ဢ︀ေၸ︀ႅတ︀် 2:2 - Khamti Shan

² မ︀ိူဝ်ႈဢ︀မ︀ႂ်း ꩬ︀ူ ꩫ︀င︀်က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈဢ︀ူꩬ︀ီ ၵ︀ၢမ︀်းၵ︀ုꩫ︀်ꩬ︀ူင︀် ဢ︀ꩫ︀်ႈꩭူမ︀်းက︀ၢင︀်ႈၸ︀ႃႇမ︀ႆ︀ႛ ထွမ︀်ꩡ︀ွမ︀်းမ︀ႃးဢ︀ူ။ ၵ︀ုꩫ︀်ꩬ︀ူင︀်ဢ︀ꩫ︀်ႈင︀မ︀်းၵ︀ွꩫ︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭူမ︀်းဢ︀ူꩫ︀မ︀်။

ဢ︀ေၸ︀ႅတ︀် 2:2 Iomraidhean Croise

မ︀တ︀်တ︀ႄး 11:19

ၵ︀ိုꩫ︀်းꩫ︀က︀ဝ် က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းꩫ︀ႆ︀ႇ မ︀ဝ်ꩭႅတ︀်ႉတ︀ွင︀်ႇ၊ မ︀ဝ်င︀ိူင︀်ႇဝၢႆ︀မ︀က︀်ꩡ︀ပ︀ႅတ︀်ႉꩬ︀ီမ︀ႃးက︀ီးက︀ေႃႇ ꩬ︀ူယ︀ႃႇ “လ︀ႅမ︀်းလ︀ိူဝ်း မ︀ꩫ︀်းယ︀ႃႇ ၸ︀ူႛတ︀ွင︀်ႇလ︀ူင︀်ꩬ︀ႃး၊ ယ︀ႃလ︀ဝ်ႛꩬ︀ႃး၊ က︀ူဝ်ႇꩬ︀ေႛၸ︀ူႛက︀ီပ︀်ၵ︀ွꩫ︀်ꩫ︀ႆ︀ႇၵ︀ဝ်၊ က︀ူဝ်ႇꩬ︀ေႛက︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ်ꩬ︀ႃး” ꩫ︀ဝꩫ︀်ႇ။ ဝႃႈꩭိုဝ်ꩫ︀က︀ေႃႇ က︀ူဝ်ႇဢ︀ꩫ︀်ႈ ꩫ︀င︀်ꩥ︀ႅꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈꩭႂ်ႛꩫ︀က︀ꩫ︀်ႈ ꩭီတ︀်ꩭႆ︀ꩫ︀ႆ︀ႇယ︀ႃႇ ꩬ︀ိုဝ်ႈꩡ︀ႂ်ႈဢ︀ူꩫ︀ꩫ︀ႆ︀ႇ ဢ︀ꩫ︀်ႈမ︀ꩫ︀်းꩭီတ︀်ꩫ︀ႆ︀ႇၵ︀ဝ် ꩬ︀ၢက︀်ႉꩬ︀ေပ︀ျႃးဢ︀ူ” ꩫ︀ဝꩫ︀်ႇ။

မ︀တ︀်တ︀ႄး 13:22

ꩭွေၸ︀ꩫ︀်းဢ︀ꩫ︀်ႈတ︀ူက︀်ပ︀ႃယ︀ုမ︀်းꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး ယ︀ုမ︀်ယ︀မ︀်ႈꩫ︀က︀ေႃႇ က︀ပ︀်ႉꩡ︀ႂ်ႈလ︀ွင︀်ႈလ︀ေႃးက︀ီင︀ႆ︀း ꩭွႆ︀ႛꩡ︀ႂ်ႈင︀ိူꩫ︀်းၵ︀မ︀်းၸ︀ႅဝ်ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩡ︀ွမ︀်းမ︀ဝ်ပ︀ီꩫ︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။

မ︀တ︀်တ︀ႄး 13:38

ꩫ︀ႃးယ︀ႃႇ မ︀ိူင︀်းက︀ၢင︀်ႈꩫ︀ႆ︀ႇꩫ︀မ︀်။ ၸ︀ꩫ︀်းၵ︀ဝ်ႛꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။ ꩭွေၸ︀ꩫ︀်းဝင︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။

လ︀ုက︀ႃ 16:8

ၸ︀ူႛမ︀ိုင︀်ႇင︀ိူꩫ︀်းꩫ︀ႆ︀ႇ လ︀ၢက︀်ꩰလ︀ႅမ︀်ꩰꩭီတ︀်ꩫ︀ႆ︀ႇမ︀ႆ︀ႛ ꩡ︀ဝ်ႛမ︀ꩫ︀်းတ︀ွင︀်းက︀ီး ယ︀ွင︀်ႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈၵ︀ဝ်ꩭီတ︀်ဢ︀မ︀ူးꩫ︀ႆ︀ႇ က︀ူꩫ︀်းဢ︀ꩫ︀်ႈဢ︀ူꩫ︀ႂ်းဢ︀ꩫ︀်ႈလ︀ႅင︀်းꩫ︀ႆ︀ႇၵ︀ဝ်မ︀ႆ︀ႛ လ︀ၢက︀်လ︀ႅမ︀်ꩬ︀ႃဢ︀ူ” ꩫ︀ဝꩫ︀်ႇ။

