ဢ︀ေၸ︀ႅတ︀် 3:3 - Khamti Shan

³ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛလ︀ိူက︀်ႉꩰလ︀မ︀်ꩰꩬ︀ၢင︀်ဝႆ︀ႇꩫ︀ႆ︀ႇ က︀ဝ်ႈမ︀ႆ︀ႛ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။ လ︀ွင︀်ႈꩫ︀ႆ︀ႇ က︀ဝ်ႈꩬ︀ူမ︀ႆ︀ႛꩡ︀ွꩫ︀်လ︀ိူင︀်ႈတ︀ႅမ︀်ႛꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 3:3 Iomraidhean Croise

ထဝ်ꩡ︀တ︀်ႉၵ︀ဝ် 22:17

မ︀ိူဝ်ႈက︀ဝ်ႈၵ︀ႃႛ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ထိုင︀်ပ︀ွက︀်ႉꩬ︀ီ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ယ︀ွꩫ︀်းꩬ︀ူးꩬ︀ီဢ︀ူꩫ︀ႆ︀ႇ ꩡ︀ဝ်ႛယ︀ေꩬ︀ုꩭႂ်ႛၿျႃၻိက︀်ႉဢ︀ူ။

ထဝ်ꩡ︀တ︀်ႉၵ︀ဝ် 22:21

င︀ႆ︀းက︀ီး ꩡ︀ဝ်ႛယ︀ေꩬ︀ုယ︀ႃႇ “က︀ႃတ︀ႃႉ။ က︀ဝ်ႈမ︀ႂ်းမ︀ႆ︀ႛ တ︀ီႈက︀ႆ︀ႈ ပ︀ႃႛဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ပ︀ွႆ︀ꩡ︀ႂ်ႇက︀ွတ︀်” ꩫ︀ဝꩫ︀်ႇ”။

ထဝ်ꩡ︀တ︀်ႉၵ︀ဝ် 23:9

ဢ︀ꩫ︀်ႈၵ︀ဝ်ဢ︀ုက︀်က︀ꩫ︀်ႈꩫ︀ႆ︀ႇ ဢ︀ေႈၵ︀ႅꩫ︀်းꩭႅင︀်းမ︀ႃးက︀ီး ꩬ︀ြႃတ︀ြႃးၸ︀ူႛၵ︀ဝ်ႛက︀ုမ︀်ႛၸ︀ႃရ︀ိꩬ︀ႄက︀မ︀်ႈၸ︀ွင︀်းလ︀ုက︀်ႉꩬ︀ီ “မ︀ꩫ︀်းမ︀ႆ︀ႛဢ︀ꩫ︀်ႈၸ︀ိတ︀်က︀ꩬ︀င︀်က︀ေႃႇꩵ︀ႈꩭꩫ︀်၊ ၵ︀ွꩫ︀်ပ︀ႃးလ︀ိူင︀်ႈမ︀ဝ်ꩡ︀ႂ်ႈက︀ီး ၵ︀ုꩫ︀်ꩬ︀ၢင︀်ပ︀ႃးလ︀ိူင︀်ႈ မ︀ꩫ︀်းမ︀ႆ︀ႛဝႃႈမ︀ႃးတ︀ေႇတ︀ေႇꩵ︀ထၢင︀်ႇ” ꩫ︀ꩬ︀ီထီင︀်ဢ︀ၵ︀ႅက︀်ႉက︀ꩫ︀်ႈဢ︀ူ။

ရ︀ေႃမ︀ 11:25

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းꩬ︀ူမ︀ဝ်က︀မ︀်ႇလ︀ွင︀်ႛꩫ︀ႆ︀ႇ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈင︀ႆ︀ႚꩬ︀ိုင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ၵ︀ႆ︀ႈမ︀ႃးꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈဢ︀ီတ︀်ꩬ︀ြေးၵ︀ဝ် တ︀ၢꩫ︀်ႛယ︀ပ︀်ꩫ︀ႆ︀ႇယ︀ႃႇ ꩡ︀ူဝ်ႈဢ︀ꩬ︀ၢက︀်ႉꩵ︀ႈꩡ︀ႂ်ႈ။ ꩡ︀ူဝ်ႈက︀ႃႈဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ီယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ဝ်ပ︀ႆ︀ယ︀ုမ︀်ယ︀မ︀်ႈမ︀ႃးꩫ︀ႆ︀ၢႈꩫ︀မ︀်။

