆ︀ၢဢ︀ꩫ︀်ႈယ︀ွႆ︀ႇꩫ︀ႆ︀ႇၵ︀ဝ် ဢ︀ဝ်ႈယ︀ၢဝ်းꩰယ︀ၢပ︀်ႉဝႆ︀ႇဢ︀ူ။

ထဝ်ꩡ︀တ︀်ႉၵ︀ဝ် 10:36

ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇꩭၢင︀်းဢ︀ီတ︀်ꩬ︀ြေးၵ︀ဝ်တ︀ႅဝ်ꩫ︀ႆ︀ႇ ꩬ︀ူꩫ︀ႆ︀ႛꩥ︀ိꩫ︀်းမ︀ႃးယ︀ဝ်ႇ။ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛꩡ︀ွမ︀်ႈယ︀ေꩬ︀ုၵ︀ရ︀ီတ︀်မ︀ႆ︀ႛ က︀ူꩫ︀်းꩭဝ်းပ︀ိုင︀်ႈဢ︀ိင︀်ႈꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ႆ︀ႛထုက︀်က︀ꩫ︀်ႈပ︀ွက︀်ႉꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 11:20

ꩫ︀ႆ︀ႇꩫ︀က︀ေႃႇ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈလ︀ုက︀်ႉင︀ွꩫ︀်ႈက︀ုပ︀ရ︀ုꩫ︀ႆ︀ႇၵ︀ဝ်င︀ႆ︀း လ︀ုက︀်ႉမ︀ိူင︀်းက︀ုရ︀ေꩫ︀ေꩫ︀ႆ︀ႇၵ︀ဝ်ယ︀ႃႇ ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛက︀ႃꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုက︀ႃၵ︀ႆ︀ႈ က︀ႃꩭူဝ်းလ︀ေဢ︀ူ။

ထဝ်ꩡ︀တ︀်ႉၵ︀ဝ် 5:42

ၵ︀ဝ်ယ︀ႃႇ က︀ူႈမ︀ိုဝ်ႇက︀ူႈဝꩫ︀်း ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛင︀ႆ︀း ꩭိူꩫ︀်းꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩡ︀ဝ်ႛယ︀ေꩬ︀ု ပ︀ီꩫ︀်ႈꩡ︀ဝ်ႛမ︀ေꩬ︀ိယ︀ꩫ︀ႆ︀ႇ က︀ၢပ︀်ꩬ︀ီꩭူဝ်းက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 8:35

ၸ︀ိလ︀ိပ︀်ယ︀ႃႇ လ︀ုက︀်ႉတ︀ွꩫ︀်ႈက︀ျမ︀်းလ︀ိက︀်ႉဢ︀မ︀ႂ်းမ︀ႆ︀ႛက︀ူဝ်ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ု ꩭူဝ်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 8:5

ၸ︀ိလ︀ိပ︀်ယ︀ႃႇ ဝီင︀်းလ︀ူင︀်တ︀ိူင︀်းꩬ︀မ︀ႃရ︀ိမ︀ႆ︀ႛက︀ႃꩬ︀ီ လ︀ွင︀်ႈမ︀ေꩬ︀ိယ︀က︀ႃꩭူဝ်းဢ︀ူ။

ထဝ်ꩡ︀တ︀်ႉၵ︀ဝ် 9:20

မ︀ꩫ︀်းယ︀ႃႇက︀ꩡ︀ူး ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛက︀ႃꩬ︀ီ ꩡ︀ဝ်ႛယ︀ေꩬ︀ုယ︀ႃႇ ၸ︀ူႛလ︀ုက︀်ႉꩡ︀ဝ်ႛထႃဝရ︀ၸ︀ြႃးꩫ︀မ︀်ꩫ︀ꩬ︀ီꩭူဝ်းဢ︀ူ။

ရ︀ေႃမ︀ 2:8

က︀ူꩫ︀်းဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်၊ ဢ︀ꩫ︀်ႈထုက︀်ꩭီတ︀်ꩫ︀ႆ︀ႇမ︀ဝ်ꩭီတ︀်ꩬ︀ီ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈꩬ︀င︀်ꩭီတ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛ တ︀ီတ︀ေႃးꩬ︀ႃးလ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႑ 1:23

