ဢ︀ေၸ︀ႅတ︀် 1:1 - Khamti Shan

¹ ꩬ︀ူꩡ︀ဝ်ႛက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ူဝီင︀်းဢ︀ေၸ︀ႅတ︀် ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩬ︀ီဢ︀ူꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈပ︀ေႃလ︀ု တ︀မ︀ၢꩫ︀်ꩡ︀ဝ်ႛꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

ဢ︀ေၸ︀ႅတ︀် 1:1 Iomraidhean Croise

လ︀ုက︀ႃ 16:10

ꩬ︀ူ လ︀ွင︀်ႈဢ︀ꩫ︀်ႈဢ︀ွꩫ︀်မ︀ႆ︀ႛ ꩬ︀ႅတ︀်ႉꩡ︀ႃယ︀င︀်းက︀ီး လ︀ွင︀်ႈယ︀ႂ်မ︀ႆ︀ႛက︀ေႃႇ ꩬ︀ႅတ︀်ႉꩡ︀ႃယ︀င︀်းဢ︀ူ။ လ︀ွင︀်ႈဢ︀ွꩫ︀်မ︀ႆ︀ႛ မ︀ဝ်ꩬ︀ိုဝ်ႈတ︀ူဝ်က︀ီး လ︀ွင︀်ႈဢ︀ꩫ︀်ႈယ︀ႂ်မ︀ႆ︀ႛက︀ေႃႇ ꩵ︀ႈꩬ︀ိုဝ်ႈတ︀ူဝ်။

ထဝ်ꩡ︀တ︀်ႉၵ︀ဝ် 16:15

င︀ႆ︀းꩬ︀ီ မ︀ꩫ︀်းင︀ႆ︀းက︀ူꩫ︀်းꩭိူꩫ︀်းမ︀ꩫ︀်းတ︀င︀်းꩭိူꩫ︀်း ꩭူမ︀်ႈꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇဢ︀ူ။ ယ︀ဝ်ႇက︀ီးမ︀ꩫ︀်းယ︀ႃႇ “ꩬ︀င︀်ဝႃႈꩬ︀ူꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ မ︀တ︀်ႉၸ︀ူႛယ︀ုမ︀်ယ︀မ︀်ႈတ︀ေႇတ︀ေႇꩫ︀မ︀်ꩫ︀က︀ီး ꩭိူꩫ︀်းတ︀ူႈၵ︀ႃႛမ︀ႆ︀ႛ မ︀ႃးꩬ︀ဝ်းတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီ တ︀ူႈမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်းပ︀ၢင︀်းဢ︀ူ။

ထဝ်ꩡ︀တ︀်ႉၵ︀ဝ် 18:19

ဝီင︀်းဢ︀ေၸ︀ႅတ︀်မ︀ႆ︀ႛထိုင︀်က︀ီး ပ︀ေႃလ︀ုယ︀ႃႇ ပ︀ီတ︀်က︀ိလ︀ꩫ︀ၵ︀ႃဢ︀ႃက︀ုလ︀မ︀ႆ︀ႛ ဝီင︀်းမ︀ႆ︀ႛꩭႂ်ႛဢ︀ူင︀ႆ︀း မ︀ꩫ︀်းၸ︀ူႛꩡ︀ဝ်ႛယ︀ႃႇ ꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛၵ︀ဝ်ႛꩬ︀ီ တ︀င︀်းက︀ျူးꩫ︀ႆ︀ႇၵ︀ဝ် မ︀ူꩫ︀်ႈတ︀ြႃးက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 18:21

“ၸ︀ြႃးပ︀ီꩫ︀်ႈꩡ︀ဝ်ႛဢ︀လ︀ၢင︀်းယ︀င︀်းက︀ီး က︀ဝ်ႈပ︀ွက︀်ႉမ︀ႃးက︀ွတ︀်” ꩫ︀ယ︀ဝ်ႇက︀ီး လ︀ုက︀်ႉဝီင︀်းဢ︀ေၸ︀ႅတ︀်မ︀ႆ︀ႛ ၵ︀ီꩬ︀ၢင︀်ႈၸ︀ူဝ်းက︀ႃဢ︀ူ။