လ︀ုက︀ႃ 22:31

ꩬ︀ႅင︀်မ︀ုꩫ︀်ꩴ︀း ထွမ︀်တ︀ႃႉ။ ၵ︀ုꩫ︀်ꩬ︀ူင︀်ယ︀ႃႇ ဢ︀ၵ︀ၢင︀်းဢ︀ꩫ︀်ႈ ꩬ︀ူတ︀င︀်းမ︀ိူင︀်းမ︀ႆ︀ႛ ꩫ︀င︀်ဝီးၵ︀ဝ်ႛꩫ︀က︀ꩫ︀်ႈ ဝီးꩬ︀ီတ︀ီꩡ︀ႅပ︀်ႉꩫ︀ႆ︀ႇ ꩫ︀ႆ︀ႛဝႆ︀ႇယ︀ဝ်ႇ။

ယ︀ေႃးꩭၢꩫ︀် 12:31

မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ႅတ︀်ႉတ︀ြႃးယ︀ဝ်ႇ။ ၵ︀ုꩫ︀်မ︀ိူင︀်းက︀ၢင︀်ႈမ︀ႆ︀ႛ တ︀ီပ︀ိုဝ်တ︀ူက︀်ၵ︀ွတ︀်ယ︀ဝ်ႇ။

ယ︀ေႃးꩭၢꩫ︀် 13:2

ꩡ︀ဝ်ႛယ︀ေꩬ︀ု တ︀င︀်းတ︀ပ︀ေးꩡ︀ဝ်ႛၵ︀ဝ် က︀ိꩫ︀်ႈၵ︀ဝ်ႛပ︀ၢင︀်ႛၵ︀မ︀်ႈꩬ︀ီဢ︀ူဢ︀ူ။ မ︀ိူဝ်ႈဢ︀မ︀ႂ်း ၵ︀ုꩫ︀်ꩬ︀ူင︀်ယ︀ႃႇ ယ︀ုတ︀ ၸ︀ူႛလ︀ုက︀်ႉꩬ︀ႅင︀်မ︀ုꩫ︀်ꩬ︀က︀ႃရ︀ုတ︀်မ︀ႆ︀ႛ ꩭူဝ်ꩡ︀ႂ်ႈဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ၵ︀ႂ်ႈၸ︀ုꩫ︀်ႇꩬ︀ႅတ︀်ႉꩬ︀ႃꩫ︀ႆ︀ႇ ꩬ︀ႂ်ဝႆ︀ႇယ︀ဝ်ႇꩰ။

ယ︀ေႃးꩭၢꩫ︀် 13:27

မ︀ွင︀်းယ︀ုတ︀ၵ︀ဝ်ႛမ︀ုꩫ︀်းဢ︀မ︀ႂ်းက︀ိꩫ︀်ႈယ︀ႃႇ ꩭူဝ်ꩡ︀ႂ်ႈမ︀ꩫ︀်းမ︀ႆ︀ႛ ၵ︀ုꩫ︀်ꩬ︀ူင︀်ၵ︀ဝ်ႛက︀ႃဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ယ︀ုတ︀မ︀ႆ︀ႛ “ဢ︀ꩫ︀်ႈမ︀ႂ်းဝႃႈꩭီတ︀်ꩫ︀ႆ︀ႇ ဢ︀ဝ်ႈက︀ႅင︀်က︀ႃꩭီတ︀်လ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 14:30

က︀ဝ်ႈတ︀င︀်းꩬ︀ူ ဢ︀ၢꩫ︀်တ︀ၢꩫ︀်တ︀ၢꩫ︀်ႛဢ︀ိက︀်ꩵ︀ႈꩫ︀ႆ︀ႛယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ုꩫ︀်မ︀ိူင︀်းက︀ၢင︀်ႈꩫ︀ႆ︀ႇ တ︀ီထိုင︀်မ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ မ︀ꩫ︀်းက︀ဝ်ႈမ︀ႆ︀ႛꩭီတ︀်က︀ꩬ︀င︀်က︀ေႃႇꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 15:19

ꩬ︀ူပ︀ႃႛမ︀ိူင︀်းက︀ၢင︀်ႈမ︀ႆ︀ႛဢ︀ူက︀ီး က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ ꩬ︀ူမ︀ႆ︀ႛꩫ︀င︀်ပ︀ီႈꩫ︀ွင︀်ႇၵ︀ဝ်ၸ︀ူႛꩡ︀ဝ်ႛꩫ︀က︀ꩫ︀်ႈတ︀ီꩭၢက︀်ႉꩬ︀ႃး။ ꩫ︀ႆ︀ႇꩫ︀က︀ေႃႇ ꩬ︀ူမ︀ႆ︀ႛက︀ဝ်ႈလ︀ုက︀်ႉမ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ လ︀ိူက︀်ႉဝႆ︀ႇꩫ︀ႆ︀ႇꩬ︀ီ ꩬ︀ူက︀ူꩫ︀်းမ︀ိူင︀်းက︀ၢင︀်ႈꩵ︀ႈꩡ︀ႂ်ႈယ︀ဝ်ႇ။ င︀ႆ︀းꩬ︀ီꩫ︀မ︀် ꩬ︀ူမ︀ႆ︀ႛက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ꩡ︀င︀်းꩫ︀ႆ︀ႇ။

ယ︀ေႃးꩭၢꩫ︀် 16:11

က︀ွပ︀်ႉပ︀ိူဝ်ႈၵ︀ုꩫ︀်မ︀ိူင︀်းက︀ၢင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးယ︀ဝ်ႇꩰꩫ︀ႆ︀ႇꩬ︀ီ လ︀ွင︀်ႈပ︀ႅတ︀်ႉတ︀ြႃးꩫ︀ႆ︀ႇတ︀ီၵ︀ႆ︀ႈꩭႂ်ႛꩫ︀မ︀်။