တ︀ူႈယ︀ႃႇ ၵ︀ၢဝ်ႈၵ︀ၢမ︀်းလ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်းတ︀ႆ︀ၢႈꩫ︀ႆ︀ႇꩬ︀င︀် ꩭူဝ်းဢ︀ူꩫ︀မ︀်။ ၵ︀ၢဝ်ႈၵ︀ၢမ︀်းဢ︀မ︀ႂ်းယ︀ႃႇ ဢ︀ꩫ︀်ႈက︀ျူးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ွင︀်ႛလ︀ူမ︀်ႇ၊ ဢ︀ꩫ︀်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် မ︀တ︀်ႉၵ︀ၢမ︀်းၸ︀ူႛမ︀ိူက︀်ႉလ︀ေႚလ︀ေႚꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 13:3

ꩬ︀င︀်ဝႃႈ ဢ︀ꩫ︀်ႈက︀ႃႈꩫ︀င︀်က︀ဝ်ႈမ︀ႆ︀ႛယ︀င︀်းꩫ︀ႆ︀ႇ ပ︀ိူꩫ︀်ႈမ︀ႆ︀ႛꩭႂ်ႛꩬ︀ေႇမ︀ဝ်က︀ႃး တ︀ူဝ်ႈက︀ဝ်ႈတ︀မ︀ိူင︀်း ၵ︀ၢမ︀်တ︀ႆ︀ၢႈၸ︀ႆ︀းꩭႂ်ႛပ︀ီꩫ︀်ႈပ︀တ︀ု က︀ဝ်ႈမ︀ႆ︀ႛမ︀ႅတ︀်ႉတ︀ႃမ︀ဝ်ယ︀င︀်းက︀ီး ꩡ︀ႃႇက︀ဝ်ႈဢ︀က︀ိဝ်းက︀ꩬ︀င︀်က︀ေႃႇ ꩵ︀ႈယ︀င︀်း။

က︀ေႃရ︀ိꩫ︀်တ︀ု ႒ 1:19

ဢ︀ꩫ︀်ႈꩬ︀ူမ︀ႆ︀ႛ တ︀ူႈတ︀ိမ︀ေႃတ︀ေင︀ႆ︀း ꩬ︀ီလ︀ၵ︀ဝ်ꩭူဝ်းꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႂ်ႈꩫ︀က︀ꩫ︀်ႈင︀ႆ︀းꩬ︀ီ မ︀ဝ်ꩡ︀ႂ်ႈꩫ︀က︀ꩫ︀်ႈ ꩵ︀ႈဝႃႈ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇယ︀ႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀င︀်းမ︀ိူင︀်းꩡ︀ႂ်ႈꩬ︀ီ ပ︀ီꩫ︀်ႈမ︀ႃးတ︀ေႇတ︀ေႇဢ︀ူꩫ︀ꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 11:13

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀မ︀ႂ်းၵ︀ဝ်ယ︀ႃႇ တ︀မ︀ၢꩫ︀်ꩡ︀ဝ်ႛတ︀ေႇတ︀ေႇꩵ︀ႈꩡ︀ႂ်ႈ။ တ︀မ︀ၢꩫ︀်မ︀ိက︀်ႉꩬ︀ႃဢ︀ꩫ︀်ႈၸ︀ၢမ︀်းပ︀ိူꩫ︀်ႈꩬ︀ီ ꩭႅꩫ︀်းꩭီတ︀်တ︀မ︀ၢꩫ︀်ꩡ︀ဝ်ႛꩡ︀ဝ်ႛၵ︀ရ︀ီတ︀်ꩫ︀ႆ︀ႇၵ︀ဝ်ꩫ︀မ︀်။

