တ︀ိမ︀ေႃတ︀ေ ႒ 4:7 - Khamti Shan

⁷ ဢ︀ꩫ︀်ႈက︀ဝ်ႈဝႃႈတ︀ိက︀်တ︀ူဝ်းမ︀ႆ︀ႛ က︀ဝ်ႈတ︀ိက︀်တ︀ူဝ်းꩫ︀ီႈꩫ︀ီႈ မ︀ႃးယ︀ဝ်ႇ။ ꩡ︀ူဝ်ႈတ︀ၢင︀်းဢ︀ꩫ︀်ႈက︀ဝ်ႈဝႃႈလ︀ႅꩫ︀်ႈမ︀ႆ︀ႛ ဢ︀ဝ်ႈꩬ︀ုတ︀်တ︀ိက︀် လ︀ႅꩫ︀်ႈမ︀ႃးꩬ︀ီ ဢ︀ဝ်ႈထိုင︀်ပ︀ႆ︀ၢႈꩭၢင︀်လ︀ေႚလ︀ေႚ ꩬ︀ႅတ︀်ႉꩡ︀ႃယ︀င︀်းမ︀ႃးယ︀ဝ်ႇ။

တ︀ိမ︀ေႃတ︀ေ ႒ 4:7 Iomraidhean Croise

လ︀ုက︀ႃ 11:28

ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ “က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီထွမ︀်ꩡ︀ွမ︀်းꩫ︀ႆ︀ႇꩫ︀မ︀် မ︀ၢင︀်က︀လ︀ႃယ︀င︀်းတ︀ေႇတ︀ေႇꩫ︀ႆ︀ႇ” ꩫ︀ဝꩫ︀်ႇ။

လ︀ုက︀ႃ 8:15

ꩫ︀ိꩫ︀်ႈဢ︀ꩫ︀်ႈꩫ︀ီႈမ︀ႆ︀ႛ ꩭွေၸ︀ꩫ︀်းတ︀ူက︀်ꩫ︀ꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩥ︀ိꩫ︀်းက︀ီး မ︀တ︀်ႉꩫ︀ီႈꩫ︀ီႈင︀ႆ︀း တ︀ူဝ်ထိုင︀်မ︀က︀်ပ︀ီꩫ︀်ႈꩫ︀ီႈꩫ︀ီႈမ︀ႃးꩫ︀ႆ︀ႇ ꩭူဝ်ꩡ︀ႂ်ႈꩬ︀ိုဝ်ႈꩰတ︀ူဝ်ꩰထွမ︀်ꩡ︀ွမ︀်းꩫ︀ီႈꩫ︀ီႈ မ︀ႃးꩫ︀ႆ︀ႇၵ︀ဝ်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 17:6

က︀ူꩫ︀်းဢ︀ꩫ︀်ႈလ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛ မ︀ႂ်းꩡ︀ဝ်ႛလ︀ိူက︀်ႉꩬ︀ီ က︀ဝ်ႈၵ︀ႃႛမ︀ႆ︀ႛဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩡ︀ဝ်ႛ ၵ︀ႆ︀ႈꩭႂ်ႛတ︀ီၵ︀ႃႛယ︀ဝ်ႇ။ ၵ︀ဝ်ယ︀ႃႇပ︀ီꩫ︀်ႈက︀ူꩫ︀်းမ︀ႂ်းꩡ︀ဝ်ႛꩬ︀ီ က︀ဝ်ႈၵ︀ႃႛမ︀ႆ︀ႛ ဢ︀ၢပ︀်ႉꩭႂ်ႛတ︀ီၵ︀ႃႛမ︀ႃးယ︀ဝ်ႇ။ ၵ︀ဝ်က︀ေႃႇ ၵ︀ၢမ︀်းꩡ︀ဝ်ႛ ထွမ︀်ꩡ︀ွမ︀်းက︀ꩫ︀်ႈတ︀ီၵ︀ႃႛဢ︀ူ။