ယ︀ေႃးꩭၢꩫ︀် 7:7

ꩬ︀ူမ︀ႆ︀ႛယ︀ႃႇ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ဢ︀ꩫ︀်ႈဝႃႈꩡ︀င︀်းꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇ တ︀ၢင︀်းက︀ႅင︀်းꩭင︀်ႛၵ︀ဝ်မ︀ႆ︀ႛ ပ︀ုတ︀်ၵ︀ႆ︀ႈꩭႂ်ႛꩫ︀ႆ︀ႇꩬ︀ီ က︀ဝ်ႈမ︀ႆ︀ႛယ︀ႃႇၵ︀ဝ်ꩡ︀င︀်းဢ︀ူ။

ယ︀ေႃးꩭၢꩫ︀် 8:23

မ︀ꩫ︀်းꩡ︀ဝ်ႛယ︀ႃႇ “ꩬ︀ူယ︀ႃႇ က︀ူꩫ︀်းမ︀ိူင︀်းက︀ၢင︀်ႈꩫ︀မ︀်။ က︀ဝ်ႈယ︀ႃႇ လ︀ုက︀်ႉမ︀ိူင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀မ︀်မ︀ႃးꩫ︀ႆ︀ႇ။ က︀ဝ်ႈယ︀ႃႇ က︀ူꩫ︀်းမ︀ိူင︀်းက︀ၢင︀်ႈꩵ︀ႈꩡ︀ႂ်ႈ။

ယ︀ေႃးꩭၢꩫ︀် 8:44

ပ︀ူဝ်ꩬ︀ူယ︀ႃႇ ၵ︀ုꩫ︀်ꩬ︀ူင︀်ꩬ︀ႃး။ င︀ႆ︀းꩬ︀ီꩬ︀ႃး ꩬ︀ူၵ︀ႂ်ႈꩡ︀ွမ︀်းဢ︀လ︀ၢင︀်းမ︀ꩫ︀်းꩫ︀ႆ︀ႇ။ ၵ︀ုꩫ︀်ꩬ︀ူင︀်ꩫ︀ႆ︀ႇ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းꩬ︀ႃး။ မ︀ꩫ︀်းယ︀ႃႇ ꩬ︀မ︀်မ︀ႃတ︀ြႃးမ︀ဝ်ꩭွꩫ︀်ဝႃႈꩫ︀ႆ︀ႇꩬ︀ီ မ︀ိူဝ်ႈလ︀ႂ်ႈက︀ေႃႇꩵ︀ႈꩬ︀ိုဝ်ႈတ︀ူဝ်။ မ︀ꩫ︀်းယ︀ႃႇ ၸ︀ႅတ︀်ႉလ︀ူင︀်ꩬ︀ႃး။ ꩫ︀င︀်မ︀ꩫ︀်းꩡ︀ဝ်ႛၸ︀ႅတ︀်ႉꩬ︀ီဢ︀ူꩫ︀က︀ꩫ︀်ႈ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ွꩫ︀်ꩭႂ်ႛၸ︀ႅတ︀်ႉꩬ︀ီဢ︀ူꩬ︀ႃး။

ထဝ်ꩡ︀တ︀်ႉၵ︀ဝ် 19:35

ပ︀ၢႆ︀ႈꩭၢင︀်မ︀ႆ︀ႛ ꩡ︀ဝ်ႛꩡ︀လ︀ေးမ︀ိူင︀်းယ︀ႃႇ ၸ︀ုင︀်က︀ူꩫ︀်းမ︀ႆ︀ႛ ꩭႂ်ႛတ︀ီတ︀်ယ︀ဝ်ႇက︀ီး “ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း ဝီင︀်းဢ︀ေၸ︀ႅတ︀်ꩭဝ်းယ︀ႃႇ ဝီင︀်းဢ︀ꩫ︀်ႈၵ︀ီင︀်ꩫ︀ၢင︀်းၸ︀ီဢ︀ႃတ︀ေမ︀ိယ︀င︀်းꩫ︀မ︀်။ ꩭိꩫ︀်မ︀ူတ︀်ꩡ︀ၢင︀်မ︀ꩫ︀်းꩡ︀ဝ်ႛ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛ တ︀ူက︀်ႉမ︀ႃးꩫ︀ႆ︀ႇက︀ေႃႇ ဢ︀ူဝီင︀်းꩭဝ်းမ︀ႆ︀ႛꩫ︀မ︀်ꩫ︀ꩫ︀ႆ︀ႇ က︀ူႈက︀ူဝ်ႇတ︀ွင︀်းဢ︀ူ။

ထဝ်ꩡ︀တ︀်ႉၵ︀ဝ် 5:3

ꩫ︀ႆ︀ႇမ︀ႆ︀ႛ ပ︀ေတ︀ရ︀ုယ︀ႃႇ “ဢ︀ႃꩫ︀ꩫ︀ိꩴ︀း မ︀ႂ်းယ︀ႃႇင︀ိူꩫ︀်းဢ︀ꩫ︀်ႈၵ︀ႆ︀ၢးꩫ︀ိꩫ︀်ႈꩫ︀ႆ︀ႛꩫ︀ႆ︀ႇ ꩡ︀ႃႇꩭၢင︀်းၸ︀ူႛꩡ︀ဝ်ႛၸ︀ႃၵ︀ိူင︀်းက︀ၢင︀်ႈ ဢ︀ဝ်ႈက︀ိူတ︀်ဝႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႅတ︀်ႉၸ︀ၢင︀်းယ︀ဝ်ႇ။ ꩭီတ︀်က︀ꩬ︀င︀်ꩫ︀ႆ︀ မ︀ႂ်းၵ︀ုꩫ︀်ꩬ︀ူင︀်မ︀ႆ︀ႛ က︀ွမ︀်းꩫ︀ႆ︀ႇ။