က︀ေႃရ︀ိꩫ︀်တ︀ု ႒ 12:20

ဢ︀ꩫ︀်ႈက︀ဝ်ႈက︀ပ︀်ႉꩡ︀ႂ်ႈꩫ︀ႆ︀ႇယ︀ႃႇ က︀ဝ်ႈꩬ︀ူမ︀ႆ︀ႛထိုင︀်မ︀ႃးက︀ီး က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ က︀ူဝ်ႈမ︀ဝ်ꩥ︀ႃးꩡ︀ႂ်ႈက︀ꩫ︀်ႈလ︀ူင︀်ꩫ︀မ︀်။ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈꩫ︀ꩫ︀်းက︀ꩫ︀်ႈ၊ တ︀ႃႈꩫ︀ႅင︀်ႈက︀ꩫ︀်ႈ၊ တ︀ေႃးꩬ︀ႃးက︀ꩫ︀်ႈ၊ ꩡ︀ႂ်ႈတ︀ိင︀်ႈက︀ုပ︀်၊ က︀ေးလ︀ေးက︀ꩫ︀်ႈ၊ ၵ︀ႃႇက︀ꩫ︀်ႈ၊ မ︀ႃꩫ︀ယ︀ႂ်က︀ꩫ︀်ႈင︀ႆ︀း ဢ︀ꩫ︀်ႈဢ︀ုက︀်တ︀လ︀ုက︀်မ︀ူဝ်ႈꩫ︀ꩫ︀်းက︀ꩫ︀်ႈꩫ︀ႆ︀ႇၵ︀ဝ် က︀ူဝ်ႈꩫ︀ႆ︀ႛꩭꩫ︀်ဢ︀ူ။

က︀ေႃရ︀ိꩫ︀်တ︀ု ႒ 4:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢဝ်ႈၵ︀ၢမ︀်းဢ︀ꩫ︀်ႈတ︀ူႈꩭူဝ်းꩫ︀ႆ︀ႇယ︀ႃႇ လ︀ွင︀်ႈတ︀ူႈၸ︀ူႛꩡ︀ဝ်ႛꩵ︀ႈꩡ︀ႂ်ႈ။ လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ု ပ︀ီꩫ︀်ႈꩡ︀ဝ်ႛꩫ︀ိူဝ်ꩭူဝ်တ︀င︀်းမ︀ိူင︀်းꩫ︀ႆ︀ႇꩫ︀မ︀်။ တ︀ူႈၸ︀ူႛꩡ︀ဝ်ႛယ︀ႃႇ ၸ︀ူႛꩡ︀ႂ်ႇꩬ︀ူ ဢ︀ꩫ︀်ႈဢ︀ဝ်ႈတ︀ီမ︀်ႈက︀ုမ︀်ဢ︀မ︀ိင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

ၸ︀ိလ︀ိပ︀်ပ︀ၢႆ︀ 2:3

ꩡ︀ႂ်ႈတ︀ိင︀်ႈက︀ုပ︀်၊ ꩡ︀ႂ်ႈက︀မ︀်ႇလ︀ွင︀်ႛꩫ︀ႆ︀ႇၵ︀ဝ် ပ︀ီယ︀င︀်းပ︀ိူင︀်ႈလ︀ူင︀်။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ွမ︀်းꩫ︀ွမ︀်းက︀ꩫ︀်ႈꩬ︀ီ ၸ︀ူႛꩡ︀ဝ်ႛမ︀ႆ︀ႛပ︀ိူꩫ︀်ႈဢ︀မ︀်ꩬ︀ႃဢ︀ူꩫ︀ꩬ︀ိုင︀် မ︀တ︀်ႉက︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 3:16

လ︀ွင︀်ႈꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇ လ︀ိူက︀်ႉလ︀မ︀် ꩬ︀ိုဝ်ႈꩡ︀ႂ်ႈလ︀ူင︀်တ︀ေႇတ︀ေႇꩫ︀မ︀်။ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးလ︀ူင︀်းပ︀ီꩫ︀်ႈက︀ူꩫ︀်းမ︀ႃးꩬ︀ီ လ︀ွင︀်ႈꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭီတ︀်ꩬ︀ၢက︀်ႉꩬ︀ေမ︀ႃးင︀ႆ︀း ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭꩫ︀်မ︀ႃးယ︀ဝ်ႇ။ က︀ူꩫ︀်းက︀ူႈၸ︀ꩫ︀်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀မ︀်ၸ︀ႃတ︀င︀်းꩡ︀ꩫ︀်ႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉꩬ︀ီဢ︀ဝ်ႈၵ︀ိုꩫ︀်ႛက︀ႃ မ︀ိူင︀်းက︀ၢင︀်ႈꩭၢဝ်ပ︀ွက︀်ႉယ︀ဝ်ႇ။