ထဝ်ꩡ︀တ︀်ႉၵ︀ဝ် 9:13

ꩫ︀ႆ︀ႇမ︀ႆ︀ႛ ဢ︀ႃꩫ︀ꩫ︀ိယ︀ႃႇ “ꩡ︀ဝ်ႛꩴ︀း လ︀ွင︀်ႈမ︀ꩫ︀်းတ︀မ︀ိူင︀်း၊ လ︀ွင︀်ႈဢ︀ꩫ︀်ႈက︀ူꩫ︀်းၵ︀ိင︀်းတ︀ူဝ်ꩡ︀ဝ်ႛ ဢ︀ꩫ︀်ႈဢ︀ူဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းၵ︀ႂ်ႈလ︀ႂ်ႈဢ︀ဝ်ႈယ︀ပ︀်ယ︀ၢက︀်ႉမ︀ႃးꩫ︀ꩫ︀ႆ︀ႇတ︀မ︀ိူင︀်း က︀ဝ်ႈၵ︀ႃႛမ︀ႆ︀ႛ ပ︀ိူꩫ︀်ႈဢ︀ၢꩫ︀်တ︀ၢꩫ︀်ၵ︀ႆ︀ႈꩭႂ်ႛတ︀ီၵ︀ႃႛမ︀ႃးယ︀ဝ်ႇ။

ရ︀ေႃမ︀ 1:1

ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈပ︀ေႃလ︀ု ၸ︀ူႛꩡ︀ႂ်ႇꩡ︀ဝ်ႛယ︀ေꩬ︀ုၵ︀ရ︀ီတ︀်၊ တ︀မ︀ၢꩫ︀်ꩡ︀ဝ်ႛ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ ꩭၢင︀်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛꩫ︀ႆ︀ႇ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

ရ︀ေႃမ︀ 1:7

င︀ႆ︀းꩫ︀ႆ︀ႇꩬ︀ီ ꩬ︀ူꩡ︀ဝ်ႛက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭၢက︀်ႉꩬ︀ီ ꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ က︀ဝ်ႈလ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈ က︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ႃတ︀ႃႉ။

ရ︀ေႃမ︀ 8:1

င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ၢမ︀်ဢ︀ပ︀ႅတ︀်ႉꩵ︀ႈပ︀ူင︀်ႈယ︀ဝ်ႇ။

က︀ေႃရ︀ိꩫ︀်တ︀ု ႑ 4:12

ဢ︀ဝ်ႈမ︀ိုဝ်းတ︀ူႈၸ︀ူႛꩡ︀ဝ်ႛ ၵ︀ိူက︀်ႉꩰယ︀ၢက︀်ႉꩰꩭီတ︀်က︀ိꩫ︀်ႈꩬ︀ီဢ︀ူꩫ︀မ︀်။ တ︀ူႈမ︀ႆ︀ႛပ︀ိူꩫ︀်ႈက︀ေးလ︀ေးက︀ီး တ︀ူႈဢ︀က︀ိဝ်းပ︀ူင︀်ႈꩭႂ်ႛဢ︀ူ။ တ︀ူႈမ︀ႆ︀ႛꩫ︀ိက︀်ႉꩬ︀ၢက︀်ႉက︀ီး တ︀ူႈက︀ꩫ︀်ႛဢ︀ူ။

က︀ေႃရ︀ိꩫ︀်တ︀ု ႑ 4:17

င︀ႆ︀းꩬ︀ီꩫ︀မ︀် တ︀ိမ︀ေႃတ︀ေမ︀ႆ︀ႛ က︀ဝ်ႈꩬ︀ူမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်း ဢ︀ꩫ︀်ႈက︀ဝ်ႈꩫ︀င︀်လ︀ုက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩭၢက︀်ႉꩫ︀ႆ︀ႇꩫ︀မ︀်။ မ︀ꩫ︀်းထိုင︀်မ︀ႃးက︀ီး ꩬ︀ူမ︀ႆ︀ႛတ︀ၢင︀်းက︀ႅင︀်း ဢ︀ꩫ︀်ႈက︀ဝ်ႈၸ︀ူႛꩡ︀ဝ်ႛက︀ေႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩬ︀ီ က︀မ︀်ႈက︀ႅင︀်းꩬ︀ီဢ︀ူင︀ႆ︀း ဢ︀ꩫ︀်ႈက︀ဝ်ႈꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛꩬ︀ီဢ︀ူꩫ︀ႆ︀ႇၵ︀ဝ် ꩭႂ်ႛပ︀ူဝ်းꩬ︀ူမ︀တ︀်ႉꩫ︀ႆ︀ႇ တ︀ီၵ︀ႆ︀ႈပ︀ျႃးꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႒ 1:1