ရ︀ေႃမ︀ 12:2

ꩬ︀ူယ︀ႃႇ တ︀ၢင︀်းက︀ႅင︀်းက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ီꩡ︀ွမ︀်းယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭူဝ်ꩡ︀ႂ်ႈꩬ︀ူဢ︀ၢပ︀်ႉꩬ︀ီ ꩭႂ်ႛမ︀ꩫ︀်းꩡ︀ဝ်ႛလ︀ႆ︀ၢႈမ︀ႂ်ꩰတ︀ႃႉ။ င︀ႆ︀းက︀ီး ဢ︀ꩫ︀်ႈꩫ︀ီႈ၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈင︀ႆ︀း ဢ︀ꩫ︀်ႈတ︀ီမ︀်ႈက︀ုမ︀်ꩫ︀ႆ︀ႇၵ︀ဝ် ꩬ︀ူ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ွင︀်းမ︀ႃးဢ︀ူ။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛထုက︀်ꩡ︀ႂ်ႈတ︀ေႇတ︀ေႇꩫ︀မ︀်။

က︀ေႃရ︀ိꩫ︀်တ︀ု ႑ 5:10

ဢ︀မ︀ႂ်းယ︀ႃႇ က︀ူꩫ︀်းမ︀ိူင︀်းက︀ၢင︀်ႈ ဢ︀ꩫ︀်ႈၸ︀ိတ︀်က︀ႃမ︀၊ ဢ︀ꩫ︀်ႈလ︀ေႃးၸ︀ႃး၊ ၸ︀ူႛလ︀ၢက︀်ႉင︀ႆ︀း ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛင︀ိူင︀်ႇꩵ︀ႈꩡ︀ႂ်ႈ။ ၵ︀ဝ်မ︀ႆ︀ႛပ︀ူဝ်းင︀ိူင︀်ႇက︀ီး ꩬ︀ူလ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛ ဝႃႈဢ︀ွက︀်က︀ႃလ︀ေႚလ︀ေႚꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႑ 6:11

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ ꩬ︀ူက︀မ︀်ႈၸ︀ွင︀်း ပ︀ီꩫ︀်ႈင︀ႆ︀းမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇင︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩭဝ်း ဢ︀ပ︀ႅတ︀်ႉꩬ︀ူမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ုက︀်ႉꩬ︀ီꩭႂ်ႛင︀ႆ︀း ꩬ︀ူမ︀ႆ︀ႛ ဢ︀ဝ်ႈမ︀ူတ︀်ꩡ︀ၢင︀်ꩬ︀ီ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ယ︀ဝ်ႇ။

က︀ေႃရ︀ိꩫ︀်တ︀ု ႒ 4:4

က︀ူꩫ︀်းဢ︀ꩫ︀်ႈလ︀ူႇꩬ︀ုမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်ၸ︀ူႛဢ︀ꩫ︀်ႈင︀ႆ︀ႚ မ︀ိူင︀်းက︀ၢင︀်ႈမ︀ႆ︀ႛဢ︀ုပ︀်ပ︀ိုင︀်ꩫ︀ႆ︀ႇလ︀ၢပ︀်ႉတ︀ႃႈဢ︀ဝ်ႈꩫ︀မ︀်ႈꩬ︀ိင︀်ၵ︀ွꩫ︀်ဝႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ ꩡ︀ဝ်ႛယ︀ေꩬ︀ုယ︀ႃႇ ပ︀ီꩫ︀်ႈမ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭꩫ︀်က︀ီးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀က︀ꩫ︀်ႈꩫ︀မ︀်။

က︀လ︀ႃတ︀ိ 1:4

ꩡ︀ဝ်ႛယ︀ေꩬ︀ုယ︀ႃႇ ꩭႂ်ႛပ︀ူဝ်ꩭဝ်းꩫ︀င︀်က︀ူꩫ︀်းꩭၢႆ︀ႇပ︀ၢꩫ︀်ႈင︀ႆ︀ႚꩫ︀ႆ︀ႇၵ︀ဝ်ꩫ︀က︀ꩫ︀်ႈမ︀ဝ်လ︀ူႇမ︀ဝ်ꩬ︀ုမ︀်းꩫ︀ႆ︀ႇ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ၢင︀်ဝႆ︀ႇꩫ︀က︀ꩫ︀်ႈ ꩡ︀ႃႇဢ︀ပ︀ႅတ︀်ႉꩭဝ်း ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ွတ︀်ꩬ︀ီ ꩭဝ်းမ︀ႆ︀ႛၵ︀ေꩬ︀ေꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 1:21

ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ၵ︀ူင︀်းက︀ၢင︀်ႈꩭၢဝ်မ︀ႆ︀ႛ ၵ︀ုꩫ︀်တ︀င︀်းလ︀ုင︀်၊ ဢ︀ႃꩫ︀ႃတ︀င︀်းလ︀ုင︀်၊ တ︀ꩫ︀်းၵ︀ူဝ်းတ︀င︀်းလ︀ုင︀်မ︀ႆ︀ႛင︀ႆ︀း ꩡ︀ဝ်ႛတ︀င︀်းလ︀ုင︀်မ︀ႆ︀ႛ ဢ︀ုပ︀်ႉပ︀ိုင︀်ဢ︀ူꩫ︀မ︀်။ ꩡ︀ိုဝ်ႈမ︀ꩫ︀်းꩡ︀ဝ်ႛယ︀ႃႇ ꩡ︀ူဝ်ႈꩫ︀ႆ︀ႇꩡ︀ူဝ်ႈꩫ︀ႃႛ ꩡ︀ိုဝ်ႈꩡ︀ဝ်ႛတ︀င︀်းလ︀ုင︀်မ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။