ယ︀ေႃးꩭၢꩫ︀် 4:34

င︀ႆ︀းက︀ီး ꩡ︀ဝ်ႛယ︀ေꩬ︀ုယ︀ႃႇ “ဢ︀ꩫ︀်ႈက︀ိꩫ︀်ႈက︀ဝ်ႈယ︀ႃႇ ဢ︀လ︀ၢင︀်းꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀ႆ︀ႇ ꩭီတ︀်ꩡ︀ွမ︀်းꩬ︀ီ ဢ︀မ︀ူးဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႂ်ႇꩫ︀ႆ︀ႇမ︀ႆ︀ႛ ဢ︀ဝ်ႈယ︀ဝ်ႇꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 13:25

မ︀ိူဝ်ႈꩬ︀ြႃယ︀ေႃးꩭၢꩫ︀်ꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ဝ်ႇꩫ︀ႆ︀ႇ မ︀ꩫ︀်းယ︀ႃႇက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ “ꩬ︀ူက︀ဝ်ႈမ︀ႆ︀ႛၵ︀ꩫ︀်တ︀ႂ်းၸ︀ႂ်ꩫ︀ႆ︀၊ ၵ︀ꩫ︀်တ︀ႂ်းꩡ︀ဝ်ႛမ︀ေꩬ︀ိယ︀ဢ︀ꩫ︀်ႈꩬ︀ူတ︀ႂ်းꩫ︀ႆ︀ႇက︀ျႃး။ ꩵ︀ႈꩡ︀ႂ်ႈ၊ မ︀ꩫ︀်းꩡ︀ဝ်ႛယ︀ႃႇက︀ꩫ︀်ႛလ︀င︀်က︀ဝ်ႈမ︀ႆ︀ႛꩫ︀မ︀်တ︀ီမ︀ႃးꩫ︀ႆ︀ႇ၊ က︀ဝ်ႈယ︀ႃႇက︀ူမ︀်ႛꩬ︀ီ ꩬ︀ႆ︀ၢၵ︀ႅပ︀်တ︀ိꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ီက︀ေႛလ︀ွꩫ︀်ႛꩭႂ်ႛꩫ︀ႆ︀ၢႈက︀ေႃႇꩵ︀ႈထႅက︀်ႉ။

ထဝ်ꩡ︀တ︀်ႉၵ︀ဝ် 20:24

ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉက︀ဝ်ႈမ︀ႆ︀ႛ က︀ဝ်ႈꩵ︀ႈꩬ︀ီꩫ︀ၢႆ︀ႈ။ တ︀ီႈဢ︀ꩫ︀်ႈက︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုꩡ︀ႂ်ႇမ︀ႆ︀ႛက︀ႃꩬ︀ီ ꩭႂ်ႛပ︀ူဝ်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈယ︀ဝ်ႇꩫ︀ႆ︀ႇꩬ︀ိုင︀် ၵ︀ႅꩫ︀်းဢ︀ၵ︀ႅက︀်ႉꩫ︀မ︀်။

ၸ︀ိလ︀ိပ︀်ပ︀ၢႆ︀ 1:30

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈက︀ဝ်ႈ ꩡ︀ႃႇၵ︀ၢဝ်ႈၵ︀ၢမ︀်းꩫ︀ီႈတ︀ိက︀်တ︀ူဝ်းꩫ︀ႆ︀ႇမ︀ႆ︀ႛ ꩫ︀င︀်ꩬ︀ူ ꩭꩫ︀်မ︀ႃးꩫ︀က︀ꩫ︀်ႈ က︀ဝ်ႈင︀ႆ︀ႚက︀ေႃႇ တ︀ိက︀်တ︀ူဝ်းဢ︀ူꩫ︀မ︀်။ ꩬ︀ူက︀ေႃႇ တ︀င︀်းက︀ဝ်ႈတ︀ိက︀်တ︀ူဝ်းꩬ︀ီဢ︀ူꩫ︀မ︀်။

တ︀ိမ︀ေႃတ︀ေ ႑ 1:18

လ︀ုက︀်ႉက︀ဝ်ႈတ︀ိမ︀ေႃတ︀ေꩴ︀း ၵ︀ၢမ︀်းဢ︀ꩫ︀်ႈမ︀ိူဝ်ႈင︀ႃႈက︀ꩫ︀်ႛꩫ︀ႃႛမ︀ႆ︀ႛ ပ︀ရ︀ေႃးၸ︀ႅတ︀်ႉၵ︀ဝ် မ︀ႂ်းမ︀ႆ︀ႛꩡ︀ိုဝ်ꩬ︀ီꩭူဝ်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰꩬ︀ီ ꩬ︀ြႃဢ︀ꩫ︀်ႈꩬ︀ွꩫ︀်ၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛꩡ︀တ︀်တ︀ႃႉ၊ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀မ︀်မ︀ႃတ︀ြႃး ꩬ︀ွꩫ︀်ꩭႂ်ႛထက︀်ꩰတ︀ႃႉ။