ꩬ︀ူꩡ︀ဝ်ႛ က︀ူꩫ︀်းꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛဝီင︀်းက︀ေႃရ︀ိꩫ︀်တ︀ုၵ︀ဝ် တ︀င︀်းက︀ူပ︀် က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ိူင︀်းဢ︀ႃၵ︀ႃယ︀မ︀ႆ︀ႛ ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈပ︀ေႃလ︀ု ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ꩫ︀ွင︀်ႇꩭဝ်းတ︀ိမ︀ေႃတ︀ေ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

က︀လ︀ႃတ︀ိ 1:1

က︀ဝ်ႈပ︀ေႃလ︀ု ၸ︀ူႛပ︀ီꩫ︀်ႈဢ︀ꩫ︀်ႈက︀ူꩫ︀်းလ︀ိူက︀်ႉတ︀ၢင︀်ပ︀ွႆ︀ꩡ︀ႂ်ႇမ︀ဝ်ꩡ︀ႂ်ႈ၊ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩭွင︀်ႇꩬ︀ီ ပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀ႆ︀ႇ ꩬ︀ူꩡ︀ဝ်ႛꩡ︀ိူဝ်းတ︀ိူင︀်းက︀လ︀ႃတ︀ိꩫ︀ႆ︀ႇၵ︀ဝ်မ︀ႆ︀ႛ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

က︀လ︀ႃတ︀ိ 3:26

ꩭလ︀ိုဝ်ꩫ︀ႆ︀ꩫ︀က︀ီး ꩬ︀ူ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ဢ︀ူက︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛင︀ႆ︀းꩬ︀ူတ︀င︀်းလ︀ုင︀် ပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ꩫ︀်ႈယ︀ဝ်ႇ။

က︀လ︀ႃတ︀ိ 3:28

င︀ႆ︀းꩫ︀ႆ︀ႇꩬ︀ီ ၸ︀ꩫ︀်းက︀ျူး၊ ၸ︀ꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈ၊ ၵ︀ႃႛ၊ က︀ူꩫ︀်းလ︀ွတ︀်ႉ၊ ၸ︀ူႛယ︀ိင︀်း၊ ၸ︀ူႛꩡ︀ႆ︀ၢးꩫ︀ꩬ︀ီ ဢ︀ꩫ︀်ႈက︀ၢက︀်ႉက︀ꩫ︀်ႈꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူတ︀င︀်းမ︀ိူင︀်း က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ီꩫ︀်ႈက︀ူဝ်ႇလ︀ိဝ်ႈယ︀ဝ်ႇ။

က︀လ︀ႃတ︀ိ 3:9

င︀ႆ︀းꩫ︀ႆ︀ႇꩬ︀ီ ꩫ︀င︀်ဢ︀ႃပ︀ြႃꩭၢမ︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ဢ︀က︀ိဝ်းꩫ︀ႆ︀ႛမ︀ႃးꩫ︀က︀ꩫ︀်ႈ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀က︀ိဝ်းꩫ︀ႆ︀ႛက︀ꩫ︀်ႈဢ︀ူ။

ဢ︀ေၸ︀ႅတ︀် 1:15

င︀ႆ︀းꩫ︀ႆ︀ႇꩬ︀ီ ꩬ︀ူꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛတ︀င︀်းမ︀ိူင︀်းမ︀ႆ︀ႛ ꩭၢက︀်ႉꩭွမ︀်ꩫ︀ႆ︀ႇမ︀ႆ︀ႛ လ︀ုက︀်ႉက︀ႃႈ က︀ဝ်ႈꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ဝ်ႈယ︀ူဝ်းယ︀ွင︀်ႛဢ︀ူမ︀ဝ်ꩬ︀ဝ်းင︀ႆ︀းꩬ︀ီ ꩡ︀ႃႇꩬ︀ူက︀ေႃႇ ယ︀ွꩫ︀်းꩬ︀ူးဢ︀ူꩫ︀မ︀်။

ဢ︀ေၸ︀ႅတ︀် 2:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ဝ်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်င︀ႆ︀းꩬ︀ီ လ︀ွင︀်ႈꩫ︀ီႈဢ︀ꩫ︀်ႈမ︀ꩫ︀်းꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းꩭီတ︀်မ︀ႃးꩫ︀ႆ︀ႇ ꩭဝ်းမ︀ႆ︀ႛၸ︀ၢꩫ︀်ꩬ︀ၢင︀်းမ︀ႂ်ꩰမ︀ႃးယ︀ဝ်ႇ။ လ︀ွင︀်ႈꩫ︀ီႈꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩡ︀ႃႇꩭဝ်းꩭၢင︀်ႛꩭႅမ︀်းထုက︀်ꩰမ︀ႃးꩫ︀မ︀်။