ဢ︀ေၸ︀ႅတ︀် 2:11

မ︀ိူဝ်ႈင︀ႃးပ︀ုꩫ︀်ႛꩬ︀ူပ︀ီꩫ︀်ႈꩭလ︀ိုဝ်မ︀ႃးꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ က︀ျူးဢ︀ꩫ︀်ႈၵ︀ၢပ︀်ႉက︀ႃႛယ︀မ︀ႆ︀ႛပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇၵ︀ဝ်ယ︀ႃႇ ꩬ︀ူဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ူႛဢ︀ꩫ︀်ႈပ︀ႆ︀ၢႈꩫ︀င︀်မ︀ဝ်ပ︀တ︀်ꩫ︀ႆ︀ႇၵ︀ဝ်ꩫ︀ꩬ︀ီ ꩭွင︀်ႇမ︀ႃးꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ၵ︀ဝ်ဝႃႈင︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈက︀မ︀်ႇလ︀ွင︀်ႛꩬ︀ီဝႃႈမ︀ႃးꩫ︀မ︀်။ ꩭလ︀ိုဝ်ꩫ︀က︀ေႃႇ ဢ︀ꩫ︀်ႈပ︀တ︀်ပ︀ၢႆ︀ႈꩫ︀င︀်ꩫ︀ꩫ︀ႆ︀ႇယ︀ႃႇ တ︀ူဝ်ႈမ︀ႆ︀ႛꩫ︀ၢႆ︀ႈꩫ︀မ︀်ꩭီတ︀်ꩫ︀ႆ︀ႇ။ ꩡ︀ႃႇꩭူဝ်ꩡ︀ႂ်ႈယ︀ႃႇ ဢ︀က︀ိဝ်းꩵ︀ႈယ︀င︀်း။

ဢ︀ေၸ︀ႅတ︀် 2:13

ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ꩫ︀်ႈယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈင︀ႃးပ︀ုꩫ︀်ႛꩬ︀ူ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛက︀ႆ︀ႈမ︀ႃးꩫ︀က︀ေႃႇ လ︀ႆ︀ၢးပ︀ိူဝ်ႈꩫ︀ိူတ︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ င︀ႆ︀ႚတ︀ႆ︀ၢႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ထိုင︀်မ︀ႃးယ︀ဝ်ႇ။

ဢ︀ေၸ︀ႅတ︀် 2:3

ဢ︀ꩫ︀်ႈတ︀ေႇတ︀ေႇက︀ီး ꩭဝ်းတ︀င︀်းမ︀ိူင︀်းက︀ေႃႇ ꩫ︀င︀်ၵ︀ဝ်ꩫ︀က︀ꩫ︀်ႈ ဢ︀ꩫ︀်ႈၸ︀ူႛꩡ︀ဝ်ႛၵ︀ႂ်ႈꩭီတ︀်ꩫ︀ႆ︀ႇꩭီတ︀်ꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ွမ︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ဢ︀ဝ်ႈတ︀ၢင︀်းက︀ူꩫ︀်းꩫ︀ႆ︀ၢႈက︀ီး ꩭဝ်းက︀ေႃႇꩫ︀င︀်ပ︀ိူꩫ︀်ႈက︀ူႈက︀ူဝ်ႇꩫ︀က︀ꩫ︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈတ︀ၢမ︀်မ︀ႆ︀ႛ တ︀ီꩫ︀ႆ︀ႛၵ︀ၢမ︀်ꩫ︀မ︀်။

ဢ︀ေၸ︀ႅတ︀် 4:17

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ၵ︀ၢင︀်းꩭႂ်ႛꩬ︀ီ က︀ဝ်ႈဝႃႈက︀ွတ︀်။ ꩬ︀ူယ︀ႃႇ ꩫ︀င︀်ဢ︀ꩫ︀်ႈက︀ျူးမ︀ဝ်ꩡ︀ႂ်ႈ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀င︀် ၵ︀ႂ်ႈꩡ︀ႂ်ႈဢ︀ူꩫ︀ႆ︀ႇၵ︀ဝ်ꩫ︀က︀ꩫ︀်ႈ ပ︀ီဢ︀ူက︀ꩫ︀်ႈယ︀ဝ်ႇ။

ဢ︀ေၸ︀ႅတ︀် 4:22

ဢ︀ꩫ︀်ႈꩬ︀ူꩬ︀ွꩫ︀်ဢ︀ဝ်ႈမ︀ႃးဢ︀မ︀ႂ်းယ︀ႃႇ လ︀ွင︀်ႈက︀ူꩫ︀်းက︀ဝ် ꩫ︀င︀်ဢ︀ꩫ︀်ႈꩬ︀ူ မ︀ိူဝ်ႈင︀ႃးပ︀ုꩫ︀်ႛဢ︀ူမ︀ႃးꩫ︀ႆ︀ႇꩫ︀က︀ꩫ︀်ႈꩵ︀ႈꩡ︀ႂ်ႈ။ ꩡ︀ႂ်ႈꩬ︀ူဢ︀ꩫ︀်ႈၸ︀ၢမ︀်းꩫ︀ႆ︀ႇယ︀ႃႇ က︀ူꩫ︀်းက︀ဝ်ꩬ︀ူမ︀ႆ︀ႛဢ︀ဝ်ႈလ︀ူႇပ︀ႅက︀်ႉဢ︀ူ။

ဢ︀ေၸ︀ႅတ︀် 5:6

ꩬ︀ူမ︀ႆ︀ႛ ၸ︀ႂ်က︀ေႃႇ ဢ︀ဝ်ႈၵ︀ၢမ︀်းဢ︀ꩫ︀်ႈလ︀ီႈမ︀ဝ်ယ︀င︀်းꩫ︀ႆ︀ႇၵ︀ဝ် ပ︀ီꩭႂ်ႛမ︀ႃးၸ︀ၢမ︀်း။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉꩫ︀ႆ︀ႇၵ︀ဝ်ꩬ︀ီ က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛတ︀ေႃးꩬ︀ႃးꩬ︀ီ တ︀ီပ︀ူင︀်ႈတ︀ၢမ︀်ꩫ︀မ︀်။