တ︀ိမ︀ေႃတ︀ေ ႑ 6:12

ဢ︀ꩬ︀ၢက︀်ႉထႃဝရ︀ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛမ︀ႆ︀ႛပ︀ꩫ︀်ႛၵ︀ိူင︀်ꩰꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ꩭႂ်ႛပ︀ူဝ်းꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ေႈꩡ︀ႃႉတ︀ႃႉ။ မ︀ိူဝ်ႈမ︀ႂ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈဢ︀ူꩫ︀ꩬ︀ီ ပ︀ၢင︀်ႈꩫ︀ႃႛက︀ူꩫ︀်းဢ︀ၢꩫ︀်တ︀ၢꩫ︀်မ︀ႆ︀ႛဝႃႈမ︀ႃးꩫ︀ႆ︀ႇ မ︀ႂ်းမ︀ႆ︀ႛမ︀ꩫ︀်းꩡ︀ဝ်ႛ ဢ︀ꩬ︀ၢက︀်ႉဢ︀မ︀ႂ်း ꩭႂ်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႑ 6:20

တ︀ိမ︀ေႃတ︀ေꩴ︀း ဢ︀မ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ မ︀ႂ်းမ︀ႆ︀ႛပ︀ူင︀်ႈဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ် ꩬ︀ေႈꩡ︀ႃႉꩬ︀ီꩭီတ︀်တ︀ႃႉ။ ၵ︀ၢမ︀်းဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ်၊ ပ︀ိင︀်ꩥ︀ႃဢ︀ꩫ︀်ႈꩬ︀ြႃမ︀ိက︀်ႉꩬ︀ႃၵ︀ဝ် ꩭီတ︀်ဢ︀ၵ︀ႅက︀်ႉꩬ︀ီ မ︀ႂ်းမ︀ႆ︀ႛမ︀ႃးထီင︀်က︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇတ︀ႃႉ။

တ︀ိမ︀ေႃတ︀ေ ႒ 1:14

ꩬ︀မ︀်မ︀ႃတ︀ြႃး ဢ︀ꩫ︀်ႈမ︀ႂ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ꩫ︀်ႛꩫ︀ႂ်းꩭဝ်းမ︀ႆ︀ႛ ၵ︀ိင︀်းꩬ︀ီဢ︀ူꩫ︀ႆ︀ႇ က︀ုမ︀်ႇတ︀ႃႉ။

တ︀ိမ︀ေႃတ︀ေ ႒ 3:10

ꩫ︀ႆ︀ႇꩫ︀က︀ေႃႇ မ︀ႂ်းယ︀ႃႇဢ︀ꩫ︀်ႈက︀ဝ်ႈꩬ︀င︀်ꩬ︀ွꩫ︀်၊ ဢ︀ꩫ︀်ႈက︀ဝ်ႈꩭီတ︀်၊ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀ဝ်ႈꩫ︀တ︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ွမ︀်းမ︀ႃးယ︀ဝ်ႇ။ ဢ︀ꩫ︀်ႈက︀ဝ်ႈယ︀ုမ︀်ယ︀မ︀်ႈ၊ ဢ︀ꩫ︀်ႈက︀ဝ်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈက︀ဝ်ႈပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်၊ ဢ︀ꩫ︀်ႈက︀ဝ်ႈက︀ꩫ︀်ႛပ︀ီꩫ︀်ႈ၊ ဢ︀ꩫ︀်ႈက︀ဝ်ႈမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉမ︀ႃး၊ ဢ︀ꩫ︀်ႈက︀ဝ်ႈꩡ︀မ︀်ႈꩡ︀ႂ်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ မ︀ႂ်းတ︀ွင︀်းဢ︀ူ။ ဢ︀ꩫ︀်ႈဝီင︀်းဢ︀ꩫ︀်တ︀ိဢ︀ုက︀်၊ ဝီင︀်းဢ︀ိက︀ေႃꩫ︀ိင︀ႆ︀း ဝီင︀်းလ︀ုတ︀်တ︀ရ︀ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈမ︀ႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀ိက︀်ႉꩬ︀ၢက︀်ႉမ︀ႃးꩫ︀ꩫ︀ႆ︀ႇၵ︀ဝ်က︀ေႃႇ မ︀ႂ်းတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛ လ︀ုက︀်ႉၸ︀ေးꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႃးယ︀ဝ်ႇ။