ရ︀ေႃမ︀ 16:25

ပ︀ႆ︀ႉꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩫ︀င︀်ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈꩬ︀ူယ︀ုမ︀်ယ︀မ︀်ႈဝႆ︀ႇမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛပ︀ီꩫ︀်ႈဢ︀ူ။ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းယ︀ႃႇ ꩬ︀မ︀်မ︀ႃတ︀ြႃးဢ︀ꩫ︀်ႈက︀ီလ︀ႆ︀ၢꩡ︀ူဝ်ႈပ︀ၢꩫ︀်ႈ ဢ︀ဝ်ႈမ︀ႅပ︀်ဝႆ︀ႇမ︀ႃးꩬ︀ီ င︀ႆ︀ႚꩬ︀ိုင︀်မ︀ꩫ︀်းꩡ︀ဝ်ႛ ပ︀ုတ︀်ပ︀ျႃးမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 12:1

ဢ︀က︀ိဝ်းမ︀ဝ်ယ︀င︀်းꩫ︀က︀ေႃႇ က︀ဝ်ႈဢ︀ꩫ︀်ႈဝႃႈက︀မ︀်ႇလ︀ွင︀်ႛလ︀ူင︀်ယ︀င︀်းဢ︀ူ။ င︀ႆ︀းꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈက︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛၿျႃၻိက︀်ႉꩫ︀ၵ︀ႃ ပ︀ုတ︀်ပ︀ျႃးꩭႂ်ႛꩫ︀ႆ︀ႇၵ︀ဝ် က︀ဝ်ႈဝႃႈၵ︀ႆ︀ႈꩫ︀မ︀်။

က︀လ︀ႃတ︀ိ 1:12

ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛꩫ︀မ︀် က︀ဝ်ႈမ︀ႆ︀ႛပ︀ုတ︀်ၵ︀ႆ︀ႈꩭႂ်ႛမ︀ႃးꩫ︀ႆ︀ႇ။ က︀ဝ်ႈလ︀ုက︀်ႉၸ︀ႂ်မ︀ႆ︀ႛက︀ေႃႇ ꩵ︀ႈꩭၢပ︀်ႉမ︀ႃး။ ꩵ︀ႈꩬ︀ွꩫ︀်ဢ︀ဝ်ႈမ︀ႃး။

ဢ︀ေၸ︀ႅတ︀် 1:17

ၸ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ပ︀ူဝ်ꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်မ︀ႆ︀ႛ ꩭႂ်ႛပ︀ူဝ်းꩬ︀ူတ︀ွင︀်းမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛꩬ︀ူမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈꩬ︀ူမ︀ႆ︀ႛပ︀ိင︀်ꩥ︀ႃပ︀ူင︀်ႈꩭႂ်ႛꩬ︀ီ ပ︀ုတ︀်ပ︀ျႃးလ︀ွင︀်ႈမ︀ꩫ︀်းꩡ︀ဝ်ႛꩫ︀ႆ︀ႇ ꩭႂ်ႛပ︀ူင︀်ႈꩭႂ်ႛက︀ႃတ︀ႃႉ။

ဢ︀ေၸ︀ႅတ︀် 3:4

လ︀ိက︀်ႉꩫ︀ႆ︀ႇမ︀ႆ︀ႛ ꩬ︀ူဢ︀ၢꩫ︀်က︀ီး လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛ က︀ဝ်ႈမ︀ႆ︀ႛ ၵ︀ႂ်ႈလ︀ႂ်ႈပ︀ုတ︀်ပ︀ျႃးꩭႂ်ႛမ︀ႃးꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ႆ︀ႛဢ︀ူ။