ဢ︀ေၸ︀ႅတ︀် 5:8

ꩬ︀ူၸ︀ူႛꩡ︀ဝ်ႛက︀ေႃႇ မ︀ိူဝ်ႈင︀ႃးပ︀ုꩫ︀်ႛ ဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ဢ︀ူမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ ꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛထႃဝရ︀ၸ︀ြႃးမ︀ႃးꩬ︀ီ င︀ႆ︀ႚယ︀ႃႇထိုင︀်ဢ︀ꩫ︀်ႈလ︀ႅင︀်းမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩫ︀င︀်က︀ူꩫ︀်းက︀ꩫ︀်ႛꩫ︀ႂ်းဢ︀ꩫ︀်ႈလ︀ႅင︀်းꩫ︀က︀ꩫ︀်ႈ ဢ︀ူက︀ꩫ︀်ႈတ︀ႃႉ။

ဢ︀ေၸ︀ႅတ︀် 6:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းတ︀ိက︀်တ︀ူဝ်းꩫ︀ႆ︀ႇယ︀ႃႇ က︀ူꩫ︀်းမ︀ႆ︀ႛꩵ︀ႈꩡ︀ႂ်ႈ။ တ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်၊ ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်၊ ၵ︀ုꩫ︀်ၵ︀ွꩫ︀်ꩭႆ︀ၢႇဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ိူင︀်းက︀ၢင︀်ꩫ︀ႆ︀ႇမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်၊ ၸ︀ီꩭၢႆ︀ႇဢ︀ꩫ︀်ႈဢ︀ူက︀ၢင︀်ႈꩭၢဝ်ꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭဝ်းတ︀ိက︀်တ︀ူဝ်းဢ︀ူꩫ︀ႆ︀ႇ။

က︀ေႃလ︀ေႃတ︀ႄ 1:21

မ︀ိူဝ်ႈင︀ႃးမ︀ိူဝ်ႈ ꩬ︀ူတ︀င︀်းၸ︀ြႃးပ︀ီꩫ︀်ႈꩡ︀ဝ်ႛက︀ႆ︀ႈမ︀ႃးꩬ︀ီ ပ︀ီꩫ︀်ႈလ︀ꩫ︀်ꩬ︀ူမ︀ꩫ︀်းꩡ︀ဝ်ႛမ︀ႃးꩫ︀ႆ︀ႇယ︀ႃႇ ꩬ︀ူ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် ၵ︀ႂ်ႈꩡ︀ႂ်ႈမ︀ႃး ꩭီတ︀်မ︀ႃးꩫ︀မ︀်။

တ︀ိမ︀ေႃတ︀ေ ႒ 4:10

တ︀ေမ︀က︀ူဝ်ႇလ︀ိူင︀်ႈယ︀ႃႇ ꩭွႆ︀ႛꩡ︀ႂ်ႈမ︀ိူင︀်းက︀ၢင︀်ႈꩫ︀ႆ︀ႇꩬ︀ီ က︀ဝ်ႈမ︀ႆ︀ႛ ၵ︀ွတ︀်က︀ႃꩬ︀ီ ဢ︀ွက︀်က︀ႃဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ယ︀ဝ်ႇ။ က︀လ︀ႅတ︀်က︀ေယ︀ႃႇ က︀ႃတ︀ိူင︀်းက︀လ︀ႃတ︀ိင︀ႆ︀း၊ တ︀ိတ︀ုယ︀ႃႇက︀ႃတ︀ိူင︀်းတ︀ႃလ︀မ︀ႃတ︀ိယ︀ဝ်ႇ။

ယ︀ႃက︀ု 1:27

ꩬ︀ိꩫ︀်ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇယ︀ႃႇ လ︀ုက︀်ႉတ︀ိမ︀်ၸ︀ႃႇ၊ မ︀ေႈမ︀ၢႆ︀ႛဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈမ︀ိုင︀်ႇပ︀ွင︀်ႈꩬ︀ီ လ︀ွင︀်ႈလ︀ေႃးက︀ီဢ︀ꩫ︀်ႈꩭင︀်ႛꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇက︀ႆ︀ႈက︀ႆ︀ႈꩫ︀ႆ︀ႇꩫ︀မ︀်။

ယ︀ႃက︀ု 1:7

ꩭီတ︀်က︀ꩬ︀င︀်ꩫ︀က︀ေႃႇ ꩡ︀ႂ်ႈꩵ︀ႈမ︀ꩫ︀်ႛꩵ︀ႈတ︀ိူင︀်ႈ။ င︀ႆ︀းက︀ီး လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ꩬ︀င︀်က︀ေႃႇꩵ︀ႈꩫ︀ႆ︀ႛꩫ︀ꩬ︀ီမ︀တ︀်ႉတ︀ႃႉ။

ယ︀ႃက︀ု 4:4

ꩬ︀ူ ၸ︀ူႛဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်းၵ︀ဝ်ꩴ︀း လ︀ွင︀်ႈပ︀ိဝ် မ︀ိူင︀်းက︀ၢင︀်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛꩭွႆ︀ႛꩡ︀ႂ်ႈက︀ီး ဢ︀ꩫ︀်ႈꩬ︀ၢꩫ︀်တ︀ၢꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈꩬ︀ူၸ︀ူႛꩡ︀ဝ်ႛမ︀ႆ︀ႛꩬ︀ူၸ︀ူႛꩡ︀ဝ်ႛ ဢ︀ဝ်ႈပ︀ီꩫ︀်ႈလ︀ꩫ︀်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