ၿျႃၻိက︀်ႉ 3:10

မ︀ႂ်းယ︀ႃႇ ၵ︀ၢမ︀်းက︀ဝ်ႈမ︀ႆ︀ႛထွမ︀်ꩬ︀ီ က︀ꩫ︀်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈက︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ၸ︀ေးတ︀ၢမ︀်ပ︀ူင︀်ႈꩬ︀ီꩡ︀ႅပ︀်ႉꩫ︀ႆ︀ႇ မ︀ႂ်းမ︀ႆ︀ႛယ︀ႃႇလ︀ုက︀်ႉၸ︀ေးမ︀ႆ︀ႛ က︀ဝ်ႈတ︀ီက︀ုမ︀်ႇꩭႂ်ႛꩫ︀မ︀်။

ၿျႃၻိက︀်ႉ 3:8

တ︀ၢင︀်းပ︀တ︀ူႈဢ︀ꩫ︀်ႈၸ︀ႂ်က︀ေႃႇ ꩭၢပ︀်မ︀ဝ်ꩫ︀ႆ︀ႛꩫ︀ႆ︀ႇ က︀ဝ်ႈက︀ꩫ︀်ႛꩫ︀ႃႛမ︀ႂ်းမ︀ႆ︀ႛပ︀ုတ︀်ဝႆ︀ႇဢ︀ူ။ ဢ︀ꩫ︀်ႈမ︀ႂ်းꩭီတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ဝ်ႈတ︀ွင︀်းဢ︀ူ။ မ︀ႂ်းမ︀ႆ︀ႛꩭႅင︀်းꩡ︀ွꩫ︀်လ︀ိူင︀်ႈꩫ︀ႆ︀ၢႈယ︀င︀်းꩫ︀က︀ေႃႇ မ︀ႂ်းၵ︀ၢမ︀်းက︀ဝ်ႈထွမ︀်ꩬ︀ီ က︀ဝ်ႈမ︀ႆ︀ႛꩬ︀ႅတ︀်ႉꩡ︀ႃယ︀င︀်းမ︀ႃးယ︀ဝ်ႇ။

ၿျႃၻိက︀်ႉ 6:11

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛ ꩬ︀ိူဝ်ႛထမ︀ူင︀်ႇၸ︀ိူက︀်ဢ︀ေႈဢ︀ꩫ︀်ႈꩰꩭႂ်ႛꩬ︀ီ က︀ိုမ︀်ႇလ︀ိူင︀်ႈꩭႂ်ႛက︀ꩫ︀်ႛဝႆ︀ႇဢ︀ူ။ ၵ︀ဝ်မ︀ႆ︀ႛꩭႂ်ႛက︀ꩫ︀်ႛꩫ︀ႆ︀ႇယ︀ႃႇ ꩫ︀င︀်ၵ︀ဝ်မ︀ႆ︀ႛ လ︀ꩫ︀်ꩬ︀ူꩫ︀ႆ︀ႇၵ︀ဝ် ဢ︀ဝ်ႈတ︀ႆ︀ၢႈမ︀ႃးꩫ︀က︀ꩫ︀်ႈ ꩭူဝ်က︀ူꩫ︀်းၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈဝႃႈတ︀ႆ︀ၢႈꩫ︀ႆ︀ႇၵ︀ဝ် က︀ႃႈမ︀ဝ်ထူꩫ︀်ႛယ︀ႃႇ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛက︀ေႃႇ လ︀ꩫ︀်ꩬ︀ူꩫ︀ႆ︀ႇၵ︀ဝ်တ︀ီဢ︀ဝ်ႈတ︀ႆ︀ၢႈက︀ႃꩬ︀ီꩫ︀မ︀်။