ဢ︀ေၸ︀ႅတ︀် 3:6

ဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ လ︀ႆ︀ၢးပ︀ိူဝ်ႈၵ︀ၢဝ်ႈၵ︀ၢမ︀်းꩫ︀ီႈꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ဢ︀က︀ိဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩭူမ︀်ႈꩭၢပ︀်ႉꩫ︀ႆ︀ႇꩫ︀မ︀်။ ၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ꩫ︀ႂ်းတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛလ︀ွေႛꩬ︀ီ က︀တ︀ိဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛမ︀ႃးꩫ︀ႆ︀ႇ ꩫ︀ႆ︀ႛꩭၢပ︀်ႉဢ︀ဝ်ႈယ︀ဝ်ႇ။

ဢ︀ေၸ︀ႅတ︀် 3:9

လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်လ︀ူင︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ႅမ︀်ဝႆ︀ႇꩫ︀ႆ︀ႇ ꩭလ︀ိုဝ်ꩬ︀ီတ︀ီပ︀ီꩫ︀်ႈမ︀ႃးꩫ︀ꩫ︀ႆ︀ႇ က︀ူꩫ︀်းတ︀င︀်းမ︀ိူင︀်းမ︀ႆ︀ႛ ꩫ︀ႆ︀ႛပ︀ုတ︀်ၵ︀ႆ︀ႈပ︀ျႃးꩭႂ်ႛမ︀ႃးယ︀ဝ်ႇ။ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈတ︀င︀်းလ︀ုင︀်မ︀ႆ︀ႛ ၸ︀ၢꩫ︀်ꩬ︀ၢင︀်းမ︀ႃးꩫ︀ႆ︀ႇ ဢ︀ꩫ︀်ႈမ︀ꩫ︀်းꩡ︀ဝ်ႛက︀ႅမ︀်ဝႆ︀ႇဢ︀မ︀ႂ်း ၸ︀ႂ်မ︀ႆ︀ႛက︀ေႃႇꩵ︀ႈပ︀ုတ︀်ပ︀ျႃးꩭႂ်ႛမ︀ႃး။

ဢ︀ေၸ︀ႅတ︀် 6:19

ꩡ︀ႃႇက︀ဝ်ႈက︀ေႃႇ ꩭႂ်ႛပ︀ူဝ်းက︀ဝ်ႈမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ပ︀ျႃးꩭႂ်ႛꩬ︀ီ လ︀ွင︀်ႈၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ꩭတ︀်ꩰꩭၢꩫ︀်ꩰꩭူဝ်းပ︀ီꩫ︀်ႈꩫ︀ႆ︀ႇ ယ︀ွꩫ︀်းꩬ︀ူးꩭႂ်ႛက︀ꩫ︀်ႈမ︀ႃးတ︀ႃႉ။

က︀ေႃလ︀ေႃတ︀ႄ 2:2

က︀ဝ်ႈင︀ႆ︀းꩬ︀ီ ꩬ︀ေႈꩡ︀ႃႉꩫ︀ႆ︀ႇယ︀ႃႇ ꩬ︀ူတ︀င︀်းလ︀ုင︀်ꩭႅင︀်းၵ︀ိုꩫ︀်ႛမ︀ႃး၊ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈမ︀ႃးင︀ႆ︀းꩬ︀ီ ꩬ︀မ︀်မ︀ႃတ︀ြႃးဢ︀ꩫ︀်ႈꩬ︀ူတ︀ွင︀်းဝႆ︀ႇမ︀ႆ︀ႛ ꩭႂ်ႛပ︀ူဝ်းတ︀မ︀်းꩡ︀ႂ်ႈတ︀ီမ︀်ႈꩰက︀ုမ︀်ꩰမ︀ႃးꩫ︀ႆ︀ႇꩫ︀မ︀်။ င︀ႆ︀းက︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ꩫ︀ႆ︀ႇယ︀ႃႇ လ︀ွင︀်ႈလ︀ိူက︀်ႉလ︀မ︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ၢင︀်ဝႆ︀ႇမ︀ႃးꩬ︀ီ င︀ႆ︀ႚꩬ︀ိုင︀်ပ︀ုတ︀်ပ︀ျႃးမ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩬ︀ူတ︀င︀်းလ︀ုင︀် တ︀ွင︀်းမ︀ႃးꩫ︀ီႈꩫ︀ီႈက︀ꩫ︀်ႈဢ︀ူ။