ဢ︀ေၸ︀ႅတ︀် 2:13

ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ꩫ︀်ႈယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈင︀ႃးပ︀ုꩫ︀်ႛꩬ︀ူ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛက︀ႆ︀ႈမ︀ႃးꩫ︀က︀ေႃႇ လ︀ႆ︀ၢးပ︀ိူဝ်ႈꩫ︀ိူတ︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ င︀ႆ︀ႚတ︀ႆ︀ၢႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ထိုင︀်မ︀ႃးယ︀ဝ်ႇ။

ဢ︀ေၸ︀ႅတ︀် 2:6

ꩭဝ်းဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩬ︀ီ ၵ︀ူင︀်းက︀ၢင︀်ႈꩭၢဝ်မ︀ႆ︀ႛ ꩭႂ်ႛဢ︀ုပ︀်ႉပ︀ိုင︀်ယ︀ဝ်ႇ။

ဢ︀ေၸ︀ႅတ︀် 6:21

လ︀ွင︀်ႈက︀ဝ်ႈတ︀င︀်းမ︀ိူင︀်း ꩭႂ်ႛပ︀ူဝ်းꩬ︀ူတ︀ွင︀်းꩫ︀ႆ︀ႇ တ︀ုၵ︀ိက︀်တ︀ီမ︀ႃးၵ︀ႆ︀ႈꩭႂ်ႛꩫ︀မ︀်။ မ︀ꩫ︀်းယ︀ႃႇꩫ︀ွင︀်ႇꩭၢက︀်ႉꩭဝ်း ဢ︀ꩫ︀်ႈဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းလ︀ူင︀်က︀ူဝ်ႇလ︀ိူင︀်ႈꩫ︀မ︀်။

က︀ေႃလ︀ေႃတ︀ႄ 1:2

ပ︀ီႈꩫ︀ွင︀်ႇဝီင︀်းက︀ေႃလ︀ေႃတ︀ႄ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇၵ︀ဝ်ꩴ︀း ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်း ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈ က︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

ၿျႃၻိက︀်ႉ 17:14

ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ် ပ︀ူႇဢ︀ွꩫ︀်မ︀ႆ︀ႛ တ︀ီတ︀ိက︀်ꩬ︀ိူက︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ပ︀ူႇဢ︀ွꩫ︀်ယ︀ႃႇ ပ︀ီꩫ︀်ႈꩡ︀ဝ်ႛꩫ︀ိူဝ်ꩡ︀ဝ်ႛတ︀င︀်းမ︀ိူင︀်း၊ ꩡ︀ဝ်ႛꩭူဝ်ၵ︀မ︀်းꩫ︀ိူဝ်ꩡ︀ဝ်ႛꩭူဝ်ၵ︀မ︀်းတ︀င︀်းမ︀ိူင︀်းꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီပ︀ေႇꩫ︀မ︀်။ က︀ူꩫ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇ၊ လ︀ိူက︀်ႉဝႆ︀ႇꩬ︀ီ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇၵ︀ဝ်က︀ေႃႇ တ︀င︀်းမ︀ꩫ︀်းꩡ︀ဝ်ႛ တ︀ီꩭူမ︀်ႈပ︀ေႇဢ︀ွင︀်ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 2:10

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။

ၿျႃၻိက︀်ႉ 2:13

တ︀ီႈဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်မ︀ႆ︀ႛ မ︀ႂ်းꩭလ︀ိုဝ်ဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ ꩭလ︀ိုဝ်ꩫ︀က︀ေႃႇ မ︀ႂ်းယ︀ႃႇ က︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းဢ︀ူ။ ဢ︀ꩫ︀်တ︀ိပ︀ ဢ︀ꩫ︀်ႈက︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းꩬ︀ီ ꩭီတ︀်ꩬ︀ၢက︀်ႉꩬ︀ေက︀ဝ်ႈꩫ︀ႆ︀ႇ တ︀ီႈဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်ဢ︀မ︀ႂ်းမ︀ႆ︀ႛ ꩫ︀ႆ︀ႛၵ︀ၢမ︀်တ︀ႆ︀ၢႈမ︀ႃးယ︀ဝ်ႇ။ မ︀ိူဝ်ႈဢ︀မ︀ႂ်းꩫ︀ႆ︀ၢႈက︀ေႃႇ မ︀ႂ်း က︀ဝ်ႈမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰဢ︀ူ။