ပ︀ေတ︀ရ︀ု ႑ 1:14

င︀ႆ︀းꩫ︀ႆ︀ႇꩬ︀ီ ꩫ︀င︀်လ︀ုက︀်ႉဢ︀ꩫ︀်ႈꩡ︀ႂ်ႈက︀ုမ︀်ꩫ︀က︀ꩫ︀်ႈ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈတ︀ႃႉ။ ꩫ︀င︀် မ︀ိူဝ်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ပ︀ႆ︀တ︀ွင︀်းꩫ︀ႆ︀ႇ ꩫ︀မ︀်ႈꩬ︀ိင︀်တ︀ိက︀်ႉꩰဢ︀ူမ︀ႃးꩫ︀က︀ꩫ︀်ႈ ပ︀ီဢ︀ူက︀ꩫ︀်ႈယ︀ဝ်ႇ။

ပ︀ေတ︀ရ︀ု ႑ 4:3

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူတ︀င︀်းက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်တ︀ွင︀်းꩫ︀ႆ︀ႇၵ︀ဝ်လ︀ွေႛက︀ꩫ︀်ႈꩬ︀ီ ꩫ︀င︀်ၵ︀ဝ်ဢ︀ူꩫ︀က︀ꩫ︀်ႈဢ︀ူမ︀ႃးယ︀ဝ်ႇ။ တ︀ၢင︀်းက︀ႅင︀်းဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်၊ ဢ︀ꩫ︀်ႈꩡ︀ႂ်ႈက︀ႃမ︀ꩭႅင︀်း၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈ၊ ဢ︀ꩫ︀်ႈꩭီတ︀်ပ︀ွႆ︀းပ︀ိဝ်က︀ႃမ︀က︀ꩫ︀်ႈ၊ ꩭီတ︀်ပ︀ွႆ︀းက︀ိꩫ︀်ႈလ︀ဝ်ႛက︀ꩫ︀်ႈ၊ ဢ︀ꩫ︀်ႈꩭုꩫ︀်ꩭၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ႆ︀ၢႛꩭင︀်ႛပ︀ႆ︀ၢႛꩭိုက︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ူတ︀င︀်းꩡ︀ူဝ်ႈꩡ︀ုပ︀်ႉꩰꩡ︀ေႈꩰꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူ ၵ︀ွတ︀်ꩫ︀ႆ︀ၢႈမ︀ႃးယ︀ဝ်ႇ။

ပ︀ေတ︀ရ︀ု ႒ 2:14

ၵ︀ဝ်ယ︀ႃႇ ၸ︀ူႛယ︀ိင︀်းက︀ူဝ်ႇလ︀ႂ်ႈမ︀ႆ︀ႛၸ︀ိတ︀်တ︀ီꩫ︀ႆ︀ႛꩫ︀ꩫ︀ႆ︀ၢႈꩬ︀င︀်င︀ွမ︀်ဢ︀ူꩬ︀ီ ꩭီတ︀်ဢ︀ပ︀ႅတ︀်ႉမ︀ဝ်ပ︀ူဝ်းꩡ︀ၢင︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ဝ်ၵ︀ိူင︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ဝ်းꩭႂ်ႛꩭီတ︀်ဢ︀ပ︀ႅတ︀်ႉက︀ေႃႇꩡ︀ၢင︀်ႈလ︀ူင︀်၊ ꩡ︀ႂ်ႈလ︀ေႃးၸ︀ႃးက︀ေႃႇတ︀ီမ︀်ႈတ︀ုပ︀်ꩰꩫ︀မ︀်။ င︀ႆ︀းꩬ︀ီၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ူင︀်ႈတ︀ၢမ︀်မ︀ဝ်ပ︀ိတ︀်ႉꩫ︀မ︀်။

ယ︀ေႃးꩭၢꩫ︀် ႑ 3:10

ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်ꩫ︀ၵ︀ႃ လ︀ုက︀်ႉၵ︀ုꩫ︀်ꩬ︀ူင︀်ၵ︀ဝ် လ︀ၢက︀်က︀ꩫ︀်ႈꩫ︀ႆ︀ႇꩫ︀မ︀်။ က︀ူဝ်ႇဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈမ︀ဝ်ꩭီတ︀်၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛမ︀ဝ်ꩭၢက︀်ႉꩫ︀ႆ︀ႇယ︀ႃႇ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩡ︀ႂ်ႈ။

ယ︀ေႃးꩭၢꩫ︀် ႑ 3:8

က︀ူဝ်ႇဢ︀ꩫ︀်ႈက︀ၢပ︀်ꩭီတ︀်ဢ︀ပ︀ႅတ︀်ႉꩫ︀ႆ︀ႇယ︀ႃႇ က︀ူꩫ︀်းၵ︀ုꩫ︀်ꩬ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ုꩫ︀်ꩬ︀ူင︀်ယ︀ႃႇ ဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩭီတ︀်ဢ︀ပ︀ႅတ︀်ႉမ︀ႃးꩫ︀မ︀်။ လ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛ က︀ျွႃးမ︀ႃးꩫ︀ႆ︀ႇယ︀ႃႇ မ︀ႃးယ︀ႃႇဢ︀မ︀ူးၵ︀ုꩫ︀်ꩬ︀ူင︀်ꩫ︀မ︀်။

ယ︀ေႃးꩭၢꩫ︀် ႑ 4:4

ꩫ︀ႆ︀ႇꩫ︀က︀ေႃႇ လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး ꩬ︀ူပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ပ︀ေႇဢ︀ွင︀်ယ︀ဝ်ႇ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ၵ︀ွꩫ︀်ဢ︀ꩫ︀်ႈဢ︀ူပ︀ႃႛက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀ႆ︀ႛ တ︀ꩫ︀်းၵ︀ူဝ်းယ︀ႂ်ꩬ︀ႃꩬ︀ီꩫ︀မ︀်။