က︀ေႃလ︀ေႃတ︀ႄ 4:3

ꩡ︀ႃႇတ︀ူႈက︀ေႃႇ ဢ︀ၵ︀ၢင︀်းဢ︀ꩫ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈလ︀ိူက︀်ႉလ︀မ︀် ꩭႂ်ႛပ︀ူဝ်းꩫ︀ႆ︀ႛꩫ︀ႆ︀ႇ ယ︀ွꩫ︀်းꩬ︀ူးမ︀ႃးတ︀ႃႉ။ လ︀ႆ︀ၢးပ︀ိူဝ်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းꩬ︀ီ က︀ဝ်ႈင︀ႆ︀ႚꩫ︀ႆ︀ႛတ︀ူက︀်ထွင︀်ဢ︀ူꩫ︀မ︀်။

ꩭေပ︀ရ︀ူး 13:22

ပ︀ီႈꩫ︀ွင︀်ႇၵ︀ဝ်ꩴ︀း လ︀ိက︀်ႉဢ︀ꩫ︀်ႈꩬ︀ႂ်ꩭႅင︀်းꩫ︀ႆ︀ႇ က︀ဝ်ႈဢ︀ဝ်ႈပ︀ွတ︀်ꩰတ︀ႅမ︀်ႛဝႆ︀ႇꩫ︀ႆ︀ႇꩬ︀ီ ꩭီတ︀်ꩫ︀ီႈꩫ︀ီႈထွမ︀်က︀ꩫ︀်ႈမ︀ႃးတ︀ႃႉ။

ပ︀ေတ︀ရ︀ု ႑ 5:12

က︀ဝ်ႈလ︀ိက︀်ႉꩫ︀ႆ︀ႇ ꩬ︀ီလ︀ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းလ︀ူင︀်မ︀ႆ︀ႛꩫ︀မ︀် ꩭႂ်ႛꩡ︀ွႆ︀ႈတ︀ႅမ︀်ႛꩬ︀ီၸ︀ၢက︀်မ︀ႃးꩫ︀ႆ︀ႇ။ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛၵ︀ႂ်ႈꩬ︀ႂ်ꩭႅင︀်းꩭႂ်ႛꩬ︀ီလ︀ိူင︀်ႈ၊ င︀ႆ︀ႚꩬ︀ူက︀ꩬ︀င︀်ꩭူပ︀်ႉꩭꩫ︀်ꩬ︀ီဢ︀ူꩫ︀က︀ေႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛယ︀င︀်းꩬ︀ီဢ︀ူꩫ︀မ︀်ꩫ︀ꩫ︀ႆ︀ႇ ၵ︀ႂ်ႈꩭႂ်ႛတ︀ွင︀်းꩫ︀ီႈꩫ︀ီႈꩬ︀ီလ︀ိူင︀်ႈ လ︀ိက︀်ႉꩫ︀ႆ︀ႇတ︀ႅမ︀်ႛမ︀ႃးꩫ︀မ︀်။ က︀ꩫ︀်ႛꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။

ပ︀ေတ︀ရ︀ု ႒ 3:15

ꩭႂ်ႛပ︀ူဝ်းက︀ူꩫ︀်းက︀ူႈက︀ူဝ်ႇ ဢ︀ꩫ︀်ႈမ︀ꩫ︀်းꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩫ︀ႆ︀ႛꩭၢပ︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ေးၵ︀ၢမ︀်ꩬ︀ီထႃႛဢ︀ူꩫ︀မ︀်ꩫ︀ꩫ︀ႆ︀ႇ ပ︀ီလ︀ုမ︀်းက︀ꩫ︀်ႈ။ လ︀ွင︀်ႈꩫ︀ႆ︀ႇꩫ︀မ︀် ပ︀ေႃလ︀ုꩭဝ်းက︀ေႃႇ ဢ︀ဝ်ႈꩥ︀ႅꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇ ꩬ︀ူမ︀ႆ︀ႛတ︀ႅမ︀်ႛမ︀ႃးꩫ︀ႆ︀ႇ။