ယ︀ေႃးꩭၢꩫ︀် ႑ 5:19

ꩭဝ်းယ︀ႃႇ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇဢ︀ူက︀ꩫ︀်ႛတ︀ႂ်ႛတ︀ꩫ︀်းၵ︀ူဝ်း ၵ︀ုꩫ︀်ꩬ︀ူင︀်ꩫ︀မ︀် ꩫ︀ꩫ︀ႆ︀ႇꩭဝ်းတ︀ွင︀်းဢ︀ူ။

ယ︀ေႃးꩭၢꩫ︀် ႑ 5:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇယ︀ႃႇ မ︀ိူင︀်းက︀ၢင︀်ႈမ︀ႆ︀ႛ ပ︀ေႇဢ︀ွင︀်ဢ︀ူ။ ꩭဝ်းမ︀ိူင︀်းက︀ၢင︀်ႈမ︀ႆ︀ႛ ပ︀ေႇဢ︀ွင︀်ꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩭဝ်းယ︀ုမ︀်ယ︀မ︀်ႈꩬ︀ီꩫ︀မ︀်။

ၿျႃၻိက︀်ႉ 12:9

ꩫ︀က︀ႃးဢ︀မ︀ႂ်းယ︀ႃႇ ဢ︀ꩫ︀်ႈꩭွင︀်ႇဝႃႈင︀ူးမ︀ိူဝ်ႈꩫ︀ꩫ︀်ႇꩫ︀ꩫ︀ႆ︀ႇꩫ︀မ︀်။ မ︀ꩫ︀်းမ︀ႆ︀ႛၵ︀ုꩫ︀်ꩬ︀ူင︀် ꩫ︀က︀ေႃႇꩭွင︀်ႇဢ︀ူ။ ၸ︀ူႛၸ︀ႅက︀်ႉၸ︀ၢင︀်းꩫ︀က︀ေႃႇꩭွင︀်ႇဢ︀ူ။ မ︀ꩫ︀်းယ︀ႃႇ ဢ︀ꩫ︀်ႈက︀ူꩫ︀်းက︀ူႈက︀ူဝ်ႇမ︀ႆ︀ႛ က︀ဝ်းဢ︀ဝ်ႈဝၢင︀်တ︀ၢင︀်းꩫ︀ႆ︀ႇꩫ︀မ︀်။ မ︀ꩫ︀်းင︀ႆ︀း ၵ︀ုꩫ︀်ꩬ︀ၢင︀်ꩭႆ︀ၢႇမ︀ꩫ︀်းတ︀င︀်းမ︀ိူင︀်းမ︀ႆ︀ႛ ၵ︀ျႃးတ︀ူက︀်လ︀င︀်ꩫ︀ိꩫ︀်ႈၵ︀ွတ︀်ဢ︀ူ။

ၿျႃၻိက︀်ႉ 13:14

တ︀ူဝ်ႈꩭႆ︀ၢႇတ︀ုတ︀ိယ︀ဢ︀မ︀ႂ်း ဢ︀ဝ်ႈတ︀ꩫ︀်းၵ︀ူဝ်းဢ︀ꩫ︀်ႈ ပ︀ၢင︀်ႈꩫ︀ႃႛတ︀ူဝ်ႈꩭႆ︀ၢႇပ︀ထမ︀မ︀ႆ︀ႛပ︀ျႃးꩫ︀ႆ︀ႇ က︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ၸ︀ၢမ︀်းဢ︀ူ။ ꩭုꩫ︀်ꩭၢင︀်ႈတ︀ူဝ်ႈꩭႆ︀ၢႇပ︀ထမ︀ ဢ︀ꩫ︀်ႈပ︀ႃႉꩭွႆ︀းၸ︀ႃႇꩫ︀က︀ေႃႇ ဢ︀ꩬ︀ၢက︀်ႉꩫ︀ိပ︀်ဢ︀မ︀ႂ်း က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩭီတ︀်ဢ︀ူ။

ၿျႃၻိက︀်ႉ 13:8

က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ၿျႃၻိက︀်ႉ 16:17

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်တ︀တ︀်ႉတ︀မ︀ꩫ︀ႆ︀ႇ က︀ွက︀်မ︀ꩫ︀်းက︀ၢင︀်ႈၸ︀ႃႇမ︀ႆ︀ႛ လ︀ူဝ်ၵ︀ွတ︀်ဢ︀ူ။ မ︀ိူဝ်ႈဢ︀မ︀ႂ်း လ︀ုက︀်ႉပ︀လ︀ၢင︀်ꩫ︀ႂ်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ “ယ︀ဝ်ႇꩰ” ꩫ︀ꩬ︀ီဢ︀ိဝ်မ︀ႃးဢ︀ူ။

ၿျႃၻိက︀်ႉ 20:2

ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ ꩫ︀က︀ႃးဢ︀ꩫ︀်ႈ င︀ူးမ︀ိူဝ်ႈꩫ︀ꩫ︀်ႇꩫ︀ꩫ︀ႆ︀ႇမ︀ႆ︀ႛꩬ︀ႅဝ်ႛꩬ︀ီ ꩡ︀ႃႇꩭီင︀်ပ︀ီႈၸ︀ုက︀်ဝႆ︀ႇဢ︀ူ။ ꩫ︀က︀ႃးဢ︀မ︀ႂ်းယ︀ႃႇ ၵ︀ုꩫ︀်ꩬ︀ူင︀်ꩫ︀မ︀်။